ماڈرن پبلک سکول چک میانہ بھرگڑاں

28/04/2026

عظیم ماہر تعلیم جناب میاں جعفر اعجاز صاحب ڈائریکٹر ماڈرن پبلک سکول چک میانہ بھرگڑاں کو ان کے پیارے بھتیجے اوراستاد محترم جناب میاں کاشف اعجاز صاحب کو پیارے بیٹے کی ولادت پر صمیم قلب سے مبارکباد پیش کرتے ہیں
منجانب
قاری ارشد محمود آف ٹھلہ

09/03/2026

09/03/2026

وزیراعلیٰ پنجاب سے اپیل — موضع ٹھلہ کا تاریخی چھپڑ واگزار کروایا جائے
موضع ٹھلہ و عیسیٰ وال تحصیل کھاریاں ضلع گجرات میں واقع تقریباً 20 کنال 18 مرلہ رقبہ پر مشتمل تاریخی چھپڑ جو بارش کے پانی کی نکاسی کیلئے بنایا گیا تھا، طویل عرصہ سے قبضہ مافیا کے قبضے میں ہے۔
اس عوامی مسئلے کے حل کیلئے عدالت میں کیس نمبر 158298623 دائر کیا گیا جو 17 دسمبر 2022 سے زیر سماعت ہے اور تاحال معاملہ زیر التوا ہے۔
اب جبکہ حکومت پنجاب کی طرف سے پورے صوبے میں چھپڑوں کی صفائی اور بحالی کا اعلان کیا گیا ہے تو ہم وزیراعلیٰ پنجاب سے مؤدبانہ اپیل کرتے ہیں کہ موضع ٹھلہ کے اس تاریخی چھپڑ کو بھی قبضہ مافیا سے واگزار کروایا جائے تاکہ نکاسی آب کا نظام بہتر ہو اور علاقہ ماحولیاتی مسائل سے محفوظ رہ سکے۔
یہ صرف زمین نہیں بلکہ عوام کا حق اور علاقے کی ضرورت ہے۔
منجانب:
قاری ارشد محمود آف ٹھلہ و اہلیان ٹھلہ

28/02/2026

🌙 10 رمضان المبارک — اُمُّ المؤمنین حضرت خدیجہ الکبریٰؓ کا یومِ وصال
🌹 وفا، ایثار اور محبتِ رسول ﷺ کی لازوال داستان
آج 10 رمضان المبارک وہ بابرکت دن ہے جب اسلام کی پہلی ماں، وفا کی پیکر، تاجدارِ رسالت ﷺ کی غمگسار زوجۂ مطہرہ خدیجہ بنت خویلد رضی اللہ تعالیٰ عنہا اس فانی دنیا سے رخصت ہوئیں۔
وہ ہستی جنہوں نے سب سے پہلے نبوت کی تصدیق کی، کڑے سے کڑے وقت میں حضور نبی کریم ﷺ کا ساتھ دیا، اپنا مال، اپنی توانائیاں اور اپنا سب کچھ دینِ اسلام پر قربان کر دیا۔ شعبِ ابی طالب کی سختیاں ہوں یا طائف کے دکھ، ہر لمحہ وہ سرکارِ دو عالم ﷺ کی ڈھارس بن کر کھڑی رہیں۔
رسولِ کریم ﷺ انہیں وفات کے بعد بھی نہ بھولے۔
اکثر ان کا ذکرِ خیر فرماتے، ان کی سہیلیوں تک کو ہدیہ بھیجتے، اور فرماتے:
"وہ ایسی تھیں، وہ ایسی تھیں… اور ان سے میری اولاد ہوئی۔"
اُمّ المؤمنین عائشہ صدیقہ رضی اللہ تعالیٰ عنہا بھی فرماتی ہیں کہ مجھے ازواجِ مطہرات میں سے کسی پر اتنا رشک نہ آتا جتنا حضرت خدیجہؓ پر آتا تھا، حالانکہ میں نے انہیں دیکھا بھی نہ تھا — مگر حضور ﷺ کی زبانِ اقدس سے ان کے فضائل سن کر دل محبت سے بھر جاتا تھا۔
🌹 آئیے آج 10 رمضان المبارک کے دن
ان کے درجات کی بلندی کیلئے دعا کریں
قرآنِ پاک کی تلاوت کرکے ایصالِ ثواب کریں
درودِ پاک کا نذرانہ پیش کریں
صدقہ و خیرات کریں
اللہ تعالیٰ ہمیں سیدہ خدیجہؓ جیسا اخلاص، وفاداری اور دین سے محبت عطا فرمائے، اور ہمیں بھی اپنے محبوب ﷺ کی سچی غلامی نصیب فرمائے۔
🤲 اَللّٰهُمَّ ارْفَعْ دَرَجَاتِهَا فِي الْجَنَّةِ وَاجْمَعْنَا مَعَهَا فِي مَقَامِ الْمُحِبِّينَ۔ آمین
قاری ارشد محمود آف ٹھلہ
#10رمضان
#یومِ_وصال_سیدہ_خدیجہ

ﷺ