M.I Imported Items

08/10/2025

🎉 Welcome, my dear followers!
Thank you so much for joining my page ❤️
Your support means the world to me!
Stay tuned for more exciting and quality content.
With love,
Mateen 💫

18/07/2024

یہ مشہور ڈرامہ نگار خاتون صائمہ اکرم چودھری صاحبہ کی تحریر ہے۔ ان کے ساتھ جو بیتی اس میں انھوں نے سماج کیلئے کیسی خیر رکھ دی، پڑھئے اور اپنی اور اپنوں کی زندگی بدلئے۔
۔۔۔۔۔۔۔۔۔
"وہ PHD کا انٹری ٹیسٹ دینے کراچی آئی تھی اور کچھ وجوہات کی بنا پر اسے دو دن کی بجائے، میرے گھر میں پورا ہفتہ رہنا پڑا اور یہ پورا ہفتہ میری قوت برداشت پر ایک عظیم امتحان تھا، اور میرا ارادہ تھا کہ اسکی والدہ جہاں کہیں مجھے ملیں گی میں اسے اونچی ٹانگ والا سیلوٹ ضرور ماروں گی جو ہمارے فوجی ، واہگہ بارڈ پر پڑوسیوں کے سامنے مارتے ہیں ۔۔
اس لڑکی کے قیام کے دوران میری ہیلپر سوشیلہ نے کوئی چھتیس بار مجھے کہا کہ باجی اگر اس لڑکی کی ماں نے تو اسے کچھ نہیں سیکھایا لیکن تعلیم نے اسے اتنا تو شعور دیا ہوگا کہ وہ کم ازکم اپنی ذاتی صفائی اور اپنے اردگرد کے ماحول کو صاف ستھرا رہنا سیکھ لیتی، اور صفائی تو آپ لوگوں کے مذہب میں نصف ایمان ہے ۔ سوشیلہ کا کہنا بھی ٹھیک تھا۔
ایک ہفتے میں اسکے نئی بیڈ شیٹ انتہائی غلیظ ہو چکی تھی، اسے اپنے بیڈ پر ٹرے رکھ کر کھانا کھانے کی بُری عادت تھی جسکے نتیجے میںنئی بیڈ شیٹ پر کئِ داغ لگ چکے تھے ،ڈریسنگ پر رکھا اسکا ہیر برش بالوں سے بھرا ہوا تھا، سائِڈ ٹیبل پر چائے کے گندے کپ اور گلاس، چاکلیٹ، بسکٹ، اور چپس کے پیکٹ کے ریپر، اسکے میلے کپڑے، بکھرے جوتے دوتین دن تو میری ہیلپر نے پورے روم سے سمیٹے اور پھر میں نے اسے منع کر دیا اور اگلے دو تین دن میں ،میں نے اسکی گندگی کی انتہاء کے ساتھ اسکی ڈھٹائی کی انتہا بھی دیکھ لی ۔جب وہ روم سے نکلتی تو پورا کمرہ پانی پت کا میدان بنا ہوتا۔
وہ فخریہ اندازمیں مجھے بتاتی تھی کہ اسکی ماں نے اسے کبھی ہل کر پانی بھی نہیں پینے دیاکیونکہ اسکی والدہ اس سکول آف تھاٹ سے تعلق رکھتی تھیں ، جنکے مطابق میکے میں بچیوں کو عیاشی کروا دو، پتا نہیں سسرال کیسا ملے۔ انکے سسرال کا تو پتا نہیں لیکن مجھے اندازہ ہو گیا تھا کہ اگلوں کو کیسی بہو ملنے والی ہے اور مجھے سوچ کر ہی ان سے ابھی سے ہمدردی ہونے لگی کیونکہ جب آپکو گندگی محسوس نہ ہو اور پھوہڑ پن آپکے مزاج کا حصہ بن جائے تو پھر کوئی مائی کا لال یا سسرال ،آپ کو تبدیل نہیں کر سکتا اور ایسی کئی مثالیں میرے اردگرد سانس لیتی ، دوسروں کو بیزار کرتی موجود ہیں۔

اسی طرح اسلام آباد میں ایک فیملی فرینڈ کے ہاں جانا ہوا، پورا گھر بکھرا ہوا اور انکی دونوں یونیورسٹی جانے والی بیٹیاں مزے سے اپنے اپنے آئی پیڈ منہ پر چپکائے لیٹی تھیں کہ ماں بیمار تھی اور میڈ ایک ہفتے کی چھٹی پر تھی اور انہیں ڈھنگ سے چائے بھی بنانے نہیں آتی تھی اور انکے والد بڑے فخر سے ہمیں یہ بات بتا رہے تھے کہ انہوں نے بیٹیوں کو بہت لاڈ سے پالا ہے اس لیے
انہیں دو جوان بیٹیوں کی موجودگی میں بھی چاَئے ہوٹل سے منگوا کر پلانی پڑی، اور میں بس انکی بچیوں کی ادائیں ہی دیکھتی رہ گئی ،جنہیں نہ ماں کی بیماری کی ٹینشن تھی اور نہ باپ کے مہمانوں کی، اور جو چائے انہوں نے سرو کی ، وہ ٹرے میں چھلک رہی تھی اور چائے کے ایک کپ کے کنارے بھی ٹوٹے ہوئے تھے ۔

آج فرح بھٹو، کی وال پر لڑکیوں کی تربیت کے حوالے سے پوسٹ دیکھی تو بہت سے کمنٹس پڑھ کر مجھے احساس ہوا کہ اس معاملے میں بیٹیوں کی نہیں بلکہ ماوں کی تربیت کی زیادہ ضرورت ہے، جنہوں نے اولاد کی پڑھائِ کوہوا بنا کر انہیں اپنی ہتھیلی کا چھالہ بنا لیا ہے ، اور ان کو لگتا ہے کہ بچوں کو صرف اچھے گریڈز کی ضرورت ہے ،اور وقت پڑنے پر وہ سب سیکھ جاتے ہیں ، بلاشبہ وہ سیکھ جاتے ہیں لیکن اس کام میں مہارت آنے تک کا جو وقفہ ہوتا ہے وہ ان کے آس پاس رہنے والے لوگوں کے صبر کا امتحان ہوتا ہے ، اور اسی عرصے میں کئی رشتے بنتے اور بگڑ جاتے ہیں ۔
کچھ پیاری بہنوں نے اپنے تلخ تجربات کی روشنی میں کمنٹس کر رکھے تھے کہ جو سگھڑ ہوتی ہیں یا جن کو سارے کام آتے ہیں انہیں کون سا سسرال والے سر پر بیٹھا دیتے ہیں، ان پیاری بہنوں سے صرف اتنی گذارش ہے کہ کچھ کام انسان کو اپنی ذات کے لیے بھی کر لینے چاہیے ، صفائی نصف ایمان ہے اور اپنے اردگرد کا اچھا ماحول اور اچھا کھانا، صرف سسرالیوں کا ہی نہیں آپ کا بھی اتنا ہی حق ہے ۔اس لیے یہ سیلقہ کسی اور کو امپریس کرنے کے لیے نہیں اپنی زندگی کو بہتر بنانے کے لیے سیکھیں اس سے آپ کی اپنی ہی زندگی آسان ہوگی ۔
بہت سال پہلے جب میں کلاس فور کی اسٹوڈنٹ تھی تو میری والدہ نے گھر میں ہم دونوں بہنوں کی برتن دھونے ، گھر کو سمیٹنے اور پوچا مارنے کی ڈیوٹیز لگائ ہوئی تھیں ، جو اس وقت مجھے سخت ناگوار گذرتی تھیں ،ہمارے گھر میں لڑکوں کو بھی کوئی خاص پروٹوکول دینے کا رواج نہیں تھا، دونوں بھائی اپنے کپڑے خود پریس کرتے، اپناکھانا خود نکال کر برتن کچن میں رکھ کر آتے اور اپنے جوتے خود پالش کرتے ،اور انکی یہ عادتیں آج تک پختہ ہیں اس معاملے میں انہوں نے کبھی کسی کو تنگ نہیں کیا۔۔
میری والدہ کو خاندان والے بہت باتیں سناتے تھے کہ انہوں نے اپنی بیٹیوں کو بہت چھوٹی عمر میں کام پر لگا دیا ہے لیکن اسکا یہ فائدہ ہوا کہ بہت بچپن میں ہی ہمیں چیزوں کو سمیٹنا، اور مینج کرنا آگیا۔
پھر مجھے کتابیں پڑھنے اور لکھنے کی لت گئی، اس کے بعد ہوسٹل چلی گئی، اور واپس آئ تو کالج کی لیکچرر شپ مل گئی، اس عرصے میں کوکنگ پس پشت چلی گئی، روٹی بنانی تو بہت بچپن میں ماں نے زبردستی سیکھا دی تھی لیکن کوکنگ کی طرف سے میرا ہاتھ "ہولا " تھا کیونکہ گھر میں امی اور بجیا کی موجودگی میں مجھے پریکٹس کا موقع ہی نہیں ملا۔ اس کا نقصان یہ ہوا کہ جب بھرے سسرال میں گئی تو شروع میں تو مجھے چیزوں کے حساب کتاب کا ہی پتا نہیں چلتا تھا، اور میری دیورانیاں اس کام میں طاق تھیں اور ہر کام منٹوں میں نبٹا لیتی تھیں، اور میں دیکھتی رہ جاتی ۔
آج شادی کے پندرہ سال بعد بھی گھر میں کوئی آٹھ دس مہمان ایک ساتھ آجائِیں تو میں گھبرا جاتی ہوں کیونکہ مجھے کھانے کی مقدار کا ہی اندازہ نہیں ہوتا اور میرا ماننا ہے کہ کوکنگ میں مہارت ہمیشہ پریکٹس سے آتی ہے اور اسکا حل اب میں نے خانساماں رکھ کر نکال لیا ہے ،لیکن میری ماں ہمیشہ کہتی تھی کہ کسی سے کام کروانے کے لیے خود کام کرنا آنا چاہیے تب ہی انسان کسی اور سے کروا سکتا ہے ورنہ ہیلپر بہت چونا لگاتے ہیں۔

اسی طرح اپنی شادی کے ایک ہفتے کے بعد میں نے اپنی کسی سسرالی رشتے دار کو فون کر کے فروٹ ٹرائفل بنانے کی ریسپی پوچھی تو ڈاکٹر صاھب نے مجھے اس دن بڑے دوستانہ انداز میں یہ بات سمجھائی کہ تم کوکنگ چینلز سے چیزیں بنانا سیکھ لو،لیکن کسی رشتے دار کی ہیلپ مت لو، ورنہ ساری زندگی یہ بات سننے کو ملے گی کہ اسے کھانا تو ہم نے بنانا سیکھایا تھا اور بعد میں تم کوکنگ میں ایکسپرٹ بھی ہو جاو گی تو بھی یہ بات ساری زندگی تمہارے لیے طعنہ بنی رہے گی ،کیونکہ دنیا کی اس معاملے میں یاداشت بہت تیز ہوتی ہے اور لوگ کریڈٹ لینے کا کوئی موقع ہاتھ سے جانے نہیں دیتے۔مجھے پندرہ سالوں میں بارہا اس چیز کا احساس ہوا کہ مجھے بہت عرصہ پہلے ہی کوکنگ سیکھ لینی چاہیے تھی تاکہ اب تک میں پرفیکٹ ہو چکی ہوتی ۔ میاں کی بات کی گہرائی کا اندازہ اس دن ہوا ۔جب انکے کسی دوست کے ہاں دعوت پر جانا ہوا تو انکی ڈاکٹر بہو کے ہاتھ میں بہت لذت تھی، اور ہم نے کھل کر تعریف کی تو ساس کی طرف سے جلا کٹا جواب ملا، ارے رہنے دیں ،ماں کے گھر سے تو صرف ڈاکٹری کی ڈگری لے کر آئی تھی، اس کو گھر داری اور کھانا بنانا تو ہم نے سیکھایا اور صرف ڈگریوں سے گھر تھوڑا چلتے ہیں ۔
اس کے بعد انکی ساس صاحبہ نے اپنی بہو کے پھوہڑ پنے کے قصے نمک مرچ لگا کر سنائے ، اور اس بیچاری کا چہرہ ضبط کی کوشش میں سرخ ہو رہا تھا، اور تب میں نے انکی بہو کی خفت مٹانے کے لیے سرسری انداز میں بتایا کہ مجھے تو خود ساری کوکنگ میرے میاں نے سیکھائی ہے ، اور یہ بات کچھ غلط بھی نہیں تھی،چکن پلاو بنا نا میں نے ڈاکٹر صاحب ہی سے سیکھا تھا لیکن ہر لڑکی کو اتنا اچھا لائف پارٹنر یا سسرال ملے یہ ضروری نہیں ۔
میں آج بھی مانتی ہوں کہ مجھے گھر کو مینج کرنا، ہیلپرز سے کام لینا، ڈسٹنگ کرنا، اور صفائی ستھرائی کے سارے کام بہت اچھی طرح آتے ہیں کیونکہ یہ کام میں نے بہت بچپن میں سیکھ لیے تھے لیکن کوکنگ سے جان چھڑائی تو اس کام میں مہارت آج تک نہیں آسکی جسکا مجھے بہت افسوس ہے اب جاب اور اسکرپٹ رائٹنگ میں وقت ہی نہیں ملتا ۔

میں اپنی اسٹوڈنٹس کو ایک بات ضرور سمجھاتی ہوں کہ زندگی گذارنے کا سلیقہ اپنے سسرال کے لیے نہیں "اپنی" زندگی کو آسان بنانے کے لیے سیکھیں کیونکہ ایک متوازن اور نفیس ماحول کی آپکو خود بھی اشد ضرورت ہوتی ہے ، اور اردگرد کا گندا ماحول آپ کی نفسیات پر بھی بہت بُرا اثر ڈالتا ہے ، اس لیے اپنی زندگی میں سلیقہ اپنے لیے پیدا کریں ۔
اس سال یورپ کے ٹرپ میں جتنے گھروں میںبھی جانا ہوا، ان کے کھانے کی ٹیبلز ان کے بچے اور اسپیشلی لڑکے سیٹ کر رہے تھے، کھانے کے بعد برتن، واش کرنے کے لیے مشین میں لگانے کا کام بھی انہی بچوں کے ذمے تھا، اور مجھے یورپ جا کر پتا چلا کہ وہاں بہت چھوٹی عمر میں بچوں کو سکول کی طرف سے یہ ذمے داری دی جاتی ہے کہ وہ گھر میں پیرنٹس کی ہیلپ
کر یں گے اور پھر وہ لوگ پیرنٹس سے باقاعدہ پوچھتے ہیں ، اس لیے وہاں لڑکے اور لڑکیاں دونوں ہی چھوٹی عمر سے ذمے داری نبھانا سیکھ جاتے ہیں ، انہیں ایک مخصوص عمر میں سکول کے بعد، کسی نہ کسی ریسٹورنٹ ، مال یا کسی بھی جگہ پر کوئی نہ کوئی کام بھی کرنا ہوتا ہے، اس سے چھوٹی عمر سے ہی ان میں کمانے کی لگن پیدا ہو جاتی ہے،جبکہ ہمارے ہاں پیرنٹس بچوں کی تعلیم، ان کی شادیاں اور پھر شادیوں کے بعد انہیں فنانشلی سیٹ کرنے میں ہی اپنی ساری زندگیاں برباد کر دیتے ہیں ، اور ان میں سے اکثر بچے سیٹ ہونے کے بعد جب انہیں پتا چل جاتا ہے کہ اب والدین کے پاس کچھ نہیں رہا، تو بدقسمتی سے وہ بھی انہیں کچھ زیادہ اہمیت نہیں دیتے ۔ ویسے بھی جو چیز بغیر محنت کے حاصل ہو جائے اسکی اہمیت کا احساس بھی کم لوگوں کو ہوتا ہے ۔
میں اس روئیے کے بھی خلاف ہوں جہاں ہم ہر گھر کی ہر ذمے داری لڑکیوں پر ڈال کر اپنے لڑکوں کو ہڈ حرام اور سست بنا دیتے ہیں، اور بھائیوں کے سارے کام انکی بہنوں کے ذمے لگا دئیے جاتے ہیں ۔ یہاں تک کہ وہ کچن میں سے پانی کا گلاس اٹھا کر خود پانی پینے کے بھی روادار نہیں ہوتے ، میں نے اپنے گھر میں ایسا ماحول کبھی نہیں دیکھا تھا ، اس لیے مجھے کبھی اچھا نہیں لگا کہ ایک ہٹا کٹا نوجوان لیٹا ہوااپنی بہنوں پر حکم چلا رہا ہو۔

میں اپنی فرینڈز اور سب جاننے والیوں سے یہی کہتی ہوں کہ صرف بیٹیوں کو ہی نہیں اپنے بیٹوں کی بھی اس معاملےمیں تربیت کریں ، اور انہیں ملٹی ٹاسکنگ سیکھائیں ، سکول ، کالج یا یونیورسٹی جانے کا ہرگز یہ مطلب نہیں کہ وہ اپنے ذاتی کاموں کا بوجھ بھی ماں باپ پر ڈال دیں اور انہیں اپنے ذاتی کام جیسے کپڑے پریس کرنا، اپنی واڈروب سیٹ کرنا اور اپنے روم کو انسانوں کے رہنے کی جگہ بنانے کا ہنر ضرور سیکھائیں ، اور جو چیزیں آپ سیکھائیں گے وہ ان کو بُری بھی نہیں لگیں گی، ورنہ دنیا اپنے انداز میں سیکھائے گی جو شاید آپ کو پھر بہت چبھے گا ، اور زندگی میں سلیقہ اور نفاست اپنے سسرالیوں کے لیے نہیں اپنی زندگیوں کو آسان اور خوبصورت بنانے کے لیے سیکھیں اور اپنے والدین کو بھی اسکا سکھ دیں ،کیونکہ آپکے والدین کا بھی آپ کی دی ہوئی آسانی پر اتنا ہی حق ہے جتنا دوسروں کا۔۔۔

تحریر: صائمہ اکرم چوہدری

31/01/2024

I think perhaps love comes from finding someone you feel utterly comfortable with, someone who makes you comfortable with yourself. It’s like finding yourself, or maybe it’s like finding the other part of yourself.

31/01/2024

زندگی مختصر ہے. اسے اداس ہو کر ضائع نہ کریں۔ جو بھی ہو وہ بنو، خوش رہو، آزاد رہو، جو بھی بننا چاہتے ہو۔

10/10/2023

اللہ رب العزت فلسطینی مسلمانوں کی حفاظت فرمائے

10/10/2023

عصر حاضر کا نمرود گرفتار موصوف اسرائیلی فوج میں میجر جنرل ہیں اور ان کا نام نمرود الونی ہے ممکن ہے گرفتار شدگان میں کوئی فرعون بھی نکل آئے 😇😇😇

27/04/2023

گناہ سے بچیں

دوسروں پر کیچڑ اچھالنے سے پہلے اچھی طرح تفتیش کرلیں

کسی کے ساتھ بُرا اتنا کریں جتنا آپ خود برداشت کرسکیں

06/03/2023

عظیم اداکار
قوی خان بھی دنیإ سے رخصت ۔۔۔

05/03/2023

حاصل پور شہر میں میاں اور بیوی نے مل کر پہلے دونوں بچوں کو زہردیا انکو مار کر خود بھی
زہرپی لیا ذرائع سےمعلوم ہوا ہے کہ کرائے کےمکان میں رہتےتھے میاں بیوی کام ناملنے کی وجہ سے پچھلے تین ماہ سے کرایا نہیں دے سکےتھے۔ مکان مالک نے گھرخالی کرنےکاکہ رکھا تھا۔ اوپرسے 17500بجلی کابل واپڈاوالوں نے بھیج دیابجلی میٹراوتارکرلےگئے اوربچوں نے دودھ لانے کی ضد کی میاں بیوی نے بچوں سمیت اپنےآپ کو ہمیشہ کیلئےختم کردیا۔ذرائع
ان کی موت کا ذمہ دار کون ؟؟
فیصلہ قوم کے ھاتھ
(لوگ مر رہے ہیں مگر کرپٹ نظام کے خلاف نہیں نکلتے)

16/01/2023

25/07/2022

1947۔ میں امّاں جی انڈیا چلی گئی تھی گاوں وریامال⛰️ بھلہ 🏞️کریالہ کھو کھرزیر🏝️ تحصیل چکوال ضلع جہلم امّاں جی کو ابھی تک سب یاد ہے🥀

02/06/2022

چولستان کی موجودہ صورتحال انسان اور جانور پانی نہ ہونے کی وجہ سے مر رہے ہیں😭😭