03/08/2026
⚖️ اکثر یہ اعتراض کیا جاتا ہے کہ ہم رجسٹری کے اخراجات بتاتے ہوے غیر سرکاری اخراجات کا ذکر نہیں کرتے۔ یہ حقیقت ہے کہ غیر سرکاری اخراجات کے بغیر کام ہونا مشکل ہے، لیکن ہم انہی اخراجات کی وضاحت کر سکتے ہیں جو حکومت کی طرف سے مقررہ، قانونی اور سب کے لیے یکساں ہیں، یہاں اُن عمومی غیر سرکاری اخراجات کو بیان کیا جا رہا ہے۔۔
✍️ رجسٹری تیار کرنے کے لیے آپ وثیقہ نویس کی خدمات لیتے ہیں اور وہ اپنی خدمات کا معاوضہ لیتا ہے۔ اگر آپ پورٹل پر آن لائن ڈرافٹنگ اور چالان خود تیار کر لیں تو آپ یہ اخراجات بچا سکتے ہیں۔۔
🤝 اگر کوئی پراپرٹی ڈیلر یا ایڈووکیٹ رجسٹری کے تمام مراحل میں آپ کی رہنمائی یا مدد کرتا ہے تو وہ اپنی خدمات کی فیس لیتا ہے۔ آپ تمام کام خود کر کے یہ اخراجات بچا سکتے ہیں۔۔
📋 رجسٹری کے لیے پٹواری سے موقع کی رپورٹ درکار ہوتی ہے۔ قانوناً یہ رپورٹ بلا معاوضہ جاری کی جاتی ہے، لہٰذا اس مد میں رقم دینا یا نہ دینا آپ کا اپنا فیصلہ ہوتا ہے۔۔
🏛️ سب رجسٹرار آفس میں دستاویزات کی تصدیق اور بیانات کے لیے کوئی اضافی رقم قانوناً مقرر نہیں۔ لہٰذا اگر کوئی شخص چائے پانی نہیں دینا چاہتا تو کوئی لازمی نہیں ہے، تاہم رجسٹری میں اگر کوئی نقص نکل آئے پھر چائے پانی کے ساتھ مٹھائی، کیک، بسکٹ، سموسے سب دینے پر لوگ آمادہ ہو جاتے ہیں۔۔
🏡 پراپرٹی کی تلاش اور ڈیل طے کروانے پر پراپرٹی ڈیلر اپنی خدمات کا کمیشن لیتا ہے۔ اگر آپ پراپرٹی ڈیلر کے پاس نہیں جاتے اور خود ہی پراپرٹی کی تلاش اور ڈیل کر لیتے ہیں تو یہ رقم بھی آپ بچا سکتے ہیں۔۔
سو اگر آپ ہمت کریں تو سرکاری فیس کے علاوہ ایک روپیہ بھی کسی کو ادا کیے بغیر آپ رجسٹری کروا سکتے ہیں۔
کیا آپ نے کبھی ایسا کیا ہے؟
Anmol property advisor
Hafeez Property Advisor - Property Registry Expenses Calculator. Calculate registry costs, stamp duty, TMA fees, and withholding taxes.
