SHAHID Engineers

26/12/2025

How to accurately interpret a measuring tape

18/07/2025

: "گونیاں نکالنے کا آسان طریقہ – 3، 4، 5 فارمولہ"

📐 یہ کیا ہے؟ یہ طریقہ کاریگر حضرات بنیاد کھودنے، دیواریں بنانے، چھت ڈالنے یا کمرے سیدھے بنانے کے لیے استعمال کرتے ہیں تاکہ بالکل سیدھا 90 ڈگری زاویہ بنایا جا سکے۔

🔧 طریقہ:

1. ایک طرف سے 3 فٹ ناپیں۔

2. دوسری طرف سے 4 فٹ ناپیں۔

3. اگر دونوں سروں کے درمیان فاصلہ بالکل 5 فٹ ہو، تو یہ بالکل سیدھا (90 ڈگری) زاویہ ہے۔

📏 مثال: اگر آپ جگہ بڑی ہو تو آپ یہی فارمولہ بڑے سائز میں بھی استعمال کر سکتے ہیں جیسے:

3m × 4m = 5m

6ft × 8ft = 10ft

9ft × 12ft = 15ft (یعنی یہ Pythagoras Rule کے مطابق بڑھتے ہیں)

🏗 فوائد:

بنیادیں ٹیڑھی نہیں بنتیں

کمرے اور دیواریں ایک دوسرے سے متوازن ہوتی ہیں

پلازہ، مکان یا دفتر کے کونے پروفیشنل لگتے ہیں

وقت کی بچت اور مستری کا تجربہ ظاہر ہوتا ہے

🏢 استعمال کہاں ہوتا ہے؟

مکان کی بنیادیں (Foundations)

Boundary walls

RCC Columns کی سیدھ

Tiles لگاتے وقت

چھتوں پر مارکنگ کرتے وقت

10/07/2025

"سیپج ( سیم Damp) " مکان کی خاموش دشمن

ہمارے ملک میں 90 پرسنٹ گھروں میں کچھ عرصے بعد دیواروں سے پینٹ اکھڑنے لگتا ہے، پلستر گیلا محسوس ہوتا ہے اور نمی سی رہتی ہے۔ یہی وہ دشمن ہے جسے ہم "سیپج" یعنی سیم کہتے ہیں۔ یہ وہ خاموش بیماری ہے جو آہستہ آہستہ پورے گھر کو کھوکھلا کر دیتی ہے۔ اور ہر سال سفیدی اور پینٹ کی مد میں ہزاروں اور لاکھوں کا خرچہ کرواتی ہے ۔ لیکن پینٹ ہونے کے دو ماہ بعد یہ سیپج اسے بھی چاٹنا شروع کر دیتی ہے اور ٹکڑوں اور ذرات کی صورت میں یہ پینٹ اترنے لگتا ہے اور کمروں کو بدنما بنا دیتا ہے ۔

آج کی پوسٹ میں ، میں اس کے متعلق کچھ بات کرنا چاہوں گا ۔ سیپج عام طور پر زمین کے اندر موجود نمی یا زیر زمین پانی کے سبب پیدا ہوتی ہے، جو دیواروں کے نیچے سے اوپر کی طرف چڑھتی ہے۔ لیکن سب سے بڑا المیہ یہ ہے کہ یہ مسئلہ صرف پرانی عمارتوں میں نہیں، بلکہ نئے گھروں میں بھی ہو رہا ہے ۔

سوال یہ ہے کہ سیپج کیوں ہوتی ہے؟

پہلی وجہ تو ناقص تعمیراتی طریقہ کار ہے ۔ جب مکان کی بنیادیں بناتے وقت واٹر پروف شیٹ، ڈی پی سی (DPC) یا پھر سیمنٹ مکسنگ کے دوران سائنسی طریقے استعمال نہیں کیے جاتے، یا دیواروں کے نیچے سیلن روکنے والا کوئی مواد نہیں لگایا جاتا، تو نمی زمین سے دیواروں میں داخل ہو جاتی ہے۔ یہ نمی پینٹ اور پلستر کو اندر سے کمزور کر دیتی ہے، جس سے دیواریں بدنما، گیلی اور ٹوٹی پھوٹی دکھائی دیتی ہیں۔ لوگ اس کو چھپانے کے لیے وال پیپر اور پینل تک لگاتے ہیں مگر گھر کی خوبصورتی جاتی رہتی ہے ۔

اکثر ٹھیکے دار یا مستری ناقص یا کم معیار کا میٹریل استعمال کرتے ہیں اور DPC یعنی Damp proof course غلط طریقے سے لگاتے ہیں یا بالکل نہیں لگاتے ۔
اگر بارش یا زیر زمین پانی کی نکاسی کا صحیح انتظام نہ ہو تو بھی نئے مکانوں میں سیم بننا شروع ہوجاتی ہے ۔
تعمیر کے فورا بعد دیواروں پر جلد بازی میں پلستر یا رنگ کروانے سے بھی یہ مسئلہ آ جاتا ہے ۔

لوگ اکثر پوچھتے ہیں سر سیپج کو پھر کیسے کنٹرول کریں ۔ چند باتیں یاد رکھیے ۔ تاکہ آپ کا پیسہ اور مکان ضائع نہ ہو اور اپنی نگرانی میں یہ کام بلڈرز سے کروائیں ۔

بنیادوں میں واٹر پروفنگ ہو ، DPC اعلی معیار اور طریقے کی لگوائیں ، یہ کام پروفیشنل ٹیم ہی بہتر کرسکتی ہے ۔
دیواروں پر پلستر کرنے سے پہلے مکمل خشک ہونے دیں اور اپنے گھر میں واٹر سپلائی پائپس ، سیورج لائینز ، مین ہول اور بارش کے پانی سمیت انڈر گراؤنڈ واٹر ٹینک ، سیپٹک ٹینک کو مکمل واٹر پروف کروائیں ، یہ سب چیزیں عمدہ پلیننگ اور بہترین ورک مین شپ مانگتی ہیں ۔
پلاٹ خریدنے یا تعمیر شروع کرنے سے پہلے زمین کی نوعیت کا معائنہ بھی کروائیں، خاص طور پر اگر اس علاقے میں پانی کا لیول زیادہ ہو۔ تعمیر شدہ مکان میں بھی پانی کی لیکج چیک کریں اور اسے بند کروائیں ۔

اچھا ۔۔۔ اب سب سے ضروری مدعے کی طرف آتے ہیں ۔
اگر مکان میں سیپج آ چکی ہو تو؟

اگر آپ کے مکان میں پہلے سے سیم موجود ہے تو آج کے جدید دور میں کئی حل موجود ہیں ۔ سب سے پہلے تو سیلن زدہ دیواروں سے پینٹ ہٹا کر اینٹی سیم کیمیکل لگوائیں۔ یہ ہر اچھے پینٹ اور سینٹری سٹور پر دستیاب ہے ۔
واٹر پروف پینٹ یا خاص سیلن روکنے والا پلاسٹر بھی مارکیٹ میں موجود ہے ، سیپج کو کھرچ کر وہ پینٹ کروائیں۔
بیرونی دیواروں پر واٹر پروف کوٹنگ کروائیں اور نمی روکنے کے لیے دیواروں کے ساتھ ہوا کی آمد و رفت برقرار رکھیں۔
یہ مسئلہ ایک گھر کا نہیں ، لاکھوں گھروں کا ہے ، اس پوسٹ کو اپنے احباب کے ساتھ بھی شئیر کیجیے تاکہ وہ اس پریشانی سے چھٹکارا پا سکیں ۔
سیپج صرف دیوار کی خوبصورتی خراب نہیں کرتی، بلکہ گھر کی مضبوطی کو بھی متاثر کرتی ہے۔ اگر آپ چاہتے ہیں کہ آپ کا گھر سالوں تک خوبصورت، محفوظ اور پائیدار رہے، تو خدارا اس چھوٹے ۔۔۔۔۔ مگر بڑے مسئلے کو نظرانداز نہ کریں۔

20/05/2025

29/04/2025