13/10/2021
گوادر بندر گاہ اور فری زونز کے لئے جلد کاروباری،مارکیٹنگ منصوبہ تیار کرنا پہلی ترجیح ہے۔
مشیر برائے سی پیک خالد منصور
اس کے ساتھ ان کا کہنا تھا گوادر اور فری زون کو ترقی کے لئے بہت سی رکاوٹوں کا سامنا ہے اور سی پیک کا مرکزی حصہ تا حال وعدے کے مطابق صنعتی مرکز کی جھلک تک نہیں دکھا سکا،وفاقی کابینہ کی سی پیک کمیٹی کی ہدایت پر سرمایہ کاری بورڈ کی تیار کردہ رپورٹ میں چینی آپریٹروں کے ساتھ ساتھ پورٹ مراعاتی معاہدے پر نظرِ ثانی کی سفارش کی گئی ہے جس کا مقصد گوادر کی ترقی میں بعض بڑی رکاوٹوں کو دور کرنا ہے،گوادر کو سی پیک کا تاج بھی کہا جاتا ہے،سرمایہ کاری بورڈ کی جائزہ رپورٹ کے مطابق گوادر کی طویل عرصے سے سی پیک کے مرکز کے طور پر مارکیٹنگ کی جا رہی ہے،گوادر تا حال متوقع صنعتی ترقی کی بلندیوں تک نہیں پہنچ سکا جو ملکی اور غیر ملکی سرمایہ کاری کے لئے ممد معاون ثابت ہو سکتا ہے،وزیر اعظم کے مشیر برائے سی پیک خالد منصور نے کہا کہ ان کی پہلی ترجیح گوادر بندر گاہ اور فری زونز کے لئے جلد کاروباری اور مارکیٹنگ کا منصوبہ تیار کرنا ہے،گہری سمندری بندرگاہ کی صلاحیت سے فائدہ اٹھانے کے لئے گوادر کو قابلِ عمل اقدامات کے ساتھ آگے بڑھانا ہے۔
