03/08/2024
اگلے 24 سے 48 گھنٹوں میں پنجاب اور سندھ کے بعض علاقوں میں اربن فلڈنگ کا خدشہ
نیشنل ایمرجنسیز آپریشن سینٹر کے مطابق آئندہ 24 گھنٹوں کے دوران پنجاب کے جنوبی اور شمال مشرقی علاقوں میں گرج چمک کے ساتھ بارش کا امکان ہے۔ اسی طرح سندھ کے شمال مشرقی علاقوں میں آئندہ 24 سے 48 گھنٹوں کے دوران گرج چمک کے ساتھ بارش کا امکان ہے۔
اس سسٹم کے تحت مٹھی، سانگھڑ، میرپورخاص، مٹیاری، جامشورو، عمرکوٹ، تھرپارکر، خیرپور، ٹھٹھہ، بدین، چھور، پڈعیدن، سجاول، کراچی، حیدرآباد، ٹنڈو الہ یار، شہید بینظیر آباد، سکھر، لاڑکانہ، جیکب آباد، دادو، اور آس پاس کے علاقوں میں موسلادھار بارش کا امکان ہے۔
اسی طرح پوٹھوہار ریجن، سیالکوٹ، گوجرانوالہ، لاہور، فیصل آباد، سرگودھا، ساہیوال اور گردونواح میں بھی کہیں کہیں بارش کا امکان تاہم بہاولپور، ملتان، ڈیرہ غازی خان، اور گردونواح میں موسلادھار بارشیں متوقع ہے۔
مذکورہ بالا علاقوں میں بارشیں پانی کے جمع ہونے اور اربن فلڈنگ کا باعث بن سکتی ہیں۔
