Mohammad Adnan Choudhry

17/06/2026

09/06/2026

ایک سوال کا جواب

بسم اللہ

تہجد کی نماز دراصل محبت والی نماز ہے جو بندہ صرف اس وجہ سے ادا کرنے کی کوشش کرتا ہے تاکہ وہ اللہ سبحانہ و تعالیٰ کے مقربین بندوں میں شامل ہو سکے۔

قرآن مجید میں بہت سارے مقامات پر اللہ تعالیٰ نے جہاں اپنے نیک اور فلاح یافتہ بندوں کی صفات کا ذکر بیان فرمایا ہے ان کی ایک صفت یہ بھی بیان کی گئی ہے کہ وہ رات کو نماز ادا کرتے ہیں۔

نبی ﷺ ہر رات گیارہ رکعت نماز ادا کیا کرتے تھے۔
آٹھ رکعات تہجد کی اور تین وتر۔

تہجد کے لیے اٹھا بھی اس طرح سے جائے گا کہ دل میں پہلے نیت اور شوق پیدا کیا جائے کہ میں نے یہ عمل کس لیے کرنا ہے۔

ایک بہت پیاری حدیث میں جبریل علیہ السلام نبی ﷺ کو بتاتے ہیں کہ "آسمان والوں کے نزدیک معزز وہ ہیں جو حافظ ہیں اور جو رات کو نماز ادا کرتے ہیں یعنی قیام اللیل کرنے والے"

نبی ﷺ نے بھی رات کو نماز ادا کرنے کی تلقین فرمائی ہے۔

تہجد کا وقت عشاء کے بعد سے شروع ہو کر فجر سے پہلے تک رہتا ہے۔

اگر عشاء کی نماز کے ساتھ ہی قیام اللیل کی نیت سے نفل ادا کر لیے جائیں تو ان شاء اللہ تعالیٰ قیام والوں میں ہمارا نام شامل ہو گا۔

قیام اللیل،تراویح،تہجد یہ سب رات کی نماز کے نام ہی ہیں۔

اس نماز کا افضل وقت رات کا آخری پہر ہوتا ہے اس وقت اللہ تعالیٰ آسمان دنیا پر نزول فرماتے ہیں اور پکارتے ہیں کہ کون ہے جو مجھ سے مانگے تو میں اسے عطا کروں۔

تہجد سے دعائیں قبول ہوتی ہیں۔

انسان کے گناہ معاف ہوتے ہیں اور یہ وہ نماز ہے جو سکون سے پڑھی جاتی ہیں کیونکہ دن میں ہم کئی کاموں میں مصروف رہتے ہیں تو اس لیے مجھے محسوس ہوتا ہے کہ یہ نماز محبت والی نماز یے۔

اسے دو نفل سے پڑھنا شروع کریں اور پھر آہستہ آہستہ تعداد بڑھاتے جائیں۔

جو دو نفل میں دس آیات کی تلاوت کرتا ہے اس کا نام غافلوں میں نہیں لکھا جاتا۔

اسی طرح رات کو سو آیات کو نماز میں پڑھنے کا بھی بہت زیادہ اجر ہے۔

بس سمجھیے کہ تہجد والا گروہ یہ وہ گروہ ہے کہ جس کے بہت بلند درجات ہیں

میں یہ سمجھتی ہوں کہ بہت نیک اور صالحین کو رب نے اپنے حضور بلایا ہے تو اگر ان میں کسی جگہ ہمیں بھی جگہ مل جائے،ہمارا نام بھی دو نفل کے ذریعے بھی ان میں شامل ہو جائے تو یہ بہت بڑی کامیابی ہے۔

بہت بڑی عطا ہے کہ جو ان کو ملا ہے،جو وہ نوازے گئے ہیں ہم بھی وہ ضرور دیے جائیں کیونکہ ہمارا رب بہت نوازنے والا ہے۔

تو دو رکعات میں سورہ اخلاص کو تین تین بار پڑھنا پورے قرآن مجید کے اجر کے برابر ہے۔

اس طرح اپنی رات کی نماز کو خوبصورت بنانے کے لیے سورہ مبارکہ کو یاد کرنا بھی بہت خوبصورت ہے اور اس کے ساتھ قرآنی اور مسنون دعائیں بھی جو کہ ہم الحمدللہ اپنے اسماء الحسنی کورس میں بھی ساتھ ساتھ سیکھ رہے ہیں کیونکہ اس وقت سکون والی نماز کے اندر دعائیں مانگنے کا بھی اپنا ہی ایک لطف ہے۔

اس کے ساتھ ان دعاؤں کو بھی یاد کرنے کا اہتتمام کرنا چاہیے جو نبی ﷺ اپنی رات کی نماز میں پڑھا کرتے تھے۔

اللہ تعالیٰ ہم سب کو توفیق عطا فرمائے آمین ثم آمین۔

اللہ کے عفو کی طالب
محمد عدنان قمر 🌹

11/05/2026

حقیقت میں یہ میں ہی ہوں۔

میں نے اپنے ایک دوست سے، پوچھا کہ بڑھتی عمر کے ساتھ وہ اپنے اندر کیا تبدیلیاں محسوس کرتے ہیں؟
انہوں نے بڑے خلوص سے مجھے یہ تحریر بھیجی:

1. ساری زندگی ماں باپ، بہن بھائیوں، شریکِ حیات، بچوں اور دوستوں سے محبت کرتا رہا، اب جا کر خود سے محبت کرنا سیکھ رہا ہوں۔

2. اب سمجھ آیا کہ میں "ایٹلس" نہیں ہوں، دنیا میرے کندھوں پر نہیں ٹکی ہوئی۔

3. میں اب سبزی اور پھل والے سے بھاؤ تاؤ نہیں کرتا۔ میرے چند روپے زیادہ دینے سے مجھے تو کوئی فرق نہیں پڑتا، لیکن شاید وہ بیچارہ اپنی بیٹی کی فیس جوڑ سکے۔

4. ہوٹل یا کیفے میں ویٹر کو اچھی ٹِپ دیتا ہوں۔ ہو سکتا ہے میرے کچھ پیسوں سے اس کے چہرے پر مسکراہٹ آ جائے۔ وہ مجھ سے کہیں زیادہ مشقت کر رہا ہے۔

5. اب میں بزرگوں کو یہ نہیں کہتا کہ "یہ بات تو آپ پہلے بھی کئی بار سنا چکے ہیں"۔ وہ قصے ان کے دل کا راستہ ہوتے ہیں، انہیں ماضی میں لے جاتے ہیں۔

6. جب لوگ غلط بات کہتے ہیں تو اب میں انہیں ٹوکتا نہیں۔ ہر کسی کو درست کرنا میری ذمہ داری نہیں۔ سکون، درستگی سے زیادہ قیمتی ہے۔

7. اب میں دل کھول کر دوسروں کی تعریف کرتا ہوں۔ تعریف صرف دوسروں کا نہیں بلکہ میرا بھی موڈ بہتر کرتی ہے۔ اور ایک چھوٹا سا مشورہ: اگر کوئی آپ کی تعریف کرے تو اسے رد نہ کریں، بس "شکریہ" کہہ دیں۔

8. اب مجھے اپنی قمیض پر شکن یا دھبے کی پروا نہیں۔ شخصیت، لباس سے زیادہ بولتی ہے۔

9. میں ان لوگوں سے دور ہو جاتا ہوں جو میری قدر نہیں کرتے۔ ہوسکتا ہے وہ میری اہمیت نہ جانتے ہوں، لیکن میں اپنی قدر جانتا ہوں۔

10. اگر کوئی دھوکہ دے کر مجھ سے آگے نکل جائے تو مجھے فرق نہیں پڑتا۔ کیونکہ نہ میں چوہا ہوں، نہ ہی کسی دوڑ میں شریک۔

11. اب میں اپنے جذبات چھپاتا نہیں۔ یہی احساسات تو مجھے انسان بناتے ہیں۔

12. ہر دن ایسے جیتا ہوں جیسے یہ آخری ہو۔ کیونکہ ممکن ہے واقعی آخری ہی ہو۔
، کیوں نہ یہ خوبصورت سوچ آپ سب سے بھی شیئر کروں؟
کیا ضروری ہے کہ یہ سمجھ بوجھ 60، 70 کی عمر کے بعد آئے؟
کیوں نہ ہم ابھی سے، ہر عمر میں، ان باتوں پر عمل کرنا شروع کریں؟

(اصل تحریر کے خالق کو خراجِ تحسین)