Syed Nadeem Sarwar official

09/10/2025

22/11/2024

*الہامی کلمات*
بعض اشخاص کو الہٰی مبدائے فیض سے ایسی الہامی و روحانی قوت سے فیض القاء ہوتے ہیں کہ ان سے عجیب و غریب مطالب ظاہر ہوتے ہیں جن سے عقلِ انسانی دنگ رہ جاتی ہے اور دل کو ایک عجیب لطف حاصل ہوتا ہے -
اس کی ایک مثال وہ بامعنی جملہ ہے جو قرآن مجید کی ٢٩ سورتوں میں آنے والے حروف مقطعات (یعنی: الف لام میم اور کاف ھا یا عین صاد وغیرہ) میں تکرار سے آنے والے حرفوں کو حذف کر کے حاصل کیا گیا ہے اور وہ جملہ ہے :
صِراطُ عَلیٍ حَقٗ نَمَسّكُهٌ
( یعنی علی ع کا راستہ حق ہے، ہم اس سے تمسّک کرتے ہیں)
علمِ جفر میں ایک طریقہ رائج ہے کہ سوال کو پہلے حروف میں لکھتے ہیں اور پھر اس میں مکّرر آنے والے حروف کو قلم زن کر کے ایک سطر حاصل کی جاتی ہے ہے جسے نظیرہ اور اس نظیرہ سے حاصل ہونے والے جواب کو "مستحصلہ" کہتے ہیں- قرآنی آیاتِ مقطعات جو قرآن میں سورتوں کے آغاز میں آئی ہیں، وہ اللہ کا اسرار ہیں اور سوائے اللہ تعالٰی اور ان ہستیوں کےجنہیں اللہ نے علم الکتاب عطا کیا ہے( مَن عِندہ عِلم الکِتاب) ، کوئی اور ان کے اسرار و معانی کو نہیں سمجھتا - مذکورہ بالا سطر ( صِراطُ عَلیّ حَقّ نُمَسّکہ) ایک ایسا اکتشافی جملہ ہے جو توفیقِ الہی کے بغیر دل و دماغ میں وارد ہونا ممکن نہیں ہے- اسلامی ( اھلسنت و شیعہ دونوں ) منابع میں رسول اللہ ص سے کئی احادیث بھی روایت ہوئی ہیں جن میں مولا علی ع ( یا اھلبیت ع) کو "صراطِ مستقیم" فرمایا گیا ہے- اس کے پیشِ نظر آیاتِ مقطّعات سے اس بامعنی جملہ کا اکتشاف ایک علمی اور روحانی تاویل اور کمالِ بلاغت کی طرف اشارہ کرتا ہے-
اسی طرح کا ایک اکتشاف معروف ماہرِ علم الجَفر سید ناظر حسین زنجانی اعلی اللہ مقامہ سے بیان ہوا ہے جس میں انہوں نے اپنی ایک اردو مسدّس میں رسول اللہ ص کی مولا علی کے بارے میں حدیثِ شریف کو بزبان جفر و ابجد منظوم کیا ہے- زنجانی مرحوم اعلیٰ درجہ کے جَفّار ہونے کے علاوہ بہت پائے کے شاعر بھی تھے - ان کا یہ شعر تو بہت کمال ہے:
حدیثِ عشق دُو باب است، کربلا و دمشق
یکی حُسَین ع رقم کرد و دیگری زینب ع
رسول اللہ ﷺ نے مولا علی ع کے بارے میں ارشاد فریایا تھا : یا عَلی ، لَحمُكَ لَحمِی وَ جِسمُكَ جِسمِی وَ دَمُُكَ دَمّی۔۔۔( اے علی ع ، تمہارا گوشت پوست، میرا گوشت پوست، تمہارا جسم میرا جسم اور تمہارا خون میرا خون ہے۔۔۔) - اس کا اثبات زنجانی مرحوم نے اپنی اس الہامی طور پر انشاء کی گئی مسدس میں یوں کیا ہے:

مُحمّد ص اور عَلی ع "لَحمُكَ لَحمِی"
تجھے بھید اس کا سمجھاتا ہوں میں، سُن !
محمّد سے جو حرفِ میم (40) لے لے
علی کے عَین ( 70) کو بھی اک طرف چُن
کیے جمع تو حاصل ایک سو دس( 110*)
علی ظاہر ہوئے ، سر کو ذرا دُھن
جو باقی حَمد ( 52) اور لِی ( 40) رہ گئے ہیں
وہ اعدادِ محمّد ( 92) مظہرِ کُنْ ▪︎*
اس مسدّس میں زنجانی رح نے علمِ ابجد کی رو سے ( جو علم الجفر کی 28 ابجدوں میں سے ایک ہے) حروف کی مقدار متعین کرتے ہوئے محمد ( 92) اور علی ( 110) کے حروف سے رسول اللہ ص اور مولا علی ع کے ازلی و ابدی رشتہ یعنی لحمك لحمی۔۔۔ وغیرہ کا اس طرح اکتشاف و اثبات کیا ہے کہ عقل حیرت زدہ ہو جاتی ہے-

[نوٹ: مسدس میں بریکٹس میں جو اعداد لکھے گئے ہیں وہ باعتبار ابجد ان حروف یا الفاظ کی مقدار کو ظاہر کرتے ہیں- لفظ محمد کے اعداد بلحاظِ ابجد ( م 40 + ح 8+ م 40+ د 4= 92 بنتے ہیں؛ اور علی کے اعداد = ع 70+ ل 30 + ی 10 = 110 بنتے ہیں - ]

دریوزہ گرِ سرکارِ محمّد ص و علی ع
طالبِ دعا:
ظفر حسن رضا
اسلام آباد
١٩ نومبر ٢٠٢٤ء

01/11/2024

حضرت رسول اللہ ﷺنے فرمایا
جو جمعرات کو ناخن کاٹے گا اسے
آنکھ کا درد اور سر درد نہیں ہوگا
(ہمان،ص65)

10/10/2022