14/06/2026
عجیب لوگ ہیں پہلے اپنے ہی ملک پاکستان کے لوگوں کو ملک دشمن قرار دیتے ہیں جو کسی سیاسی پارٹی کو سپورٹ کرتے ہیں۔ ان کے لیڈر کو جیل میں بند کر دیا جاتا ہے، اور عوام کو طاقت کے ذور پر خاموش کروا دیا جاتا ہے۔ پھر کچھ عرصے بعد ایک اور سیاسی پارٹی کے لوگ دھرنا دیتے ہیں انھیں بھی طاقت کے ذور پر کچل دیا جاتا ہے۔ اس ملک میں فریڈم اف سپیچ نام کی کوئی چیز نہیں ہے۔ لوگوں کے نظریات کو طاقت کے ذور پر کچلا جا رہا ہے۔ اور وہی پاکستان کے لوگ اس سسٹم کے کل تک خلاف تھے جب تک سسٹم ان کو خاموش کروا رہا تھا۔ آج وہی سسٹم آزاد جموں و کشمیر کے لوگوں کو کچل رہا ہے جو لوگ کل تک اپنی بیبسی کا رونا رو رہے تھے آج وہ کشمیریوں کو غدار ملک دشمن انڈین ایجنٹ اور پتہ نہیں کیا کیا بول رہے۔ میری سمجھ سے باہر ہے کہ پنجاب کے کچھ لوگوں کو آخر کشمیر سے اور کشمیر کے لوگوں سے کیا مسلہ ہے مطلب ایک ریاست جو پاکستان کے معرض وجود سے بہت عرصہ پہلے کی ہے اور ۱۹۴۷ میں ذبردستی تین ملک اس پر قابض ہو جاتے ہیں اور اسے ایک متناظہ خطہ بنا دیتے ہیں تو کیا ان کشمیریوں کا حق نہیں بنتا کہ وہ اپنے اوپر ظلم کے خلاف آواز اٹھائیں؟ اور ابھی جو تحریک چل رہی ہے ایکشن کمیٹی کے نام سے اس کا تو کوئی ایسا مطالبہ نہیں ہے جو غیر آئینی ہو یا کوئی الگ ریاست کا بھی مطالبہ نہیں ہے یہ تو اپنے بنیادی حقوق کی بات کرتے ہیں اور اگر کوئی شخص پنڈال میں "کشمیر کے وارث ہم ہیں" یا "یہ ملک ہمارا ہے اس پہ حکومت ہم کریں گے" کے نعرے لگا بھی لیتے ہیں تو اس میں کیا غلط ہے؟ اس سے پنجاب کے لوگوں کو کیوں تکلیف ہوتی؟ میں سب کی بات نہیں کر رہا چند شر پسند پنجابی ہیں، باقی تو پنجاب کے لوگ بہت اچھے اور پڑھے لکھے تہزیب یافتہ لوگ ہیں جنھیں تاریخ کا پتہ ہے۔ اور میں ایک کشمیری ہونے کہ ناطے آپ سب لوگوں کو یقین دلانا چاہتا ہوں کہ ہمیں ملک پاکستان سے بے انتہا محبت ہے اگر ہم کشمیر سے محبت کرتے ہیں تو پاکستان کے لیے بھی اپنی جان دینے کو تیار ہیں۔ لیکن جب پاکستان کے لوگ کشمیریوں کو ایسے سوشل میڈیا پر دکھاتے ہیں کہ جیسے یہ کوئی غیر لوگ ہیں انڈین ہیں تو وﷲ بہت دکھ ہوتا ہے۔
باقی پاکستان ہمیشہ زندہ باد
کشمیر پائندہ باد
