CDA D12 E12 C14 C15 C16 Islamabad

15/07/2026

08/07/2026

سی ڈی اے کا بڑا اعلان: متاثرینِ اراضی کے لیے F-13، D-13 اور E-13 میں رہائشی پلاٹس کی قرعہ اندازی، 15 جولائی 2026 تک درخواستیں طلب.

کیپیٹل ڈیولپمنٹ اتھارٹی (CDA) نے اسلام آباد کے متاثرینِ اراضی کے لیے Rehabilitation Benefits Framework 2023 کے تحت رہائشی پلاٹس کی الاٹمنٹ کے عمل کو آگے بڑھاتے ہوئے نئی قرعہ اندازی (Balloting) کا اعلان کر دیا ہے۔ اس سلسلے میں اہل متاثرین سے 15 جولائی 2026 تک درخواستیں طلب کی گئی ہیں۔

ڈپٹی کمشنر سی ڈی اے کے دفتر سے جاری پبلک نوٹس کے مطابق رہائشی پلاٹس سیکٹر F-13، D-13 اور E-13 میں الاٹ کیے جائیں گے۔ یہ عمل میرا سنبل اکو، میرا سنبل جعفر، دھریک موہری، ٹھلہ سیداں، شاہ اللہ دتہ، پنڈ سنگڑیال، بھکیڑ فتح بخش اور سری سرال کے اہل متاثرین کے لیے مخصوص ہے۔

سی ڈی اے نے واضح کیا ہے کہ صرف وہی دعوے زیر غور آئیں گے جو ICT Land Sharing Policy 2007 اور Rehabilitation Benefits Framework 2023 کی شرائط پر پورا اترتے ہوں، جبکہ تمام درخواستوں اور ریکارڈ کی دوبارہ جانچ (Re-verification) بھی کی جائے گی۔

سی ڈی اے کے مطابق اہل متاثرین اپنی درخواستیں مقررہ مدت کے اندر جمع کرائیں، کیونکہ 15 جولائی 2026 کے بعد موصول ہونے والی یا نامکمل درخواستیں اس مرحلے کی قرعہ اندازی میں شامل نہیں کی جائیں گی۔ ری ویریفکیشن مکمل ہونے کے بعد اہل متاثرین کی قرعہ اندازی کی جائے گی، جبکہ نتائج سی ڈی اے کی سرکاری ویب سائٹ پر جاری کیے جائیں گے۔

نوٹ: یہ عمل صرف متعلقہ متاثرینِ اراضی کے لیے ہے، عام پلاٹ مالکان یا خریدار اس نوٹیفکیشن کا حصہ نہیں ہیں.