23/05/2025
اسلام آباد ہائیکورٹ نے علیم خان کی نجی ہاؤسنگ سوسائٹی کو پلاٹوں پر اضافی ڈویلپمنٹ چارجز کی وصولی سے روک دیا ہے۔ عدالت نے کیپیٹل ڈویلپمنٹ اتھارٹی (سی ڈی اے) سے مذکورہ سوسائٹی کا منظور شدہ لے آؤٹ پلان بھی طلب کر لیا ہے۔
تفصیلات کے مطابق جسٹس انعام امین منہاس پر مشتمل بینچ نے ہاؤسنگ سوسائٹی کو پٹیشنرز سے پلاٹس پر اضافی ڈویلپمنٹ چارجز کا تقاضا کرنے سے روکنے کا حکم جاری کیا۔
عدالت نے علیم خان کی ملکیت ہاؤسنگ سوسائٹی کو نوٹس جاری کرتے ہوئے دس دنوں کے اندر جواب داخل کرانے کی ہدایت کی ہے۔