19/04/2026
Please Notice this Issue
عوامی مطالبہ: قبضہ مافیا یا قانونی ملکیت؟
ضلعی انتظامیہ خوشاب اور حکومتِ پنجاب سے سوال
تھانہ صدر جوہرآباد کے بالکل سامنے عباس ٹاون جوہرآباد میں واقع قیمتی اراضی کے حوالے سے عوام میں شدید بے چینی اور تشویش پائی جاتی ہے۔ اس جگہ کے بارے میں مختلف آراء گردش کر رہی ہیں:
شہریوں کی بڑی تعداد کا کہنا ہے کہ یہ سرکاری زمین ہے جس پر مبینہ ملی بھگت سے قبضہ کیا گیا ہے۔
کچھ افراد کا دعویٰ ہے کہ یہ جگہ قابضین کی اپنی ذاتی ملکیت ہے۔
حقیقت جو بھی ہو، اس جگہ پر آئے دن ہونے والی گالی گلوچ اور بدمزگی نے عام شہریوں کے لیے پریشانی پیدا کر دی ہے۔ تھانہ صدر جیسے اہم مقام کے سامنے اس طرح کے واقعات سے یہ تاثر ابھر رہا ہے کہ ضلع خوشاب میں انتظامیہ کی رٹ کمزور ہے اور قبضہ مافیا کا راج ہے۔
پنجاب ہاؤسنگ اتھارٹی اور ضلعی انتظامیہ اس جگہ کی قانونی حیثیت فوری طور پر واضح کرے۔
اگر یہ سرکاری جگہ ہے تو اسے واگزار کرایا جائے، اور اگر نجی ہے تو وہاں جاری روز مرہ کے جھگڑوں کا سدِباب کیا جائے تاکہ شہریوں کو ذہنی اذیت سے نجات ملے۔
انتظامیہ اس معاملے کو "کلیئر" کرے تاکہ یہ باب ہمیشہ کے لیے بند ہو اور افواہوں کا خاتمہ ہو۔
امید ہے کہ ڈپٹی کمشنر خوشاب اور متعلقہ حکام اس عوامی شکایت پر فوری نوٹس لیں گے۔
#جوہرآباد #خوشاب of Punjab Maryam Nawaz Sharif RPO Sargodha Deputy Commissioner Khushab Khushab Police Additional Deputy Commissioner Revenue Khushab Punjab Housing And Town Planning Agency Kazmi Buisness Group
