https://www.facebook.com/103855215059314/

Buy and sell Property in Karachi, Karachi (2026)

05/03/2021

منافع بخش سرمایہ کاری کے مواقع کی تلاش میں مزید کسی منصوبے کو دیکھنے کی ضرورت نہیں ہمارے پاس آپ کے لئے ایک بہت بڑا تجارتی منصوبہ ہے جو آپ کے لئے بحریہ ٹاؤن کراچی کے مرکزی مقام پر واقع ہے جس میں مرکزی دروازے سے صرف 1.5 کلو میٹر کے فاصلے پر 3 سال کے قسط کے منصوبے پر مزید معلومات کے لئے براہ کرم۔ رابطہ..

04/02/2021

ڈائریکٹرجنرل ایس بی سی اے کاوزیراعلیٰ سندھ کوحکام کیخلاف خط
سندھ بلڈنگ کنٹرول اتھارٹی کے ڈائریکٹر جنرل شمس الدین سومرو نے وزیر اعلیٰ سندھ مراد علی شاہ کو سمری بھجوا دی جس میں ایس بی سی اے میں 6 ماہ کی عارضی مدت کیلئے کنٹریکٹ ملازمین بھرتی کرنے کی اجازت طلب کی گئی ہے۔ڈائریکٹر جنرل سندھ بلڈنگ کنٹرول اتھارٹی اپنے ادارے کے موجودہ عملے کے کام کرنے سے مطمئن نہیں ہیں۔ شمس الدین سومرو نے ایس بی سی اے افسران اور عہدیداروں کی نااہلی پر اپنے شدید تحفظات کا اظہار کیا۔ان کا کہنا ہے کہ اتھارٹی کو افرادی قوت میں کمی کے ساتھ ساتھ ماضی میں بغیر کسی میرٹ کے باقاعدہ بنیادوں پر بھرتی کئے جانیوالے زیادہ تر افسروں اور اہلکاروں کی ناقص کارکردگی کا بھی سامنا کرنا پڑ رہا ہے۔ انہوں نے مزید کہا کہ افسران اور اہلکاروں کی متعدد ضروری آسامیاں خالی پڑی ہیں۔سمری میں ایس بی سی اے کے ڈائریکٹر جنرل نے کہا کہ ادارے میں بلڈنگ پلانز اور کمپلیشن پلانز کے متعدد معاملات زیر التواء ہیں، جس کی بنیادی وجہ ماضی میں ایس بی سی اے میں مقرر زیادہ تر افسران اور اہلکاروں، مطلوبہ افرادی قوت کی کمی اور کارکردگی کی کمی ہے۔شمس الدین سومرو نے اپنی ہی تنظیم کے افسران اور عہدیداروں پر الزام لگایا ہے کہ وہ غیر مجاز عمارتوں یا عمارتوں کی منزلیں تعمیر کرانے کیلئے بلڈروں کے ساتھ ملی بھگت میں ملوث ہیں۔ان کا کہنا تھا کہ غیر جانبدارانہ تفتیش کے ذریعے ایس بی سی اے کے افسران اور عملے کی اکثریت کو قصور وار ثابت کیا جاسکتا ہے اور ملازمت سے ہٹایا بھی جاسکتا ہے۔شمس الدین سومرو نے کہا کہ یہاں ہزاروں ایسی عمارتیں ہیں جنہیں تعمیر کرنے میں متعلقہ قوانین کی خلاف ورزی کی گئی ہے اور روزانہ کی بنیاد پر یہ خلاف ورزیاں کی جارہی ہیں۔ ایس بی سی اے کے پاس اتنی افرادی قوت نہیں ہے کہ وہ پہلے سے تعمیر شدہ عمارتوں کو منہدم کردے۔انہوں نے بتایا کہ ایس بی سی اے کو پلانز کی منظوری میں قوانین و ضوابط کی خلاف ورزیوں کے خلاف چوکس رہنا ہوگا، لیکن اس کے ویجیلنس سیکشن میں عملہ بہت کم ہے۔شمس الدین سومرو نے وجوہات بیان کرتے ہوئے کہا کہ ایس بی سی اے کو تازہ گریجویٹس میں سے ایماندار اور مؤثر انجینئرز، آرکیٹیکٹس، منصوبہ سازوں، انتظامی پیشہ ور افراد، آئی ٹی ماہرین اور ملازمتوں کیلئے مارکیٹس میں بھٹکتے دیگر افراد کی اشد ضرورت ہے۔سمری میں ایس بی سی اے کے ڈائریکٹر جنرل نے وزیراعلیٰ سندھ سے اجازت طلب کرتے ہوئے کہا ہے کہ قابل افراد کی 6 ماہ کے معاہدے کی میعاد ختم ہونے کے دوران ہر ملازم کی مکمل طور پر تسلی بخش کارکردگی پر اگلے 6 ماہ کیلئے ایس بی سی اے کے بھرتی اور خدمت کے ضوابط اور حکومت کی پالیسیوں کے تحق قابل تجدید اور قابل توسیع ہوگا۔ایس بی سی اے کے ایک ریٹائرڈ افسر علی مہدی کاظمی کا کہنا ہے کہ سندھ بلڈنگ کنٹرول اتھارٹی کے ڈائریکٹر جنرل غیر قانونی عمارتوں کی تعمیر میں ملوث ہونے پر ایس بی سی اے کے افسران اور اہلکاروں پر عائد الزامات کے ساتھ دراصل پیپلز پارٹی کی زیر قیادت حکومت سندھ کو چیلنج کررہے ہیں۔کاظمی نے مزید کہا کہ ایس بی سی اے میں آخری بھرتییاں ڈائریکٹر جنرل منظور قادر عرف ’کاکا‘ کے دور میں 13-2011ء کے دوران ہوئی تھیں، اس وقت سید قائم علی شاہ سندھ کے وزیراعلیٰ تھے۔ان کا کہنا تھا کہ لائسنس یافتہ معمار اور انجینئر جو عمارتوں کا نقشہ تیار کرتے ہیں وہ سندھ بلڈنگ کنٹرول آرڈیننس 1979ء کے مطابق عمارتوں سے متعلق قوانین کی خلاف ورزیوں کے ذمہ دار ہیں۔علی مہدی کاظمی نے مزید کہا اس کا ذکر ایس بی سی او 1979ء کے سیکشن 19 اور 20 میں کیا گیا ہے۔انہوں نے مزید کہا کہ ایس بی سی اے کے 17 گریڈ کے ایک افسر کو تعمیرات کی خلاف ورزیوں پر ردعمل ظاہر کرنا ہوتا ہے کیونکہ اسے کسی بھی فرد کی شکایت موصول ہوسکتی ہے، وہ ایس بی سی اے کے قواعد و ضوابط کے مطابق جاکر عمارت کی خلاف ورزیوں کا جائزہ لے سکتا ہے۔اس ایکٹ کے مطابق ایس بی سی اے کا افسر یا عہدیدار صرف اس وقت ذمہ دار ہوتا ہے جب وہ اندراج شدہ شکایت پر کوئی رد عمل ظاہر نہیں کرتا، تعمیرات کی سنگین خلاف ورزیوں کیلئے صرف ایس بی سی اے اہلکار اور افسر ہی ذمہ دار نہیں ہیں، کیونکہ لائسنس یافتہ آرکیٹیکٹ، انجینئر اور لینڈ اووئنگ ایجنسی بھی اس کا ذمہ دار ہے۔لینڈ اووئنگ ایجنسی ان اسکیموں کے لے آؤٹ پلان کی منظوری دیتی ہے اور منظور شدہ پلان کے مطابق لیز کو تصدیق جاری کرتی ہے، جس کے بعد ایس بی سی اے کا کردار شروع ہوتا ہے۔ان کا کہنا ہے کہ گزشتہ سال مارچ میں بدعنوانی کے الزامات کے تحت ایس بی سی اے کے 28 افسران اور اہلکار معطل کردیئے گئے تھے، اینٹی کرپشن اور نیب نے ان کے خلاف انکوائری کی لیکن حال ہی میں انہیں بدعنوانی کے الزامات ثابت نہ ہونے پر دوبارہ عہدوں پر بحال کردیا گیا۔ایس بی سی اے کے ایک سینئر افسر نے تصدیق کی کہ اتھارٹی میں آخری بھرتی 21-2011ء میں ہوئی تھی۔ ایس بی سی اے نے گریڈ 17 کے اسسٹنٹ ڈائریکٹرز، گریڈ 16 کے سینئر بلڈنگ انسپکٹرز، ایس بی آئی اور گریڈ 14 کے بلڈنگ انسپکٹرز کی بھرتی کی۔ وہ 700-800 آسامیاں تھیں جو ڈائریکٹر جنرل منظور قادر عرف ’کاکا‘ کے دور میں پُر کی گئیں۔اسسٹنٹ ڈائریکٹرز کو انجینئرنگ کے بیک گراؤنڈ پر بھرتی کیا گیا تھا اور سینئر بلڈنگ انسپکٹر اور انسپکٹر ڈپلومہ ہولڈر تھے۔

04/02/2021

پاکستان ریلوے نے کے پی ٹی کی حدود میں قائم برسوں سے بند چائنا کریک پُل کو بحال کردیا
کراچی: کے پی ٹی کی حدود میں قائم چائنا کریک پُل کو بحال کر دیا گیا ہے۔تفصیلات کے مطابق پاکستان ریلوے نے چائنا کریک برج کی بحالی کا کام مکمل کر لیا، ڈویژنل سپرنٹنڈنٹ کراچی محمد حنیف گل کا کہنا ہے کہ پُل کی بحالی سے بندرگاہ سے اندرون ملک برآمدی اور درآمدی کنٹینرز کی منتقلی میں سہولت ہوگی۔پل کی بحالی کے بعد اب کیماڑی سے براستہ چائنا کریک برج پہلی فریٹ ٹرین کی روانگی رواں ہفتے ہوگی، محکمہ ریلوے نے بتایا کہ کراچی سٹی اسٹیشن کو کیماڑی براستہ کراچی بندرگاہ ملانے والی چائنا کریک برج کی بحالی کا کام مکمل ہو چکا ہے۔اس پل کی بحالی سے محکمے کی فریٹ سروس اور آمدنی میں اضافہ ہوگا، برج کے غیر فعال رہنے سے ایک لمبے متبادل راستے کا استعمال کیا جا رہا تھا۔1238 فٹ یا 379 میٹر لمبا چائنا برج 39 گرڈرز پر مشتمل ہے، جس وقت اس پل سے مال بردار ٹرینوں کی آمد و رفت کو ختم کیا گیا تھا اس وقت ان میں سے صرف 6 قابل استعمال حالت میں تھے، 25 گرڈرز کو مرمت کی ضرورت تھی، جب کہ 8 گرڈرز ایسے تھے جو نا قابل مرمت تھے۔برج کی بحالی کا مکمل کام پاکستان ریلوے نے کیا اور وفاقی حکومت سے کوئی علیحدہ گرانٹ اس ضمن میں مختص نہیں کرائی گئی۔واضح رہے کہ چائنا کریک برج کراچی پورٹ ٹرسٹ (کے پی ٹی) کے سامنے اور فوڈ اسٹریٹ پورٹ گرینڈ کے ساتھ واقع ہے، اس کی بحالی کا کام گزشتہ برس دسمبر میں شروع کیا گیا تھا۔پل کے لیے جدید ترین گرڈرز کی فراہمی جہلم میں موجود پاکستان ریلویز کے برج ورکشاپ سے کی گئی، جب کہ دیگر سول ورک اور لیبر کے اخراجات کی فراہمی محکمے کے ہیومن اور میٹیریل ریسورسز سے کی گئی۔

04/02/2021

کے ایم سی کا ناظم آباد نمبر 2 اور 4 میں تجاوزات کے خاتمے کے لیے آپریشن
کراچی میٹروپولیٹن کارپوریشن کے محکمہ انسداد تجاوزات نے منگل کو کراچی کے دو اضلاع میں تجاوزات کے خاتمے کیلئے آپریشن کیا۔کے ایم سی نے ضلع وسطی اور کورنگی میں انسداد تجاوزات آپریشن کیا، محکمہ انسداد تجاوزات کی ٹیم نے مجاہد کالونی ناظم آباد نمبر 4 اور انکوائری آفس ناظم آباد نمبر 2 سے تجاوزات کا خاتمہ کیا۔آپریشن کے دوران کے ایم سی کی ٹیموں نے فٹ پاتھوں اور سروس روڈ سے میزیں، کرسیاں اور ہوٹل کا دیگر سامان ہٹادیا، جس میں تخت، تندور، گیس سلینڈرز بھی شامل تھے جبکہ فٹ پاتھ سے پنکچر مشینیں بھی اٹھالیں۔ کے ایم سی کی ٹیموں نے تجاوزات کے خاتمہ کرکے سامان ضبط کرلیا۔ناظم آباد میں انکوائری آفس کے قریب ایک اور کارروائی میں کے ایم سی کی ٹیموں نے طویل عرصے سے سروس روڈز پر رکھی گئی گاڑیوں کو اٹھا لیا، نہوں نے فٹ پاتھوں سے کیبن، کھانے کے اسٹال اور ٹھیلے ہٹا کر پیدل چلنے والوں کیلئے راستہ صاف کردیا۔کے ایم سی محکمہ انسداد تجاوزات نے ناصر جمپ کے قریب 12 ہزار روڈ پر تجاوزات کیخلاف آپریشن کیا، جہاں سے فٹ پاتھوں اور سروس روڈ کے ساتھ ساتھ کیبنز، پش کارٹس، ہوٹلوں کی اشیاء اور پنکچر مشینیں ہٹا دیں۔کے ایم سی کے سینئر ڈائریکٹر بشیر صدیقی نے کہا کہ تجاوزات کیخلاف آپریشن پورے کراچی میں بغیر کسی وقفے کے جاری ہے، محکمہ کا انسداد تجاوزات مہم کو تمام اضلاع میں مرحلہ وار انجام دینے کیلئے مناسب منصوبہ ہے۔ان کا کہنا تھا کہ کے ایم سی انسداد تجاوزات کا محکمہ پچھلے 3 سالوں سے بغیر کسی وقفے کے مہم چلا رہا ہے جو ماضی میں کبھی نظر نہیں آئی تھی۔

04/02/2021

قبضہ مافیا کے خلاف بڑا کریک ڈاؤن – سرگرم قبضہ مافیا کے 5 بڑے سرغنہ گرفتار
اسلام آباد : وزیراعظم عمران خان کے حکم پر قبضہ مافیا کے خلاف بڑا کریک ڈاؤن شروع کردیا گیا، کارروائی کے دوران اسلام آباد میں سرگرم قبضہ مافیا کے 5 بڑے سرغنہ گرفتار کرلیے گئے۔لاہور کے بعد اسلام آباد کی ضلعی انتظامیہ نے بھی قبضہ مافیا کے خلاف کارروائی کا فیصلہ کرتے ہوئے ان گروپوں کے 80افرادکی فہرست تیار کی ہے۔ قبضہ مافیا کے خلاف کریک ڈاون کے لیے خصوصی کمیٹی بھی تشکیل دی گئی ہے۔اس حوالے سے ذرائع کا کہنا ہے کہ جن ملزمان کو گرفتار کیا گیا ہے ان میں غوری ٹاؤن کے ملک راجہ عبدالرحمان، راجہ رضا سمیت 5اہم افراد شامل ہیں، ان بااثر شخصیات کو تھری ایم پی او کے تحت گرفتار کیا گیا ہے۔ذرائع کے مطابق گرفتارافراد کوتھری ایم پی او کے تحت 90 دن تک حراست میں رکھا جاسکتا ہے، اس حوالے سے 30 کے قریب شخصیات کی فہرست مرتب کی گئی ہے۔قبضہ مافیا کے خلاف بڑا کریک ڈاؤن کے دوران ان کا اسلحہ اور گاڑیاں بھی ضبط کی جارہی ہیں، کریک ڈاؤن وفاقی پولیس اور ضلعی انتظامیہ کے افسران کی زیر نگرانی کیا جارہا ہے۔ ذرائع کا مزید کہنا ہے کہ رات گئے مزید اہم گرفتاریوں کا بھی امکان ظاہر کیا جارہا ہے۔ڈپٹی کمشنر اسلام آباد حمزہ شفقات کے مطابق مذکورہ کمیٹی سرکاری اراضی پر قبضے کو فوری واگزار کروا کر قانونی کارروائی عمل ميں لائے گی۔ قبضہ مافيا کے منظم گروہ اور ان کے سہولت کاروں کے خلاف قانونی کارروائی عمل ميں لا کر انہیں عوام کے سامنے بے نقاب کيا جائے گا۔

04/02/2021

ملیر ٹاؤن ریزیڈنسی سکھن ندی پر زیر تعمیر، بارشوں میں شدید خطرات کا پیش خیمہ قرار
کراچی: تعمیراتی گروپ کا رہائشی پروجیکٹ ملیر ٹاؤن ریزیڈنسی سکھن ندی میں زیر تعمیر، علاقہ مکینوں نے مستقبل میں شدید خطرات کا پیش خیمہ قرار دے دیا، اس سلسلے میں زرائع کا کہنا ہے کہ ملیر ریزیڈینسی کے سکھن ندی میں تعمیر ہونے کی وجہ سے حالیہ ہونے والی بارشوں میں سکھن ندی کے کناروں پر تعمیر پرانے اور قدیمی علاقوں کو شدید نقصان پہنچا تھا بارشوں میں پانی کی نقاصی میں رکاوٹ ہوئی جسکی وجہ سے نیشنل ہائی وے سے فقیر محمد گوٹھ، جام کنڈو، صالح محمد گوٹھ، ولی محمد گوٹھ، غریب آباد جانے والی سڑک تباہ ہوگئی تھی جس سے پرانے اور قدیمی آباد گوٹھوں کے مکینوں کو سخت مشکلات کا سامنا کرنا پڑا تھا جسکی وجہ سے ملیر ریزیڈینسی کی اپنی دیواریں بھی گرگئیں تھیں اور ملیر ریزیڈینسی مکمل زیر آب آگیا تھا علاقہ مکینوں نے سندھ حکومت نیب ہاؤس بلڈنگ کنٹرول اتھارتی و دیگر ذمہ داران و دیگر اداروں سے اپیل کی ہے کہ مذکورہ رہائشی پروجیکٹ کے دستاویزات چیک کیئے جائیں ندی میں زیر تعمیر یہ پروجیکٹ غیر قانونی ثابت ہوگا۔

02/02/2021

Why are you waiting for???

01/02/2021

Buy property in just 12 lacs !!

01/02/2021

Get your own house in just 9000 monthly installment Approved from SDA,SBCA for more information comment below.

01/02/2021

بیرون ملک منی لانڈرنگ،قانون کی خلاف ورزی پر بھاری جرمانے عائد
اسلام آباد : بیرون ملک منی لانڈرنگ کے معاملے پر فنانشل مانیٹرنگ یونٹ کے مطابق اب تک قانون کی خلاف ورزی پر چھ کروڑ روپے کے قریب جرمانہ عائد کیا جا چکا ہے ۔ ٹرانزیکشنز میں متعلقہ شرائط کو نظر انداز کرنے پر اکاؤنٹس کی تفتیش بھی جاری ہے ۔فنانشل مانیٹرنگ یونٹ کے مطابق ریگولیٹری قوائد کی خلاف ورزی کرنے والے بینک آفیسرز کیخلاف بھی تادیبی کارروائی شروع کر دی گئی ۔دہری شہریت ہولڈرز کو اکاؤنٹ کھولنے، فنڈ ٹرانسفر، ڈیپازٹ رکھنے اور جائیداد خریدنے کی معلومات دونوں ممالک کے ٹیکس سسٹم میں ظاہر کرنا ہوگی۔ذرائع کے مطابق امپورٹ ایکسپورٹ کی پیمنٹ پراپر ڈاکومنٹیشن کے بغیر منی ٹرانسفر غیر قانونی قرار دیا جا چکا ہے۔ ایڈوانس یا فل اینڈ فائنل پیمنٹ کی دستاویزات داخل کرنا لازم جبکہ غیر رجسٹرڈ، ایڈہاک یا سیزنل بزنس مینوں کو کی گئی ادائیگیاں جرم بن چکا ہے ۔کسٹم وی بوک کی بجائے دوسرے سسٹم کے ذریعے امپورٹ ڈاکومنٹیشن پر پابندی لاگو ہوچکی ہیں ، صرف اپنے بینک اکاؤنٹ سے کسٹم اور بزنس کمپنیوں کو ادائیگی کی جا سکتی ہے۔بیرون ملک مقیم دوست یا رشتے دار سے رقم منگوانے پر بھی شرائط لاگو ہیں، جن سے تجاوز کرکے رقم منگوانے پر اسٹیٹ بینک سے کیس ایف آئی اے کو منتقل ہو جائے گا۔فارن پیمنٹس وصول کرنے والے آن لائن ٹریڈرز کو غیر ملکی آرڈرز، کورئیر سے ڈلیوری کی رسیدیں اور وصول شدہ فارن پیمنٹس کی دستاویزات پیش کرنا ہونگی، اوور سیز پاکستانی کو ترسیلات پاکستان میں اپنے ذاتی اکاؤنٹ میں بھیجنا ہونگی۔ جوائنٹ فیملی اکاؤنٹ یا کسی فیملی پرسن کے اکاؤنٹ میں رقم کی ترسیل کا ریکارڈ ٹیکس ریٹرن اور ویلتھ اسٹیٹمنٹ میں ظاہر کرنا ہوگا۔

01/02/2021

سیالکوٹ ڈویلپمنٹ اتھارٹی کے قیام کی منظوری پر تاجر برادری کا وزیر اعلیٰ عثمان بزدار سے اظہار تشکر
لاہور: سیالکوٹ ڈویلپمنٹ اتھارٹی کے قیام کی منظوری پر تاجر برادری اور صنعتکاروں نے وزیر اعلیٰ عثمان بزدار سے اظہار تشکر کیا۔سیالکوٹ چیمبر آف کامرس اینڈ انڈسٹری کے صدر قیصر اقبال بریار نے سیالکوٹ ڈویلپمنٹ اتھارٹی کے قیام پر وزیر اعلیٰ عثمان بزدار کو زبردست خراج تحسین پیش کیا۔ انہوں نے کہا سیالکوٹ ڈویلپمنٹ اتھارٹی کا قیام شہر کی ترقی کے لئے حکومت کا انقلابی اقدام ہے۔ ایس ڈی اے کے قیام سے شہر کے تعمیراتی اور دیگر حل طلب امور کو حل کرنے میں مدد ملے گی۔ ایس ڈی اے کے قیام سے شہر کی سڑکوں کی پلاننگ، مینجمنٹ اور روڈ انفراسٹرکچر کو بہتر بنانے میں مدد ملے گی۔ صدرچیمبر آف کامرس اینڈ انڈسٹری نے کہا سیالکوٹ ڈویلپمنٹ اتھارٹی سے شہر میں سینی ٹیشن اور سیوریج کے مسائل بھی حل ہو سکیں گے۔ سیالکوٹ کی بزنس کمیونٹی ایس ڈی اے کے قیام کے لئے بھرپور کاوشیں کرنے پر وزیر اعلی عثمان بزدار کی خدمات کو قدر کی نگاہ سے دیکھتی ہے۔ وزیر اعلیٰ عثمان بزدار نے 9 دسمبر کو دورہ سیالکوٹ میں کیا گیا وعدہ پورا کر کے دل جیت لئے ہیں۔ انہوں نے کہا سیالکوٹ کی تاجر برادری حکومتی اقدامات کو قدر کی نگاہ سے دیکھتی ہے۔ تاجر برادری آنے والے برسوں میں ایکسپورٹ بڑھانے کا عہد پورا کرنے کے لئے کوشاں ہے۔

01/02/2021

سیالکوٹ:نجی ہاؤسنگ سوسائٹی میں تجاوزات کیخلاف کارروائی‘کارروائی میں 3 منزلہ کمینوٹی سینٹر گرا دیاگیا
سیالکوٹ کے علاقے میں ضلعی انتظامیہ نے تجاوزات کے خلاف آپریشن میں نجی ہاؤسنگ سوسائٹی کے ہال کو گرا دیا۔ اسکیم کے مالک نے الزام عائد کرتے ہوئے کہا ہے کہ کارروائی سیاسی انتقام کے طور پر کی گئی ہے۔سیالکوٹ کے علاقے میں نجی ہاؤسنگ سوسائٹی کے خلاف کارروائی کے دوران قبرستان اور پارک کی زمین پر بنائی گئی غیر قانونی عمارت کو گرادیا گیا۔آپریشن سیالکوٹ ڈویلپمنٹ اتھارٹی کی منظوری کے بعد شروع کیا گیا، جس میں پولیس اور قانون نافذ کرنے والے اہلکار بھی شریک ہوئے۔ ضلعی انتظامیہ کے مطابق ہيوی مشينری سے 3 منزلہ کمیونٹی سينٹر کو گرايا گیا۔ مذکورہ نجی ہاؤسنگ ن ليگ کے سابق میئر توحید اختر کی ملکيت ہے۔نمائندے سے گفتگو میں سابق مئیر توحید اختر کا کہنا تھا کہ خواجہ آصف کے بیٹے ہاؤسنگ سوسائٹی میں 20 فیصد کے شئیر ہولڈر ہیں، اِسي ليے سياسی انتقام کا نشانہ بنایا گیا ہے۔انتظامیہ کا یہ بھی کہنا تھا کہ ہاؤسنگ سوسائٹی ميں پارک اور قبرستان کی کروڑوں کی زمین پر تجاوزات قائم تھے۔ کارروائی میں 12 مرلہ پر قائم 3 منزلہ عمارت کو گرایا گیا۔ آپریشن کے دوران پولیس اور مسلم لیگ ن کے کارکنوں میں تلخ کلامی بھی ہوئی۔واضح رہے کہ اس سے قبل لاہور میں کھوکھر پیلس پر ایل ڈی اے نے آپریشن کرتے ہوئے سرکاری زمین واگزار کرئی تھی۔ پولیس کی بھاری نفری نے آپریشن میں حصہ لیا۔ کھوکھر برادران نے ایل ڈی اے آپریشن کو حکومتی حربہ اور سیاسی انتقام قرار دیا تھا۔ایل ڈی اے نے کھوکھر پیلس سے متصل 3 گھروں کی تعمیرات کو غیر قانونی قرار دیتے ہوئے مسمار کیا۔ایل ڈی اے کی جانب سے سیف الملوک کھوکھر کےبھانجے طاہرجاوید کا گھر مسمار کیا گیا، جب کہ سیف الملوک کھوکھر کے برادر نسبتی کا گھر بھی مسمار کیا گیا۔ آپریشن کے دوران کھوکھر پیلس سےملحقہ مارکیٹ بھی مسمار کردی گئی ہے۔کھوکھر پیلس سے متصل غیر قانونی تجاوزات کیخلاف آپریشن کے دوران پولیس نے تمام فورس کو بغیر اسلحہ تعینات کیا، جب کہ دوران آپریشن کھوکھر برادران کی جانب سے کسی قسم کی مزاحمت نہیں کی گئی۔

Buy and sell Property in Karachi

05/03/2021

04/02/2021

04/02/2021

04/02/2021

04/02/2021

04/02/2021

02/02/2021

01/02/2021

01/02/2021

01/02/2021

01/02/2021

01/02/2021

Address

Website

Alerts

Shortcuts

Share

Category