Property Buy & Sale

15/09/2026

15/09/2026

13/09/2026

کراچی: کراچی کے مقامی ہوٹل میں گریجویٹ فورم پاکستان کے زیر اہتمام قومی مذاکرے کا انعقاد کیا گیا، جس سے خطاب کرتے ہوئے تاجر رہنما عتیق میر نے کراچی کی معاشی صورتحال پر شدید تشویش کا اظہار کیا۔

عتیق میر نے کہا کہ کراچی کی معیشت ڈوب چکی ہے اور یہ شہر اب ایک خوشنما شکل کے جنگل میں تبدیل ہوگیا ہے۔ ان کا کہنا تھا کہ کراچی کے لوگ جنگلاتی زندگی گزارنے پر مجبور ہیں۔

انہوں نے کہا کہ وہ صرف مذاکرے کی حد تک اپنی بات نہیں کر رہے بلکہ کراچی بھر کے تاجر اس معاملے میں ساتھ کھڑے ہیں۔ عتیق میر کا کہنا تھا کہ اگر آپ لڑیں گے تو ہم بھی آپ کے ساتھ لڑیں گے۔

تاجر رہنما نے ملک میں نئے انتظامی یونٹس کے قیام کی حمایت کرتے ہوئے کہا کہ پاکستان میں نئے انتظامی یونٹس ضرور بننے چاہئیں۔