Kalam e Burhan

09/09/2026

رضائے ربّ سے ہیں بُرہان ہم احمد رضا والے

09/09/2026

Hain Fazl-e-Rab Se Aalam Mein | Kalam e Burhan Mufti Rashid Ali Qadri Attari

09/09/2026

جان و دِل💘 کا قرار اُن سے ہے

ازقلم✍️: ابو الحقائق مفتی راشد علی قادری رضوی عطاری

(1)جان و دِل کا قرار اُن سے ہے
میرا سارا وقار اُن سے ہے

(2)چین اُن سے قرار اُن سے ہے
میرے دِل کی بہار اُن سے ہے

(3)دو جہاں کی بہار اُن سے ہے
گُلْسِتَاں کا نکھار اُن سے ہے

(4)فضلِ پروردگار اُن سے ہے
رحمتِ بے شمار اُن سے ہے

(5)چُن لیا اُن کو ساری خَلقت میں
کس قدر ربّ کو پیار اُن سے ہے

(6)وَجہِ تخلیقِ خشک و تَر ہیں وہی
کُل جہاں برقرار اُن سے ہے

(7)بزمِ عالَم کے وہ ہیں رُوحِ رواں
نخلِ جاں بار دار اُن سے ہے

(8)اُن کے دَم سے ہے رونقِ عالَم
خُلد کی بھی بہار اُن سے ہے

(9)وہ ہیں عالَم میں ہادیِ اعظم
نورِ حق آشکار اُن سے ہے

(10)وہ نظامِ جہاں کا ہیں محور
دَورِ لیل و نہار اُن سے ہے

(11)اُن کا عاشق غلام مدّت سے
دید کا خواستگار اُن سے ہے

(12)روئے انور کے جلوے دِکھلائیں
عرض یہ بار بار اُن سے ہے

(13)وہ بُلائیں گے اپنے روضے پر
قلب اُمیدوار اُن سے ہے

(14)اُن کی نسبت نے عزتیں بخشیں
یہ مرا افتخار اُن سے ہے

(15)اُن کی سُنّت پہ کر عمل بُرہاں
گر تجھے سچ میں پیار اُن سے ہے

(16)تُو حِصارِ کرم میں ہے بُرہاں
تیرا قائم وقار اُن سے ہے

بروزہفتہ،10صفرالمظفر1448ھ ، مطابق 25 جولائی 2026ء

08/09/2026

https://youtu.be/weGEn9p3kgw?si=-WGxCKGfoIxjZY3K

جان و دِل💘 کا قرار اُن سے ہےازقلم✍️: ابو الحقائق مفتی راشد علی قا...

07/09/2026

07/09/2026

ختمِ نبوت کے عنوان پر تین کلامِ بُرہان

07/09/2026

💠نبی آخریﷺ💠

از قلم✍️ : ابو الحقائق مفتی راشد علی قادری رضوی عطاری

(1)سَرورِ سَروراں ہیں نبی آخری
رَہْبَرِ مُرْسَلاں ہیں نبی آخری

(2)مُوْنِسِ عَرشیاں ہیں نبی آخری
مُحْسِنِ فَرشیاں ہیں نبی آخری

(3)راحتِ مومِناں ہیں نبی آخری
دَسْتْگِیْرِ جہاں ہیں نبی آخری

(4)اُنْسِ اِنْس اور جانِ جِنان و جہاں
رُوحِ بَزمِ فَکاں ہیں نبی آخری

(5)رونقِ ہر مکاں ، نُزہتِ جاوِداں
زینتِ لامکاں ہیں نبی آخری

(5)ماہِ تاباں ہوئے ، ظِلِّ یَزداں ہوئے
مہرِ نُورِ فَشاں ہیں نبی آخری

(7)بَحْرِ عِلْم و حِکَم ، نہرِ فضل و نِعَم
جانِ اَمن و اَماں ہیں نبی آخری

(8)ساقیِ کوثر و مالکِ سلسبیل
شافعِ عاصیاں ہیں نبی آخری

(9)مَشْعَلِ رُشْد و عرفان و شَمْسِ ہُدٰی
ہادیِ کُل جہاں ہیں نبی آخری

(10)کانِ فَیْض و عطا ، جانِ ہر دوسَرا
ربّ کے کَنْزِ نِہاں ہیں نبی آخری

(11)آیتِ کِبریا ، شاہِ اَرْض و سَمَا
صاحبِ عِزّ و شاں ہیں نبی آخری

(12)گرچہ بُرہاں سِتَم دُشمنوں کے بڑھے
مُشْفِق و مہرباں ہیں نبی آخری

06/09/2026

❤️خاتمِ کُل انبیاءﷺ💚
ازقلم✍️: ابو الحقائق مفتی راشد علی قادری رضوی عطاری

(1)بالقیں ہیں پیارے آقا ، خاتمِ کُل انبیاء
دِین اور ایماں ہمارا ، خاتمِ کُل انبیاء

(2)سب سے بالا ، سب سے اعلیٰ ، خاتمِ کُل انبیاء
واصلِ عرشِ معلیٰ ، خاتمِ کُل انبیاء

(3)سارے نبیوں سے ہیں افضل ، پیشوائے مرسلیں
سب کے ہیں آقا و مولا ، خاتمِ کُل انبیاء

(4)روشنی پھیلی ہوئی ہے ، آپ ہی کے نور کی
ہر مکاں کا ہیں اُجالا ، خاتمِ کُل انبیاء

(5)سب سے آخر میں ہوئے مبعوث شاہِ خشک و تر
ہیں مگر نبیوں میں اعلیٰ ، خاتمِ کُل انبیاء

(6)ہیں شہنشاہِ دو عالَم ، رحمتِ کون و مکاں
خاص عبدِ ربّ تعالیٰ ، خاتمِ کُل انبیاء

(7)آخری معصوم ہیں جنسِ بشر میں مصطفیٰ
اِس شرف میں بھی ہیں یکتا ، خاتمِ کُل انبیاء

(8)دلفگاروں ، غم کے ماروں ، بے سہاروں کیلئے
دو جہاں میں ہیں سہارا ، خاتمِ کُل انبیاء

(9)ہیں نبیُ الانبیاء ، محبوبِ ربُّ العالمیں
سب رسولوں میں ہیں اعلیٰ ، خاتمِ کُل انبیاء

(10)نائبِ ربِّ دو عالَم ، ہادی و حاجت رَوا
سید و سلطانِ والا ، خاتمِ کُل انبیاء

(11)صاحبِ قرآن ہیں ، رحمن کی بُرہان ہیں
نور و رحمت ہیں سراپا ، خاتمِ کُل انبیاء

(12)دُھوم ہے بُرہاں مچی ،خاتم ہوئے ہیں شاہِ دِیں
ہر مسلماں نے پکارا ، خاتمِ کُل انبیاء

06/09/2026

❤️ ترانۂ ختمِ نبوت ❤️

ازقلم✍️: ابو الحقائق مفتی راشد علی قادری رضوی عطاری


(1)مُصطفٰی آپ ہیں خاتمُ الاَنبیا
سیّد المرسلیں اور حبیبِ خُدا

(2)اَوّلُ الانبیا ، آخِرُالانبیا
ابتدا آپ سے ، آپ پر انتہا

(3)سارے اَصحاب و آلِ نبی نے کہا
خاتمُ الانبیاء ہیں فقط مُصطفٰی

(4)تم کو بتلاؤں ختمِ نبوت ہے کیا
مَشْرَبِ غوث ہے اور فکرِ رضا

(5)جس نے انکارِ ختمِ نبوت کیا
دِین سے وہ پِھرا اور مرتَد ہُوا

(6)جو بھی ختمِ نبوت کے منکر ہُوئے
اُن پہ نازل ہو قہر و عذابِ خُدا

(7)دِینِ اسلام کا ہے اِسی پہ مدار
آخری ہیں نبی مُصطفٰی مُصطفٰی

(8)ہیں محمد ، رسول و نبی آخری
اہلِ ایماں! کہو ہر جگہ بَرملا

(9)اپنا ختمِ نبوت پہ ایمان ہے
اِس عقیدے سے بُرہاں ہے اپنی بقا

(10)خاتمُ الانبیا کے جو گستاخ ہیں
اُن کو بُرہاں کرو خود سے فوراً جُدا