05/07/2025
ترمذی شریف میں ہے:
حضرت سیدنا مولا علی المرتضیٰ کرم اللہ تعالیٰ وجہہ الکریم فرماتے ہیں:
امامِ حسن رَضِیَ اللہُ تَعَالٰی عَنْہُ سِینے اور سر کے درمیان محبوبِ کریمﷺ سے بہت مشابہ تھے۔۔۔
اور اِمامِ حسین رَضِیَ اللہُ تَعَالٰی عَنْہُ اِس سے نیچے کے حصے میں رسول کریمﷺ کے بہت مشابہ تھے۔۔۔
مُفَسِّرِ شَہِیر،حکیم الاُمَّت مُفتی احمد یارخان رَحْمَۃُ اللہ عَلَیْہ اس حدیثِ پاک کی شَرح میں فرماتے ہیں:
خیال رہے کہ حضرت فاطمہ زہرا رَضِیَ اللہُ تَعَالٰی عَنْہَا از سرتا قدم بالکل ہمشکلِ مصطفیٰ تھیں۔۔۔
اورآپ رَضِیَ اللہُ تَعَالٰی عَنْہَا کے صاحبزادگان یعنی حسنین کریمین رَضِیَ اللہُ تَعَالٰی عَنْہُمَا میں یہ مشابہت تقسیم کر دی گئی تھی۔۔۔
حضرت امام حسین کی پنڈلی قدم شریف تک اور ایڑی بالکل حضور کریمﷺ کے مشابہ تھی۔۔۔
حضور کریمﷺ سے قدرتی مشابہت بھی اللہ تعالٰی کی نعمت ہے جو اپنے کسی عمل کو حضور کے مشابہ کر دے تو اس کی بخشش ہو جاتی ہے، تو جسے خدا تعالٰی اپنے محبوب کے مشابہ کرے، اُس کی محبوبیت کا کیا حال ہو گا۔
(مرآۃ جلد8ص480)
