Godhra Property Insider - New Karachi

Directions

Godhra Property Insider - New Karachi Contact information, map and directions, contact form, opening hours, services, ratings, photos, videos and announcements from Godhra Property Insider
- New Karachi, Real Estate, Godhra Colony, Karachi.

Your trusted source for property news, updates, and insights in New Karachi

Focused on Sector 11-F, 11-G & Federal B Area — plots, files, prices, development updates, and verified ground realities.

05/08/2026

سیکٹر 11 ایف میں گھر کے باہر سے موٹر سائیکل چوری، عوام سے شناخت میں تعاون کی اپیل (بتاریخ 4 اگست 2026 ، وقت : صبح 9:07 منٹ )

سیکٹر 11 ایف، گودھرا کالونی میں دن دیہاڑے موٹر سائیکل چوری کی واردات پیش آئی۔ نامعلوم ملزم نے مدرسہ اقصیٰ کے سامنے واقع گلی، مکان نمبر 38/3 (طاہر تاشیا والی گلی) کے باہر کھڑی موٹر سائیکل نمبر KMU-9415 چوری کر لی۔

واردات 4 اگست 2026 بروز منگل صبح تقریباً 9:07 بجے پیش آئی، جبکہ پوری کارروائی قریبی سی سی ٹی وی کیمرے میں واضح طور پر ریکارڈ ہو گئی ہے۔ فوٹیج میں مبینہ ملزم کا چہرہ اور اس کی حرکات واضح دیکھی جا سکتی ہیں۔

واضح رہے کہ رواں ہفتے ہی سیکٹر 11 ایف میں الحکمہ اسکول / گودھرا بیکری والی سڑک پر ایک بچے کو اغوا کرنے کی مبینہ کوشش بھی پیش آئی تھی، تاہم خوش قسمتی سے بچہ اغوا کاروں کے چنگل سے محفوظ نکل آیا اور واردات ناکام ہو گئی۔

ان مسلسل واقعات کے پیش نظر سیکٹر 11 ایف کے مکینوں سے اپیل کی جاتی ہے کہ وہ غیر معمولی نقل و حرکت پر نظر رکھیں، اپنے گھروں اور گلیوں میں نصب سی سی ٹی وی کیمروں کو فعال رکھیں، بچوں پر خصوصی نظر رکھیں اور کسی بھی مشکوک شخص یا سرگرمی کی فوری اطلاع پولیس اور متعلقہ اداروں کو دیں۔

New karachi Sindh Police Syed Shahroze Ahmed Muhammad Yousuf Owais Ghariba Dr Abdul Basit Ahmed Sheikh Hanif Surty

گمشدگی کی اطلاعمحمد قاسم بھگت آج صبح اپنے گھر سے نکلے تھے، تاہم تاحال واپس گھر نہیں پہنچے اور ان سے رابطہ بھی نہیں ہو پا...
25/07/2026

گمشدگی کی اطلاع

محمد قاسم بھگت آج صبح اپنے گھر سے نکلے تھے، تاہم تاحال واپس گھر نہیں پہنچے اور ان سے رابطہ بھی نہیں ہو پا رہا۔

اگر کسی بھائی یا دوست کو محمد قاسم بھگت کہیں نظر آئیں یا ان کے بارے میں کوئی معلومات ہوں تو براہِ کرم فوری طور پر درج ذیل نمبروں پر رابطہ کریں:

توصیف بھگت : 03219216037
آصف بھگت.03152495744

براہِ کرم اس پیغام کو زیادہ سے زیادہ شیئر کریں۔

آپ کے تعاون کا شکریہ۔

24/07/2026

الحمدللہ! گودھرا میڈیکل سینٹر میں 155 کلو واٹ سولر سسٹم کی تنصیب اور اس کی افتتاحی تقریب کی تکمیل پر گودھرا شیخ مسلم انجمن کے معزز صدر جناب حسن کرکر صاحب، تمام اراکینِ انجمن اور اس منصوبے میں حصہ لینے والے تمام احباب کو دل کی گہرائیوں سے مبارکباد پیش کرتے ہیں۔

یہ منصوبہ انجمن کی بہترین منصوبہ بندی، اجتماعی کاوشوں اور خدمتِ خلق کے جذبے کی بہترین مثال ہے۔ بلاشبہ ایسے فلاحی اور ترقیاتی منصوبے پوری برادری کے لیے باعثِ فخر ہیں۔

ہم دعا گو ہیں کہ اللہ تعالیٰ گودھرا شیخ مسلم انجمن، گودھرا مسلم انجمن سیکٹر 11-F اور گودھرا محمدی انجمن (واٹر پمپ) کے زیرِ انتظام چلنے والے تمام اداروں، فلاحی منصوبوں اور خدمتِ خلق کے تمام کاموں کو مزید کامیابی، ترقی اور استحکام عطا فرمائے۔

اللہ تعالیٰ تینوں انجمنوں کے تمام عہدیداران، اراکین اور خدمت میں مصروف تمام احباب کو اخلاص کے ساتھ اپنی ذمہ داریاں ادا کرنے کی توفیق دے، اور ہماری پوری برادری میں اتحاد، اتفاق، محبت، بھائی چارے اور باہمی تعاون کو مزید مضبوط فرمائے۔

اللہ تعالیٰ ان تمام اداروں اور منصوبوں کو برادری کی فلاح و بہبود اور آنے والی نسلوں کے روشن مستقبل کا ذریعہ بنائے اور سب کی کاوشوں کو اپنی بارگاہ میں قبول فرمائے۔

آمین یا رب العالمین۔

7000 روڈ پر گودھرا اسٹاپ تا نالا اسٹاپ کے صرف 1.4 کلومیٹر حصے کی عدم تعمیر ایک المیہ7000 روڈ پر گودھرا اسٹاپ تا نالا اسٹ...
18/07/2026

7000 روڈ پر گودھرا اسٹاپ تا نالا اسٹاپ کے صرف 1.4 کلومیٹر حصے کی عدم تعمیر ایک المیہ

7000 روڈ پر گودھرا اسٹاپ تا نالا اسٹاپ کا صرف 1.4 کلومیٹر کا حصہ گزشتہ 8 برس سے تعمیر نہ ہونا ایک بڑا المیہ ہے۔ روزانہ ہزاروں گاڑیاں، مریض، طلبہ، ملازمین اور شہری اس ٹوٹی پھوٹی سڑک پر سفر کرنے پر مجبور ہیں، مگر متعلقہ اداروں اور عوامی نمائندوں کی جانب سے اس مسئلے کے مستقل حل کے لیے مؤثر اقدامات نظر نہیں آتے۔

اس سڑک کی تعمیر کی بنیادی ذمہ داری کراچی میٹروپولیٹن کارپوریشن (KMC) پر عائد ہوتی ہے۔ میئر کراچی مرتضیٰ وہاب مختلف مواقع پر 7000 روڈ کی تعمیر میں عدالتی اسٹے آرڈر کو رکاوٹ قرار دیتے رہے ہیں، لیکن یہ حقیقت بھی واضح ہونی چاہیے کہ گودھرا اسٹاپ تا نالا اسٹاپ کے اس 1.4 کلومیٹر حصے پر نہ تجاوزات موجود ہیں اور نہ ہی اس کی تعمیر پر کوئی عدالتی پابندی ہے۔ ایسے میں اس حصے کی تعمیر میں مزید تاخیر کی کوئی واضح وجہ سمجھ نہیں آتی۔

اسی طرح جماعت اسلامی سے تعلق رکھنے والے نیو کراچی ٹاؤن کے چیئرمین محمد یوسف سے بھی عوام یہ توقع رکھتے ہیں کہ وہ اس اہم عوامی مسئلے کے حل کے لیے بھرپور کردار ادا کریں ۔ اگر وسیع تر عوامی مفاد میں دستیاب ترقیاتی وسائل، بشمول سوئی گیس کمپنی سے حاصل ہونے والی رقم کا کچھ حصہ، اس سڑک کی تعمیر پر خرچ کیا جاتا تو روزانہ ہزاروں شہریوں کو شدید مشکلات کا سامنا نہ کرنا پڑتا۔ عوام کی نظر میں ترقیاتی دعوے اسی وقت مؤثر ثابت ہوتے ہیں جب ان کے عملی نتائج بھی نظر آئیں۔ الیکشن مہم میں جماعت اسلامی نے دعویٰ کیا تھا کہ بیان بازی اور رونا دھونا نہیں بلکہ اختیار سے زیادہ کام کرینگے اب اپنا وعدہ وفا کریں اور اس مسئلہ کو بغیر مزید تاخیر کے حل کیا جائے۔

مزید برآں، ایم کیو ایم پاکستان کے چیئرمین و رکنِ قومی اسمبلی ڈاکٹر خالد مقبول صدیقی اور حلقہ PS-124 کے رکنِ سندھ اسمبلی ڈاکٹر عبدالباسط سے بھی شہریوں کی توقع ہے کہ وہ اس مسئلے کو قومی اسمبلی اور سندھ اسمبلی میں مؤثر انداز میں اٹھائیں، متعلقہ اداروں پر دباؤ ڈالیں اور اگر ممکن ہو تو اپنے ترقیاتی فنڈز سے بھی اس اہم منصوبے کی تکمیل میں کردار ادا کریں۔

7000 روڈ صرف ایک سڑک نہیں بلکہ لاکھوں شہریوں کی روزمرہ زندگی، علاج، تعلیم، روزگار اور کاروبار کا اہم ذریعہ ہے۔ اب وقت آ گیا ہے کہ ادارے اور عوامی نمائندے ایک دوسرے پر ذمہ داری ڈالنے کے بجائے عملی اقدامات کریں اور گودھرا اسٹاپ تا نالا اسٹاپ کے صرف 1.4 کلومیٹر حصے کی تعمیر فوری طور پر شروع کی جائے۔

Dr Abdul Basit Dr. Khalid Maqbool Siddiqui Barrister Murtaza Wahab Syed Nasir Hussain Shah Muhammad Yousuf Muhammad Jawwad Ul Hassan Hafiz Naeem ur Rehman

نیو کراچی میں تجاوزات کے خلاف گرینڈ آپریشن! اسسٹنٹ کمشنر نیو کراچی کی زیرِ نگرانی نالہ اسٹاپ، مین گودھرا اسٹاپ اور نیو ک...
15/07/2026

نیو کراچی میں تجاوزات کے خلاف گرینڈ آپریشن! اسسٹنٹ کمشنر نیو کراچی کی زیرِ نگرانی نالہ اسٹاپ، مین گودھرا اسٹاپ اور نیو کراچی نمبر 3 پر قائم غیر قانونی تجاوزات کو مسمار کر دیا گیا۔

​اس اقدام کا بنیادی مقصد ٹریفک کی روانی کو بہتر بنانا اور پیدل چلنے والے شہریوں کے لیے راستوں کو صاف کرنا ہے۔ انتظامیہ کی جانب سے تجاوزات قائم کرنے والوں کو سخت وارننگ بھی جاری کر دی گئی ہے۔
​

گودھرا اسٹاپ تا اللہ والی چورنگی روڈ کی تعمیر کے حوالے سے یہ مؤقف سامنے آیا ہے کہ 5 نمبر تا سندھی ہوٹل تک تجاوزات کے خلا...
11/07/2026

گودھرا اسٹاپ تا اللہ والی چورنگی روڈ کی تعمیر کے حوالے سے یہ مؤقف سامنے آیا ہے کہ 5 نمبر تا سندھی ہوٹل تک تجاوزات کے خلاف کارروائی عدالتی اسٹے آرڈر کی وجہ سے متاثر ہے۔ تاہم یہ سوال اپنی جگہ برقرار ہے کہ جب عدالتی اسٹے صرف مخصوص حصے تک محدود ہے تو گودھرا اسٹاپ تا نالا اسٹاپ کا وہ حصہ، جہاں کوئی عدالتی رکاوٹ موجود نہیں، آخر کیوں گزشتہ کئی برسوں سے تعمیر نہیں کیا جا رہا؟

یہ سڑک 7000 روڈ کا حصہ ہے، جبکہ گودھرا اسٹاپ تا نالا اسٹاپ کا فاصلہ صرف تقریباً 1.4 کلومیٹر ہے۔ چونکہ اس حصے پر کوئی عدالتی رکاوٹ موجود نہیں، اس لیے اس مختصر حصے کی تعمیر فوری طور پر ممکن ہے اور اس میں مزید تاخیر کا کوئی جواز نہیں بنتا۔

گزشتہ 8 سال سے اس خستہ حال سڑک کی وجہ سے روزانہ لاکھوں شہری شدید مشکلات کا سامنا کر رہے ہیں۔ یہ سڑک نہ صرف نیو کراچی بلکہ نارتھ کراچی انڈسٹریل ایریا اور گردونواح کے لیے ایک اہم رابطہ شاہراہ ہے۔ اس کی تعمیر و مرمت کراچی میٹروپولیٹن کارپوریشن (KMC) کی بنیادی ذمہ داری ہے تاکہ شہریوں کو محفوظ اور بہتر سفری سہولیات فراہم کی جا سکیں۔

نیو کراچی کے متعدد سیکٹرز سے گودھرا میڈیکل آنے والے ہزاروں مریض، بزرگ، خواتین اور طلبہ روزانہ اس ٹوٹی پھوٹی سڑک پر شدید اذیت برداشت کرتے ہیں۔ اسی طرح نارتھ کراچی انڈسٹریل ایریا میں کام کرنے والے ہزاروں ملازمین بھی اسی راستے سے سفر کرتے ہیں۔ علاوہ ازیں سیکٹر 11-F، سیکٹر 11-G، سیکٹر 11-D، سیکٹر 11-E اور سیکٹر 11-J کے لاکھوں رہائشیوں کا روزمرہ کا انحصار بھی اسی سڑک پر ہے۔

ہم کراچی میٹروپولیٹن کارپوریشن (KMC)، میئر کراچی اور متعلقہ حکام سے پرزور مطالبہ کرتے ہیں کہ عدالتی اسٹے آرڈر سے متاثرہ حصے کا فیصلہ اپنی جگہ، لیکن 7000 روڈ پر واقع گودھرا اسٹاپ تا نالا اسٹاپ کے صرف 1.4 کلومیٹر حصے کی تعمیر فوری طور پر شروع کی جائے، تاکہ لاکھوں شہریوں، مریضوں، طلبہ اور ملازمین کو فوری ریلیف فراہم کیا جا سکے۔

عوام مزید انتظار کے متحمل نہیں ہو سکتے۔ گودھرا اسٹاپ تا نالا اسٹاپ (7000 روڈ) کے 1.4 کلومیٹر حصے کی تعمیر فوری شروع کی جائے۔

Muhammad Jawwad Ul Hassan Barrister Murtaza Wahab PPP Dstt Central Ps-124 Owais Ghariba Dr Abdul Basit

پاکستان کی چھتیں صرف پانی کی ٹینکیاں رکھنے کے لیے نہیں بنیں، بلکہ یہ ہزاروں چھوٹے باغات، سرسبز گوشے اور ٹھنڈی فضا پیدا ک...
11/07/2026

پاکستان کی چھتیں صرف پانی کی ٹینکیاں رکھنے کے لیے نہیں بنیں، بلکہ یہ ہزاروں چھوٹے باغات، سرسبز گوشے اور ٹھنڈی فضا پیدا کرنے کا ذریعہ بھی بن سکتی ہیں۔

ذرا سوچیے...

اگر ہر گھر اپنی چھت پر چند پودے اور ایک چھوٹا سا باغ بنا لے، تو نہ صرف گرمی کی شدت میں کمی آئے گی بلکہ ماحول بھی سرسبز ہوگا، پرندوں کو پناہ ملے گی اور ہمارے شہر پہلے سے کہیں زیادہ خوبصورت اور خوشگوار بن جائیں گے۔

تجویز: Sector 11-G Mega Plantation Driveجولائی کا مہینہ کراچی میں شجرکاری کے لیے نہایت موزوں سمجھا جاتا ہے، کیونکہ مون س...
05/07/2026

تجویز: Sector 11-G Mega Plantation Drive

جولائی کا مہینہ کراچی میں شجرکاری کے لیے نہایت موزوں سمجھا جاتا ہے، کیونکہ مون سون کے آغاز کے ساتھ پودوں کی نشوونما کے امکانات بڑھ جاتے ہیں۔ اس موقع سے فائدہ اٹھاتے ہوئے "Sector 11-G Mega Plantation Drive" کا آغاز کیا جائے تاکہ ہمارے علاقے کو سرسبز، خوبصورت اور ماحول دوست بنایا جا سکے۔

اس عظیم مہم میں سیکٹر 11-G کی تمام سماجی و فلاحی تنظیموں اور برادریوں کو یکجا کیا جائے، جن میں گودھرا شیخ مسلم انجمن، کھتری برادری کی انجمن، قریشی برادری کی انجمن، چھکرا برادری کی انجمن اور دیگر مقامی تنظیمیں شامل ہوں۔ اس کے ساتھ ساتھ علاقے کے تمام کاروباری حضرات، بالخصوص NKATI (North Karachi Association of Trade & Industry) کے اراکین، اپنی Corporate Social Responsibility (CSR) کے تحت اس کارِ خیر میں بھرپور حصہ لیں۔

اس مہم کو کامیاب بنانے کے لیے حکومتی نمائندوں اور عوامی قیادت کو بھی شریک کیا جائے، جن میں ٹاؤن چیئرمین محمد یوسف (نیو کراچی ٹاؤن)، ایم پی اے عبدالباسط (رکنِ سندھ اسمبلی، حلقہ PS-124)، یونین کمیٹی (UC) کے چیئرمین اور منتخب کونسلرز، نیز متعلقہ سرکاری اداروں کے افسران شامل ہوں تاکہ یہ مہم عوامی تعاون اور حکومتی سرپرستی کے ساتھ کامیابی سے ہمکنار ہو۔

شجرکاری مہم میں مدارس، سرکاری و نجی اسکولوں کے طلبہ، اساتذہ، نوجوانوں پر مشتمل رضاکار گروپس، سماجی تنظیموں اور مقامی شہریوں کی بھرپور شرکت کو یقینی بنایا جائے تاکہ نئی نسل میں ماحول دوستی، صفائی اور درختوں کی حفاظت کا شعور فروغ پائے۔

شجرکاری کے لیے درج ذیل مقامات کو ترجیح دی جا سکتی ہے:

- پارکس اور کھیل کے میدان
- سرکاری اسکول
- گودھرا اسٹاپ سے 7 نمبر روڈ تک شاہراہ
- 7 نمبر روڈ سے نالا اسٹاپ تک مرکزی سڑک
- سیکٹر 11-G کی اندرونی سڑکیں، گرین بیلٹس اور دیگر خالی سرکاری مقامات

اگر یہ مہم منظم انداز میں چلائی جائے تو چند ہی برسوں میں سیکٹر 11-G ایک سرسبز، صاف ستھرا اور خوبصورت علاقہ بن سکتا ہے، جو نہ صرف ماحولیاتی آلودگی میں کمی لائے گا بلکہ آنے والی نسلوں کو بھی ایک بہتر ماحول فراہم کرے گا۔

اسلام بھی شجرکاری کی بھرپور ترغیب دیتا ہے۔ رسول اللہ ﷺ نے فرمایا:

"جب انسان مر جاتا ہے تو اس کے اعمال منقطع ہو جاتے ہیں، سوائے تین چیزوں کے: صدقۂ جاریہ، ایسا علم جس سے فائدہ اٹھایا جائے، اور نیک اولاد جو اس کے لیے دعا کرے۔"
(صحیح مسلم: 1631)

ایک اور حدیث میں رسول اللہ ﷺ نے فرمایا:

"جو مسلمان کوئی درخت لگاتا ہے، پھر اس میں سے کوئی انسان، پرندہ یا جانور کھاتا ہے تو وہ اس کے لیے صدقہ شمار ہوتا ہے۔"
(صحیح بخاری: 2320، صحیح مسلم: 1553)

لہٰذا شجرکاری صرف ماحول کی بہتری ہی نہیں بلکہ ایک ایسا صدقۂ جاریہ بھی ہے جس کا اجر انسان کو وفات کے بعد بھی ملتا رہتا ہے۔

آئیے! اس جولائی میں سب مل کر Sector 11-G Mega Plantation Drive کا حصہ بنیں اور اپنے علاقے کو سرسبز، صاف ستھرا اور خوبصورت بنانے کے لیے اپنا کردار ادا کریں۔

Address

Godhra Colony
Karachi

Website

Alerts

Be the first to know and let us send you an email when Godhra Property Insider - New Karachi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category