08/09/2024
❤️ DEDICATED TO OUR RESPECTFUL AND HONORABLE WOMEN ❤️
آپ جو شوہر سے دو قدم پیچھے چل کر اچھا محسوس کرتی ہیں تو بھی اچھی ہیں۔
آپ جو میاں کا ہاتھ تھام کر چلتی ہیں تو بھی اچھی لگتی ہیں۔
آپ کی شادی بہت کم عمری میں ہو گئی، یا عمر ڈھلنے پر۔ یا جس بھی وجہ سے اگر آپ کی شادی نہ ہو سکی، ہو گئی تو چل نہ سکی، آپ کسی طور کسی سے کم نہیں۔
آپ کے بچے نہیں ہیں تو بھی آپ ایک مکمل عورت ہیں۔
آپ کے چار پانچ یا چھے سات بچے ہیں، آپ بھی بہترین ہیں۔
آپ کے بچوں میں کم وقفہ ہے تو بھی، زیادہ ہے تب بھی۔۔ آپ اچھی ہیں۔
آپ صرف بیٹیوں کی ماں تو بھی عظیم ہیں۔
آپ صرف بیٹوں کی اماں ہیں تو بھی الحمد للّٰہ۔
آپ بچوں کو بریسٹ فیڈ کرواتی ہیں تو بھی اچھی ماں ہیں۔ اگر فارمولا ملک دیتی ہیں تو بھی اچھی ہیں۔
آپ جو بچوں کے بعد بھی جاب پر جاتی ہیں، گھر اور باہر دونوں کا توازن رکھ رہی ہیں، خود تھک رہی ہیں لیکن بچوں کو کوالٹی ٹائم دینے کی کوشش کرتی ہیں، آپ بہت اچھی ماں ہیں۔
آپ جو بہترین پڑھ لکھ کر بچوں کی خاطر گھر رہ کر گھر کے سب کام سنبھالے ہوئے ہیں، صبح سے شام تھکتی ہیں، آپ بھی بہت اچھی ماں ہیں۔
آپ اپنے بچوں کو خود پڑھاتی ہیں، تو بھی کمال ہے۔
اور اگر آپ کو لگتا ہے کہ آپ سے بہتر کوئی اور پڑھا پائے گا اور آپ اس کا انتظام کرتی ہیں تو بھی بہترین فیصلہ ہے۔
آپ میک اپ کی دلدادہ ہیں۔ میرا گمان ہے کہ آپ کسی مرد کو لبھانے کے لئے ایسا نہیں کرتیں۔ سجیں سنوریں۔ آپ اچھی لگتی ہیں۔
آپ جو سادہ رہنا پسند کرتی ہیں تو بھی پیاری لگتی ہیں۔
آپ آفس جائیں، سکول پڑھائیں، گھر میں بزنس کریں۔ یا کچھ بھی نہ کریں اور گھر پر رہیں۔ آپ ہر طرح سے ایک اچھی باکردار عورت ہیں۔
اپنی اپنی ڈومین میں آپ جو بھی کام کر رہی ہیں، جو بھی کردار نبھا رہی ہیں، آپ معاشرے کی ایک اہم رکن ہیں۔ آپ اہم ہیں.
خیال از نیر تاباں
