14/12/2014
پاکستان مسلم لیگ (ن) سیکرٹریٹ ماڈل ٹاؤن منعقدہ اجلاس میں متعلقہ سیاسی قیادت، اراکین پارلیمنٹ اور سرکاری حکام نے شرکت کی، اجلاس میں حمزہ شہباز کو اعلیٰ پارٹی قیادت اور خود حمزہ شہباز کی طرف سے نکاسیء آب کے نظام کو بہتر بنانے کے لئیے وقتاً فوقتاً جاری کردہ احکامات اور ہدایات پر عملدرآمد کا جائزہ لیتے ہوئے، مکمل شدہ، جاری اور مجوزہ پراجیکٹس پر تفصیلی بریفنگ دی گئ اور حمزہ شہباز کے استفسارات کے تفصیلی جوابات دینے کی ہر ممکن کوشش کی گئی جسے سراہتے ہوئے حمزہ شہباز کا کہنا تھا آپ کی کوشش اور محنت میں کوئی شک نہیں مگر نتائج میں بہتری کی واضح گنجائش موجود ہے، ان کا کہنا تھا کہ آپ سب کی کاوشوں کے باوجود مجھے کام کی رفتار سست محسوس ہورہی ہے جس کی ایک وجہ یہ بھی ہوسکتی ہے کہ موجودہ صورت حال میں نکاسئ آب کا کوئی سنگین چیلنج درپیش نہیں بہرحال اب اس روش کو ترک کرنا ہوگا ضروری نہیں کہ شدید بارشیں یا سنگین صورت حال پیش آئے تو تب ہی سرگرمی سے کام کیا جائے اس کام کے لئیے پورا سٹاف، محکمہ مشینری اور قومی وسائیل مختص ہیں کام کی رفتار میں کوئی کمی نہیں آنا چاہئیے اسے پورا سال مسلسل جاری رہنا چاہئیے، ان کا مزید کہنا تھا کہ تمام پروجیکٹس کی بروقت تکمیل یقینی بنائی جائے اس پر کوئی کمپرومائز نہیں ہوگا تاخیر سے ہونے والے لاگت میں اضافے اور دیگر نقصان کا بوجھ اب قوم نہیں کوتاہی کے مرتکب افراد اور محکمہ برداشت کریں گے
