Sardar Estate & Developers

26/12/2019

عالمی بینک کے مقرر کردہ اہداف کے تحت دفتری امور کی انجام دہی آسان بنائی جائے۔سمیراحمدسید
تعمیر شدہ رہائشی و کمرشل عمارتوں کے تکمیلی سر ٹیفکیٹ جاری کرنے کے لئے کی انسپکشن نجی شعبے سے کروانے پر غور
لاہور ڈویلپمنٹ اتھارٹی کے ڈائریکٹر جنرل سمیر احمد سیدنے ہدایت کی ہے کہ عالمی بینک کے مقرر کردہ اہداف کے تحت دفتری امور کی انجام دہی آسان بنائی جائے۔نئی عمارتوں کی تعمیر کے لئے نقشوں کی منظوری اور ان کی تعمیر کی اجازت دینے کاآئن لائن نظام متعارف کروایا جائے۔ تعمیر شدہ رہائشی و کمرشل عمارتوں کے تکمیلی سر ٹیفکیٹ جاری کرنے کے لئے ان عمارتوں کی انسپکشن نجی شعبے سے کروائی جائے ۔ نقشے کی منظور ی اور تکمیلی سر ٹیفکیٹ کے لئے واجبات کی وصولی کے لئے چالان کااجراءبھی آن لائن کیاجائے۔
وہ ورلڈ بینک کے ایز آف ڈوئنگ بزنس پروگرام کے تحت ایل ڈی اے میں آئن لائن سسٹم متعارف کروانے کے سلسلے میں منعقدہ اجلاس کی صدارت کررہے تھے ۔ صوبائی محکمہ منصوبہ بندی و ترقیاتی کے پراجیکٹ امپلی مینٹیشن یونٹ کے ڈائریکٹر علی جلال،ایڈیشنل ڈائریکٹر جنرل(ہاﺅسنگ)اعجاز خلیق رزاقی ،چیف ٹاﺅن پلانر طارق محمود ،ڈائریکٹر کمپیوٹرسروسز عبد الباسط قمر اور ڈائریکٹر ز علی شہزاد اور کامران پرویز نے اجلاس میں شرکت کی۔ اجلاس میں رہائشی عمارتوں اور چار منزلہ تک کمرشل عمارتوں کے تکمیلی سر ٹیفکیٹس کے اجراءکے لئے ان عمارتوں کی آرکیٹکٹس کے ذریعے انسپکشن پر غور کیا گیا

26/12/2019

چیف انجینئر حبیب الحق رندھاوا کی ڈائریکٹر جنرل کو ایل ڈی اے سٹی میں جاری ترقیاتی کاموں کے بارے میں بریفننگ
ایل ڈی اے سٹی میں پانچ ہزار(5ہزار) کنال اراضی پر ترقیاتی کام جاری ہیں۔ سکیم کے ترقیاتی کاموں کے لئے رواں بجٹ میں تین ارب روپے مختص کئے گئے ہیں ۔ ڈائریکٹر جنرل ایل ڈی اے نے مختلف مقامات خود جا کر جاری ترقیاتی کاموں کا معائنہ کیا۔ سکیم میں انفراسٹرکچر کی تعمیر اور ترقیاتی کام تیز کئے جائیں تاکہ مالکان کو جلد از جلد پلاٹون کا قبضہ دیا جا سکے۔ سمیر احمد سید کی ہدایت ترقیاتی اخراجات کی مالیت اور فائل ہولڈرز سے وصولی کے شیڈول کا جلد اعلان کردیا جائے گا۔ ڈائریکٹر جنرل ایل ڈی اے سٹی کے 9712 فائل ہولڈرز سے ترقیاتی اخراجات آدھے وصول کئے جائیں گے۔ ڈائریکٹر جنرل ترقیاتی کاموں کے لئے سکیم کو سات پیکیجز میں تقسیم کیا گیا ہے۔ پیکیج ٹو، تھری اور فائیو پر کام جاری ہے۔ تینوں پیکجز پر جاری ترقیاتی کام تین ماہ میں مکمل کرنے کا ہدف مقرر کیا گیا ہے۔ -
پیکیج ٹو پر کام کی لاگت کا تخمینہ 99کروڑ 31لاکھ روپے ہے۔ اس کے لئے میسرز بابر کنسٹرکشن کمپنی کام کر رہی ہے - پیکیج تھری پر کام کی لاگت کا تخمینہ ایک ارب16کروڑ 70لاکھ روپے ہے۔ اس کے لئے میسرز خالد رﺅف اینڈ کمپنی ترقیاتی کام کر رہی ہے - سکیم کے پیکیج فائیو پر عالم خان اینڈ برادرز سڑکوں‘ واٹر سپلائی ‘ سیوریج اور واٹر ٹینک کی تعمیر کا کام کر رہا ہے۔
ایل ڈی اے سٹی فیز ون کے لئے درکار 13ہزار میں سے 11ہزار کنال اراضی ایل ڈی اے کو پیش کی جا چکی ہے۔ چیف انجینئر حبیب الحق رندھاوا‘پراجیکٹ ڈائریکٹر حماد الحسن، اور دیگر متعلقہ افسران ہمراہ ہیں۔

21/12/2019

15/01/2019