25/09/2026
طلعت احمد میاں صاحب نے اپنے خیالات کا اظہار کرتے ہوئے کہا کہ
اللہ تعالیٰ کا جتنا شکر ادا کیا جائے، کم ہے کہ لاہور چیمبر آف کامرس کے انتخابات میں ویژن الائنس کو کامیابی حاصل ہوئی۔ جن احباب نے اللہ تعالیٰ پر بھروسہ کرتے ہوئے ویژن الائنس کا ساتھ دیا، ہم ان سب کے تہہ دل سے شکر گزار ہیں۔ اللہ تعالیٰ نے آپ کی محنت، اعتماد اور دعاؤں کو کامیابی سے ہمکنار فرمایا۔
ہم دعا گو ہیں کہ اللہ تعالیٰ نومنتخب قیادت کو تاجر برادری اور ہماری کمیونٹی کے مسائل حل کرنے کے لیے ہمت، طاقت، استطاعت اور اخلاص عطا فرمائے۔
میں خاص طور پر علی حسان صاحب کو مبارکباد پیش کرتا ہوں، جو صدر منتخب ہوئے ہیں۔ ان کی کامیابی پر ہمیں خوشی ہے اور ہماری دعائیں ان کے ساتھ ہیں۔ اسی طرح شیخ ابراہیم صاحب سمیت تمام نومنتخب امیدواران کو دل کی گہرائیوں سے مبارکباد پیش کرتا ہوں۔ اللہ تعالیٰ سب کو اپنی ذمہ داریاں احسن طریقے سے ادا کرنے کی توفیق عطا فرمائے۔
اب میں اپنی ریئلٹرز کمیونٹی کی بات کرنا چاہوں گا۔
میں لاہور کے تمام ریئلٹرز کا خصوصی طور پر شکریہ ادا کرتا ہوں کہ بلا تفریق، اپنی کمیونٹی کے ایک نمائندے کو پہلی مرتبہ پی سی کا ممبر منتخب کروانے میں بھرپور تعاون کیا۔ میں نے بھی اس سلسلے میں اپنے دوستوں سے درخواست کی تھی، میری درخواست کو سنا گیا، دوستوں نے اعتماد کیا اور اللہ تعالیٰ نے شاہ بہرام (مون ملک ) کو عزت اور کامیابی عطا فرمائی۔
میں اپنی کمیونٹی سے یہ وعدہ کرتا ہوں کہ شاہ بہرام آپ کے مسائل اور ایشوز کی بھرپور وکالت کرے گااور ریئلٹرز کمیونٹی کی آواز مؤثر انداز میں متعلقہ فورمز تک پہنچائیں گے۔ ہماری رہنمائی، مشاورت اور خدمت کا سلسلہ بھی ان کے ساتھ جاری رہے گا۔
ہم لاہور کے تمام سٹی لیڈرز اور ان تمام دوستوں کے بھی شکر گزار ہیں جنہوں نے اس کامیابی میں اپنا کردار ادا کیا۔ ہماری کوشش ہوگی کہ ریئلٹرز کمیونٹی کو درپیش روزمرہ کے مسائل، مشکلات اور جائز مطالبات کے حل کے لیے بھرپور کردار ادا کیا جائے۔
اللہ تعالیٰ تمام نومنتخب نمائندگان کو کامیابی، اخلاص اور خدمت کی توفیق عطا فرمائے اور ہماری تاجر و ریئلٹرز کمیونٹی کے مسائل آسان فرمائے۔
بہت بہت شکریہ۔
وما علینا إلا البلاغ
