10/11/2022
زندگی کے تجربات اور آزمودہ حقائق
-----------------------------------------------------------------------------
زندگی کے وہ حقائق جن کا مشاہدہ خود اپنی آنکھوں سے کیا،اور ایمان کی حد ان کی صحت کا قائل ہوں، اسے آپ کے ساتھ شیئر کررہاہوں، شاید کسی کو فائدہ پہنچ سکے.
1.جس نے جلد بازی میں کوئی فیصلہ کیا یا رائے دی اسے لازماً پچھتانا پڑا.(حدیث میں اسی لیے عجلت اور جلد بازی کو شیطانی فعل کہا گیا ہے)
2.جس نے جھوٹے الزامات اور سکینڈلز کے ذریعے دوسروں کو بدنام کرنے کی کوشش کی اسے اس سے زیادہ الزامات اور سکینڈلز کا سامنا کرنا پڑا.
3.جس نے کسی کی پردہ دری کی اس بالآخر خود بے پرد ہونا پڑا اور جس نے کسی کی پردہ پوشی کی، قدرت نے اس کے عیبوں پر پردہ ڈالا. (حدیث میں بھی ہے. من ستر مسلما سترہ اللہ)
4.جس نے تکبر اور بڑائی کے بول بولے،یا علمی گھمنڈ میں مبتلا ہوا، قدرت نے اسے جلد یا بدیر نیچا کر دکھایا.
5.جس نے دوسروں کے ساتھ بد تہذیبی اور بد اخلاقی کا مظاہرہ کیا اسے خود بھی اس کے نتائج بھگتنے پڑے.
6.جس نے سچائی کو چھپانے کی کوشش کی، اسے بالآخر Expose ہونا پڑا اور اسے تسلیم کرنا پڑا،
یاد رہے کہ جھوٹ، دھوکا اور منافقت کاپردہ ضرور چاک ہوتا ہے. چاہے کوئی ستر پردوں کے پیچھے ہی کیوں نہ چھپا ہوا ہو. اور سچائی اور اخلاص پر پردے ڈالنا ممکن نہیں.
ہم سب کو اپنے اپنے گریبانوں میں جھانک کر دیکھنا چاہیے. کہیں ہم بھی ان خرابیوں اور بیماریوں کا شکار تو نہیں.
اللہ تعالیٰ ہماری اصلاح فرمائے اور ان عیوب سے حفاظت فرمائے.
Written by Abu hurerah.
