08/01/2026
شاباش مردان پولیس — دل کی گہرائیوں سے مبارک باد!
پولیس کی وردی بھی،
اور سر پر دستارِ فضیلت بھی
ضلع مردان پولیس کے باہمت جوان اسامہ احمد اور گدر حمزہ خان کو دل کی اتھاہ گہرائیوں سے مبارک ہو، جنہوں نے دورانِ ڈیوٹی اپنی محنت، ہمت اور لگن کے ساتھ اسلامی تعلیمات مکمل کیں، اور آج ان کی دستار بندی مدرسہ تخت بھائی ضیاء العلوم میں انجام پائی۔
یہ کامیابی اس بات کا واضح ثبوت ہے کہ
اگر نیت صاف اور ارادہ مضبوط ہو تو
انسان دنیاوی ذمہ داریوں کے ساتھ ساتھ
دین کی خدمت اور علمِ دین کے حصول کے لیے بھی وقت نکال سکتا ہے۔
ہمیں اپنے ان جوانوں پر فخر ہے —
یہ ہیں خیبرپختونخواہ پولیس
جو ایک طرف عوام کے جان و مال کی حفاظت کرتی ہے
اور دوسری طرف دین، اخلاق اور کردار کی روشن مثال بھی قائم کرتی ہے۔
خیبرپختونخواہ پولیس ہمیشہ قانون، ریاست اور امن کے دائرے میں رہتے ہوئے
فتنہ، انتہاپسندی اور بدامنی کے خلاف ڈٹی رہی ہے،
اور ان شاء اللہ عوام کے تعاون سے
امن، بھائی چارہ اور استحکام کو مزید مضبوط بنایا جائے گا۔
اللہ تعالیٰ ہمارے ان جوانوں کو علم، عمل اور کردار میں مزید بلندی عطا فرمائے۔
آمین .
خیبرپختونخواہ پولیس — فخرِ قوم
