The Realtors Association - Mardan

18/07/2026

دی ریئلٹرز ایسوسی ایشن مردان

اظہارِ تشکر

دی ریئلٹرز ایسوسی ایشن مردان کے صدر ناصر خان آمازئی نے آج صوبائی وزیر برائے ریونیو طارق اریانی صاحب سے ملاقات کی، جس میں پراپرٹی ویلیویشن ٹیبل / ڈی سی ریٹ کے حوالے سے تفصیلی تبادلۂ خیال کیا گیا۔

ہم وزیر برائے ریونیو طارق اریانی صاحب کے انتہائی مشکور ہیں کہ انہوں نے ریئل اسٹیٹ کمیونٹی کے تحفظات کو سنجیدگی سے سنا اور اس مسئلے کے حل کے لیے ایک خصوصی کمیٹی تشکیل دی۔ اس کمیٹی میں صدر ناصر خان آمازئی سمیت تین نمائندے شامل ہوں گے، جو کل صبح ڈپٹی کمشنر (DC) کے ساتھ اس معاملے پر باقاعدہ اجلاس کریں گے تاکہ ویلیویشن ٹیبل / ڈی سی ریٹ کے حوالے سے مناسب اور منصفانہ حل نکالا جا سکے۔

ہم امید کرتے ہیں کہ حکومتِ خیبر پختونخوا ریئل اسٹیٹ سیکٹر کے جائز تحفظات کو مدنظر رکھتے ہوئے ایسے فیصلے کرے گی جو عوام، سرمایہ کاروں اور کاروباری برادری کے مفاد میں ہوں۔

دی ریئلٹرز ایسوسی ایشن مردان وزیر برائے ریونیو طارق اریانی صاحب کا ان کے مثبت رویے، تعاون اور بروقت اقدامات پر دل کی گہرائیوں سے شکریہ ادا کرتی ہے۔

14/07/2026

دی ریلٹر ایسوسی ایشن مردان

پہلی کابینہ میٹنگ کی کارروائی

آج دی ریلٹر ایسوسی ایشن مردان کی پہلی باقاعدہ کابینہ میٹنگ منعقد ہوئی، جس میں صدر ناصر خان امازئی صاحب چیئرمین عمیر خان صاحب جنرل سیکرٹری انجینئر رحمان گل صاحب اور کابینہ کے تمام معزز اراکین نے شرکت کی۔

اجلاس کا آغاز تلاوتِ کلامِ پاک سے کیا گیا۔ اس کے بعد کاشف زمان صاحب کی والدہ محترمہ کی جلد صحت یابی کے لیے خصوصی دعا کی گئی اور اللہ تعالیٰ سے ان کے لیے صحتِ کاملہ و عاجلہ کی دعا کی گئی۔

بعد ازاں حلف برداری کی تقریب کے حوالے سے تفصیلی مشاورت کی گئی، جس میں تقریب کی تاریخ، وقت اور مقام پر غور کیا گیا۔ فیصلہ کیا گیا کہ باہمی مشاورت کے بعد حلف برداری کی تقریب کی حتمی تاریخ اور مقام کا جلد اعلان کیا جائے گا۔

اسی طرح اراکین اور عوام کو درپیش مسائل کے فوری اور مؤثر حل کے لیے ڈسپیوٹ ریزولوشن کمیٹی (DRC) بھی قائم کی گئی، جو باہمی تنازعات اور شکایات کو خوش اسلوبی سے حل کرنے کے لیے اپنا کردار ادا کرے گی۔

مزید برآں، اجلاس میں ایک خصوصی ایکشن کمیٹی بھی تشکیل دی گئی۔ اس کمیٹی کی ذمہ داری ہوگی کہ وہ مردان کی ایک ہاؤسنگ سوسائٹی کے سی ای او کی جانب سے دی ریلٹر ایسوسی ایشن مردان کے خلاف کیے گئے اعتراضات اور غیر ذمہ دارانہ بیانات کا جائزہ لے کر مناسب قانونی اور انتظامی کارروائی عمل میں لائے۔ اس سلسلے میں کمیٹی نے باقاعدہ طور پر اپنا کام شروع کر دیا ہے، جبکہ فیصلہ کیا گیا کہ آئندہ چند روز میں متعلقہ ہاؤسنگ سوسائٹی کو ایسوسی ایشن کی جانب سے باقاعدہ نوٹس جاری کیا جائے گا تاکہ معاملہ قانون اور ضابطوں کے مطابق آگے بڑھایا جا سکے۔

اجلاس کے اختتام پر دی بیٹر ہوم کے سی ای او عدیل احسان صاحب اور نبیل احسان صاحب کی جانب سے کابینہ کے اعزاز میں پرتکلف عشائیے کا اہتمام کیا گیا۔

آخر میں صدر ناصر خان امازئی صاحب، جنرل سیکرٹری انجینئر رحمان گل صاحب اور کابینہ کے دیگر اراکین نے دی بیٹر ہوم کے سی ای او عدیل احسان صاحب کا پرتپاک شکریہ ادا کیا اور ان کی شاندار میزبانی کو سراہا۔

اجلاس کا اختتام خصوصی دعا کے ساتھ ہوا، جس میں اللہ تعالیٰ سے دعا کی گئی کہ وہ دی ریلٹر ایسوسی ایشن مردان کے تمام اراکین کو اتحاد، اخلاص، دیانت داری اور خدمت کے جذبے کے ساتھ اپنے مقصد اور مشن میں کامیابی عطا فرمائے، اور ایسوسی ایشن کو مزید ترقی، استحکام اور کامیابیوں سے نوازے۔ آمین۔

11/07/2026

10/07/2026

گرین ریزیڈنشیا مردان ایکسٹینشن کی پری لانچ تقریب آج کامیابی سے منعقد ہوئی، جس میں دی ریئلٹرز ایسوسی ایشن کے صدر ناصر خان امازئ اور جنرل سیکرٹری انجینئر رحمان گل نے بطورِ مہمان شرکت کی…

04/06/2026

رئیل اسٹیٹ سیکٹر میں شفافیت کیلئے دی رئیلٹرز ایسوسی ایشن مردان متحرک

مردان: دی رئیلٹرز ایسوسی ایشن مردان کے نومنتخب صدر ناصر خان امازئی نے ٹی ایم او مردان مجیب الرحمن سے ملاقات کی، جس میں ہاؤسنگ سوسائٹیوں کی رجسٹریشن، غیر رجسٹرڈ ہاؤسنگ اسکیموں کو قانونی دائرہ کار میں لانے اور رئیل اسٹیٹ سیکٹر میں شفافیت کے فروغ سے متعلق امور پر تفصیلی تبادلہ خیال کیا گیا۔ملاقات کے دوران ناصر خان امازئی نے ٹی ایم او مردان کو ضلع بھر میں قائم ہاؤسنگ سوسائٹیوں کی رجسٹریشن کے موجودہ عمل، درپیش مسائل اور غیر رجسٹرڈ ہاؤسنگ اسکیموں کی رجسٹریشن کے حوالے سے تفصیلی بریفنگ دی۔ انہوں نے کہا کہ رئیل اسٹیٹ کے شعبے کو منظم اور قانونی بنیادوں پر استوار کرنا وقت کی اہم ضرورت ہے تاکہ عوام کے سرمایہ اور مفادات کا تحفظ یقینی بنایا جا سکے۔ناصر خان امازئی نے اس موقع پر یقین دہانی کرائی کہ دی رئیلٹرز ایسوسی ایشن مردان تمام ہاؤسنگ سوسائٹیوں کو قانونی تقاضے پورے کرنے کی ترغیب دے گی اور اس سلسلے میں ضلعی انتظامیہ، ٹی ایم او آفس اور متعلقہ اداروں کے ساتھ مکمل تعاون کرے گی۔ملاقات خوشگوار ماحول میں اختتام پذیر ہوئی، جس میں دونوں جانب سے ہاؤسنگ سیکٹر کی بہتری، شفافیت کے فروغ اور شہریوں کو محفوظ سرمایہ کاری کے مواقع فراہم کرنے کیلئے باہمی تعاون جاری رکھنے پر اتفاق کیا گیا۔

03/06/2026

Chairman The Realtors Association Mardan
Umair Khan Atozai

08/05/2026

قومی اتحاد اور افواجِ پاکستان کی قربانیوں پر پوری قوم کو فخر ہے، عمیر خان

مردان(دی نیوز پوائنٹ اردو،عبداللہ شاہ بغدادی) دی رئیلٹرز ایسوسی ایشن مردان کے چیئرمین عمیر خان اتوزئی نے کہا ہے کہ معرکہِ حق میں شاندار کامیابی کے بعد پاکستان نہ صرف خطے بلکہ عالمی سطح پر بھی ایک مضبوط، باوقار اور بااثر ملک کے طور پر ابھرا ہے۔ انہوں نے کہا کہ آپریشن ’’بنیان مرصوص‘‘ نے دشمن کی جارحیت، سازشوں اور ناپاک عزائم کو ناکام بنا کر یہ ثابت کر دیا کہ پاکستان اپنی خودمختاری، سلامتی اور قومی وقار کے تحفظ کیلئے ہر وقت تیار ہے۔انہوں نے کہا کہ پاک افواج نے انتہائی پیشہ ورانہ مہارت، جدید حکمت عملی، جرات اور قربانی کے جذبے کے ساتھ دشمن کو مؤثر جواب دیا، جس پر پوری قوم کو اپنی بہادر افواج پر فخر ہے۔ ان کا کہنا تھا کہ معرکہِ حق پاکستان اور بھارت کے درمیان ایک اہم اور تاریخی مرحلہ ثابت ہوا، جہاں دشمن نے ہر ممکن دباؤ ڈالنے کی کوشش کی لیکن پاک افواج نے اپنی صلاحیتوں اور بہترین دفاعی حکمت عملی سے دشمن کے تمام عزائم خاک میں ملا دیے۔عمیر خان اتوزئی نے کہا کہ اس کامیابی نے دنیا پر واضح کر دیا کہ پاکستان دفاعی اعتبار سے ایک مضبوط اور خوددار ریاست ہے جو کسی بھی جارحیت کا بھرپور جواب دینے کی مکمل صلاحیت رکھتی ہے۔ انہوں نے کہا کہ پاکستان کی سفارتی کامیابیاں بھی قابلِ ستائش ہیں کیونکہ عالمی برادری نے پاکستان کے مؤقف کو سنجیدگی سے لیا اور خطے میں امن و استحکام کیلئے اس کے کردار کو سراہا۔انہوں نے مزید کہا کہ قومی اتحاد، عوام کے جذبۂ حب الوطنی اور افواجِ پاکستان کے باہمی اعتماد نے دشمن کے ناپاک عزائم کو ناکام بنانے میں اہم کردار ادا کیا۔ ان کا کہنا تھا کہ پوری قوم اپنی بہادر افواج کے شانہ بشانہ کھڑی ہے اور ملکی سلامتی، استحکام اور ترقی کیلئے کسی بھی قربانی سے دریغ نہیں کرے گی۔چیئرمین رئیلٹرز ایسوسی ایشن مردان نے اس امید کا اظہار بھی کیا کہ پاکستان مستقبل میں معاشی، سفارتی اور دفاعی میدانوں میں مزید ترقی کرے گا اور دنیا میں ایک مضبوط اسلامی ریاست کے طور پر اپنا مقام مزید مستحکم بنائے گا۔


Abdullah Shah Baghdadi

02/05/2026

محترم ممبرانِ ریئلٹرز ایسوسی ایشن مردان

السلام علیکم

بطور صدر ریئلٹرز ایسوسی ایشن مردان، میں اپنی کابینہ کی مدت کے اختتام پر تمام معزز ممبران، کابینہ اراکین اور خصوصاً ایسوسی ایشن کے ہر فرد کا تہہ دل سے شکریہ ادا کرتا ہوں۔

یہ میرے لیے باعثِ اعزاز رہا کہ مجھے آپ سب کی خدمت اور نمائندگی کا موقع ملا۔ آپ سب کے اعتماد، تعاون، رہنمائی اور بھرپور حمایت کے بغیر یہ سفر کامیابی سے طے کرنا ممکن نہ تھا۔ میں اپنی کابینہ کے تمام ساتھیوں کا بھی مشکور ہوں جنہوں نے خلوص، محنت اور ذمہ داری کے ساتھ اپنے فرائض انجام دیے۔

ہم نے مل کر ایسوسی ایشن کے وقار، اتحاد اور ترقی کے لیے جو کوششیں کیں، وہ آپ سب کے تعاون اور اجتماعی سوچ کا نتیجہ ہیں۔ اگر میرے دورِ صدارت میں کوئی کامیابیاں حاصل ہوئیں تو ان کا اصل سہرا پوری ایسوسی ایشن اور اس کے معزز ممبران کے سر ہے۔

میں تمام ممبران کا دل کی گہرائیوں سے شکریہ ادا کرتا ہوں کہ آپ نے ہر مشکل وقت میں میرا ساتھ دیا، میری حوصلہ افزائی کی اور ایسوسی ایشن کے مفاد کو ہمیشہ ترجیح دی۔

دعا ہے کہ اللہ تعالیٰ ہماری اس تنظیم کو مزید ترقی، اتحاد اور کامیابی عطا فرمائے، اور آنے والی قیادت کو بھی بہترین انداز میں ایسوسی ایشن کی خدمت کرنے کی توفیق دے۔

آپ سب کی محبت، اعتماد اور تعاون ہمیشہ میرے لیے باعثِ فخر رہے گا۔

والسلام

محمد فاروق خان
سابق صدر
ریئلٹرز ایسوسی ایشن مردان

01/05/2026

مزدوروں کے حقوق کا تحفظ ہماری اولین ترجیح ہے، عمیر خان اتوزئی

مردان(دی نیوز پوائنٹ اردو،عبداللہ شاہ بغدادی) دی رئیلٹرز ایسوسی ایشن مردان کے چیئرمین عمیر خان اتوزئی نے یومِ مزدور کے موقع پر اپنے خصوصی پیغام میں کہا ہے کہ مزدور کسی بھی معاشرے کی ریڑھ کی ہڈی کی حیثیت رکھتے ہیں اور ان کی انتھک محنت، لگن اور قربانیوں کے بغیر ترقی، خوشحالی اور تعمیر و ترقی کا خواب کبھی شرمندۂ تعبیر نہیں ہو سکتا۔انہوں نے کہا کہ دنیا بھر میں یکم مئی محنت کش طبقے کی عظیم خدمات کو خراجِ تحسین پیش کرنے کے لیے منایا جاتا ہے، کیونکہ مزدور ہی معاشی سرگرمیوں، صنعتوں، تعمیراتی منصوبوں اور مختلف شعبہ ہائے زندگی کو متحرک رکھتے ہیں۔ انہوں نے مزید کہا کہ محنت کش طبقہ ملکی معیشت کی مضبوطی میں بنیادی کردار ادا کرتا ہے، اس لیے ان کے حقوق کا تحفظ، بہتر اجرت، محفوظ ماحول اور فلاح و بہبود کو یقینی بنانا ہم سب کی مشترکہ ذمہ داری ہے۔عمیر خان اتوزئی نے کہا کہ جائیداد ڈاٹ کام مزدوروں اور محنت کش طبقے کے حقوق کے تحفظ کے لیے ہر ممکن اقدامات اٹھا رہی ہے اور مستقبل میں بھی فلاحی سرگرمیوں کا یہ سلسلہ جاری رکھا جائے گا۔ انہوں نے اس عزم کا اظہار کیا کہ محنت کش طبقے کو بااختیار بنانے اور ان کے مسائل کے حل کے لیے عملی اقدامات کیے جائیں گے تاکہ وہ باعزت اور خوشحال زندگی گزار سکیں۔انہوں نے اپنے پیغام کے اختتام پر تمام مزدوروں، محنت کشوں اور دیہاڑی دار طبقے کو خراجِ تحسین پیش کرتے ہوئے کہا کہ قوم اپنے محنت کشوں کی قربانیوں اور خدمات کو ہمیشہ قدر کی نگاہ سے دیکھتی ہے۔



Abdullah Shah Baghdadi

23/01/2026