22/10/2023
#میری زندگی ہو تم
ماضی:
سلطان شاہ کی شادی اُنکی چاچا ذاد سے ہوئی تھی اور سب اُنہیں بی جان کہتے تھے۔
انکے دو بیٹے اور ایک بیٹی تھی ۔
سب سے بڑے بیٹے کا نام زاہد سلطان شاہ تھا جنہوں نے اپنی پسند سے نغمہ بیگم سے شادی کی تھی اور ان کی دو بیٹے تھے میر شاہ اور زیان شاہ ۔۔۔
دوسرے نمبر پر زید سلطان شاہ تھے جنہوں نے بی جان کی بتیجی سے جو اُنکی پسند کی تھی شادی کی اور اُنکی بھی ایک ہی بیٹی دعا شاہ تھی ۔۔
اور آخری نمبر پہ آتی ہیں سفینہ بیگم جن کی شادی انکے فرسٹ کزن سے ہوئی تھی اور انکی ایک ہی بیٹی فروا تھی ۔
حال:
میر کو ایک میٹنگ کے سلسلے میں اٹلی بھیجا ہوا تھا اور آج وہ واپس آرہا تھا ۔
میر شاہ کو جو بھی کام وہ دیتے تھے وہ اسے اچھے سے کرتا تھا اور اس بار بھی وہ کامیاب رہا ۔
_________________________________________________
گاڑی ایک بلڈینگ کے سامنے رکی ۔ ڈرائیور نے تیزی سے اپنے مالک کے لیے گاڑی کا پچھلا دروازہ کھولا اور ایک خوبصورت نوجوان نمودار ہوا ۔
بلڈینگ کے فرنٹ پہ جو نام چمک رہا تھا وہ کسی کی بھی توجہ کا مرکز بن سکتا تھا وہ الفاظ شاید کسی نے بہت چاہت سے لکھوائے تھے ۔
D S Enterprises
اس شخص کی نظر جیسے ہی ان حروف پر پڑی تو زندگی سے بھرپور مسکراہٹ نے اس کے سنجیدہ اور عنابی لبوں کا احاطہ کیا کچھ لمحے پہلے والی سنجیدگی اب ختم ہو گئی تھی ۔۔۔
آنکھوں پر سیاہ چشمہ درست کرتے وہ اندر کی طرف قدم لینے لگا ۔
جیسے ہی اس نے اپنے قدم بلڈینگ کے اندر رکھے تو تمام ایمپلائز اٹھ کھڑے ہوئے ۔
جیسے جیسے وہ اپنے کیبن کی طرف قدم بڑھا رہا تھا سب اُسے سلام پیش کر رہے تھے سب کو سر کے اشارے سے جواب دیتا ہوئے وہ اپنے کیبن میں جا گھسا اور سب اپنے اپنے کاموں میں مصروف ہو گئے ۔۔
کیبن میں آتے ہی اپنا کوٹ اُتار کر ریولوینگ چیئر پر رکھا اور خود بھی بیٹھ گیا اور سر کرسی کی پشت سے ٹکا لیا اور آنکھیں موند لی ۔۔
کیبن کا دروازہ نوک کر کے جواب کا منتظر ٹھہرا شخص اجازت ملنے پے اندر داخل ہوا ۔
سر ایک خبر ملی ہے داد نے نظریں جکا کے اپنی بات کا آغاز کیا ۔۔
وہ جو آنکھیں بند کیے ہوا تھا اپنی کالی سیاہ آنکھیں ایک دم سے واہ کی اور داد کی طرف دیکھا ۔۔
کیا خبر ہے ؟ یزدان نے داد کی جانب دیکھتے ہوئے سوال کیا ۔
سر وہ آدمی مل گئے تھے ہمیں لیکن وہ دوبارہ بھاگ گئے ۔
داد کی بات سن کہ یزدان کی آنکھیں ایک دم سے لال ہوگئیں ،دماغ کی رگیں غصے کی شدت سے واضح ہونے لگی ، لبوں کو سختی سے آ پس میں پیوست کر لیا گیا ۔
وہ شخص مجھے ہر حال میں چاہیے داد کیسے بھی کر کے اسے ڈھونڈو چاہیے اسکے لیے جتنے بھی بندے ضرورت پڑے استعمال کرو لیکن اگر مجھے وہ شخص میرے سامنے نہ ملا تو میں تم لوگوں کو سزا دینے سے بلکل بھی گریز نہیں کروں گا ۔اُسکے غرا کے کہے گئے الفاظ کچھ پلوں کے لیے داد کو لرزنے پر مجبور کر گئے۔۔
آ نکھیں دوبارہ موند کے سر کرسی کی پشت سے ٹکا گیا اور داد خاموشی سے وہاں جانے کے لیے پلٹا ۔
تمھارے پاس صرف سات دن کا وقت ہے امید کرتا ہوں کام ہو جائے گا ۔
جی سر ۔داد کہہ کر رکا نہیں اور وہاں سے نکلتا چلا گیا۔
وہ چاہ کر بھی کچھ نہیں بھول سکا تھا ہر وقت ازیت سے کم نہیں کے اسکے مجرم آزاد ہیں اور وہ سکون سے بیٹھا رہے یہ بات ہی ایک ازیت سے کم نہ تھی ۔۔
__________________________________________________
