Muhammad Gull Jani

03/11/2025

د زمبابوې په وړاندې د شل اوریزو لوبو د لوبلړۍ بریا مو مبارک شه!
افغانستان دې سرلوړی وي.

29/10/2025

22/10/2025

د پاکستان د بلوچستان پخوانی ایالتي وزیر، تارا چند وايي، پاکستاني پوځ پر افغانستان بریدونه او دغلته د بې ګناه خلکو وژلو سره خپله ډېره سخته بې شرمي څرګنده کړه.

تارا چند پاکستان یو خطرناک ترهګریز دولت بللی او ټینګار یې کړی، چې دا هېواد د ډالرو لپاره لرغوني کلتورونه، ملتونه او ارزښتونه ویجاړوي.

نوموړي پاکستانی پوځ هم ترهګریز ځواک بللی دی.

ډاکتر تارا چند چې د بلوڅ بېلتون پالو پلوی او د پاکستاني ریاست سخت مخالف بلل کېږي، ویلي چې پاکستان له لسیزو راهیسې د افغانستان او بلوچستان دښمن دی.

پاکستان څو ورځې وړاندې په بې سارې توګه د کرښې پرتو ولایتونو په ګډون، د هېواد پر پلازمېنه یرغل وکړ، چې پایله کې یې طالبانو سره په دوحه کې پټه هوکړه وکړه او جزییات یې ښکاره نه دي.

20/10/2025

د قطر بهرنیو چارو وزارت تر پراخو غبرګونونو وروسته، د ډیورنډ فرضي کرښې په تړاو اعلامیه اصلاح کړه.

د طالبانو او پاکستان ترمنځ د هوکړې ګډه اعلامیه کې چې د قطر دولت خپره کړې وه، ډیورنډ کرښه «سرحد» بلل شوی و.

اوس د افغانانو له پراخ غبرګون او نیوکو وروسته چې ډیورنډ د رسمي سرحد په توګه نه مني، د قطر بهرنیو چارو وزارت له خپلې ویبپاڼې د «پولې» کلمه پاکه کړې ده.

مخکېنۍ اعلامیه کې لیکل شوي وو: «د قطر بهرنیو چارو وزارت هیله څرګنده کړه، چې دا مهم ګام به د دواړو وروڼو هېوادونو ترمنځ په «پوله» کې د تاوتریخوالي په پای ته رسولو کې مرسته وکړي...»

تازه شوې اعلامیه کې بیا راغلي: « د قطر د بهرنیو چارو وزارت هیله څرګنده کړه چې دا مهم ګام به د دواړو ورونو هېوادونو ترمنځ د تاوتریخوالي په پای ته رسولو کې مرسته وکړي...»

له دې وړاندې د طالبانو دفاع وزیر، ملا یعقوب مجاهد هم ویلي وو، چې د دوحې هوکړه کې پاکستان سره پر ډیورنډ کرښه بحث نه دی شوی او هغه یې د ملتونو موضوع بللې ده.

افغانان او د افغانستان هېڅ حکومت تراوسه ډیورنډ د رسمي سرحد په توګه نه مني او باور لري، چې دا تاریخي موضوع د کرښې دواړو غاړو پرتو افغان ملتونو په ارادې او پرېکړې پورې اړوند ده.