17/05/2026
سنگ بنیاد!
ایک دیرینہ خواہش تھی کہ تلونڈی بھنڈراں میں ختم نبوت کا باقاعدہ مرکز ہو جس سے علاقے بھر میں تحفظ ختم نبوت کے کاز کو ترجیحی بنیادوں پر قائم کیا جائے اور ساتھ ہی حفظ و ناظرہ کی معیاری درسگاہ بھی قائم کی جائے تاکہ تشنگان علم کی پیاس کو بجھایا جائے۔
الحمدللہ آج 17 مئی بروز اتوار کو اللّٰہ تعالیٰ کے فضل اور مخلص احباب کی دعاؤں کی بدولت یہ ممکن ہو پایا کہ مرکز ختم نبوت اور جامع مسجد عائشہ صدیقہ کا سنگِ بنیاد بمقام الرحمٰن اسٹیٹ اینڈ ڈیویلپرز تلونڈی بھنڈراں میں رکھا گیا۔
اس عظیم الشان کام میں ہماری پوری سرپرستی فرمائی حضرت مولانا مفتی عبد الرشید عثمانی صاحب دامت برکاتہم العالیہ نے حضرت آج بمعہ قافلہ لاہور سے تشریف لائے جس کے روحِ رواں تھے
مجاہد ختم نبوت:
حضرت اقدس مولانا قاری رفیق وجھوی صاحب جنہوں نے اپنے دست مبارک سے مرکز ختم نبوت اور جامع مسجد عائشہ صدیقہ کا سنگِ بنیاد رکھا۔
یاد رہے کہ حضرت انٹرنیشنل ختم نبوت پاکستان کے ڈپٹی سیکرٹری ہیں اور انوار ختم نبوت ٹرسٹ کے چیئرمین بھی ہیں۔
زیر نگرانی مولانا محمد اعجاز معاویہ صاحب آپ جمعیت علمائے اسلام ضلع نارووال کے امیر ہیں۔
اس موقع پر ان احباب کا ضرور ذکر کرنا چاہوں گا جنہوں یہ جگہ وقف کی ان میں عِزت مآب جناب ماسٹر محمد عارف میو صاحب، محمد ارشد صاحب اور محمد رفیع صاحب) اور انکے ساتھ محمد مبین صاحب، مولانا نیک محمد صاحب، حافظ یوسف صدیقی صاحب اور مولانا وقاص ناصر صاحب نے بھی بھرپور کوشش فرمائی۔
ان کے علاوہ بہت سے مقامی علماء کرام اور دیگر احباب نے بھی شرکت فرمائی اور اپنی دعاؤں سے نوازا۔
ہم تمام احباب جو تشریف لائے، جنہوں نے دعائیں فرمائی ان سب کا تہہ دل سے شکریہ ادا کرتے ہیں۔
