جامع مسجد سراقه بن مالك رضي الله عنه

08/08/2026

07/08/2026

مرکزی جمعیت اہل حدیث تحصیل چھوٹا لاہور (ضلع صوابی) کی نئی کابینہ تشکیل، دعوت و اصلاح اور تنظیمی استحکام کے لیے اہم فیصلے

چھوٹا لاہور (ضلع صوابی):

اللہ تعالیٰ کے فضل و احسان سے مرکزی جمعیت اہل حدیث تحصیل چھوٹا لاہور (ضلع صوابی) کا اہم تنظیمی و مشاورتی اجلاس 6 اگست 2026 بروز جمعرات بمقام مسجد و مدرسہ سراقہ بن مالک دارالحدیث، سریوخ جلسئ، تحصیل چھوٹا لاہور نہایت خوشگوار، باوقار اور دینی ماحول میں منعقد ہوا۔

یہ اجلاس مولانا حاجی عنایت الرحمٰن حفظہ اللہ، امیر مرکزی جمعیت اہل حدیث ضلع صوابی، کی سرپرستی میں جبکہ قاری عطاء الرحمٰن محمدی، ناظم اعلی مرکزی جمعیت اہل حدیث ضلع صوابی، کے زیر انتظام منعقد ہوا۔ اجلاس میں تحصیل چھوٹا لاہور کے علماء کرام، ائمہ مساجد، خطباء، مدرسین، ذمہ داران اور کارکنان نے بھرپور شرکت کی۔ شرکاء نے باہمی اخوت، محبت اور دینی جذبے کے ساتھ تنظیمی معاملات پر سیر حاصل گفتگو کی۔

اجلاس کا آغاز تلاوت کلام پاک سے ہوا، جس کے بعد تنظیم کے اغراض و مقاصد، موجودہ حالات، دعوتی ذمہ داریوں اور آئندہ لائحہ عمل پر تفصیلی مشاورت کی گئی۔ اس موقع پر اس امر پر زور دیا گیا کہ قرآن و سنت کی صحیح دعوت کو عام کرنا، عقیدہ توحید اور اتباع سنت کو فروغ دینا، نوجوان نسل کی دینی تربیت، مساجد و مدارس کی خدمت، علماء و طلبہ کی سرپرستی اور معاشرے میں اصلاحی کردار کو مزید مضبوط بنانا وقت کی اہم ضرورت ہے۔

اجلاس میں اس بات پر بھی اتفاق کیا گیا کہ تحصیل بھر میں جماعتی نظم و نسق کو مزید فعال اور مضبوط بنایا جائے، مختلف علاقوں میں دعوتی و تربیتی پروگراموں کا سلسلہ بڑھایا جائے، عوام الناس کو کتاب و سنت کی تعلیمات سے جوڑا جائے اور باہمی تعاون و مشاورت کے ذریعے تنظیمی سرگرمیوں کو منظم انداز میں آگے بڑھایا جائے۔

اجلاس کے اہم ایجنڈے کے مطابق باہمی مشاورت، اعتماد اور اتفاق رائے سے مرکزی جمعیت اہل حدیث تحصیل چھوٹا لاہور کی نئی کابینہ تشکیل دی گئی، جس کے عہدیداران درج ذیل ہیں:

سرپرست: الشیخ قاری رئیس سلفی حفظہ اللہ

امیر: الشیخ عبد البصیر المدنی حفظہ اللہ

ناظم اعلی: محترم حامد عزیر صاحب

ناظم مالیات: محترم لعل شیر صاحب

ناظم تبلیغ: مولانا ضیاء الحق حفظہ اللہ

ناظم نشر و اشاعت: محترم شیر رحمان بھائی

رابطہ سیکرٹری: متعلم انضمام الحق

اجلاس میں نومنتخب کابینہ نے اس عزم کا اظہار کیا کہ وہ اللہ تعالیٰ پر توکل کرتے ہوئے اخلاص، دیانت اور احساس ذمہ داری کے ساتھ تنظیمی امور انجام دیں گے، اہل حدیث دعوت کو مزید عام کریں گے، مساجد و مدارس کی خدمت میں اپنا بھرپور کردار ادا کریں گے اور عوام الناس تک قرآن و سنت کی تعلیمات کو مؤثر انداز میں پہنچانے کے لیے ہر ممکن کوشش کریں گے۔

اجلاس میں یہ بھی طے پایا کہ فتنہ انکار حدیث اور دیگر گمراہ کن افکار و نظریات کا علمی، دعوتی اور حکیمانہ انداز میں تعاقب کیا جائے گا۔ اسی طرح تحصیل بھر میں دعوتی اجتماعات، اصلاحی پروگرام، تربیتی نشستیں، نوجوانوں کی دینی رہنمائی، علماء کرام کے مابین باہمی تعاون، مساجد و مدارس کی آبادکاری اور جماعتی نظم و نسق کے استحکام کے لیے مشترکہ منصوبہ بندی کے ساتھ عملی اقدامات کیے جائیں گے۔

شرکائے اجلاس نے اس بات کا اعادہ کیا کہ دین اسلام کی سربلندی، کتاب و سنت کی اشاعت، اتحاد اہل سنت، اصلاح معاشرہ اور دینی اداروں کی ترقی کے لیے ہر قسم کی مالی، جانی اور وقتی قربانی پیش کرنے سے دریغ نہیں کیا جائے گا۔ انہوں نے اللہ تعالیٰ سے اخلاص، استقامت اور باہمی اتفاق کی دعا بھی کی۔

اجلاس کے اختتام پر مولانا حاجی عنایت الرحمٰن حفظہ اللہ نے نومنتخب ذمہ داران کو مبارکباد دیتے ہوئے انہیں تقویٰ، عدل، باہمی مشاورت، حسن اخلاق اور خدمت دین کو اپنی ذمہ داریوں کی بنیاد بنانے کی نصیحت کی۔ انہوں نے اس امید کا اظہار کیا کہ نئی کابینہ تحصیل چھوٹا لاہور میں دعوت و اصلاح، دینی تعلیم اور تنظیمی استحکام کے میدان میں مؤثر کردار ادا کرے گی۔

آخر میں امت مسلمہ کی خیر و فلاح، پاکستان کے امن و استحکام، علماء کرام کی حفاظت، مساجد و مدارس کی ترقی، مرکزی جمعیت اہل حدیث کی کامیابی اور دین اسلام کی سربلندی کے لیے خصوصی دعا کی گئی۔

04/08/2026

بيان واوره اوعلم زيات كڑه او مختلف ملگرو سره يي شير كڑه

25/07/2026

ده ماشومانو تربيت دفاره مفيد بيان

26/02/2026

الشیخ ابو خسان سواتی

23/02/2026

, الشیخ ابو خسان سواتی

11/02/2026

الشیخ أبو خسان السواتي:

08/02/2026