Gulf Estates & Builders

09/07/2024

کیا آپ سریا لینے سے پہلے فراڈ سے بچنا چاہتے ہیں؟ تو سریا لینے سے پہلے یہ تحریر پڑھ لیں:
1- سریا کو زنگ نہ لگا ہو
2- سریا ہمیشہ 60 گریڈ کا استعمال کریں
3- سریا کے '4 کے ٹوٹے کو موڑ کے دیکھیں، اگر آسانی سے مڑجائے تو اچھی کوالٹی کا ہوگا
4- سریا کے اوپر شاخیں نہ نکلی ہوئ ہوں کیونکہ ایسا سریا Scrap سے بنا ہوتا ہے۔
5- سریا پورے سائز کا ہونا چاہئیے، انڈر سائز سے گھر کی مضبوطی میں کمی اور اوورسائز سے آپکی لاگت بڑھے گی۔
6- سریا ہمیشہ کلوگرام کیساتھ خریدیں اور خریدے وقت آپکا وزن کانٹے پر موجود ہونا لازم ہے۔
7- سریا کا وزن کرنے کے بعد آپ وزن کو کائونٹر چیک بھی کرسکتے ہیں جیسا کہ:
3ستر سریا کی '40 لینگتھ کا وزن 7.52کلوگرام
4ستر سریا '40 لینگتھ کا وزن 10.8کلوگرام۔
5ستر سریا کا وزن 19.2 کلوگرام ہونا چاہیے
8- سریا کی سٹینڈرڈ لینگتھ '40 ہونی چاہیئے اگر اس سے کم ہوئ تو سریا کے ضائع ہونے کے چانسز ٪5 بڑھ جائیں گے اور آپکا میٹریل زیادہ ضائع ہوگا
9- سریا کی ہر لڑی کے دونوں آخری حصوں پر پیلا🟡یا لال رنگ ہونا چاہیے، جسکا مطلب ہوتا ہے کہ یہ سریا فیکٹری سے اسی کٹنگ کیساتھ آیا ہے اور راستے میں اسکے ساتھ کوئ چھیڑ چھاڑ نہیں کی گئی
10- کبھی بھی لوکل سریا استعمال نہ کریں، لوکل سریا سستا ضرور ہوتاہے، مگر اسکا وزن زیادہ ہونے کیوجہ سے آپکو مہنگا پڑتا ہے.
11- اگر آپ کمرشل پلازہ، اپارٹمنٹ وغیرہ بنارہے ہیں تو لیبارٹری میں مختلف ٹیسٹ بھی کرائے جاسکتے ہیں جس میں ٹینسائل، کیمکل کمپوزیشن، زنگ وغیرہ شامل ہوتے ہیں۔
اپنے دوستوں کیساتھ شیُر کریں۔ تاکہ وہ بھی چونے سے بچ سکیں۔
: if you know, You can add more points in comment section. Thanks

09/07/2024

پنجاب میں پراپرٹی کی خرید وفروخت اور رجسٹری کروانے پر عائد ٹیکس

22/03/2024

23/11/2023

House for sale
Area: 6.25 marla
Location: C Block “Kent Housing “
2 minutes Drive from V Mall Sialkot Cantt
4 Bedrooms ,
5 Bathrooms
A + quality construction

06/11/2023

ریئل اسٹیٹ میں سرمایہ کے فوائد

جائیداد میں سرمایہ کاری کو عام طور پر پُرکشش منافع حاصل کرنے کا ایک بہترین طریقہ سمجھا جاتا ہے جب کہ اس طرح آپ اپنے ذرائع آمدن میں بھی تنوع پیدا کرتے ہیں۔ ماہرین معاشیات کا ماننا ہے کہ جائیداد میں اگر مناسب طریقے سے سرمایہ کاری کی جائے تو یہ سب سے زیادہ آمدنی والی اثاثہ جاتی کلاس ہے۔ اضافی رقوم کو منافع بخش بنانے کا ایک مئوثر ذریعہ ریئل اسٹیٹ ہے۔ یہ ایک ایسا راستہ ہے، جس کا انتخاب دنیا کے بڑے بڑے کامیاب سرمایہ کاروں نے اپنے لیے منتخب کیا اور اپنی آنے والی نسلوں کے لیے دولت تخلیق کی ۔ ریئل اسٹیٹ یا پراپرٹی میں سرمایہ کاری کس طرح کی جاسکتی ہے اور اس کے کیا فوائد ہیں ؟
اس پہ اب باقاعدہ قسط وار لکھنے جا رہا ہوں -
وال سے جڑے رہیے -
ممکن ہے ہمارا ذاتی کاٹیجز و ریزورٹ پروجیکٹ ہی آپ کی محفوظ سرمایہ کاری کا انتخاب ہو ۔۔ ❤
مجیب الرحمان

19/10/2023

گھر بنانے کے لیے کئی لوگ مین روڈ پر پلاٹ لینا پسند کرتے ہیں کہ یہ اچھی لوکیشن ہے لیکن وہاں مسئلہ یہ آتا ہے کہ ساری ٹریفک اس گھر کے سامنے سے گزرتی ہے اور ساتھ گرد و غبار بھی لاتی ہے اور شور الگ سے رہتا ہے۔

اسی ٹائپ کے بنے ایک گھر میں ہمارے ایک دوست رہتے تھے۔ ایک بار ان سے ملنے جانا ہوا۔۔ گھر کی بیل دی۔۔ اندر سے ان کی والدہ نے پوچھا کون ہے۔۔ یقین مانیں کہ ٹریفک کے شور کی وجہ سے نہ ان کی بات مجھے سمجھ آئی اور نہ میری بات انہیں سنائی دی۔۔

گرد آنے کی وجہ سے گھر کے در و دیوار بھی ہر وقت گندے ہی رہتے ہیں۔ اس لئے میرا مشورہ ہے کہ پلاٹ وہاں خریدیں جہاں صرف اسی گلی کی ٹریفک آتی ہو۔۔ کوئی مین روڈ۔۔ کوئی گزرگاہ یا اس قسم کی جگہ پر اچھی لوکیشن سمجھ کر خریدا گیا پلاٹ بعد میں ساری عمر کی بے سکونی کا باعث بن سکتا ہے۔

بشارت حمید

12/09/2023

ضلع سیالکوٹ کی چاروں تحصیلوں میں غیر قانونی ہاؤسنگ سوسائٹیوں کی تفصیلات

15/08/2023

قسطوں کے پلاٹ کے فائدے

بہت سارے لوگ قسطوں پہ پلاٹ لینے سے متعلق پوچھتے رہتے ہیں تو ان کی معلومات کے لیے بتاتا چلوں کے اگر ڈیولپر قابل بھروسہ ہے وہ اس فیلڈ میں تجربہ اور اچھی شہرت رکھتا ہے اور ماضی میں ہاوسنگ کے پروجیکٹ کامیابی سے کر چکا ہے تو اس کی سوسائٹی میں آپ اپنا پلاٹ بک کر سکتے ہیں -
قسطوں پر پلاٹ خریدنے کے بہت سے فائدے ہیں جو کہ اس آپشن کو پرکشش بناتے ہیں۔ وہ لوگ جو تنخواہ دار ہیں یا ایک ریگولر آمدن ماہانہ کماتے ہیں وہ ایک دم بڑی رقم کا انتظام کر کے پلاٹ یا گھر نہیں خرید سکتے۔ ایسے لوگوں کے لیے قسطوں پر پلاٹ لینا آسان اور قابل عمل ہے۔ قسطوں پر پلاٹ لینے سے ہر ماہ تھوڑی تھوڑی رقم ادا کرنا ہوتی ہے اور جیب پر بوجھ نہیں پڑتا اور یہ مدل کلاس طبقے کے لیے افورڈایبل رہتا ہے۔
جو کمپنیاں قسطوں پر پلاٹ بیچتی ہیں عموماً ان کے پاس ایک سے زیادہ پے منٹ پلانز ہوتے ہیں۔ آپ پلاٹ بک کرتے وقت اپنی گنجائش کے حساب سے اسان پے منٹ پلان کا انتخاب کر سکتے ہیں۔ کم رقم والی قسطوں سے مدت کے دورانیے میں اضافہ ہو جائے گا مگر بہرحال یہ یک مشت رقم کا انتظام کرنے سے کہیں بہتر ہے۔
قسطوں پر پلاٹ لینا انوسٹمنٹ کے مقصد کے لیے بھی فائدہ مند ہے۔ اگر آپ اپنی آمدنی میں سے کچھ سیونگ کرنا چاہتے ہیں تو قسطوں پر پلاٹ لیں۔ آپ ایک پے منٹ پلان سلیکٹ کرتے ہیں تو وہ تبدیل نہیں ہوتا ۔ اسی ہاوسنگ سوسائٹی میں وقت کے ساتھ ساتھ اربن ڈیویلپمنٹ ہوتی ہے تو زمین کی قیمت بڑھ جاتی ہے۔ اس طرح آپ پلاٹ کی جو قیمت قسطوں کی صورت میں ادا کر رہے ہیں جب پلاٹ کو بیچیں گے تو اس سے کیپیٹل گین یا منافع ہو گا۔ یعنی آپ خریدیں گے پرانی قیمت پر اور بیچیں گے نئی قیمت پر۔
قسوں پر پلاٹ خریدنے کا ایک اور فایدہ یہ ہے کہ آپ کو پلاننگ کا وقت مل جاتا ہے اور آپ قسطوں والی مدت میں سکون سے اپنا گھر پلان کر سکتے ہیں۔ قسطیں بھرنے کے دوران آپ نقشہ بنوانے سے لے کر مارکیٹ سروے ، لاگت کا تخمینہ وغیرہ لگا سکتے ہیں اور ساتھ ساتھ تعمیری اخراجات کا انتظام کر سکتے ہیں۔

اس سلسلے کی اگلی پوسٹ کےکن ڈیولپر پہ بھروسہ کیا جا سکتا ہے آپ کل پڑھ سکیں گے انشاءاللہ

مجیب الرحمان

16/07/2023

سوسائٹی میں‌پلاٹ کی خرید
تحریر بشارت حمید

موجودہ دور میں‌سوسائٹی کے اندر رہائش رکھنے کا ٹرینڈ ہے کیونکہ یہاں‌سڑکیں، سیوریج، صاف پانی، گیس اور سیکورٹی جیسی سہولیات دستیاب ہوتی ہیں جو عام گلی محلوں میں کم ہی پائی جاتی ہیں۔ اکثر پوش سوسائٹیز میں‌فائل اور ٹرانسفر لیٹر سسٹم چلتا ہے۔ ہر پلاٹ کے کاغذات کے طور پر ایک عدد فائل سوسائٹی کی جانب سے ایشو کی جاتی ہے جس میں ایک صفحے پر مالک کی تصویر اور نام پتہ لکھا ہوتا ہے ساتھ ایک ٹرانسفر لیٹر ایشو کیا جاتا ہے اس پر بھی مالک کا نام پتہ پلاٹ‌سائز وغیرہ لکھا جاتا ہے۔ساتھ سوسائٹی کے بائی لاز بھی درج ہوتے ہیں۔

زیادہ تر سوسائٹی کے پلاٹس کی ٹرانسفر سوسائٹی دفتر کے ذریعے ہی مکمل ہوتی ہے۔ کچھ سوسائٹیز کے پلاٹ عام پلاٹس کی طرح‌کچہری میں‌جا کر ہی ٹرانسفر کروانے پڑتے ہیں ان کا طریقہ کار مختلف ہوتاہے۔

سوسائٹی میں‌پلاٹ خریدتے وقت کچھ چیزیں‌بہت اہم ہیں‌جن کا خیال رکھنا بہت ضروری ہے مثا ل کے طور پر پلاٹ کی لوکیشن، بلاک ، اس کا محل وقوع، پلاٹ کے فرنٹ کا رخ کس طرف ہے، کارنر ہے یا نارمل پلاٹ ہے، پارک فیسنگ ہے یا پارک سے دور ہے، ڈبل روڈ پر ہے یا سنگل روڈ پر، بجلی کے پول پلاٹ کے فرنٹ پر ہیں‌یا مخالف سائیڈ پر۔۔

ہمارے تجربے اور مشاہدے کے مطابق پلاٹ‌خریدتے وقت رہائش کے لیے مین روڈ سے ذرا ہٹ کر پلاٹ لینا چاہیئے کیونکہ مین روڈ پر ٹریفک کا بہاؤ زیادہ ہوتاہے جس کی وجہ سے شور اور گرد و غبار ماحول کو آلودہ کر دیتے ہیں۔ گھر میں جتنا سکون ہو گا اتنا ہی صحت کے لیے مفید ہو گا۔

کئی سوسائٹیز میں‌مین گیٹ‌کے قریب بلاکس کے ریٹ زیادہ ہوتے ہیں‌جب کہ کچھ اندر ونی بلاکس میں‌کم قیمت پر بھی پلاٹ مل جاتے ہیں۔ پلاٹ‌کا رخ اگر مشرق کی جانب ہو تو زیادہ بہتر رہتا ہے کیونکہ گھر میں‌سورج کی روشنی اس رخ پر زیادہ بہتر مل جاتی ہے۔
اگر ممکن ہو تو کارنر کا پلاٹ خریدیں کیونکہ سوسائٹی میں‌عموماً کارنر پلاٹ‌کا رقبہ زیادہ ہوتا ہے۔ اس کے ساتھ ساتھ ڈبل سائیڈ فرنٹ ایلیویشن بن جاتی ہے، باہر دو اطراف میں گرین بیلٹ اور پودے گھر کی خوبصورتی میں‌اضافہ کردیتے ہیں۔

پارک کے بالکل سامنے گھر بنانا دیکھنے میں‌بہت خوبصورت اور اعلٰی ماحول مہیا کرتا ہے لیکن اس میں‌مسئلہ یہ ہے کہ پبلک پلیس پر گھر کی پرائیویسی ڈسٹرب رہتی ہے۔ پارک میں‌گھومنے والے لوگ آپ کو اپنی ایکٹیویٹیز سے پریشان کر سکتے ہیں۔ اسی طرح اگر کمرشل مارکیٹ کے سامنے پلاٹ ہو تو وہاں‌بھی ایسے مسائل سامنے آتے رہتے ہیں۔

پلاٹ اس گلی میں‌لیں‌جہاں‌ٹریفک کم سے کم آتی ہو، بلکہ صرف اسی گلی کی گاڑیاں‌ہی آتی ہوں‌۔ کسی ایسی جگہ پلاٹ لینا جہاں‌پچھلے بلاکس اور گلیوں‌کی ٹریفک بھی گزرے گھر کے سکون میں خلل ڈالنے کا باعث ہوگا اور گلی میں‌کھیلتے بچے بھی اس سے ڈسٹرب ہو سکتے ہیں۔

اگر سوسائٹی میں‌بجلی کا نظام انڈر گراؤنڈ نہیں تو کوشش کریں‌کہ بجلی کے پول پلاٹ‌کے سامنے سڑک کی دوسری طرف ہوں تو زیادہ بہتر ہے ورنہ اس سے اتنا بھی ایشو نہیں جتنا بعض‌دوست بنا لیتے ہیں۔

جو پلاٹ آپ نے فائنل کیا ہے اس کی بات اپنے ڈیلر کے ذریعے آگے چلائیں۔ کچھ رقم بطور ٹوکن منی دے کر اپنی آفر دیں۔ جس قیمت پر بات فائنل ہو جائے اس کے حساب سے بیعانہ دے کر 1200 روپے والے اسٹیمپ پیپر پر ڈیل کی شرائط لکھ لیں۔ جس روز ساری پیمنٹ ادا کرنی ہو اس سے ایک دو دن پہلے سوسائٹی آفس میں‌ٹرانسفر پراسیس شروع کروا لیں۔

پلاٹ کے سابقہ بقایا جات عام طور پر سیلر کے ذمہ ہوتے ہیں اور ٹرانسفر سے قبل کلیئر کرنا ہوتے ہیں۔ پلاٹ کی ٹرانسفر فیس جمع کروانا پڑتی ہے۔ فائل اور لیٹر بھی دیگر کاغذات کے ساتھ سوسائٹی دفتر جمع کروانا پڑتے ہیں۔ ٹرانسفر کے ٹائم سیلر کی جانب سے کاغذات پر سائن اور نشان انگوٹھا کرنے سے پہلے بقیہ پیمنٹ‌ادا کرنا ہوتی ہے وہ آپ اپنے معاہدے کے مطابق کر سکتے ہیں۔ اس کے بعد پلاٹ‌آپ کے نام پہ ٹرانسفر کر دیا جاتا ہے۔

اس کے بعد پلاٹ کا پوزشن لینے کا مرحلہ آتا ہے ۔ پوزشن لیٹر پر پلاٹ کی پیمائش درج ہوتی ہے اور ساتھ اوپن ایریا بھی مینشن کیا ہوتا ہے کہ اس طرف سے اتنے فٹ کی گلی اوپن چھوڑنی پڑے گی۔ اس پوزشن لیٹر کے مطابق گھر کا نقشہ بنوا کر سوسائٹی دفتر سے اپروو کروانا پڑتا ہے اس اپروول کی فیس الگ سے ادا کرنا ہوتی ہے۔
جن سوسائٹیز میں‌پلاٹ کی ٹرانسفر کچہری کے ذریعے ہوتی ہے وہاں‌کے نقشے ڈائریکٹ یونین کونسل یا ضلع کونسل سے اپروو کروانا پڑتے ہیں۔

(تعمیر مسکن سے اقتباس)

24/06/2023

مارکیٹ کا چلن اور اس سے بے نیازی

تحریر بشارت حمید

قرآن مجید میں اللہ تبارک و تعالٰی نے بالکل واضح فرما دیا ہے کہ ہم لازماً تمہیں آزمائیں گے دشمن کےخوف کی کیفیت سے۔۔بھوک سے۔۔ مال و جان اور پھلوں کی کمی سے۔۔ ان حالات میں صبر کرنے والوں کو خوشخبری ہے۔۔ یہ وہ لوگ ہیں جنہیں جب کوئی مصیبت اور آزمائش آ پہنچتی ہے تو وہ کہہ اٹھتے ہیں کہ ہم اللہ ہی کی طرف سے آئے ہیں اور اسی کی جانب لوٹ جانے والے ہیں۔۔

اب ان آیات کی روشنی میں دیکھیے۔۔ ہم اگر روزگار کے لئے کوئی جاب یا کاروبار شروع کرتے ہیں تو دیکھتے ہیں کہ یہاں تو جھوٹ کا غلبہ ہے۔۔ ہر بندہ کہتا کچھ ہے اور کرتا کچھ ہے۔۔
ان حالات میں سچ بول کر۔۔ سچ بتا کر ہم اپنی چیز کو فروخت یا اپنی سروسز مہیا کر ہی نہیں پا رہے۔۔ تو کیا کریں۔۔

آسان حل یہی لگتا ہے کہ جیسے دوسرے کر رہے ہیں ہم بھی ویسے ہی کرنے لگیں تو کام چل نکلے گا۔۔ لیکن اگر ہم اللہ اور رسول اللہ صل اللہ علیہ والہ وسلم پر ایمان رکھنے والے ہیں تو اوپر مینشن کی گئی آیات ہمارے ہی لئے ہیں۔

یہ جان لینا چاہیئے کہ سچ کے راستے پر آزمائش ضرور آئے گی۔۔ اور کامیاب۔۔ جھوٹ بول کر سودا بیچنے والے نہیں بلکہ سچ والے ہی ہوں گے۔۔ کچھ ہی عرصہ بعد لوگ خود دوسروں کو بتانے لگیں گے کہ یہ چیز لینی ہے یا یہ کام کروانا ہے تو فلاں جگہ فلاں بندے کے پاس آنکھیں بند کرکے چلے جاؤ وہ سچی بات کہے گا اور کوئی دو نمبری نہیں کرے گا۔۔

آج بھی دیکھ لیں۔۔ جو لوگ اچھی نیت کے ساتھ کاروبار کر رہے ہیں یا کوئی سروس دے رہے ہیں ان کے پاس فرصت ہی نہیں۔۔ جبکہ جھوٹ پر یقین رکھنے والے کام بھی کئے جا رہے ہیں اور رو بھی رہے ہیں کہ پوری نہیں پڑ رہی۔۔

یہ فیصلہ ہم نے کرنا ہے کہ شارٹ ٹرم فائدہ لینا ہے یا لانگ ٹرم۔۔ رزق اللہ دیتا ہے۔۔کوئی کسٹمر کوئی دوکاندار یا کوئی اور نہیں دیتا۔۔ یہ نکتہ ذہن میں بیٹھ جائے اور اس پر یقین پختہ ہو جائے تو بندہ ان دو نمبریوں سے بے نیاز ہو جاتا ہے اور اللہ اس کے تھوڑے رزق میں بھی برکت ڈال دیتا ہے۔

24/06/2023

*گھروں و بلڈنگز میں سیم Damp کو روکنے کے لیے دوران کنسٹرکشن حفاظتی تدابیر

پورے گھر کا ڈھانچہ بنانے سے پہلے جب زیر زمین بنیادیں مکمل کر کے گراؤنڈ لیول تک آتی ہیں کہیں ساری دیواروں کے اوپر مکمل پلنتھ بیم ڈالتے ہیں کچھ لوگ بیم کے بجائے صرف دو انچ DPC ڈال دیتے ہیں
تو اب دیکھنا یہ ہے کے ان دونوں طریقوں میں بہتر کون سا
طریقہ ہے جو لوگ ڈی پی سی ڈالتے ہیں جس سے مراد Damp froof course یہ کنکریٹ کی تین انچ کی لہر ہوتی ہے اس کے خشک ہونے کے بعد اس پہ بیچومن اور واٹر پروف شیٹ کی تہہ اپلائی کی جاتی ہے تا کے نمی نیچے رک جائے، اور پھر اس کے اوپر دوبارہ سے چنائی کا سلسلہ شروع کر دیا جاتا ہے - ڈی پی سی ڈالنے کے بعد اس کا لیول وہاں تک رکھیں جہاں تک آپ کو پتہ ہے کہ آپ نے گھر کے اندر ٹائیلز لگانی ہیں ٹائلوں کا جو لیول ہے ان سے تین انچ نیچے تک چناٸی کو جاری رکھیں اور جہاں پر ٹائلوں کا ٹاپ لیول ہوگا وہاں پر آپ نے ڈی پی سی کا ٹاپ لیول رکھنا ہے
اکثر گھروں میں دیواروں کے نیچے والے ایریاز پر سیم آتی ہے اس کی وجہ یہ ہے کے ایک تو ڈی پی سی ڈالی ہی نہیں ہوتی اگر ڈی پی سی ڈالی بھی گئی تو وہ ٹائلوں کے فنش فلور لیول کے اوپر سے شروع ہو رہی ہوتی ہے
اینٹ مٹی کی بنی ہوتی ہے جب وہ پانی سے ٹکراتی ہے تو پانی چوس لیتی ہے جس سے سیم ظاہر ہوتی ہے
اس وجہ سے آپ نے اس بات کو یقینی بنانا ہے کہ ڈی پی سی کا ٹاپ لیول آپ کے فنشنگ فلور لیول سے میچ کرتا ہو -
ڈی پی سی ڈالنے سے زیادہ بہتر ہے کہ پلینتھ بیم ڈال دیا جائے، گو کے یہ تھوڑا کاسٹلی ہوتا ہے لیکن نمی روکنے میں اس کی افادیت زیادہ ہے پلینتھ بیم کی تھکنس کم ازکم 9 انچ جبکہ ڈی پی سی کی موٹائی 3 انچ ہوتی ہے تین انچ
اگر آپ ڈی پی سی ڈالتے ہیں تو ایک تو ڈی پی سی ری انفورسڈ نہیں ہوتی مطلب اس میں سریا پڑا ہوا نہیں ہوتا یعنی گھر کے نیچے والی مٹی بیٹھ جاتی ہے ایک جگہ سے بیٹھتی ہے دوسری جگہ سے نہیں بیٹھتی تو آپ کو پتا ہے اس طرح differential settelment ہو جاتی ہے اس کا مطلب ہے گھر میں کہیں پر کریک آجائیں گے کہیں پر نہیں آئیں گے تو اس صورتحال میں ڈی پی سی اس کو نہیں روک سکتی کیونکہ ڈی پی سی موسچر کو کنٹرول کرتی ہے ڈی پی سی کا مقصد یہ نہیں کہ وہ پورے گھر کو ایک لیول پر رکھے
پلینتھ بیم کے اندر سٹیل بھی ڈلا جاتا ہے جس کی ری انفورسٹمنٹ کی وجہ سے یہ ڈی پی سی کے مقابلے میں زیادہ مضبوط اور دیرپا ہوتا ہے اور موسچر کو اوپر جانے سے روکنے میں بھی زیادہ معاون ہوتا ہے - اس کے اوپر بھی واٹر پروف شیٹ اپلائی کرنی چاہیے -
خراب اینٹ یعنی گیلی اینٹ لگانے سے بھی اجتناب کرنا چاہیے بہترین اینٹ وہ ہوتی ہے جو خوب پک کے تیار ہوئی ہو گیلی اور تازہ اینٹ بھی وقت کے ساتھ ساتھ نمی چھوڑنا شروع کر دیتی ہے -
مجیب الرحمان