02/07/2022
ГӀэдуркку щаласне дяхӀ
ГӀэт нешлаван малхӀямсне
Лэбил дуне умцӀурле
ГӀӀэлум чаръихватлира.
Нешлагъуна гӀэт къуллугъ
ГӀэбирху гӀэт царилла,
Нешле гӀэт ччибил гӀӀякьлу
ГӀэлукка гӀэт царилле.
Дуччилла гьанкӀ аккварле,
Гулая лэхӀле рирху.
ГьатӀел, бери ахъара,
Илттаз къуллугълер рирху.
МалхӀямсе, ритегъибсе,
Гулая диччи черсе,
Уршбацце ва рурсбацце
Бархьсе гӀӀякьлу биччибсе.
Гьариллибра чебла саб
Нешла кьимат ахъбуциз.
Нешле дахахъайте мец
Мурхьле урчӀилед декъиз.
Нешла мецла дурхъадихь
Марлира хъумкартурлей?
Ттакъалед дирхукъаллел
Нешле гӀэт дахахъайте.
" Мама, папа"-
КадикӀватле гулацце,
Илттаз мец гӀэдаханне,
ГӀӀяйиб бэгӀӀтаяб саб.
Гьариллиз чебигулда:
Нукьсанне сад нешла мец.
Мец дахахъиз гъайбичӀвиз
ГӀӀягӀӀниле саб бэгӀӀтаз.
ГӀэдахурле катӀгӀэлгва
Чуз гӀӀёрёссаллара мец
БэгӀӀсарсар гӀӀягӀӀниле саб,
Дахахъиз чуз нешла мец.
"Мама, папа"- бикӀванне
Илтти чула бэгӀӀтацце,
Илтти щурбалтиз чебссаб
ГъайбикӀвахъиз ЦӀудхъурван.
Бажарди гӀэдиканне
Дахахъиз чуз нешла мец,
ВецӀал-гъал дусла духӀнад,
Детихъура нешла мец.
Я дубурлан- ЦӀудхъуран,
Кьаскабаркьа мец демххиз,
Нешла мец гӀэдалхайте
ГӀэбирхура ччаккуле.
Гулаццеб гьариллера
Биркьанне камсе къайгъи,
Нешла мец дитгӀэйхъура
ЦӀудхъурла халкь лебалле!
Автор: Закирагаджи Магомедович из селения Куппа (Аммалти)
