خلیجی اردونیوزو آرا

خلیجی اردونیوزو آرا https://www.expatriates.com/cls/52802119.html

24/06/2023

حج کے موسم میں پہلی مرتبہ ورچوئل گلاسز کا استعمال، گاڑیوں کی نگرانی کریں گے

حج کے سیزن کے دوران پہلی مرتبہ سعودی عرب میں ٹرانسپورٹ اور لاجسٹکس کے وزیر انجینئر صالح الجاسر نے جمعہ کو آ گمینٹڈ رئیلٹی ٹیکنالوجی سے لیس "ورچوئل گلاسز" کا افتتاح کردیا۔ یہ ورچول گلاسز ٹریفک قوانین کی پاسداری کے متعلق گاڑیوں کی نگرانی کریں گے۔
صالح الجاسر نے اپنے فیلڈ ٹور کے دوران نظام کی تیاریوں کا معائنہ کرنے اور اتھارٹی کے کنٹرول کے عمل کی پیشرفت پر النواریہ پوائنٹ پر حجاج تفریحی مرکز میں یہ افتتاح کیا۔
اس ٹیکنالوجی کا استعمال نقل و حمل کی سرگرمیوں کے دوران ٹریفک قوانین کی تعمیل کی نگرانی کے لیے کیا جارہا ہے تاکہ ضیوف الرحمٰن کی خدمت کی جا سکے اور ان کی نقل و حرکت کو آسان بنانے کے لیے جدید ٹیکنالوجی کی فراہمی کو یقینی بنایا جا سکے۔
فیلڈ میں موجود اہلکار نقل و حمل کی گاڑیوں کی نگرانی کے لیے ورچوئل گلاسز پہنتا ہے اور کسی بھی ضابطے کی خلاف ورزی پر گاڑی کے ڈرائیور سے فوری طور پر پوچھتا ہے۔ نگرانی کو ویڈیو ریکارڈ بنتا ہے اور قوانین کی خلاف ورزی کی مکمل نگرانی کی جاتی ہے۔ اس طرح چوکوں پر رش کم رکھنے میں بھی مدد ملتی ہے۔

24/06/2023

حج قریب: غیر مجاز گاڑیوں کا حرمین شریفین میں داخلہ روک دیا گیا
سعودی پبلک سیکیورٹی کی نمائندگی کرنے والے ادارے جنرل ٹریفک ڈپارٹمنٹ نے حرمین شریفین میں غیر مجاز گاڑیوں کا داخلہ روکنا شروع کردیا۔ 5 ذو الحج کی نصف شب سے لیکر 13 ذو الحج کے اختتام تک کسی غیر مجاز گاڑی کو مقدس مقامات میں داخل نہیں ہونے دیا جائے گا۔
حجاج کرام کو لے جانے والی بسوں کو وصول کرنے کی ابتدائی تیاری کے طور پر صرف مجاز گاڑیوں کو ہی مکہ مکرمہ اور مدینہ منورہ میں داخل ہونے کی اجازت ہے
"ٹریفک" ڈیپارٹمنٹ کی فیلڈ ٹیمیں ایسی گاڑیوں کو واپس لینے کے لیے کام کریں گی جن کے پاس پرمٹ نہیں ہے۔ اس پابندی کا مقصد حج جیسی عظیم عبادت کو رکاوٹ سے پاک بنانا ہے تاکہ حجاج کرام پریشانی سے بچ کر حج ادا کر سکیں۔
مزید برآں حج فورسز کی کمان برائے ٹریفک امور نے تصدیق کی کہ حج پرمٹ نہ رکھنے والوں کے ٹرانسپورٹرز کو 6 ماہ قید اور فی کس 50 ہزار ریال جرمانہ ہو سکتا ہے

24/06/2023

مکہ اور مدینہ میں 69 ہزار سے زاید عازمین کو علاج کی سہولیات فراہم کی گئیں: محکمہ صحت
حج سیزن کے موقعے پر32 ہستپال،140 ہنگامی مراکز صحت،190 ایمبولینسیں اور 32 ہزار افراد پر مشتمل طبی عملہ چوبیس گھنٹے سروس فراہم کرے گا

سعودی عرب کے محکمہ صحت نےبتایا ہے کہ بیرون اور اندرون ملک سے مکہ معظمہ اور مدینہ منورہ میں جمع ہونے والے عازمین حج کو ضرورت کے مطابق فوری طبی امداد فراہم کی جا رہی ہیں۔
وزارت صحت کے مطابق یکم ذی القعدہ سے جمعرات چار ذی الحج تک مکہ مکرمہ اور مدینہ منورہ کے ہسپتالوں اور صحت کے مراکز کے ذریعے علاج کی خدمات حاصل کرنے والے عازمین کی تعداد 69,540 تک پہنچ گئی ہے۔
وزارت صحت نے بتایا کہ عازمین کو خصوصی اور معیاری علاج کی خدمات سے فائدہ ہوا۔ کئی عازمین شدید نوعیت کے عارضوں کا شکار ہوئے مگر فوری طبی امداد سے ان کی جان بچالی گئی۔ ہسپتالوں میں 18 اوپن ہارٹ سرجریز، 130 کارڈیک کیتھیٹرائزیشن،308 ڈائیلاسز آپریشن کیے گئے،23 اینڈوسکوپی آپریشنز جبکہ 1317 عازمین کوہسپتالوں میں داخل کیا گیا۔ ورچوئل ہیلتھ سروسز سے کل 662 عازمین مستفید ہوئے۔

عازمین کے لیے 32 ہسپتال اور 140 صحت کے ہنگامی مراکز
قابل ذکر ہے کہ وزارت صحت نے رواں سال 1444ھ کے موسم حج کے دوران مکہ مکرمہ، مقامات مقدسہ اور مدینہ منورہ میں صحت کی سہولیات کے لیے 32 بڑے ہسپتال مختص کیے ہیں جنہیں 140 ہنگامی طبی مراکز کی طرف سے معاونت فراہم کی گئی ہے۔
ان ہسپتالوں اور طبی مراکز میں 6132 بستروں کی گنجائش موجود ہے۔32 ہزار افراد پرمشتمل عملہ حج سیزن میں حجاج کی طبی سروس کے لیے مختص ہے۔

حرمین ایکسپریس ٹرین کے مختلف اسٹیشنوں پر بھی حج کےموقعے پر ہنگامی طبی مراکز قائم کیے گئے ہیں۔وزارت صحت نے 190 ایمبولینس فراہم کرنے کے علاوہ جمرات مکہ مکرمہ میں 16 ایمرجنسی رومز کی تیاری کر رہے ہیں۔ منیٰ میں جمرات پل منیٰ میں جمرات پل کے اطراف میں 16 ہنگامی طبی مراکز قائم کئے ہیں۔

Address

Aziziah
Jeddah

Website

Alerts

Be the first to know and let us send you an email when خلیجی اردونیوزو آرا posts news and promotions. Your email address will not be used for any other purpose, and you can unsubscribe at any time.

Shortcuts

Share

Category