19/12/2025
سیوریج کا گندہ پانی دربار بابا شاہ جمال کے قبرستان میں داخل، علاقہ مکینوں کا شدید احتجاج
عبدالحکیم: چک شراجہ عبدالحکیم میں واقع دربار بابا شاہ جمال کے قبرستان میں سیوریج کا گندہ پانی داخل ہونے سے شدید تعفن پھیل گیا ہے، جس کے باعث دربار اور مسجد میں آنے جانے والوں کو سخت مشکلات کا سامنا ہے۔ بدبو اور گندگی کے سبب نمازیوں، زائرین اور اہلِ علاقہ کو شدید پریشانی لاحق ہے۔
علاقہ مکینوں کا کہنا ہے کہ کتنی بارشکایات کے باوجود مقامی انتظامیہ نے کوئی عملی اقدام نہیں کیا، جس پر اہلِ علاقہ نے انتظامیہ کے خلاف شدید احتجاج کیا۔ مظاہرین نے مطالبہ کیا کہ مسئلے کا فوری اور مستقل حل نکالا جائے، سیوریج لائنوں کی مرمت اور صفائی کا عمل ہنگامی بنیادوں پر شروع کیا جائے تاکہ مقدس مقامات کا تقدس بحال ہو اور عوام کو درپیش مشکلات کا ازالہ ہو سکے۔
اہلِ علاقہ نے خبردار کیا ہے کہ اگر فوری اقدامات نہ کیے گئے تو احتجاج کا دائرہ وسیع کیا جائے گا۔
عوامی خدمت پارٹی
*جناح میڈیا گروپ عبدالحکیم*
