Copid Real Estate

Copid Real Estate شركة رائدة في مجال الاستثمار والتطوير العقاري
مستشارك

جمعة عطرة بذكر الله
27/05/2022

جمعة عطرة بذكر الله

23/05/2022

مساء الخير
خليكم قراب في تفاصيل أكثر عن تصميم المطبخ في البوست القادم

21/05/2022

• ما هي مواصفات غرفة النوم المريحة؟
غرفة النوم هي المكان البنقعد فيه أغلب أوقاتنا المهمة ، وبما ان غرفنا هي ملاذنا الآمن اللي بنهرب ليه من ضغوط الحياة وتفاصيل يوم طويل مرهق بتشحن طاقتنا وتخلينا قادرين نكمل ، فلازم نهتم بتصميم اي ركن فيها .
• طيب التصاميم والانماط ال انا ممكن اعملها شنو؟
تختار الأنسب معاك وممكن تدمج بينهم بطريقة ظريفة كدا ،كلاسيكي، ياباني، اسكندنافي، حديث، معاصر، ريفي، بوهيمي، شرقي ،استوائي، بسيط،، رومانسي علي حسب الحاجة ال انت بتحبها .
• طيب بعد ما نختار نمط التصميم ح اعمل شنو ؟
نختار الألوان لدهان الحوائط اللي هي جزء اساسي من النمط يعني (اي نمط عنده ألوانه) لكن عموما يفضل اللونين الازرق والاخضر او اي درجة من درجات الالوان دي حيكون مريح جدا ومن فوائد الالوان دي عندنا
° اللون الأزرق بيخلي المخ يدي إشارات الراحة والهدوء .
° اللون الأخضر لون الطبيعة مريح للعقل والجسد .
• طيب انا اخترت التصميم و الالوان تاني ممكن اعمل شنو ؟
من الحاجات اللي بتضيف لمسة جميلة لغرفة النوم هي المنسوجات عندها دور مهم في شكل الغرفة وديكورها، أغطية السرير والمفارش والبطانيات والستائر والسجاد تكون متناسقة مع بعض ومع النمط العام للغرفة، تغيير بطانية واحدة ممكن يغير تصميم الغرفة ويخلق جو مشرق .
وده بعتمد علي نوع وشكل العفش والمواد المصنع منها مثلا (خشب ولا معدن نوعه ولونه) دي كلها ليها علاقة بنمط التصميم المختار علي حسب مساحة الغرفة.
• اذا كانت الغرفة ضيقة تصميم السرير يكون بسيط ومرفوع من الأرض (في فراغ تحته) و نفس الشي للكنبة والتسريحة بدي احساس ان الغرفة واسعة
• اما اذا كانت الغرفة كبيرة ف مقاس العفش يكون ضخم والسرير مقفول من تحت وخلفيته تكون على مساحة واسعة من الحائط بتدي احساس بالفخامة وامتلاء الفراغ بصورة مريحة
لما نجي لأعمال الجبص يفضل أشكال بسيطة تتماشى خطوطها مع تصميم الغرفة والعفش .
وطبعا دي ما كل تفاصيل غرفة النوم حيكون في بوستات تانيه عن تفاصيل أدق.
ولو لسة محتارين ما عارفين اي نمط مناسب معاكم وتفرشو كيف نحن موجودين في الخدمة رسلو ع الانبوكس وح تلاقو ما يرضيكم
خليكم قراب نشوف تصميم باقي البيت

( إِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِىِّ ۚ يَٰٓأَيُّهَا ٱلَّذِينَ ءَامَنُواْ صَلُّواْ عَلَيْهِ وَسَ...
20/05/2022

( إِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِىِّ ۚ يَٰٓأَيُّهَا ٱلَّذِينَ ءَامَنُواْ صَلُّواْ عَلَيْهِ وَسَلِّمُواْ تَسْلِيمًا )
جمعة مباركة عليكم 😇❤

17/05/2022

لي غرف الفنادق جميلة 😍؟
علشان مصممة صح✔️
و مختارين اقمشة وألوان مناسبة💙💜
و ما ننسى كمان توزيع الاثاث🛋️🛏️🚪
واضاءة تناسب غرف النوم
والتهوية الطبيعية و الصناعية
واطلالة جميلة ك عامل رفاهية
كلنا اكيد عاوزين غرفة بنفس المواصفات اللي فوق دي 😍
وعشان نصمم صح✔️
اول حاجة بنحدد عدد المستخدمين يعني غرفة لشخص واحد، 2 ولا 3 ومنو هم (زوجين ولا اولاد ولا ضيوف) وكمان بنحدد الأنشطة داخل الغرفة(نوم، مذاكرة، عمل، ونسة، مكياج، تخزين ملابس وهكذا) وبكدا ح نقدر نعرف المساحة المحتاج نها
يلا بعداك عندنا طريقتين للتصميم
على واقع الفراغ (حوائط الغرفة اصلا موجودة) هنا بنحدد الأنشطة داخل الغرفة وتوزيعها ع حسب المساحة المحددة سلفا
او نحدد انشطتنا اول ومساحة اللي محتاجها كل نشاط و بكدا بنحصل على شكل ومساحة الغرفة
الخيار التاني افضل واوفر مساحة وتكلفة
علشان كدا انا بفضل الزول يشتري شقته في مرحلة بدري خالص من المشروع ويا حبذا في مشروع يتيح إمكانية التعديل علشان نستفيد الاستفادة القصوى من المساحة.
في المرحلة دي بنكون حددنا عفش الغرفة ومكان اي حاجة والباب والشباك ووضع السرير واكيد مساحة الحركة 👌
في الخطوة الجاية ح نختار الفرش والديكور لغرف النوم خليكم قراب

لم نتكلم عن الشقق نحن طبعا بنحب المساحات الواسعة 😍 ولكن دائمآ لم نجي نشتري عندنا أسئلة .اشتري شقة مساحتها كم؟ اكبر شقة ص...
11/05/2022

لم نتكلم عن الشقق نحن طبعا بنحب المساحات الواسعة 😍 ولكن دائمآ لم نجي نشتري عندنا أسئلة .
اشتري شقة مساحتها كم؟ اكبر شقة صح؟
لأ طبعا ما دائما صح 🙊
حاليا عشان تسكن او تمتلك عقار في مكان ممتاز الخيار الامثل لي الشريحة الأكبر مننا الشقق واللي بتتباع بي المتر والمتر بالدولار ما اقل من 700$ وممكن تصل لي 1500$ وقد تزيد فلازم نعرف اي متر نحن بنشتريه ح نستفيد منو كيف؟ و اختار كيف؟ القدر قروشي؟
أكيد في عوامل تانية ع اساها ح نختار .
مثلا التصميم المعماري اللي يناسب احتياجك (تقسيم الفراغات ، كم غرفة والغرفة مساحتها كم وهكذا الخ...).
والتصميم الداخلي اللي يناسبك دخلا وذوقا زي العفش وشكله وكيف يخدم لي الشكل الجميل و الاستغلال الامثل للمساحة مع الألوان و الخامات اللي بستخدمها في التصميم وقصة طوييلة جميلة 😍.
طلع الموضوع ما يلا هوبا 🚶‍♀️🚶‍♂️ عاوزين نشتري شقة قروشنا بتجيب شقة مساحتها كم وخلاص ؟
في شقة مساحتها 180 المستغل منها 120 بس يعني 60 متر ضائعة دي براها مساحة شقة ولو قلنا المتر بي 700$ انت كدا دفعت 42000 دولار ساااي 🤔 ( دي كان فرشت ليك الشقة ووفرت ليك كمان)😏 ، وكذلك في شقة مساحتها 110 لو حلفو ليك ح تقول مستحيل بالميت كدا دي 150 😍ف ما نتغش بالأرقام اللي بنسمعها ونجري على المساحات الكبيرة وخلاص .
في البوستات الجاية ح نتكلم معاكم خطوة خطوة عشان نعرف نختار المساحة المناسبة لي احتياجنا و حتوفر في قروشنا كمان ( وده اهم حاجة )
خليكم قراب

أسرة كوبيد العقارية تهنئ عملائها الكرام بالعيد السعيد اعاده الله علينا وعلى جميع المسلمين بالخير واليمن والبركات
06/05/2022

أسرة كوبيد العقارية تهنئ عملائها الكرام بالعيد السعيد اعاده الله علينا وعلى جميع المسلمين بالخير واليمن والبركات

شركة كوبيد العقارية تهنئكم بحلول الشهر المبارك 💙✨وبنقول ليكم كل عام وأنتم بخير وانتظروا عروضنا في شهر الخير...جاينكم بي ...
05/04/2022

شركة كوبيد العقارية تهنئكم بحلول الشهر المبارك 💙✨
وبنقول ليكم كل عام وأنتم بخير وانتظروا عروضنا في شهر الخير...
جاينكم بي مفاجئات 😍
ابقوا قراب وأبقوا كتار 💜✨

بعض من ميزات وعيوب السكن في الشقق:بدون اطالة نبدا ليكم بالميزات:- اكتر امانا: كل الناس عاوزة تحس بي الأمان في البيت البت...
23/02/2022

بعض من ميزات وعيوب السكن في الشقق:
بدون اطالة نبدا ليكم بالميزات:
- اكتر امانا: كل الناس عاوزة تحس بي الأمان في البيت البتسكن فيه ودة من البديهيات لأنه السكن محل السكينة والاستكانة والراحة 💜. محل تحس فيه بالأمان والطمأنينة ودة متوفر أكتر في الشقة. ما بنقول البيت ما آمن ولكن ببساطة الشقة اكتر أمانا.
- اقل تكلفة نسبيا💰، بالتالي بتيح ليك خيارات سكن أوسع وتقدر توازن بين السكن في منطقة خدماتها عالية بي سعر اقل من سعر البيت او توفر الزيادة دي بالمرة وتسكن في منطقة خدماتها اقل. وغير دة كتير من ميزات أسعار الشقق.
- الاستفادة القصوى من المساحات: الشقق بي طبيعة الحال مساحاتها محدودة مهما كانت مساحتها كبيرة وبالتالي لازم كل متر من المساحة يكون مستفيدين منه ومافي مساحة انه نضيع مساحة 😉 (اصبرو علي موضوع المساحة ح نتطرق ليه تحت مع العيوب تاني 😂👌). طيب دة معناه شنو؟ معناه انه في الشقة ماف شي اسمه قروش ضاعت في حاجة ما مستفيدين منها يعني باختصار الفائدة من صرف القروش عليها عالية.
- الشقق ممتازة للأسر الصغيرة لأنه بدل ما تصرف قروش كتيرة على السكن بتوفر قروش تصرفها على باقي احتياجاتك.
وغيرها من الميزات الح نتطرق ليها في بوستات قادمة ان شاء الله

طيب نجي للعيوب:
- المساحة: معروف نحن في السودان بنحب البراح والمساحات الواسعة و(الحوش) الكبير ودي -بالرغم من تعدد خيارات المساحات المتوفرة في الشقق- فهي ميزة مفقودة في الشقة لأنها مصممة عشان تكون مختصرة وعملية اكتر 🤓.
- الشقق ما مناسبة لاستضافة عدد كبير من الناس، ممكن اسرة او اسرتين -على حسب حجم الشقة- لكن ما ممكن تعمل مناسبة مثلا في شقة.
- مشاكل الباركنج 🚗: الحاجة دي مختلفة من عمارة لي عمارة ومن منطقة لي أخرى وفي عمارات بتوفر مساحات ممتازة جدا لي سكانها لكن أغلب الأحيان الواحد مننا ممكن يعاني من المشكلة دي وانك توقف عربيتك بعيد منك.
طيب هل دي كل المشاكل والعيوب؟
أكيد لأ وزي م قلنا دة جزء بس وجاينكم بي أكتر بإذن الله. وحابي أختم بي معلمومة مهمة جدا وهي انه لا يوجد حاجة اسمها ميزة او عيب ثابت وانما الميزة بالنسبة لي ممكن تكون عيب لشخص آخر والعيب الفي العمارة دي ممكن يكون غير موجود في عمارة تانية. يعني المهم هو منظورك انت حسب احتياجك انت لأنه انت صاحب القرار الأخير 💙

أكتوبر الوردياتعودنا يوم 10/10يكون يوم التوعية بسرطان الثديلي كل حواء انتي أقوى من المرض
10/10/2021

أكتوبر الوردي
اتعودنا يوم 10/10
يكون يوم التوعية بسرطان الثدي
لي كل حواء انتي أقوى من المرض

الاستثمار العقاريواحد من أكبر مجالات الاستثمار زاد الطلب عليه عالميا بداية مع الازمة الاقتصادية العالمية لحفظ رؤوس الأ...
10/10/2021

الاستثمار العقاري

واحد من أكبر مجالات الاستثمار زاد الطلب عليه عالميا بداية مع الازمة الاقتصادية العالمية لحفظ رؤوس الأموال ومع تعافى الاقتصاد زاد الطلب عليه أكثر حتى الحكومات الكبرى دخلت هذا المجال
وبقي مجال رائج ودائم وأمن للاستثمار
يوفر للدول والشركات والافراد دخل دائم ثابت في زيادة مستمرة وكمان ما ننسى انه قائم على حوجة اساسية لا يمكن الاستغناء عنها وهي الحاجة للسكن
الجدير بالذكر ان 90٪ من اغنياء فوريس (مجلة متخصصة في شؤون المال والإعمال) لديهم نصيب الأسد في مجال العقار

وانت ناوي تستثمر في العقار متين
منتظر شنوووووو

دعنا نرشدك الي البيت والي الثراء 💙


💙

استثمر صح ✔️اول ما تبدأ تكون عندك قروش زايدة عن منصرفاتك 💲💲💲 وختيتها بالجمبة كدا وابتدت رحلة التوفير بتدا معاها الأفكار ...
09/10/2021

استثمر صح ✔️

اول ما تبدأ تكون عندك قروش زايدة عن منصرفاتك 💲💲💲 وختيتها بالجمبة كدا وابتدت رحلة التوفير بتدا معاها الأفكار ديك ي ربي اعمل بيها شنو 🤔🤔🤔
دهب 😍
عربية 🚗
اخش في مشروع 🏬
اشتري عقار 🏡
ولا اختها وديعة استثمارية في البنك 🏦
ولا اعمل شنوووووو ❓❓❓❓

واكيد انت عاوز استثمار يزيد ليك قروشك دي ويكون آآآمن ( ما انا ما لميته ليكم بي هينة ولا شنووو)😂

هنا اسمحو لي اني اطوول عليكم شوية واوريكم كل السيناريوهات......

عمك البنك بقول ليك ختها وديعة وربحك مضمون مضمون لكن لم تعاين للتضخم اه وين يا💔
زولك البادي مشروع وامورو ماشة بقول ليك نتشارك وهنا بجيك شريط تجاربك او تجارب غيرك وقلبك ما بريحك لكن البزنس عاوز تجمد قلبك وترضى بالخسارة عشان الربح يجيك ( لا لا هو انا لميتها بي هينة عشان اخسر معليش اعفوني منه) 😕
طيب اجيب عربية.. عاين للوضع الحالي واللبيب براهو بيفهم لو عملنا رايحين من نزول السعر اليومين دي وعدم استقرار سوقها ما ننسي ان العربية فيها نسبة اهلاك بتقل قيمتها مع الزمن 😉
الدهب ما بنقدر نقول فيه حاجة هو والدولار اب صلعة بحافظو ع قيمتهم على مر العصور والازمان
بس نحن قبيل قلنا عاوزين زيادة وعائد ومكسب وحاجات ظريفة😍
يبقى العقار 🏘️🏫هو الخيار الامثل مافي حاجة بتاثر عليه لا وضع اقتصادي لا تضخم لا فيه نسبة اهلاك🤩
والاستثمار العقاري عنده أوجه كتيرة،،،،،،

انت اصلنا ونحن دورنا نوضحها ليك واحدة واحدة و ح تختار اللي يناسبك حسب امكانياتك و رغبتك وتطلعاتك (على المدى القريب والبعيد)
يعني بنعمل معاك خطة حقتك انت دا حسب ظروفك و حنصل اللي بتحلم بيه 😍😍😍



💙

Address

Khartoum North

Telephone

+249120011308

Website

Alerts

Be the first to know and let us send you an email when Copid Real Estate posts news and promotions. Your email address will not be used for any other purpose, and you can unsubscribe at any time.

Shortcuts

Share

Category