Skeleton Group - سكيلتون

22/04/2023

بمناسبة عيد الفطر المبارك.. كل عام وانتم بخير 🌙

حَفِظَ الله السودان واهله وجنّبه الفتن وجعله بلداً امناً

23/03/2023

رمضان مبارك عليكم .. تقبل الله منكم الصيام وصالح الاعمال 🌙

06/10/2022

03/05/2022

عيد مبارك علينا وعليكم 🌙
ينعاد عليكم بالصحة والعافية والامن والنماء في ربوع بلادنا الحبيبة.

03/04/2022

رمضان مبارك علينا وعليكم 🌙

تقبل الله منا ومنكم الصيام وصالح الاعمال

؟!

#السودان #الخرطوم #حنبنيهو #سودانية #سودانيز #سودانيات #امدرمان #بحري

22/03/2022

بعتمد اختيار موقع العقار المناسب على تحديد غرضك شنو من العقار ؟

هل غرضك من العقار السكن بس , ولا استثمار بس , ولا سكن واستثمار مع بعض ؟

وهنا بيتوجب على صاحب العقار في انو ياخد في اعتبارو الخدمات في المنطقة وما حولها او بعدها وقربها من المناطق الحيوية .

ولازم برضو نراعي لمستقبل المنطقة من دراستنا ليها من ناحية الاقبال والرغبة عليها للسكن والاستثمار ونسبة الزيادة في اسعار اراضيها ، ومستقبل شوارعها الرئيسية والحركة التجارية فيها مهم جدا في حالة انك احتجت تبيع العقار مرة تانية والاستفادة من العائد الربحي الزمني لقيمة الارض .

و دا كلللو بكون اسهل واوفر !!
باستشارتك لخبير عقاري يكون على دراية بالمنطقة.

؟!

#السودان #الخرطوم #حنبنيهو #سودانية #سودانيز #سودانيات #امدرمان #بحري

20/03/2022

؟!

#السودان #الخرطوم #حنبنيهو #سودانية #سودانيز #سودانيات #امدرمان #بحري

17/03/2022

تصاميم معمارية وانشائية
داخلية وخارجية
للمباني السكنية والتجارية
تصميمك بعبّر عنّك

؟!

#السودان #الخرطوم #حنبنيهو #سودانية #سودانيز #سودانيات #امدرمان #بحري

15/03/2022

تنهض الامم بنهضة حضاراتها

واساس الحضارات هي النهضة العمرانية التي لا تخفى على الحضارة السودانية القديمة قبل اكثر من 5 الف سنة لحضارات كوش ومروي والحضارة النوبية التي كانت الاكبر في وقتها والتي تدل على اصل الانسان السوداني ومقدرته على التخطيط والتنظيم وبناء المدن العصرية .

ولتحقيق النهضة والتقدم العمراني بيتوجب علينا معرفة مفهوم المدن شنو ومكوناتها وطرق التخطيط بتكون كيف؟ :

(1) المدن هي شنو؟؟
المدن تعتبر المناطق البيسكنوها الناس بمجموعات بناء على طبيعة العمل في المنطقة او بتكون الموطن الاصلي لسكانها او مناطق هاجروا ليها الناس بسبب عوامل كارثية ( كوارث طبيعية – كوارث اقتصادية – حروب ...).
الاسباب دي خلت المسؤولين في المنطقة يتحركوا ويفتشوا عن سبل ووسائل يقدروا يلبوا احتياجات سكان المدن دي

ومن هنا ظهر مايسمى بشنو؟! بتخطيط المدن
يعني انو يتم استيفاء احتياجات مجتمع معين في زمان ومكان محددين
وبيعني برضو عملية تنظيم المدينة من كل النواحي اجتماعيا واقتصاديا وجماليا في الوظائف الماخوذة من كل منطقة مع الاخذ في الاعتبار الموارد المتوفرة في المدن او الدول دي، والجانب دا فيهو تقصير كبير من المسؤولين في بلدنا وادى لي انو يخلق عجز في العديد من القطاعات ومشاكل التكدس في المركز واهمال الاطراف بسبب عدم توفر الخدمات الاساسية البتغطي حوجة الاطراف، ودي كلها حنتطرق ليها بصورة اعمق فيما بعد .

(2) التخطيط العمراني :
مصطلح التخطيط العمراني هو عملية التقيم الشامل لمستوى الحياة الريفية او الحياة العمرانية عن طريق ايجاد حلول لكل المشاكل والعيوب العمرانية زي تضخم السكان والاختناقات المرورية وتسهيل حركة السير بين الخدمات والسكان وغيرها .

(3) التخطيط الحضري:
مصطلح التخطيط الحضري هنا بيعني كل الجوانب الحضرية للحياة ، من العلوم المختلفة السياسية والفنية والقانونية والاقتصادية والعلوم الهندسية والطبية .

(4) مكونات المدينة :
اهم مكونات المدينة هي المساكن ، والجوانب البيحتاج ليها الانسان هي اهم حاجة يراعوا ليها في تخطيط المدن ، ويتوجب على المخططين انو يخلو المساكن على شكل احياء ومجموعات.

والعنصر التاني هو اماكن العمل ، بتوجب المراعات ليها من المخططين بحيث انو تكون سهلة ومريحة ومواكبة لطبيعة عمل السكان .

والعنصر الثالث والمهم هو شبكة المرور ، شبكة المرور والطرق بتعكس انطباع على تطور وتحضر المدينة ، بحيث انو المخططين يراعو لمستقبل تضخم السكان والعربات الحتبقى كتيرة في المدينة فبالتالي بتحتاج لشوارع اوسع وكباري وانفاق وطرق سريعة بتسهل على الفرد الوصول لوجهتو .

ومن الملحقات المفروض تتوفر في المدينة مرافق الترفيه ودور العبادة والمستشفيات وغيرا .

التلاتة عناصر ( المسكن - مكان العمل -شبكة المرور) هي اساس المدينة، وتطويرا وتسهيل استخدامها دليل على تطور المدينة وسرعة نموها ، وحنتطرق على الكيفية والخطوات المفروض ناخد باعتبارا للتنمية والتطوير فيما بعد .

؟!

#السودان #الخرطوم #حنبنيهو #سودانية #سودانيز #سودانيات #امدرمان #بحري

07/03/2022

ماقلتولينا ...
حنبنيهو متين؟!

؟!

#السودان #الخرطوم #حنبنيهو #سودانية #سودانيز #سودانيات #امدرمان #بحري

05/03/2022

ايدك على ايدي

؟!

#السودان #الخرطوم #حنبنيهو #سودانية #سودانيز #سودانيات #امدرمان #بحري