Dowladda Hoose ee Degmada Hobyo

21/06/2024

Waxaan u mahad celinayaa maamulka iyo shacabka deegaanka Dawgaab ee Gobolka Mudug, sida xilkasnimada iyo isku tashiga ah ee ay ugu istaageen badbaadinta deegaanka Dawgaab. Mudanayaal waxaad tihiin geesiyaal taariikhdu qoridoonto, mana ahan markiinii koowaad ee marar badan ayaad is hortaagteen Burcad geedeed.
Waxaad mudantihiin amaal marin. Waxaa kaloo jira deegaanada Sadex Higlo, Dagaari iyo meelo kale oo tilaabo ka qaaday Burcad Geedeedka Xaalufka caadaystay iyo deegaano kale la dagaalamay xaalufka. Xaalufku wuxuu Mudug hadda ku haray deegaanada Xaaro, Dhidhin, Dhambayl iyo dhulka u dhexeeya Xeero dahab, Gawaan iyo aaga Wisil. Deegaanadaas waxay hoos tagaan masuuliyiin loo magacaabay waxaana looga baahan yahay in ay xilkooda gutaan oo ku daydaan deegaanada mamnuucay in dhirtooda la xaalufiyo, waxaa jira in dhirta lajaray qaarkood ay marin ka dhigteen degmada Afbarwaaqo oo ay meelo kale ugasii gudubto arinkaasna lama aqbali karo. waxaa jiri doona isla xisaabta masuuliyadeed mid aduunyo iyo mid aakhiro.

13/03/2023

Gudoomiyaha degmada Hobyo osman Ahmed Abdulle ayaa booqasho rasmi ah ku tagay magaalada ceel- dibir halkaas oo ay ku soo dhaweeyeen bulshada ku dhaqan magaalada. munaasabad soo dhawayn ah oo ay soo agaasimeen maamulka deegaanka oo uu hogaaminayo gudoomiyaha iyo ku xigeenka sidoo kalena ay qayb ka yihiin bulshada qaybeheeda kala duwan.

Gudoomiyaha ayaa kaga mahadceliyay maamulka deegaanka sida farxada iyo soo dhawayn leh ee ay u maamuuseen wafdigiisa.

Sido kale guddoomiyaha ayaa kormeeray goobaha ganacsiga iyo caafimaadka.

Intii uu joogay Guddoomiyaha, deegaanka ceel-dibir ayaa kulamo la yeeshay bulshada deegaanka kuna amaanay bulshada ceel-dibir siday u horumariyeen deegaankooda dhanka bilicda, waxbarashada, caafimaadka iyo adeegyada bulshada.

26/02/2023

Duqqa degmada HOBYO Osman Axmad Cabdule ayaa soo kormeeray dadka taagta daran ee kunoo Degmada Hobyo

22/02/2023

Guddoomiyaha degmada Hobyo Osman Ahmed Abdulle oo ka guddoomay ciidamada PSF 130 geed oo Hordhac u ah 600 geed oo ay ugu talagaleen degmada

19/02/2023

18/02/2023

Maamulka cusub ee Degmada Hobyo ayaa maantay si rasmi ah oga shaqo billaabay Xaruunta Dowladda Hoose Ee Degmada Hobyo.

Duqa Degmada Hobyo Osman Ahmed Abdille ayaa shir guddoomiyay kulankii 1-aad ee maamulka cusub, waxaana kasoo qayb galay Guddoomiye ku-xigeenka Degmada Mukhtar Abdullah Ahmed, Xoghayaha Degmada Mursal Mohamed Aden.
Iyo Guddoomiye-yaasha Xaafadaha

17/02/2023

Guddoomiyaha Degmada Hobyo Osman Ahmed Abdille ayaa maantay salaadda jumacaha bulshada Kula tukaday Masjidka Jaamica ah ee Degmada Hobyo.

Guddoomiyaha oo Salaadda kadib Bulshada la hadlay ayaa shicibka Degmada Hobyo Kula dardaarmay in ay isku kaashadaan, wanaagga iyo Alle ka cabsiga, waxa uuna Ka codsaday in ay Maamulka cusub la garab istaagaan taageero buuxda, asagoona ka ballan qaaday in ay ku shaqayn doonaan Wadatashi, Isku-tashi iyo Iskaashi Bulsho.

14/02/2023