SHAN STATE

19/11/2025

တႆး တႆး တႆး✌️✌️✌️

05/01/2025

01/12/2023

จะปีใหม่อีกแล้วหรอ... เป่าหมายที่ตั้งไว้
ตอนปีใหม่ครั้งที่แล้ว ยังไปไม่ถึงไหนเลย..
เราเดินช้า เกินไป หรือว่าเวลามันเร่งความเร็ว..

16/02/2022

✌️✌️✌️✌️ႁင်ႈႁႅၼ်းဝႆႉ ႁႂ်ႈတူဝ်ႈတၼ်းလႄႈႉႉႉ
မိူဝ်ႈပႆၢႇထိုင်ဝၼ်းၼႆႉႉႉႉႉ
ပေႃးထိုင်ဝၼ်းမႃး တူၵ်းလိုၼ်းၵႂႃႇ ၵူႈၸိူဝ်ႉၵူႈလွင်ႈယဝ်ႈႉႉ
ပေႃးၵုမ်ႇယူႇ ၼူၵ်ႇ ႁူ တႃ တၼ် ၼႂ်းလပ်းသိင်ႇ ယူတိၵ်း"@@@@⏳⌛🕤

20/11/2021

ถูกของมัน

19/11/2021

หน้างานพระราม 2

22/10/2021

ပိၵ်ႉသမ်ႉဝႃႈ တီႈယိူင်းမႆၢၼၼ်ႉ ဢမ်ႇမီးသူးလၢပ်ႈ ဢမ်ႇမီးၵူၼ်း ပႂ်ႉတူပ်းမိုဝ်းပၼ်
ၼင်ႇဢၢၼ် ဢဵၼ်းဢၢၼ်းဝႆႉ ၼၼ်ႉ တေၵၢၼ်ႈၵႅၼ် သေ ၶတ်းႁႅင်း သိုပ်ႇပႆ ႁႂ်ႈပေႃးႁွတ်ႈ
ထိုင်လၵ်းမႆၢ ၼၼ်ႉ ယိူၼ်ႉၵၢၼ်ႈသေ ၶတ်းၸႂ် ယူႇၵူႈၶၢဝ်းယၢမ်ႈ.... (¬▂¬) (’益’) ლಠ益ಠ)ლ 🇱🇹🏞️🌄

13/09/2021

ၸိုဝ်ႈမၼ်းတေႉ ႁွင်ႉမိူင်းတႆးဢိူဝ်ႈ
ၵူၺ်းၵႃႈ... ဝႃႈ မၼ်းႁႅင်ႉ ပၼ်တၢင်းမႆႈႁူ မႆႈၸႂ် ၼိူဝ်ၵူၼ်းမိူင်းတႆးလႄႈ
ႁဝ်းႁႃး ၸိူဝ်းၶဝ် လႆႈၽၢတ်ႇယၢၼ် မၼ်း မႃး ဢိူဝ်ႈ ..
#ၽႅၼ်လိၼ်ၸိုင်ႈတႆး

28/08/2021

ယူႇတီႈၼႆႈသေ ယွၼ်းၶႂၢင်ႉ ယႂ်ႇၼမ် သေၵမ်းၶႃႈ *

20 ၊ လိူၼ်ၵျူႇလၢႆႇ၊ ပီႊ 1947

ၸဝ်ႈၾႃႉမိူင်းပွၼ် ၸဝ်ႈၸၢမ်ႇထုၼ်း သဵင်ႈၵၢမ်ႇၼွၼ်းၽေး ၶွပ်ႈထူၼ်ႈ 74 ပီႊ

မိူဝ်ႈဝၼ်းထီႉ 19၊ လိူၼ်ၵျူႇလၢႆႇ၊ ပီႊ 1947၊ ယၢမ်းၵၢင်ၼႂ် 10:37 မူင်း
မိူဝ်ႈတိုၵ်ႉႁဵတ်းပၢင်ၵုမ် ၸုမ်းၽွင်းလူင် - လူင်ပွင်ၸိုင်ႈမိူင်းမၢၼ်ႊ တီႈလုမ်းၽွင်းလူင် (ဝန်ကြီးများရုံး)ၼၼ်ႉ လႆႈထုၵ်ႇ မုၵ်ႉၸုမ်းၵေႃႇၵၢၼ်ႁၢႆႉ ဢၼ်ၵလုၼ်ႇဢူးၸေႃး ဢွၼ်ႁူဝ်ၼၼ်ႉ ၶဝ်ႈပိုတ်းယိုဝ်း ႁူမ်ႈၸွမ်းၵၼ်တင်း ၸွမ်ႁၢၼ်ဢွင်ႇသၢၼ်း လႄႈ ၵူၼ်းၸိူဝ်းၶိုၼ်ႈပၢင်ၵုမ်တင်း 7 ၵေႃႉၼၼ်ႉ တၢႆထင်တီႈသေတႃႉ ၸဝ်ႈၸၢမ်ႇထုၼ်းတႄႉ လႆႈဝၢတ်ႇၸဵပ်းႁၢဝ်ႈႁႅင်းသေ ၶိုၼ်းၵႂႃႇသဵင်ႈသၢႆၸႂ် တီႈႁူင်းယႃလူင် မိူဝ်ႈဝၼ်းထီႉ 20 ၊ ယၢမ်းၵၢင်ဝၼ်း 12:00 မူင်းယူႇယဝ်ႉ။ ၽွင်လုပ်ႇၶၢပ်ႈတူဝ်မၼ်း ၸဝ်ႈ ၶိုၼ်းလႆႈဢဝ်မႃး လုမ်းလႃးသၢင်းၵျူဝ်ႇပၼ် တီႈတၢင်းၸၢၼ်းဝဵင်းမိူင်းပွၼ်ယူႇယဝ်ႉ။

ထိုင်မႃးဝၼ်းထီႉ 8၊ လိူၼ်ဢေႇပရႄႇ၊ ပီႊ 1948 ၼၼ်ႉ ၸင်ႇမႅင်ႇၽွင်လုပ်ႇမၼ်းၸဝ်ႈ ပဵၼ်သွင်ပုၼ်ႈသေ ပုၼ်ႈၼိုင်ႈဢဝ်ၽင်ဝႆႉတီႈၶုမ်ၸဝ်ႈၾႃႉ တီႈတၢင်းၸၢၼ်းဝဵင်းမိူင်းပွၼ်၊ ထႅင်ႈပုၼ်ႈၼိုင်ႈ ဢဝ်ၵႂႃႇၽင်ဝႆႉတီႈ ဝီႉမၢၼ်ႇဢႃႇၸႃႇၼီႇ (သူရဲ‌ကောင်းစစ်သည်ဗိမာန်) ၼႂ်းဝဵင်းတႃႈၵုင်ႈ ယူႇယဝ်ႉ။

ပႅၵ်ႉသမ်ႉဝႃႈ ၸဝ်ႈၸၢမ်ႇထုၼ်း ဢမ်ႇလႆႈလူႉတၢႆဝၼ်းလဵဝ်ၵၼ်တင်း ၵူၼ်းၸိူဝ်းၶိုၼ်ႈႁွတ်ႈပၢင်ၵုမ် တင်း 8 ၵေႃႉၵေႃႈ ၵွပ်ႈလႆႈထုၵ်ႇယိုဝ်းဝၼ်းလဵဝ်ၵၼ် (မိူၼ်တၢႆဝၼ်းလဵဝ်ၵၼ်) လႄႈ ၸင်ႇဢဝ်မၵ်းမၼ်ႈပဵၼ် ဝၼ်းထီႉ 19 မိူၼ်ၵၼ်။

ၼႂ်းဝၼ်းထီႉ 19၊ လိူၼ်ၵျူႇလၢႆႇ ၵူႊပီႊၼႆႉ ၼႂ်းမိူင်းႁူမ်ႈတုမ်ႊမျႅၼ်ႇမႃႇ ၸင်ႇဢွၼ်မၵ်းမၼ်ႈႁွင်ႉဝႃႈ "ဝၼ်းၽူႈႁတ်းႁၢၼ် / ဝၼ်းဢႃႇၸႃႇၼီႇ" ၼႆသေ သိုပ်ႇၶုၵ်းၶူၼ်ႉမၵ်းမၼ်ႈၵၼ်မႃး ၵူႊၶူပ်ႇပဵၼ်ပီႊလႄႈ တေသိုပ်ႇမီးၵႂႃႇ တေႃႇၸူဝ်ႊလုၵ်ႈပၢၼ်လၢၼ်ယူႇယဝ်ႉ။

ၵူၼ်းတႆးၼႂ်းမိူင်းထႆးၶဝ်သမ်ႉ ဢွၼ်ၵၼ်ႁဵတ်း "ဝၼ်းၽူႈႁတ်းငၢၼ်တႆး" ၼႂ်းဝၼ်းထီႉ 20၊ လိူၼ်ၵျူႇလၢႆႇၼႆႉမႃးၵူႊပီႊပီႊယဝ်ႉဝႃႈၼႆ။

• ပိုၼ်းသုၼ်ႇတူဝ်

ၸဝ်ႈၾႃႉလူင်မိူင်းပွၼ် ၸဝ်ႈၸၢမ်ႇထုၼ်း (ၽူႈႁတ်းငၢၼ်ၸၢဝ်းၶိူဝ်းတႆး) ၼႆႉ ၵိူတ်ႇႁၼ်ၼႃႈမိူဝ်ႈဝၼ်းထီႉ 31၊ လိူၼ်မေႇ၊ ပီႊၶရိတ်ႉ 1907 သေပဵၼ်လုၵ်ႈၸၢႆးၸဝ်ႈၶုၼ်ထီး (ၸဝ်ႈၾႃႉလူင်မိူင်းပွၼ်) လႄႈ မႁႃတေႇဝီႇ ၸဝ်ႈၼၢင်း ၸိင်ႇဢု (ႁေႃႁွင်ႇ)။ ၸိုဝ်ႈမိူဝ်ႈလဵၵ်ႉႁွင်ႉ ၸဝ်ႈသႃႇထုၼ်း (ယႂ်ႇမႃးႁွင်ႉၸဝ်ႈၸၢမ်ႇထုၼ်း)ၼႆယဝ်ႉ။

ၸဝ်ႈၸၢမ်ႇထုၼ်း မီးၼၢင်းမိူင်းလူင်ၸိုဝ်ႈ ၸဝ်ႈၶိၼ်ႇတွင်း (ပဵၼ်လုၵ်ႈယိင်းၸဝ်ႈၾႃႉလူင်မိူင်းမိတ်ႈ ၸဝ်ႈၶိၼ်ႇမွင်ႇ လႄႈ ၸဝ်ႈၼၢင်းဢိင်ႇ)။ ၶဝ်မီးလုၵ်ႈႁူမ်ႈၵၼ် 4 ၸဝ်ႈ၊ ၸိုဝ်ႈ - ၸဝ်ႈသုၼၼ်ႇတႃႇ၊ ၸဝ်ႈသိူဝ်ႁူမ်ႇ၊ ၸဝ်ႈၶႆႇၾႃႉ လႄႈ ၸဝ်ႈမျိၼ်ႉၵျီႇ။

• ပၢႆးပၺ်ႇၺႃႇ

လႆႈႁဵၼ်းဢဝ်လိၵ်ႈဢိင်းၵလဵတ်ႈ တင်းလိၵ်ႈမၢၼ်ႊ တီႈၽူႈမၢႆလူင်ၾၢႆႇတႅပ်းတတ်းတြႃး တီႈႁေႃမိူင်းပွၼ် မိူဝ်ႈဢႃယုတိုၵ်ႉလႆႈ 5 ၶူပ်ႇ (ပီႊ 1912)။ ဢႃယု 7 ပီႊ လႆႈၵႂႃႇယူႇႁူင်းႁဵၼ်းလုၵ်ႈလၢၼ်ၸဝ်ႈၾႃႉၶဝ်တီႈ ဝဵင်းတူၼ်ႈတီး (ဝဵင်းတွင်ၵီႈ) မိူဝ်ႈပီႊ 1914 တေႃႇယဝ်ႉၸၼ်ႉ 10။ ၶိုၼ်းၵႂႃႇသိုပ်ႇႁဵၼ်းဢဝ်ပၺ်ႇၺႃႇပၢႆးမၢႆမီႈ တီႈဝဵင်းမိတ်ႉထိလႃႇ 6 လိူၼ်ယဝ်ႉ သိုပ်ႇၵႂႃႇၶဝ်ႈႁူင်းႁဵၼ်းပလိၵ်ႊသပ်ႊ (Police Training School) တီႈဝဵင်းလိူဝ်ႇထႅင်ႈ။

ဝၢႆးယဝ်ႉႁူင်းႁဵၼ်းတီႈဝဵင်းလိူဝ်ႇယဝ်ႉ လႆႈၵႂႃႇႁဵတ်းၵၢၼ်ပဵၼ်ၽူႈၵမ်ႉၽွင်းၽိုၵ်းၵၢၼ် တီႈဝဵင်းမၢၼ်ႈမေႃႇ (ၼႂ်းၸႄႈမိူင်းၶၢင်)။ ဝၢႆးၼၼ်ႉၶၢႆႉမႃးႁဵတ်းၵၢၼ် ၼႂ်းလုမ်းၶုၼ်ၽွင်းငမ်း တီႈဝဵင်းတူၼ်ႈတီး။ ၸဝ်ႈၸၢမ်ႇထုၼ်းၼႆႉ သူင်တၢင်းလဵၼ်ႈႁႅင်းမႃးၸဵမ်မိူဝ်ႈလဵၵ်ႉလႄႈ ၾၢႆႇပၢႆးမွၼ်းၵေႃႈ ၵတ်ႉၶႅၼ်ႇလၢႆလၢႆသႅၼ်းသေ ပဵၼ်ၸဝ်ႈလၢႆးတႆးၵေႃႉၼိုင်ႈ ၼႂ်ႈတူင်ႇဝူင်းလုၵ်ႈလၢၼ်ၸဝ်ႈၾႃႉတင်းလၢႆၼႆယူႇ။ ဢၼ်ၸဝ်ႈသူင်သေပိူၼ်ႈၼႆႉ ပဵၼ်ၵၢၼ်လူလိၵ်ႈၼႆယဝ်ႉ။

• တူင်ႉၼိုင်ၵၢၼ်ဝၢၼ်ႈမိူင်း

ၸဝ်ႈၸၢမ်ႇထုၼ်း လႆႈၶိုၼ်ႈပဵၼ်ၸဝ်ႈၾႃႉတႅၼ်းပေႃႈၸဝ်ႈ မိူဝ်ႈဝၼ်းထီႉ 27၊ လိူၼ်ၵျုၼ်ႇ၊ ပီႊၶရိတ်ႉ 1928 ။ ၶုၼ်ဢိင်းၵလဵတ်ႈၶဝ် မၵ်းမၼ်ႈမၼ်းၸဝ်ႈပဵၼ်ၸဝ်ႈၾႃႉမိူဝ်ႈ 1929 လႄႈမွပ်ႈပၼ်မႂ်ႊသႃႊၼၢတ်ႉမိူဝ်ႈ 1932 ။

ၸဝ်ႈၸၢမ်ႇထုၼ်းၼႆႉ မိူဝ်ႈပၢင်ၵုမ်ပၢင်လူင် ၵမ်း 1 တီႈပၢင်လူင် (ဝဵင်းလၢႆးၶႃႈ) ဢၼ်ႁဵတ်းမိူဝ်ႈဝၼ်းထီႉ 20-28၊ လိူၼ်မၢတ်ႉ၊ ပီႊ 1946 ၼၼ်ႉၵေႃႈ လႆႈၵႂႃႇၶဝ်ႈႁူမ်ႈသေ ယင်းလႆႈလၢတ်ႈသပ်းလႅင်းၵၢၼ်ၽုၵ်ႇသွမ်ႈ ဢၼ်ၶိုတ်းၵၢပ်ႈလႄႈလၢႆးလဵင်ႉသတ်း ဢၼ်ၶိုတ်းၸၼ်ႉ ၼႂ်းပၢင်ၵုမ်။ မိူဝ်ႈတင်ႈၶွင်ႇသီႇၸဝ်ႈၾႃႉလူင်တီႈပၢင်ၵုမ်ၼၼ်ႉ လႆႈၶဝ်ႈပဵၼ်လုၵ်ႈၸုမ်းသေ မိူဝ်ႈၶတ်းလိူၵ်ႈၸုမ်းပွင်ၵၢၼ်ၶွင်ႇသီႇၸဝ်ႈၾႃႉလူင် 7 ၸဝ်ႈ ၼႂ်းလိူၼ်ၵျူႇလၢႆႇၼၼ်ႉၵေႃႈ လႆႈထုၵ်ႇလိူၵ်ႈပႃး ၸဝ်ႈၼိုင်ႈ။

မၼ်းၸဝ်ႈလႆႈၵေႃႇသၢင်ႈဝႆႉ ႁူင်းယႃပၢၼ်မႂ်ႇ ဢၼ်မီး တဵင်းၼွၼ်းတႃႇၵူၼ်းပဵၼ် 60 လင်ၼၼ်ႉ ဝႆႉပၼ်ၵူၼ်းဝၢၼ်ႈ ၵူၼ်းမိူင်း ဝဵင်းမိူင်းပွၼ်လင်ၼိုင်ႈ။

ၸဝ်ႈၸၢမ်ႇထုၼ်း ၸဝ်ႈၾႃႉလူင်မိူင်းပွၼ်ၼႆႉ ပဵၼ်ၽူႈတၢင်တူဝ်မိူင်းတႆး ဢၼ်လူင်းလၢႆးမိုဝ်းၼႂ်းလိၵ်ႈ ႁူမ်ႈမၢႆပၢင်လူင် မိူဝ်ႈဝၼ်းထီႉ 12၊ လိူၼ်ၾႅပ်ႇဝႃႇရီႇ၊ ပီႊ 1947 ၼၼ်ႉၸဝ်ႈၼိုင်ႈသေ ဝၢႆးပၢင်ၵုမ်ပၢင်လူင် လႆႈထုၵ်ႇလိူၵ်ႈ ပဵၼ်ၽွင်းလူင်ဢၼ်ၵဵဝ်ႇလူၺ်ႈ မိူင်းသၼ်လွႆ ၼႂ်းၶွင်ႇသီႇပွင်ၵၢၼ်ၶႃႈလူင်ယႂ်ႇမိူင်းမၢၼ်ႊ (မြန်မာနိုင်ငံ ဘုရင်ခံကောင်စီ)။

မိူဝ်ႈဝၼ်းထီႉ 15၊ ၾႅပ်ႇဝႃႇရီႇ၊ ပီႊ 1947 ၼႂ်းပၢင်ၵုမ်ၽူႈတၢင်တူဝ်ၸဝ်ႈၾႃႉလႄႈ ၽူႈတၢင်တူဝ်ၵူၼ်းမိူင်း ဢၼ်ႁဵတ်းတီႈႁေႃယွင်ႁူၺ်ႈ ဝဵင်းတွင်ၵီႈၼၼ်ႉၵေႃႈ လႆႈလိူၵ်ႈၸဝ်ႈၶဝ်ႈပဵၼ် လုၵ်ႈၸုမ်းၶွင်ႇသီႇမိူင်းတႆး (ဝၢႆးၼႆႉ ပဵၼ်ႇမႃးပဵၼ်ၶွင်ႇသီႇမိူင်းတႆးၽွမ်ႉႁူမ်ႈ) ။ မႃးၼႂ်းလိူၼ်မၢတ်ႉၶျ် ၸဝ်ႈလႆႈထုၵ်ႇလိူၵ်ႈပဵၼ်လုၵ်ႈၸုမ်းၶွင်ႇသီႇတွင်ႈထၢမ်ၵၢင်ၸႂ်ၵူၼ်းမိူင်းသၼ် လွႆထႅင်ႈသေ ထိုင်မႃးဝၼ်းထီႉ 26 လိူၼ်မၢတ်ႉ ၸဝ်ႈလႆႈႁပ်ႉဢဝ်ပုၼ်ႈၽွၼ်း ၽွင်းလူင်တီႈၵိူဝ်းၵုမ် ၵဵဝ်ႇလူၺ်ႈမိူင်းသၼ်လွႆ ဢၼ်ဢမ်ႇ မီးႁွင်ႈၵၢၼ် ၼႂ်းၶွင်ႇသီႇပွင်ၵၢၼ်ၶႃႈလူင်ယႂ်ႇမိူင်းမၢၼ်ႊ။

လႆႈထုၵ်ႇလိူၵ်ႈပဵၼ်ၽူႈတႅၼ်းၽွင်းၼႂ်းဝဵင်းမိူင်းပွၼ် တႃႇၵႂႃႇၶဝ်ႈႁူမ်ႈသၽႃး ပူၵ်းပွင်ၸိုင်ႈမိူင်း မိူဝ်ႈဝၼ်းထီႉ 13၊ လိူၼ်မေႇ၊ ပီႊ 1947 ။ မိူဝ်ႈသၽႃးပူၵ်းပွင်ၸိုင်ႈမိူင်း ႁွင်ႉပၢင်ၵုမ်ၼၼ်ႉ ၸဝ်ႈၸၢမ်ႇထုၼ်း လႆႈၶဝ်ႈပႃးၼႂ်းၶွမ်ႇမတီႇၶဵၼ်ႇတႅမ်ႈမၢႆမီႈပိူင်ငဝ်ႈပိုင်းမိူင်းလႄႈ လႆႈၶဝ်ႈပႃးတင်းၵေႃၽႄ မိူင်းႁူမ်ႈတုမ်ႊ၊ ၵေႃၽႄၸေႊမိူင်း တင်းၵေႃၽႄဢၼ်ၵဵဝ်ႇလူၺ်ႈ ၵူၼ်းၶိူဝ်းဢွၼ်ႇၶဝ်ၼၼ်ႉ တင်းသၢမ်တီႈထႅင်ႈ။

မိူဝ်ႈလႆႈလဵပ်ႈႁဵၼ်း ႁူႉႁၼ်ၸွမ်း သိူၵ်ႈပိုၼ်း ၼႂ်းၵၢၼ်ၸွႆႈထႅမ်တူင်ႇၵူၼ်း၊ ၵၢၼ်ဝၢၼ်ႈမိူင်း ဢၼ်ၸဝ်ႈၸၢမ်ႇထုၼ်း လႆႈၶဝ်ႈႁၢပ်ႇဢဝ်ပုၼ်ႈၽွၼ်းတူင်ႉၼိုင်ၶိုင်သၢင်ႈမႃးၼၼ်ႉယဝ်ႉသေ တေလႆႈဝႃႈ မၼ်းၸဝ်ႈၼႆႉပဵၼ် ၸဝ်ႈၾႃႉၵေႃႉမီးတၢင်းၶိုၵ်ႉၶၢႆးၵတ်ႉငၢၼ်ၸဝ်ႈၼိုင်ႈ ဢၼ်တေၵိုၵ်းပိုၼ်းတႆးႁဝ်းၵႂႃႇ ပၢၼ်သိုပ်ႇပၢၼ် ယူႇယဝ်ႉ။

11/08/2021

บอกได้ไหม? ว่า จะหายเมี่อไร....
#โรดระบาด