เว็บไซต์คืออะไร?

https://www.facebook.com/112206998131334/

Invest Wisely by komin, Life Asoke Hype, Bangkok (2026)

09/06/2026

🏘️ LOCATION - အိမ်ခြံမြေရင်းနှီးမြှုပ်နှံမှုရဲ့ သော့ချက်

"အိမ်ခြံမြေဆိုတာ ရွှေ့ပြောင်းလို့မရတဲ့ ပိုင်ဆိုင်မှုတစ်ခု" တဲ့။ ဒါကြောင့်လည်း "Location, Location, Location အရေးအကြီးဆုံး" ဆိုပြီး အိမ်ခြံမြေဆရာကြီးတွေ ပြောပြောနေကြတာ။

အထူးသဖြင့် ကမ္ဘာ့အဆင့်မီ စီးပွားရေးဗဟိုချက်ဖြစ်တဲ့ ဘန်ကောက်ရဲ့ ကွန်ဒိုဈေးကွက်မှာ Location ဆိုတဲ့ တည်နေရာခွဲခြမ်းစိတ်ဖြာမှုဟာ "အမြတ်အစွန်း + နေထိုင်သူတွေ ရဲ့ ဘဝအရည်အသွေး" ကို တိုက်ရိုက်အဆုံးအဖြတ်ပေးနိုင်တယ်။

1) Location, Neighborhood & Accessibility ဆိုတာ ဘာလဲ ?

- Location ဆိုတာ တည်နေရာ ...
မြို့လယ်ခေါင်မှာလား ? CBD ဇုန်ထဲမှာလား ? မြို့ပြင်မှာလား ??? စသဖြင့် ...

- Neighbourhood ဆိုတာက ပတ်ဝန်းကျင် ...
Expat Community လား ? Students Community လား ? ပတ်ဝန်းကျင်သန့်လား ? စရိုက်တွေ များလား ? ညဘက်တွေဆို တစ်ယောက်တည်း သွားလာရတာ လုံခြုံရဲ့လား ???

- Accessibility ဆိုတာကျတော့ သွားလာရ လွယ်ကူမှု ...
MRT/ BTS နဲ့ နီးလား ? ကျောင်း/ဆေးရုံး/ဈေးဝယ်စင်တာတွေနဲ့ နီးလား ? ကားမောင်းတယ်ဆို အဓိကနေရာတွေကို ဘယ်လိုမြန်မြန်ရောက်နိုင်မလဲ ? ကားအဝင်အထွက် အဆင်ပြေလား ??? လမ်းသင့်လား ??? စသဖြင့် ...

Location ထဲမှာမှ
2) Prime Location ဆိုတာကရော ဘာလဲ ?

ဘန်ကောက် ကွန်ဒိုတစ်ခုဟာ Prime Location ပဲ၊ နေရာရှယ်ကောင်းတယ်လို့ သတ်မှတ်ခံရဖို့ဆိုရင် ...

ဒီအချက်၄ ချက်နဲ့ ပြည့်မီရပါမယ်။

a) Transit-Oriented Development

ဘန်ကောက် အိမ်ခြံမြေဈေးကွက်ဟာ BTS/ MRT လိုင်းတွေအပေါ် အလုံးစုံ မှီခိုနေရတာမို့ ကွန်ဒိုတည်နေရာဟာ လမ်းလျှောက်အကွာအဝေးအတွင်း ရှိရမယ်။

Asoke/ Silom လိုမျိုး Interchange Station တွေ၊ လိုင်းနှစ်ခု သို့မဟုတ် သုံးခု ဆုံတဲ့နေရာတွေဆို ပိုကောင်းတယ်။

b) Proximity to Expat/ Lifestyle Hubs

ဘန်ကောက် ကွန်ဒိုဈေးကွက်ရဲ့ အဓိကငှားရမ်းသူတွေဟာ နိုင်ငံခြားသားတွေ ဖြစ်တာမို့
- Lifestyle & Convenience
- Safety & Community စတာတွေကလည်း အရေးကြီးတယ်။

c) CBD & Business Activity

အလုပ်အကိုင်အခွင့်အလမ်း တိုးတက်တဲ့ နေရာတွေကလည်း အငှားဈေးကွက်ကို ပိုလို့အားကောင်းစေတယ်။

ဥပမာ Silom ၊ Sathorn ၊ Rama IX/Ratchada လို နေရာတွေဟာ Office Tower အသစ်တွေ ထပ်ကာထပ်ကာ ထွက်ပေါ်လာတာကြောင့် စီးပွားရေးဗဟိုချက်ဖြစ်လာပြီး အနာဂတ်တန်ဖိုး တက်နိုင်ခြေ များတယ်။

d) Future Growth Potential & Master Plan

ရင်းနှီးမြှုပ်နှံသူတစ်ယောက်အနေနဲ့ လက်ရှိအခြေအနေ ဆိုတာထက် အနာဂတ်ကို ကြည့်ရမယ်။

- Infrastructure တို့ချဲ့မှုများ
- Mega Project အသစ်များ

စတာတွေက ကိုယ့်အိမ်ခြံမြေရဲ့ တန်ဖိုးကို အနာဂတ်မှာ တက်လာစေတယ်။

နိဂုံးချုပ်ပြောရရင် ...

ဘန်ကောက်မှာ ရင်းနှီးမြှုပ်နှံမယ်ဆိုရင် Property ကောင်းတာထက်၊ Location ကောင်းတာက ပိုအရေးကြီးတယ်လို့ အိမ်ခြံမြေဂုရုကြီးတွေက အမြဲပြောကြတယ်။

ဈေးနှုန်းသက်သာတဲ့ ပစ္စည်းတစ်ခုကို ဝယ်ယူတာထက်၊ စျေးပိုပေးပြီး BTS/MRT နဲ့ နီးသော၊ Expat တွေ နှစ်သက်သော၊ အငှားဈေးကွက် ခိုင်မာသော Location ကို ရွေးချယ်ခြင်းက ရေရှည်အတွက် ပိုလုံခြုံစိတ်ချရတယ်၊ ပိုပြီးအမြတ်အစွန်း များစေပါတယ်။

Bkk Condo Tour
Invest wisely by komin

08/06/2026

🏘️ ထိုင်းအိမ်ခြံမြေမှာ ယုံကြည်မှုရှိရှိနဲ့ ရင်းနှီးမြုပ်နှံချင်တယ်ဆိုရင် ဒီအချက် ၅ ချက်ကို သိထားရင် ပိုကောင်းပါတယ်။

လူတော်တော်များများဟာ ထိုင်းအိမ်ခြံမြေမှာ အမြတ်နဲ့ပြန်‌ရောင်း သို့မဟုတ် အိမ်ငှားခနဲ့ ရေရှည်ဝင်ငွေလိုချင်လို့ စိတ်ဝင်စားကြပါတယ်။

ဒါပေမဲ့ ပိုက်ဆံအများကြီး မထည့်လိုက်ခင်မှာ အမှားနည်းအောင်၊ Risk နည်းအောင် "တွက်ထားရမယ့်" အခြေခံအချက်လေးတွေ ရှိပါတယ် ⬇️

၁။ "အနိမ့်အမြင့် သံသရာ" ကို နားလည်ပါ
(𝐑𝐞𝐚𝐥 𝐄𝐬𝐭𝐚𝐭𝐞 𝐂𝐲𝐜𝐥𝐞𝐬)

"အိမ်ခြံမြေစျေးက အမြဲတက်နေတာ" ဆိုတဲ့စကားကိုပဲ အလွယ်မယုံပါနဲ့ (မြန်ပြည်မှာပဲ ရှိတာ)။

သူ့မှာလည်း အတက်အကျ သံသရာ ရှိတယ်။ စျေးနှုန်းဆိုတာ နေရာအကွက်အကွင်း၊ စျေးကွက်ထဲက ပစ္စည်းလက်ကျန် နဲ့ အဲဒီအချိန်ရဲ့ စီးပွားရေးအခြေအနေပေါ်မှာ မူတည်တယ်။

ဒါကို နားလည်ထားရင်
- ဘယ်အချိန်မှာ စျေးကောင်း ရနိုင်ပြီး ဝယ်သင့်တယ်
- အမြတ်ရဖို့အတွက် ဘယ်လောက်စောင့်ရမယ်
- ဘယ်နေရာက ခေတ်စားလာတော့မယ်
ဆိုတာကို ရမ်းသန်းမလုပ်ဘဲ ကြိုမြင်နိုင်မယ်။

၂။ "ကိုယ့်ကို ဘယ်သူက ပိုက်ဆံပေးမှာလဲ"
(𝐖𝐡𝐨 𝐢𝐬 𝐩𝐚𝐲𝐢𝐧𝐠 𝐲𝐨𝐮)

စာချုပ်မချုပ်ခင်မှာ
"တိုက်က လှလား၊ ပြင်ထားတာ လှလား၊ Facility တွေ စုံလား"

ဆိုတာထက်

"ဒီအခန်းကို ကိုယ့်ဆီက ဘယ်သူ ပြန်ငှားမှာလဲ (သို့မဟုတ်) ဘယ်သူ ပြန်ဝယ်မှာလဲ"

ဆိုတာကို အရင်မေးပါ။

- တက္ကသိုလ်နားမှာဆို ကျောင်းသားတွေက ကိုယ့်ဖောက်သည်ပဲ။
- စက်မှုဇုန် ဒါမှမဟုတ် ရုံးခန်းတွေနားမှာဆို အလုပ်သမားတွေက ကိုယ့်ဖောက်သည်ပဲ။
- မြို့ထဲက CBD ဝန်းကျင်မှာဆို လစာကောင်းတဲ့ ဝန်ထမ်းတွေက ကိုယ့်ဖောက်သည်ပဲ။

ဖောက်သည်ကို တိတိကျကျ သတ်မှတ်နိုင်ရင် အခန်းအကျယ်အဝန်းနဲ့ လိုအပ်တဲ့ အပြင်အဆင်တွေကို သင့်‌လျော်စွာ ရွေးချယ်နိုင်မယ်။ လူငှားရပါ့မလားဆိုပြီး ရင်တထိတ်ထိတ်နဲ့ စောင့်နေစရာ မလိုတော့ဘူး။

၃။ "စျေးပေါတာ" ထက် "စျေးကွက်က လိုချင်တာ" ကို ရွေးပါ
(𝐃𝐞𝐦𝐚𝐧𝐝 > 𝐂𝐡𝐞𝐚𝐩)

ရင်းနှီးမြှုပ်နှံမှုမှာ စျေးပေါတိုင်း မကောင်းဘူး။ တခါတလေ စျေးအသက်သာဆုံး အခန်းက ငှားရဖို့ အခက်ဆုံး ဖြစ်နေတတ်တယ်။

စျေးကွက်ထဲ လူကြိုက်အများဆုံး အခန်းတွေဟာ များသောအားဖြင့် ...

- လူကြိုက်များတဲ့ အလွှာမှာရှိမယ် (အရမ်း မပူဘူး၊ ဗျူး မပိတ်ဘူး၊ အရမ်းလည်း မနိမ့်ဘူး)။
- အခန်းပုံစံက အသုံးတည့်ရမယ် (Functionality)။
- Position ကောင်းရမယ် (အမှိုက်ခန်း ရှေ့ ⛔ ဓါတ်လှေကား ရှေ့ ⛔ etc)။

စကတည်းက အခန်းကောင်းကောင်း ရွေးထားရင် နောက်ပိုင်း ပြန်ရောင်းတာပဲဖြစ်ဖြစ်၊ လူငှားရှာတာပဲဖြစ်ဖြစ် ပြောရဆိုရ ပိုလွယ်၊ အလုပ်မြန်မြန် ပြတ်ပါတယ်။

၄။ နေရာကောင်း ဆိုတာ "မြို့ထဲဖြစ်မှ" မဟုတ်ဘူး
(𝐆𝐨𝐨𝐝 𝐋𝐨𝐜𝐚𝐭𝐢𝐨𝐧 𝐦𝐞𝐚𝐧𝐬 ... )

မြို့ထဲဆိုတာ အားသာချက်ဖြစ်ပေမဲ့ အဲဒါတစ်ခုတည်းနဲ့ မပြီးပါဘူး။ တကယ်နေမယ့် သူတွေက Location ဆိုတာထက် ကျော်လွန်ပြီး ကြည့်တတ်ကြတယ်။

- BTS/ MRT နဲ့ လမ်းလျှောက်အကွာအဝေးလား ?
- ကိုယ်ပိုင်ကားနဲ့ဆို သွားရလာရ အဆင်ပြေရဲ့လား ?
- စားဖို့သောက်ဖို့ လွယ်လား ?
- အနားမှာ ကုန်စုံဆိုင်တွေရှိလား ?
- Management ကောင်းရဲ့လား ? (ရေရှည်မှာ အရမ်းအရေးကြီးပါတယ်။)
- အငှားစျေးက ဘေးပတ်ဝန်းကျင်နဲ့ ယှဉ်ရင် ယှဉ်နိုင်စွမ်းရှိလား ?

ဘက်ပေါင်းစုံက ကြည့်ပါ။ "မြို့ထဲ" ဆိုတာနဲ့ပဲ မျက်စိမှိတ် ဝယ်ရမယ် မဟုတ်ပါ။

၅။ ကိုယ့်ရဲ့ "ငွေအင်အား" နဲ့ "အခြေအနေ"
(𝐒𝐭𝐫𝐚𝐭𝐞𝐠𝐲 = 𝐂𝐚𝐩𝐢𝐭𝐚𝐥 + 𝐓𝐢𝐦𝐢𝐧𝐠)

ကိုယ့်ပန်းတိုင်နဲ့ ကိုက်ညီတာကို ရွေးပါ။

- Passive သမား = အေးအေးဆေးဆေး အိမ်ငှားစားမယ်။
- ဝယ်ရောင်း = ဈေးကျရင် ဝယ်မယ်၊ ဈေးတက်ရင် ရောင်းမယ်။
- Value သမား = ရေရှည်ကိုင်ထားမယ် (အမွေအနှစ် + အချိန်နဲ့အမျှ မြေစျေးတက်)

ခုခေတ်မှာ လူတွေက "Rental Income" ကို ပိုသဘောကျလာကြတယ်။ ဘာလို့လဲဆိုတော့ ပြန်ရောင်းရမယ့်အချိန် + မြတ်မယ့်အချိန်ကို စောင့်ရတာထက်စာရင် Risk ပိုနည်းတယ်။

အချုပ်ပြောရရင် ...

တကယ်တော့ အိမ်ခြံမြေရင်းနှီးမြှုပ်နှံမှုမှာ အခြေခံမူတွေ အများကြီးရှိပါဘူး။ ဒီ ၅ ချက်ဖြစ်တဲ့ - စျေးကွက်သံသရာ၊ ဖောက်သည်၊ အခန်းအမျိုးအစား၊ နေရာနဲ့ နည်းဗျူဟာ၊ မိမိရဲ့ ငွေအင်အားကို နားလည်ထားမယ်ဆိုရင် ယုံကြည်မှုရှိရှိ ရင်းနှီးမြှုပ်နှံနိုင်မှာပါ။

အိမ်ခြံမြေဆိုတာ ကိုယ်သာ "ကြည့်တတ်မယ်" ၊ "စိတ်ရှည်မယ်" ဆိုရင် ချမ်းသာကြွယ်ဝမှုကို ဖန်တီးပေးနိုင်ပါတယ်။

Ref - condonewb

BKK Condo Tour
Invest Wisely by Komin

08/06/2026

ဘန်ကောက်သတင်း အတိုအထွာ -

📰

ကမ္ဘာ့ဖလား ရုပ်သံပြသခွင့် (World Cup Rights)

Jasmine International က ကမ္ဘာ့ဖလား ရုပ်သံပြသခွင့် ရဖို့ အလားအလာအကောင်းဆုံး ဖြစ်နေပါတယ်။ ကမ္ဘာ့ဖလားပြိုင်ပွဲက နောက်သုံးရက်နေရင် (ဇွန်လ ၁၁ ရက်မှာ) စတော့မှာဖြစ်ပေမဲ့ ထိုင်းနိုင်ငံမှာ ပြသခွင့်ရဖို့ သေချာရေရာတာမျိုး အခုထိ မရှိသေးပါဘူး။

ဘတ် ၁.၇ ဘီလီယံတန်ဖိုးရှိတဲ့ ပြသခွင့်ပက်ကေ့ဂျ်အတွက် ဂျက်စမင် အင်တာနေရှင်နယ်က ရှေ့ထွက်ပြီး ညှိနှိုင်းနေပါတယ်။ ထိုင်းနိုင်ငံက ဘောလုံးပရိသတ် ၇၁ သန်းလောက် ထိုင်းတီဗီကနေ ဒီပြိုင်ပွဲကို မကြည့်ရတော့မယ့် အခြေအနေက ယုံနိုင်စရာပါပဲ။

📰

BTS ဖျော်ဖြေပွဲ လက်မှတ်အရောင်း

BTS ပွဲလက်မှတ်တွေကို မနက်ဖြန်မနက်မှာ စတင်ရောင်းချပါတော့မယ်။ ဇွန်လ ၉ ရက်၊ အင်္ဂါနေ့ မနက် ၁၀ နာရီမှာ Weverse ကနေတစ်ဆင့် ARMY Membership presale စပါမယ်။ ပွဲတွေကိုတော့ ဒီဇင်ဘာ ၃ ရက်၊ ၅ ရက်နဲ့ ၆ ရက်တွေမှာ Rajamangala National Stadium မှာ ကျင်းပသွားမှာပါ။

လက်မှတ်ဈေးနှုန်းတွေကတော့ ဘတ် ၃,၃၀၀ ကနေ ၇,၈၀၀ အထိ ရှိပါတယ်။ ရာဇမင်္ဂလာကွင်းမှာ သုံးညဆက်တိုက် ဖျော်ဖြေပွဲလုပ်တာက ဘန်ကောက်အတွက်တော့ တစ်ခါမှမရှိဖူးသေးတဲ့ စံချိန်ပါပဲ။ App ကျသွားနိုင်တာမို့ အချက်ပေးနှိုးစက်သာ ကြိုပေးထားကြပါ။

📰

ပတ္တရားကမ်းခြေ ရန်ပွဲ

ဒီတစ်ပတ်ပိတ်ရက်မှာ ပါကစ္စတန်နိုင်ငံသားတွေ ပတ္တရားကမ်းခြေမှာ ရန်ပွဲဖြစ်ခဲ့တယ်လို့ Thaiger သတင်းဌာနက အတည်ပြုပါတယ်။ ဒီဖြစ်စဉ်ကတော့ မေလကတည်းက ဆက်တိုက်ဖြစ်နေတဲ့ နိုင်ငံခြားသားခရီးသည်တွေရဲ့ အပြုအမူပိုင်းဆိုင်ရာ ပြဿနာတွေထဲက တစ်ခုပါပဲ။

ဒါဟာ စားပြီးပိုက်ဆံမပေးဘဲ ထွက်ပြေးတဲ့ကိစ္စတွေ၊ ဖူးခက်က ရုရှားနိုင်ငံသားတွေရဲ့ ပြဿနာတွေအပြင် ဝန်ကြီးချုပ်ကပါ လုံခြုံရေးကို ပိုမိုတင်းကျပ်ဖို့ အမိန့်ထုတ်ထားတဲ့ ဖြစ်စဉ်တွေနဲ့ ဆက်စပ်နေပါတယ်။

📰

မိုးလေဝသခန့်မှန်းချက်

ထိုင်းမိုးလေဝသဌာန (TMD) ရဲ့ ထုတ်ပြန်ချက်အရ မုတ်သုံလေကတော့ ဆက်ပြီး အားကောင်းနေဦးမှာပါ။ ဒီတစ်ပတ်မှာ ဘန်ကောက်တစ်ခွင် နေရာကွက်ကျား မိုးရွာနိုင်ပါတယ်။ တောင်ပိုင်းခရိုင်တွေမှာတော့ လျှပ်တပြက်ရေကြီးနိုင်ခြေရှိလို့ ဆက်ပြီး သတိထား စောင့်ကြည့်ရပါမယ်။

Ref - BKK Insider

07/06/2026

🎭 ၂၀၁၉ ခုနှစ် North Carolina မှာ Aaron Smith ဆိုသူဟာ Singularity ဆိုတဲ့ ဆန်းပြားလွန်းတဲ့ Dating App တစ်ခုကို ဖန်တီးခဲ့ပါတယ်။ ဘယ်လောက်တောင် ဆန်းပြားသလဲဆိုရင် အဲဒီ App မှာ သူကလွဲရင် တခြား ဘယ်ယောကျ်ားလေးမှ ပါခွင့်မရှိပါဘူး။

App ထဲ ဝင်လာတဲ့ အမျိုးသမီးတွေက Profile တွေကို ပွတ်ဆွဲကြည့်တဲ့အခါ (ဘယ်ဖက် ပွတ်ပွတ်၊ ညာဖက် ပွတ်ပွတ်) သူ့ပုံတွေကိုပဲ ပုံစံအမျိုးမျိုးနဲ့ ထပ်ခါထပ်ခါ တွေ့နေရတာပေါ့။

Tinder နဲ့ Bumble လို နာမည်ကြီး Platform တွေကို စိတ်ပျက်လာလို့ ဒီ App ကို သူဖန်တီးခဲ့တာလို့ Smith က ဆိုပါတယ်။ "တခြား App တွေရဲ့ အကြီးမားဆုံး ပြဿနာက ငါ့မျက်နှာကို သေသေချာချာ အထင်းသား မပြထားတာပဲ" လို့လည်း သူက ပြောခဲ့ပါသေးတယ်။

သူ့ရဲ့ ဖြေရှင်းနည်းကတော့ ပြိုင်ဘက်တွေအကုန်လုံးကို ရှင်းထုတ်ပစ်ပြီး သူ့ကိုယ်သူ တစ်ဦးတည်းသော ရွေးချယ်စရာ လူပျိုကြီးဖြစ်အောင် လုပ်လိုက်တာပါပဲ။

"Singularity ဟာ မင်းကို ငါနဲ့ပဲ Match ပေးလိုက်တဲ့အတွက် အလကား ပွတ်ဆွဲနေရတဲ့ အချိန်တွေကို အများကြီး သက်သာစေတယ်"

ဆိုပြီး ကတိပေးထားတဲ့ ရယ်စရာ ကြော်ငြာဗီဒီယိုတစ်ခုကိုတောင် သူက ရိုက်ခဲ့ပါသေးတယ်။

ဒီလို လုပ်ချလိုက်တာက ချက်ချင်းပဲ အင်တာနက်ပေါ်မှာ နာမည်ကြီးသွားပြီးတော့၊ ခေတ်သစ် Dating ယဉ်ကျေးမှုရဲ့ အဓိပ္ပာယ်မရှိတဲ့ အပိုင်းတွေနဲ့ ပတ်သက်ပြီး ရယ်မောစရာတွေရော၊ ငြင်းခုန်စရာတွေရော ဖြစ်လာခဲ့တယ်။

အွန်လိုင်းက တုံ့ပြန်မှုတွေကတော့ အမျိုးမျိုးပါပဲ။ တချို့က သူ့ရဲ့ ဖန်တီးနိုင်စွမ်းကို ချီးကျူးကြပေမယ့်၊ တချို့ကတော့ ရူးကြောင်ကြောင်နိုင်လွန်းတယ်လို့ ဝေဖန်ခဲ့ကြပါတယ်။

Ref - brainy monkey

07/06/2026

ဘန်ကောက်သတင်း အတိုအထွာ -

📰

ဟော်မုဇ် (Hormuz) သဘောတူညီချက်

ဟော်မုဇ်ရဲ့ ရက် ၆၀ MOU က အခုထိ လက်မှတ်မထိုးရသေးဘဲ၊ အီရန်ကတော့ အမေရိကန်ကို မယုံကြည်တော့ဘူးလို့ ဆိုလာပါတယ်။ မူလသဘောတူညီချက်ရပြီးမှ အမေရိကန်ဘက်က စည်းကမ်းချက်အသစ်တွေ ထပ်တိုးလာတယ်လို့ဆိုပြီး ထရမ့်ရဲ့ ပိုမိုတင်းကျပ်တဲ့ အဆိုပြုချက်ကို အီရန်က ပယ်ချလိုက်ကြောင်း Thai Examiner က အတည်ပြုပါတယ်။

မေလကုန်ပိုင်းကစလို့ ရှင်သန်လာခဲ့တဲ့ မျှော်လင့်ချက်ရောင်ခြည်လေးတွေကတော့ တဖြည်းဖြည်း လွင့်ပါးမှေးမှိန်သွားခဲ့ရပါပြီ။ ဒီတစ်ပတ်အတွင်း လောင်စာဆီနဲ့ လေကြောင်းလိုင်းတွေအပေါ် ဘယ်လို ရိုက်ခတ်မှုတွေ ရှိလာမလဲဆိုတာ စောင့်ကြည့်ရပါလိမ့်မယ်။

📰

BTS ဘန်ကောက်ဖျော်ဖြေပွဲ

ဘန်ကောက်မှာ သုံးပွဲတိတိ ကျင်းပမယ့် BTS ပွဲအတွက် လက်မှတ်တွေကို ဇွန်လ ၉ ရက်၊ အင်္ဂါနေ့မှာ စတင်ရောင်းချပေးတော့မှာပါ။ ဒီဇင်ဘာလ ၃ ရက်၊ ၅ ရက်နဲ့ ၆ ရက်နေ့တွေမှာ Rajamangala အမျိုးသားအားကစားကွင်းကြီးမှာ ကျင်းပသွားမှာဖြစ်ပါတယ်။

ARMY Membership ကြိုတင်လက်မှတ်တွေကို Weverse ကနေ မနက် ၁၀ နာရီမှာ စတင်ဝယ်ယူနိုင်ပြီး၊ အဲဒီနောက်မှာတော့ ပုံမှန်လက်မှတ်တွေကို ဆက်လက်ရောင်းချပေးသွားမှာပါ။ စျေးနှုန်းတွေကတော့ ဘတ် ၃,၃၀၀ ကနေ ၇,၈၀၀ (VIP) အထိ ရှိပါတယ်။

ရာဇမင်္ဂလကွင်းကြီးမှာ သုံးညဆက်တိုက် ကျင်းပတာကတော့ ဘန်ကောက်အတွက် အရင်က မရှိဖူးသေးတဲ့ အတိုင်းအတာတစ်ခုနဲ့ ခမ်းနားကြီးကျယ်တယ်လို့ ပြောရပါမယ်။

📰

ဘန်ကောက် မြို့တော်ဝန် ရွေးကောက်ပွဲ

ရွေးကောက်ပွဲ ၂၁ ရက်ပဲ လိုပါတော့တယ်။ ဇွန်လ ၂၈ ရက်နေ့မှာပါ။ ဒုတိယသက်တမ်းအတွက် Chadchart က အတည်ပြုပါဝင်ထားပြီး၊ ဒီအပတ်အတွင်း မဲဆွယ်စည်းရုံးရေးလှုပ်ရှားမှုတွေက ပိုပြီး ပြင်းထန်သက်ဝင်လာနေပါတယ်။

📰

မိုးလေဝသ အခြေအနေ

မိုးလေဝသနဲ့ ဇလဗေဒဦးစီးဌာနရဲ့ အဆိုအရတော့ မုတ်သုံမိုးက ဆက်လက်ရွာသွန်းနေဆဲပါ။ ဒီတစ်ပတ်လုံး ဘန်ကောက်တစ်ဝိုက်မှာ နေရာကွက်ကျား မိုးရွာသွန်းနိုင်ပြီး၊ တောင်ပိုင်းခရိုင်တွေမှာတော့ ရုတ်တရက် ရေကြီးရေလျှံမှု အန္တရာယ်အတွက် စိုးရိမ်တကြီး သတိထားစောင့်ကြည့်နေရဆဲ ဖြစ်ပါတယ်။

Ref - bkk insider

07/06/2026

ဇွန် ၇ ၊ ၂၀၂၆
မင်္ဂလာနံနက်ခင်းပါ ...

အတွေးကောင်းလေးများ တစ်နှစ်စာ

06/06/2026

🏘️ ထိုင်းနိုင်ငံမှာ ကွန်ဒိုခန်းအဟောင်းကို ပြန်လည်ဝယ်ယူတဲ့အခါ ...

မိတ်ဆွေတစ်ယောက် ကွန်ဒိုခန်း အဟောင်းတစ်ခုကို ဝယ်ယူခဲ့စဉ်က လုပ်ဆောင်ခဲ့ရတဲ့ 𝐂𝐎𝐍𝐃𝐎 𝐎𝐖𝐍𝐄𝐑𝐒𝐇𝐈𝐏 လွှဲပြောင်းလုပ်ငန်းစဉ်ကို ပြောပြလာလို့ အားလုံးအတွက် ဗဟုသုတရအောင် ပြန်မျှဝေပေးလိုက်ပါတယ်။ ဒီလုပ်ငန်းစဉ် အားလုံးကို ရှေ့နေ/ နားလည်တတ်ကျွမ်းသူတစ်ယောက်ယောက်နဲ့ လုပ်တာ ပိုစိတ်ချရပါတယ်။

1) 𝗗𝗼𝗰𝘂𝗺𝗲𝗻𝘁𝗮𝘁𝗶𝗼𝗻 𝗖𝗵𝗲𝗰𝗸

ကွန်ဒိုတိုက်ခန်းဟောင်းတစ်ခုကို ဝယ်ယူဖို့ ဈေးသဘောတူပြီးတာနဲ့ ပထမဆုံးလုပ်ရမှာက ရောင်းချသူဟာ အဆိုပါကွန်ဒိုအခန်းရဲ့ ပိုင်ရှင်အစစ်ဟုတ်၊ မဟုတ်ကို စစ်ဆေးရပါမယ်။ Title Deed ပေါ်ရှိ နာမည် နဲ့ မှတ်ပုံတင်/ Passport ပေါ်ရှိ နာမည်တို့ကို တိုက်၍ စစ်ဆေးခြင်း၊ Juristic Office မှာ စစ်ဆေးခြင်း etc ...။ ပြီးရင် Foreign Quota ကျန်၊ မကျန် စစ်ဆေးရပါမယ်။ Juristic Office မှာ ရောင်းချသူပိုင်ရှင် ပေးရန်ကြွေးကျန် ရှိ၊ မရှိ စစ်ဆေးရပါမယ်။

2) 𝗣𝗿𝗲 𝗣𝘂𝗿𝗰𝗵𝗮𝘀𝗲 𝗔𝗴𝗿𝗲𝗲𝗺𝗲𝗻𝘁

ရောင်းချသူ/ ဝယ်ယူသူ နဲ့ Pre Purchase Agreement ပြင်ဆင်ပြီး လက်မှတ်ရေးထိုးရမှာ ဖြစ်ပါတယ်။

Pre Purchase Agreement ကို စပေါ်ငွေပေးချေတာနဲ့ တပြိုင်တည်း လုပ်ရပါတယ်။ သဘောတူညီချက်မှာ နှစ်ဖက်လုံးရဲ့ အသေးစိတ်အချက်အလက်၊ ကွန်ဒိုခန်းရဲ့ အသေးစိတ်အချက်အလက်၊ အရောင်းဈေးနှုန်း၊ ငွေပေးချေမှုစည်းကမ်းချက်တွေ၊ ပါဝင်/ မပါဝင်တဲ့ ပစ္စည်းတွေ၊ အခြားသော မှတ်ချက်တွေ ပါဝင်ပါတယ်။

ရောင်းချသူဘက်မှ

▪️Purchase agreement (to be signed) – 2 copies
▪️Copy of Title deed (Chanote) – 2 copies
▪️Copy of ID/passport – 2 copies

ဝယ်ယူသူဘက်မှ

▪️Copy of ID/passport – 2 copies

စတဲ့ စာရွက်စာတမ်းတွေကို ပြင်ဆင်ထားရပါတယ်။

3) 𝗧𝗿𝗮𝗻𝘀𝗳𝗲𝗿 𝗼𝗳 𝗙𝘂𝗻𝗱 𝗳𝗿𝗼𝗺 𝗢𝘃𝗲𝗿𝘀𝗲𝗮𝘀

ထိုင်းဥပဒေအရ ပေးချေရမယ့် ငွေဟာ ထိုင်းနိုင်ငံကလွဲပြီး အခြားနိုင်ငံကနေ ဝင်လာရမှာဖြစ်ပြီး၊ ငွေလွှဲသူဟာ Transfer Note မှာ ကွန်ဒိုအမည်၊ ယူနစ်နံပါတ်၊ ဝယ်သူအမည် စသည်တို့ကို Telegraphic Transfer Form (T/T Form) တွင် ဖြည့်သွင်းရပါမယ်။ ထိုင်းဘဏ်ကို လွှဲပြောင်းပြီး ထိုင်းဘဏ်က ထိုင်းဘတ်သို့ ပြောင်းပါတယ်။

လွှဲပြောင်းတဲ့ ငွေပမာဏဟာ ဝယ်ယူစျေးနှုန်းထက် အနည်းငယ်ကျော်လွန်ရပါမယ်။

4) 𝗢𝗯𝘁𝗮𝗶𝗻𝗶𝗻𝗴 𝗗𝗼𝗰𝘂𝗺𝗲𝗻𝘁𝘀 𝗳𝗿𝗼𝗺 𝗧𝗵𝗮𝗶 𝗕𝗮𝗻𝗸

နိုင်ငံခြားငွေကို ထိုင်းဘဏ်သို့ လွှဲပြောင်းပြီးတာနဲ့ ဝယ်သူဟာ ဘဏ်သွားပြီး Foreign Exchange Transaction Form (FET) သို့မဟုတ် “Credit Advice” ကို ဘဏ်ကနေ ရယူရပါမယ်။ FET/ Credit Advice ကို Ownership Transfer လုပ်ငန်းစဉ်အတွက် Land Department က အထောက်အထားအဖြစ် လိုအပ်ပါတယ်။

5) 𝗢𝗯𝘁𝗮𝗶𝗻𝗶𝗻𝗴 𝗙𝗼𝗿𝗲𝗶𝗴𝗻 𝗤𝘂𝗼𝘁𝗮 & 𝗗𝗲𝗯𝘁-𝗳𝗿𝗲𝗲 𝗖𝗲𝗿𝘁𝗶𝗳𝗶𝗰𝗮𝘁𝗲

ရောင်းချသူဟာ ပိုင်ဆိုင်မှုလွှဲပြောင်းမယ့် ရက်မတိုင်မီ Condo Juristic ဆီက Foreign Quota Certificate နဲ့ Debt-free Certificate ကို ရယူရပါမယ်။ များသောအားဖြင့် ဒီလုပ်ငန်းစဉ်ဟာ ၁၅ ရက်အထိ ကြာနိုင်တာကြောင့် ကြိုပြီး တောင်းခံထားသင့်ပါတယ်။ Debt-free Certificate ဟာ ထုတ်ပေးတဲ့ ရက်စွဲကစ ၇ ရက်သာ အကျုံးဝင်ပါတယ်။

Foreign Quota Certificate နဲ့ Debt-free Certificate ရယူဖို့ လိုအပ်တဲ့ စာရွက်စာတမ်းများ

▪️Request form (prepared by the property’s juristic office)
▪️Copy of ID / Passport of buyer and seller
▪️Copy of Title Deed

6) 𝗢𝘄𝗻𝗲𝗿𝘀𝗵𝗶𝗽 𝗧𝗿𝗮𝗻𝘀𝗳𝗲𝗿 𝗮𝘁 𝗗𝗲𝗽𝗮𝗿𝘁𝗺𝗲𝗻𝘁 𝗼𝗳 𝗟𝗮𝗻𝗱

စာရွက်စာတမ်းအားလုံး အဆင်သင့်တဲ့အခါ မြေယာဌာနမှာ လွှဲပြောင်းမယ့်ရက်ကို Appointment ယူရပါတယ်။ စာရွက်စာတမ်း အားလုံးမှန်ကန်ရင်/ အခြားသော ပြဿနာတွေ မရှိရင် ပုံမှန်အားဖြင့် ၁ - ၃ နာရီအတွင်း အားလုံးပြီးစီးပါတယ်။

ရောင်းချသူဘက်က

▪️Original Thai ID Card/ Passport and copy
▪️Original Work permit and copy (if any)
▪️Original Chanote (Title Deed) and copy
▪️Original House Registration Book and copy
▪️Foreign Quota Certificate
▪️Debt-free certificate issued by Condo Juristic Office
▪️Copy of up-to-date Utility Bills
▪️Keys, Key Cards, Access Cards, Parking Stickers, etc
▪️ID Card/ Passport of spouse (if any)

ဝယ်ယူသူဘက်က

▪️Original Thai ID Card/ Passport and copy
▪️Cashier Cheques or Cash
(ရောင်းချသူက ကွန်ဒိုခန်းကို Bank Loan နဲ့ ဝယ်ထားတာဆို Cashier Cheque ၂ စောင် လိုပါတယ်၊ one for seller & one for the bank)
▪️Proof of oversea fund transfer, Foreign Exchange Transaction Form (FET)
▪️Original Work permit and copy (if any)
▪️ID Card/ Passport of spouse (if any)
▪️Marriage Certificate (Notary)

အစရှိတဲ့ စာရွက်စာတမ်းတွေကို ပြင်ဆင်ထားရပါမယ်။

**Note : 𝑻𝒊𝒕𝒍𝒆 𝑫𝒆𝒆𝒅 ပေါ်မှာ ဝယ်သူပိုင်ရှင်ရဲ့ နာမည်သည် ထိုင်းစာနဲ့ပဲ ပေါ်ပါတယ်။ ဒါကြောင့် ကိုယ့်မှာ တခြားထိုင်းစာ(နာမည်) ပါတဲ့ 𝒊𝒅𝒆𝒏𝒕𝒊𝒕𝒚 𝒄𝒂𝒓𝒅 ရှိခဲ့ပါက ထပ်တူဖြစ်ပါစေ (ဥပမာ 𝒘𝒐𝒓𝒌 𝒑𝒆𝒓𝒎𝒊𝒕 ထိုင်းနာမည် = 𝒕𝒊𝒕𝒍𝒆 𝒅𝒆𝒆𝒅 ထိုင်းနာမည်)**

လွှဲပြောင်းတဲ့နေ့မှာ မြေယာဌာနမှာ အောက်ဖော်ပြပါကိစ္စတွေကို လုပ်ဆောင်ရပါမယ်။

- Reception မှာ စာရွက်စာတမ်းတွေကို တင်သွင်းပြီး Queue နံပါတ်ရယူပါ။
- ကောင်တာမှ အရာရှိက စာရွက်စာတမ်းအားလုံးကို စိစစ်ပြီး နှစ်ဖက်စလုံးမှ ထုတ်ပေးသည့် စာရွက်စာတမ်းတွေကို လက်မှတ်ထိုးခိုင်းပါလိမ့်မယ် (စာရွက်စာတမ်းအားလုံးဟာ ထိုင်းဘာသာပါ)။
- Transfer Fee 2% ကို ဝယ်သူတစ်ဝက် ရောင်းသူတစ်ဝက်၊ တခြားအခွန် နဲ့ ဆက်စပ်ကုန်ကျစရိတ်တွေကို ရောင်းသူမှ ပေးဆောင်ရပါတယ်။
- Title Deed လက်ခံရရှိတဲ့အခါ အမည်ပေါက် နဲ့ အသေးစိတ် အချက်အလက်အားလုံးကို စစ်ဆေးအတည်ပြုပါ။
- Title Deed လက်ခံရရှိပြီးနောက် ဝယ်သူဘက်က ချက်လက်မှတ် သို့မဟုတ် ငွေသားကို ရောင်းချသူနဲ့ လဲလှယ်ပေးအပ်ရပါမယ်။
- ရောင်းချသူဘက်က Keys/ Access Card နဲ့ အခြားလိုအပ်တဲ့ ပစ္စည်းအားလုံးကို ဝယ်ယူသူထံ လွှဲပြောင်းပေးရပါမယ်။

အားလုံး အဆင်ပြေကြပါစေ။

Invest Wisely by Komin
Bkk Condo Tour

06/06/2026

ဘန်ကောက်သတင်း အတိုအထွာ -

📰

၁။ ထိုင်းလေကြောင်းလိုင်းရဲ့ ပထမဆုံး အမျိုးသမီး လေယာဉ်မှူး

ထိုင်းလေကြောင်းလိုင်းရဲ့ ပထမဆုံး အမျိုးသမီးလေယာဉ်မှူးက သူမရဲ့ ပထမဆုံး ခရီးစဉ်ကို အောင်မြင်စွာ ပျံသန်းနိုင်ခဲ့ပါပြီ။ ပန်နသွန် "ဘမ်" သန်ရွန်ရချိုင် ဆိုတဲ့ အမျိုးသမီး လေယာဉ်မှူးဟာ ဇွန်လ ၁ ရက်နေ့က ဘန်ကောက်-ဟနွိုင်း ခရီးစဉ်ကို ထိုင်းလေကြောင်းလိုင်း လေယာဉ်မှူးတစ်ယောက်အနေနဲ့ ပထမဆုံးအကြိမ် မောင်းနှင်ခဲ့တာပါ။

ဒီမှတ်တိုင်ကို လေကြောင်းလိုင်းရဲ့ တရားဝင် Facebook စာမျက်နှာမှာ ကြေညာခဲ့ပြီး ဒါဟာ ထိုင်းလေကြောင်းလောကအတွက်တော့ တိတ်တဆိတ်နဲ့ ထူးခြား လေးနက်လှတဲ့ အခိုက်အတန့်တစ်ခု ဖြစ်ခဲ့ပါတယ်။

📰

၂။ လူကုန်ကူးမှု ဂိုဏ်းခွဲကို ဖော်ထုတ်နိုင်ခဲ့ခြင်း

ဘန်ကောက်မြို့ကို ကြားစခန်းအဖြစ် အသုံးပြုနေတဲ့ လူကုန်ကူးမှုသံသယရှိတဲ့ ဂိုဏ်းတစ်ခုကို လူဝင်မှုကြီးကြပ်ရေးဗျူရိုက ဖော်ထုတ်လိုက်ပါတယ်။ ဇွန်လ ၂ ရက်နေ့မှာ အရာရှိတွေက ဘန်ကောက်ကို အကူးအပြောင်းနေရာအဖြစ် သုံးနေတဲ့ ကွန်ရက်တစ်ခုကို ဖြိုခွင်းနိုင်ခဲ့တာပါ။

ဒီစစ်ဆင်ရေးဟာ ပြီးခဲ့တဲ့ ဧပြီလတုန်းက ပတ္တရားမှာ ရေကူးကန်ပါတဲ့ ဗီလာအိမ်စီးနင်းမှုကစလို့ ဒီသတင်းလွှာမှာ စောင့်ကြည့်တင်ပြနေတဲ့ နယ်မြေရှင်းလင်းရေး လုပ်ငန်းစဉ်တွေနဲ့ ဆက်စပ်နေပါတယ်။

📰

၃။ BTS ရဲ့ ဘန်ကောက်ဖျော်ဖြေပွဲ

BTS အဖွဲ့ရဲ့ World Tour ဘန်ကောက်ဖျော်ဖြေပွဲကို ဒီဇင်ဘာ ၃ ရက်၊ ၅ ရက်နဲ့ ၆ ရက်နေ့တွေမှာ ရာဇမင်္ဂလာ အမျိုးသားအားကစားကွင်းကြီးမှာ ကျင်းပဖို့ သေချာသွားပါပြီ။ လက်မှတ်တွေကို ဇွန်လ ၉ ရက်နေ့ကစပြီး ရောင်းချပေးမှာပါ။

ARMY Membership ရှိတဲ့သူတွေအတွက် Presale ကို ဇွန်လ ၉ ရက် မနက် ၁၀ နာရီမှာ စတင်ဖွင့်လှစ်ပေးမှာဖြစ်ပြီး အဲ့ဒီနောက်မှ အများပြည်သူအတွက် ပုံမှန်အတိုင်း ဆက်ရောင်းပေးသွားမှာ ဖြစ်ပါတယ်။ လက်မှတ်စျေးနှုန်းတွေကတော့ ၃,၃၀၀ ဘတ်ကနေ VIP အတွက် ၇,၈၀၀ ဘတ်အထိ ရှိမှာဖြစ်ပြီး ဒါဟာ ဒီနှစ်အတွင်း ဘန်ကောက်မှာ ကျင်းပမယ့် အကြီးမားဆုံး ဖျော်ဖြေပွဲကြီး ဖြစ်လာမှာပါ။

📰

၅။ မိုးလေဝသ အခြေအနေ

မိုးလေဝသဌာန (TMD) ရဲ့ ထုတ်ပြန်ချက်အရ အနောက်တောင်မုတ်သုံလေ ဆက်လက်အားကောင်းနေတာကြောင့် ဒီရက်သတ္တပတ် အကုန်အထိ ဘန်ကောက်တစ်ခွင်မှာ မိုးကျဲကျဲ ရွာသွန်းနိုင်ပါတယ်။ တောင်ပိုင်းခရိုင်တွေမှာတော့ လျှပ်တပြက် ရေကြီးနိုင်တဲ့ သတိပေးချက်တွေကို ဆက်လက်ထုတ်ပြန်ထားဆဲ ဖြစ်ပါတယ်။

Ref - Bkk Insider

05/06/2026

အိမ်ကြော်ငြာတိုင်း Prime Location ပြောနေကြလို့ မြေပုံပေါ် ထောက်ကြည့်လိုက်တာ ဒီလိုဖြစ်သွားတယ် 😁

05/06/2026

🏘️ ကျနော့် Life Asoke Rama 9 က အခန်းလေး အရင်အပတ်က အငှားရသွားပါပြီ။ အရင်အိမ်ငှားဆင်းပြီး ၅ ရက်အတွင်း အိမ်ငှားအသစ် ရပါတယ်။ ၅ ရက်အတွင်း ၁၀ ဦးထက်မနည်း ပြခဲ့ပါတယ်။ လက်ရှိအငှားစျေးကွက်အကြောင်းကို ‌ထိုင်းအေးဂျင့် ၇ ဦးထက်မနည်း စကားပြောဖြစ်ခဲ့ပါတယ်။

သူတို့နဲ့ ဆွေးနွေးခဲ့တာတွေ၊ တခြား အသိအိမ်ရှင်တွေကိုလည်း လိုက်မေးကြည့်ခဲ့တာတွေ၊ ကျနော်ကိုယ်တိုင် လေ့လာတွေ့ကြုံခဲ့တာတွေကို ခြုံငုံသုံးသပ်ပြီး လက်ရှိအငှားစျေးကွက် အခြေအနေကို ဆောင်းပါးလေးတစ်ပုဒ်လောက် ရေးမလို့ပါပဲ။

ခက်တာက ... ရေးလည်း ရေးချင်တယ်။ ကိုယ့်ပေါင်ကိုယ်လှန်ထောင်းသလို ဖြစ်မှာလည်း စိုးတယ် 😁 ။ နောက် ၃ လဆို Life Asoke Hype က ကိုယ့်အခန်းလေးတွေလည်း အငှားပြန်ထွက်လာမှာဆိုတော့ ... 😅

Invest Wisely by komin

09/06/2026

08/06/2026

08/06/2026

07/06/2026

07/06/2026

07/06/2026

06/06/2026

06/06/2026

05/06/2026

05/06/2026

ที่อยู่

เว็บไซต์

แจ้งเตือน

ทางลัด

แชร์