TAUNG NYO

12/04/2024

ကြို့ပင်ကောက်မှာ တိုက်ပွဲဖြစ်ပြီး နှစ်ဘက်ထိခိုက်မှုရှိ

ကြို့ပင်ကောက်၊ ဧပြီ ၁၂၊ ၂၀၂၄။

ပဲခူးတိုင်းအနောက်ခြမ်း၊ ကြို့ပင်ကောက်မြို့နယ်မှာ စစ်ကောင်စီတပ်သားတွေနဲ့ ဒေသခံကာကွယ်ရေးတပ်ဖွဲ့တို့ တိုက်ခိုက်ရာက နှစ်ဘက်ထိခိုက်မှုရှိခဲ့တယ်လို့ သာယာဝတီခရိုင် တပ်ရင်း ၃၈၀၂၊ တပ်ခွဲ ၁ Dragon Brothers GBF PDF က သတင်းထုတ်ပြန်ထားပါတယ်။

ဧပြီ ၉ ရက် ညနေ ၆ နာရီဝန်းကျင်မှာ ဘော်ဘင်ရွာကနေ စစ်ကောင်စီဘက်က အင်အား ၄၅ ဦးလောက်နဲ့ ကွင်းချောင်းရွာကို ကားနဲ့လာချိန် ဒေသခံကာကွယ်ရေးရဲဘော်တွေက ကုန်းရွာထိပ်မှာစောင့်ပြီး M4၊ ၄၀ မမ၊ ၆၀ မမ စတဲ့လက်နက်တွေနဲ့ တိုက်ခိုက်ခဲ့တာလို့ ဆိုပါတယ်။

“ကျနော်တို့က အရင်ဆုံးစပစ်နေတုန်းမှာ လက်လုပ် ၆၀ မမ ပြောင်းကွဲသွားလို့ ကိုယ့်ရဲဘော်တဦးရဲ့ လက်မှာ ဒဏ်ရာရသွားတာ။ စစ်တပ်ဘက်ကလည်း လက်နက်ကြီးတွေနဲ့ ပြန်ပစ်လို့ ကျနော်တို့လည်း နောက်ပြန်ဆုတ်လာခဲ့တာ။ နှစ်ဘက်ပစ်ခတ်မှုကတော့ ၅ မိနစ်လောက်ပဲကြာတယ်” လို့ Dragon Brothers GBF PDF ပြောပါတယ်။

လက်ရှိမှာ ဒဏ်ရာရရဲဘော်ကို ကုသပေးနေပြီး အသက်အန္တရာယ် စိုးရိမ်စရာမရှိဘူးလို့လည်း သူက ဆက်ပြောပါတယ်။

နှစ်ဘက်ပြန်လှန်ပစ်ခတ်တာကြောင့် စစ်ကောင်စီဘက်က ၂ ဦးသေကာ ၃ ဦး ဒဏ်ရာရခဲ့တယ်လို့ Dragon Brothers GBF PDF ရဲ့ ထုတ်ပြန်ချက်မှာ ဖေါ်ပြထားပါတယ်။

အဲဒီစစ်ကြောင်းက ဧပြီ ၁၁ ရက်မှာ ကြို့ပင်ကောက်မြို့နယ်၊ ဝင်းသရက်ရွာအနီးနဲ့ အုတ်ဖိုမြို့နယ်ထဲက ဝိုင်းကျေးရွာအနီးကို စစ်ကြောင်းထိုး ရောက်ရှိနေတယ်လို့ ဆိုပါတယ်။

Dragon Brothers GBF PDF တပ်ဖွဲ့ဟာ ပြီးခဲ့တဲ့ဇန်နဝါရီ ၁၀ ရက် မွန်းလွဲ ၂ နာရီလောက်ကလည်း ကြို့ပင်ကောက်မြို့နယ်အရှေ့ဘက် ဝိုင်းကျေးရွာက ပျူစောထီးခေါင်းဆောင် မင်းမင်းကို သေနတ်ပစ်ခတ်ခဲ့ပါသေးတယ်။

ပုံစာ - ပြောင်းကွဲသွားသည့် M4 လက်လုပ်သေနတ်။

သတင်း - ခန့်အောင်၊ စာတည်း - လင်း

#မြေလတ်အသံ
#ပဲခူး #ကြို့ပင်ကောက် #စစ်ကောင်စီ #ကာကွယ်ရေးတပ် #တိုက်ခိုက်

Myaelatt Athan Broadcasting Page ကို React, Comment , Share လုပ်ပေးခြင်းဖြင့် မြေလတ်အသံ ရေရှည်ရပ်တည်နိုင်ရေးအတွက် ဝိုင်းဝန်းကူညီနိုင်ပါတယ်။

12/04/2024

မော်လမြိုင်မြို့ရှိ ရတခ ဌာနချုပ်အတွင်း အသေခံဒရုန်း ၅ စီးဖြင့် ဗုံးကျဲမှု ဒုစစ်ခေါင်းဆောင် စိုးဝင်း၊ ဒုဗိုလ်ချုပ်ကြီး ညွန့်ဝင်းဆွေတို့ ဒဏ်ရာရနိုင်သူများထဲတွင် ပါဝင်နိုင်ပြီး အရာရှိကြီးပိုင်းမှ ၃ ဦး သေဆုံးဟုဆို

■ Alpha Bats Drone Force ​၏ ထုတ်ပြန်ပြောဆိုချက်ကို ဆက်လက်အတည် ပြုရန် ကြိုးစားနေဆဲ

ရန်ကုန်၊ ဧပြီ ၉

မော်လမြိုင်မြို့ရှိ ရတခ ဌာနချုပ်အတွင်း အသေခံဒရုန်း ၅ စီးဖြင့် ဗုံးကျဲတိုက် ခိုက်မှု အကြမ်းဖက် ဒုတိယစစ်ခေါင်းဆောင် စိုးဝင်း၊ ဒုတိယဗိုလ်ချုပ်ကြီး ညွန့်ဝင်းဆွေတို့ ဒဏ်ရာရရှိသူအများအပြားထဲတွင် ပါဝင်နိုင်ကာ အရာရှိကြီးပိုင်းမှ ၃ ဦးသေဆုံးပြီး ၃၀ ကျော်ထိခိုက်ဒဏ်ရာ ရရှိ ထား ကြောင်း Alpha Bats Drone Force မှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာန ထံသို့ ပြောကြား သည်။

ယနေ့ ဧပြီလ ၉ ရက် မွန်းလွဲ ၁ နာရီ မိနစ် ၃၀ အချိန်ခန့်က မော်လမြိုင်မြို့၊ အရှေ့တောင်တိုင်း စစ် ဌာနချုပ် - ရတခ တိုင်းရုံးအတွင်း အကြမ်းဖက်စစ်တပ် ဒုတိယခေါင်းဆောင် စိုးဝင်းဦးဆောင်ပြီး စစ် ဆင်ရေးအစည်းအဝေးပြုလုပ်နေသည့် အားကစားခန်းမကို ကာမီကာဇေ Fixed Wing Drone ၃ စီး ဖြင့်လည်း ကောင်း၊ ရဟတ်ယာဉ် ၂ စီး ရပ်ထားသည့်နေရာကို ကာမီကာဇေ Fixed Wing Drone ၂ စီး ဖြင့်လည်းကောင်း ကျဲချတိုက်ခိုက်ခဲ့ခြင်း ဖြစ်ကြောင်း သိရသည်။

ထိုသို့ ဗုံးကျဲတိုက်ခိုက်မှုကြောင့် အစည်းအဝေးခန်းမအတွင်းရှိ ဒုတိယဗိုလ်ချုပ်မှူးကြီးစိုးဝင်း၊ ဒုတိယ ဗိုလ်ချုပ်ကြီးညွန့်ဝင်းဆွေတို့ပါဝင်နိုင်ကြောင်း၊ စစ်ဦးစီး ပထမတန်းနှင့်အထက် စစ်ဗိုလ်ချုပ် ၄ ဦး အပါအဝင် အရာရှိ အရာခံ အကြပ် တပ်သား ၃၀ ကျော် ထိခိုက်ဒဏ်ရာရရှိခဲ့ကြောင်း သိရသည်။

“ဒီနေ့ တိုက်ခိုက်မှုမှာ ဒဏ်ရာရစာရင်းထဲ ဒုဗိုလ်ချုပ်မှူးကြီးစိုးဝင်းနဲ့ ဒုဗိုလ်ချုပ်ကြီးညွန့်ဝင်းဆွေတို့ ပါဝင်နိုင်တယ်၊ စိုးဝင်းကားနဲ့ အနောက်က လူနာတင်ယာဉ်တစ်စီး ပညာရေး တပ်နားက ကုတင် ၃၀၀ ရောက်နေတယ်။ ကွန်မန်ဒိုတွေလဲ ဆေးရုံမှာ အစောင့်ချထားတယ်။ ဒုချုပ်စိုးဝင်းရယ် ကစထ မှူး ညွန့်ဝင်းဆွေရယ် သူတို့ ၂ ဦးကို နေပြည်တော်က အဆက်အသွယ်ပြတ်တောက်နေလို့ ဗြောင်းဆန်နေ တယ်လို့ကြားတယ်” ဟု ” Alpha Bats Drone Force မှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာန ထံသို့ ပြောကြား သည်။

ယင်းတိုက်ခိုက်မှုအတွင်း အကြမ်းဖက်စစ်ကောင်စီ၏ ဒုတိယခေါင်းဆောင် ဒုတိယဗိုလ်ချုပ်မှူးကြီး စိုးဝင်း၊ ဒုတိယ ဗိုလ်ချုပ်ကြီး ညွန့်ဝင်းဆွေတို့ ပါဝင်နိုင်ကြောင်း၊ဗိုလ်ချုပ်တစ်ဦး၊ ဗိုလ်မှူးချုပ်တစ်ဦးအပါအဝင် အရာရှိကြီးပိုင်းမှ ၆ ဦးအပြင်းအထန်ဒဏ်ရာရရှိပြီး ယနေ့ ညပိုင်းတွင် ၃ ဦးသေဆုံးသွားကြောင်း ၊ သေဆုံးသူမည်သူမည်ဝါဖြစ်သည်ကို မသိရသေးကြောင်း သိရသည်။

ရန်ကုန်ခေတ်သစ်အနေဖြင့် Alpha Bats Drone Force ​၏ ထုတ်ပြန်ပြောဆိုချက်ကို ဆက်လက်အတည်ပြုရန် ကြိုးစားနေဆဲဖြစ်သည်။

အဆိုပါ တိုက်ခိုက်မှုကို ရှာထူးဝေါ်နည်းပညာတပ်ဖွဲ့၏ Alpha Bats တပ်ခွဲက တိုက်ခိုက်ခဲ့ခြင်း ဖြစ်ပြီး ရဟတ်ယာဥ်ကွင်း၌ ရပ်ထားသည့် ရဟတ်ယာဉ်၂ စီးအနက် တစ်စီး ပျက်စီးနိုင်ကြောင်း သိရသည်။

ယနေ့ တိုက်ခိုက်မှုသည် ဒုချုပ်စိုးဝင်း အနေဖြင့် ရတခ တွင် ရောက်ရှိနေပြီး မြဝတီ၊ သင်္ဃန်းညီနောင်၊ ကော့ကရိတ် စစ်ဆင်ရေးများကို အနီးကပ်ကွပ်ကဲနေကြောင်း သိရသဖြင့် ရသမျှနည်းလမ်းများ အသုံးပြုတိုက်ခိုက်နေခြင်းဖြစ်ကြောင်း Alpha Bats Drone Force က ရန်ကုန်ခေတ်သစ် သတင်း ဌာနထံသို့ ပြောဆိုသည်။

11/04/2024

11/04/2024

ကြို့ပင်ကောက်မှာ ပျူစောထီးနဲ့ စစ်ကောင်စီတပ်သားတွေ စီးလာတဲ့ မော်တော်ကား စောင့်ကြိုတိုက်ခိုက်ခံရလို့ စစ်တပ်ဘက်က ၂ဦးသေဆုံး

Tharyarwaddy 8 City/ ဧပြီ၁၁၊၂၀၂၄

ပဲခူးတိုင်းအနောက်ခြမ်း၊ သာယာ၀တီခရိုင် ရှစ်မြို့နယ်ထဲက ကြို့ပင်ကောက်မြို့နယ်မှာ ပျူစောထီးနဲ့ စစ်ကောင်စီတပ်သားတွေ စီးလာတဲ့ မော်တော်ကား စောင့်ကြိုတိုက်ခိုက်ခံရလို့ စစ်တပ်ဘက်က ၂ဦး သေဆုံးသွားကြောင်း သတင်းရရှိပါတယ်။

ဧပြီလ၉ရက် ညနေ၅နာရီ ၄၀မိနစ်ခန့်တွင် ဇီးကုန်းမြို့နယ် ဘော်ဘင်ရွာမှ ကြို့ပင်ကောက်မြို့နယ် ကွင်းချောင်းရွာသို့ မော်တော်ကားဖြင့် လာသည့် စကစနှင့် ပျူစောထီးများအား ကုန်းရွာအရှေ့ဘက် ဗျူဟာလမ်းပေါ်၌ သာယာဝတီခရိုင် တပ်ရင်း ၃၈၀၂ တပ်ခွဲ ၁ Dragon Brothers (GBK-PDF) မှ လက်နက်ကြီး၊ လက်နက်ငယ်များဖြင့် စောင့်ကြိုတိုက်ခိုက်ခဲ့​ရာ စစ်ကောင်စီဘက်မှ ၂ဦးသေဆုံးကာ ၃ဦးဒဏ်ရာရရှိခဲ့ပြီး ပြည်သူ့ကာကွယ်ရေးတပ်ဖွဲ့ဝင် ရဲဘော် ၁ဦးလည်း ဒဏ်ရာရရှိခဲ့ကြောင်း Dragon Brothers (GBK-PDF)က သတင်းထုတ်ပြန်ထားပါသည်။

"ပျူနဲ့စခတွေ ကားနဲ့လာတာကို ကုန်းရွာနားက ဗျူဟာလမ်းပေါ်မှာစောင့်ပြီးဆော်တာပါ၊ ကားပေါ်က စခ၂ကောင်ကို M4နဲ့ ရှင်းလိုက်တယ်၊ ကျွန်တော်တို့ ရဲဘော်တွေပစ်တဲ့ 79 ၁လုံးလည်း ကားပေါ်တည့်တည့်ကျလို့ စခ၃ကောင်ထက်မနည်း ဒဏ်ရာရပါတယ်၊ ရဲဘော်၁ယောက် ဒဏ်ရာရတာက စခတွေကို လနကြီးနဲ့ပစ်ရင်း အယ်ရာတက်ပြီး ဒဏ်ရာရတာပါ"ဟု သာယာဝတီခရိုင် တပ်ရင်း ၃၈၀၂ ၏ သတင်းနှင့်ပြန်ကြားရေးတာဝန်ခံ ရဲဘော်ဇော်ကြီး က Tharyarwaddy 8 City ရှင်းပြပါသည်။

လက်ရှိမှာတော့ ကြို့ပင်ကောက်မြို့နယ်နှင့် ဇီးကုန်းမြို့နယ်အပိုင် ပဲခူးရိုးမအတွင်းကို စစ်ကောင်စီနဲ့ ပျူစောထီးတွေ ပူးပေါင်း စစ်ကြောင်းထိုးနေတာကြောင့် ထိတွေ့တိုက်ပွဲတွေ ထပ်မံဖြစ်ပွားလာနိုင်ကြောင်း သိရသည်။

ဓာတ်ပုံ - ပျူစောထီးနဲ့ စစ်ကောင်စီတပ်သားတွေ စီးလာတဲ့ မော်တော်ကားအား Dragon Brothers (GBK-PDF) ရဲဘော်များမှ စောင့်ကြိုတိုက်ခိုက်နေစဥ်

သတင်း - ခန့်စိုး(ကြို့ပင်ကောက်)
စာတည်း - နွေဦးဇင်ယော်

=============================

Tharyarwaddy 8 City မှ ရေးသားတင်ပြနေသည့် သတင်းများအား အောက်ပါပလက်ဖောင်းများတွင် ဖက်ရူနိုင်ပါသည်။

Facebook စာမျက်နှာ 👇👇👇
https://www.facebook.com/profile.php?id=100071042152240&mibextid=gik2fB

Telegram ချန်နယ် 👇👇👇
https://t.me/tharyarwaddy8city

YouTube ချန်နယ် 👇👇👇
https://youtube.com/

#ကြို့ပင်ကောက်
#ပျူစောထီးနဲ့စစ်ကောင်စီတပ်သားတွေ
#စီးလာတဲ့မော်တော်ကား
#စောင့်ကြိုတိုက်ခိုက်ခံရ
#စစ်တပ်ဘက်က၂ဦးသေဆုံး
#သာယာဝတီခရိုင်တပ်ရင်း၃၈၀၂

11/04/2024

ခုအပတ်ထောက်ပို့အလှူလေးပါ

11/04/2024

06/04/2024

ကြို့ပင်ကောက်မှာ စစ်ကောင်စီစစ်ကြောင်းကိုတိုက်ခိုက်ရင်း PDF ၄ ဦး ဒဏ်ရာရ

ကြို့ပင်ကောက်၊ ဧပြီ ၆၊ ၂၀၂၄။

ပဲခူးတိုင်းအနောက်ခြမ်း၊ ကြို့ပင်ကောက်မြို့နယ်ထဲကို တပ်ဆုတ်လာတဲ့ စစ်ကောင်စီစစ်ကြောင်းကို ဧပြီ ၅ ရက် မနေ့ညနေ ၅ နာရီခွဲလောက်က တိုက်ခိုက်ချိန် PDF ရဲဘော် ၄ ဦး ထိခိုက်ဒဏ်ရာ ရရှိခဲ့တယ်လို့ BTZM GBK PDF ရဲ့ တာဝန်ရှိသူတဦးဆီက သိရပါတယ်။

နတ်တလင်းမြို့နယ်ထဲကနေ ကြို့ပင်ကောက်မြို့နယ်၊ ပဲခူးရိုးမတောင်ခြေက ဒေသအခေါ် သရက်ကျောတန်း တောင်နှစ်လုံးပေါက်တောင်ကို စစ်သားအင်အား ၆၀ ဦးလောက်နဲ့ တက်နေချိန်မှာ BTZM GBK PDFနဲ့ နတ်စစ်သည်တပ်ဖွဲ့တို့ ပူးပေါင်းတိုက်ခိုက်ရာမှာ ဒဏ်ရာရခဲ့တာလို့ ပြောပါတယ်။

တိုက်ခိုက်မှုအတွင်း စစ်ကောင်စီဘက်ကပစ်တဲ့ လက်နက်ကြီးကျည်ထိလို့ BTZM GBK PDF က ရဲဘော် ၃ ဦးနဲ့ နတ်စစ်သည်အဖွဲ့က ရဲဘော် ၁ ဦး စုစုပေါင်း ၄ ဦးရဲ့ ခြေထောက်တွေမှာ ဒဏ်ရာရရှိခဲ့တာလို့ ဆိုပါတယ်။

“ကျနော်တို့ရဲဘော်တွေ စစ်ကောင်စီက ကောင်တာပြန်တဲ့ လက်နက်ကြီးကျည်စ ထိသွားတာ” လို့ BTZM GBK PDF ရဲ့ တပ်ခွဲမှူး ရဲဘော်တေဇမင်းက အတည်ပြုပြောပါတယ်။

ဒဏ်ရာရသူတွေကို လက်ရှိမှာ ခွဲစိတ်ကုသမှု ပြုလုပ်နေပြီး အသက်အန္တရာယ် မစိုးရိမ်ရဘူးလို့ သူက ဆက်ပြောပါတယ်။

မတ် ၆ ရက် ဒီနေ့လယ်ပိုင်းအထိ အဆိုပါစစ်ကောင်စီတပ်ဟာ ပဲခူးရိုးမအစပ်က သရေကျော တန်း‌တောင် ဝန်းကျင်မှာပဲ ရှိနေသေးပြီး တိုက်ခိုက်မှုကြောင့် ထိခိုက်သေဆုံးသူ ရှိမရှိကိုတော့ စုံစမ်းနေတယ်လို့ ဆိုပါတယ်။

BTZM GBK PDF တပ်ဖွဲ့ဟာ ပြီးခဲ့တဲ့ မတ် ၃၁ ရက် ည ၉ နာရီခွဲဝန်းကျင်ကလည်း နတ်စစ်သည်တပ်ဖွဲ့နဲ့ပေါင်းကာ ဇီးကုန်းမြို့နယ်က ပျူစောထီးအားကောင်းတဲ့ ဘော်ဘင်ရွာ ဘုန်းတော်ကြီးကျောင်းမှာ တပ်စွဲနေတဲ့ စစ်ကောင်စီတပ်သားတွေကို တိုက်ခိုက်ခဲ့ပါသေးတယ်။

ပုံစာ - BTZM GBK PDF မှ ဒဏ်ရာရရဲဘော်များ။

သတင်း - ခန့်အောင်၊ စာတည်း - လင်း

#မြေလတ်အသံ
#ပဲခူး #ကြို့ပင်ကောက် #စစ်ကောင်စီ တိုက်ခိုက် #ဒဏ်ရာရ #စစ်ပွဲ

မြေလတ်အသံ page ကို Like ပေးခြင်း၊ YouTube Channel ကို Subscribed ခြင်းဖြင့် မြေလတ်အသံ ရေရှည်ရပ်တည်နိုင်ရေး ဝိုင်းဝန်းကူညီပေးကြပါရန် မေတ္တာရပ်ခံအပ်ပါသည်။
*****************************************
အောက်ပါလင့်တွေမှာလည်း မြေလတ်အသံရဲ့ သတင်းများကို ဖတ်ရှုနိုင်ပါတယ်။
Website - https://myaelattathan.org/
Youtube - https://www.youtube.com/channel/UCJpykv7SLazaVzdurxhURIg
Telegram - https://t.me/myaelattathan
Twitter - https://twitter.com/Myaelatt_Athan
Instagram - https://www.instagram.com/myaelatt_athan/

04/04/2024

နေပြည်တော်ကို ဒရုန်း ၃၀ နီးပါးဖြင့် PDF တိုက်ခိုက်၊ ၇ စင်း ပစ်ချခဲ့ရဟု စစ်ကောင်စီ ဝန်ခံ
DVB
နေပြည်တော်ကို PDF အထူးတပ်ဖွဲ့တွေက မောင်းသူမဲ့ ဒရုန်း အစင်း ၃၀ နီးပါးနဲ့ တိုက်ခိုက်ခဲ့တာမှာ လေဆိပ်နဲ့ ဇေယျာသီရိမြို့နယ်ဝန်းကျင်ကို ပျံသန်းဝင်ရောက်လာတဲ့ ဒရုန်း ခုနှစ်စင်းကို ပစ်ချဟန့်တားနိုင်ခဲ့ပြီး လူနဲ့ အဆောက်အဦတွေ ထိခိုက်ပျက်စီးတာမရှိဘူးလို့ စစ်ကောင်စီ ပြန်ကြားရေးက သတင်းထုတ်ပါတယ်။
အမျိုးသားညီညွတ်ရေးအစိုးရ (NUG) ကာကွယ်ရေးဝန်ကြီးဌာန ကတော့ စစ်ရုံးချုပ်(ကက-ကြည်း) တည်ရှိရာ နေပြည်တော် နဲ့ အေလာ လေတပ်ကို ပြည်သူ့ကာကွယ်ရေးတပ်မတော် (PDF) နဲ့ ပူးပေါင်းတပ်ဖွဲ့တွေက ဒရုန်းတွေနဲ့ တိုက်ခိုက်ခဲ့တာလို့ ကြေညာထားပါတယ်။
အချိန်ယူပြင်ဆင်ပြီးမှ အခုလိုတိုက်ခိုက်နိုင်ခဲ့တာဖြစ်သလို ပစ်မှတ်တွေကိုလည်း ထိခဲ့တယ်လို့ အမျိုးသားညီညွတ်ရေးအစိုးရကာကွယ်ရေးဝန်ကြီးဌာန၊ ဒုတိယအတွင်းဝန် ဉီးမောင်မောင်ဆွေက ဒီဗွီဘီကို ပြောပါတယ်။
#နေပြည်တော် #ဒရုန်းတိုက်ခိုက်မှု #စစ်ကောင်စီ ူးတပ်ဖွဲ့

04/04/2024

ဇီးကုန်းက ပျူစောထီးရွာမှာ တပ်ဆွဲထားတဲ့ စစ်ကောင်စီတပ်ကို လက်နက်ကြီးတွေနဲ့ပစ်ခတ်တိုက်ခိုက်

Tharyarwaddy 8 City/‌ ဧပြီ၁၊ ၂၀၂၄

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက ဇီးကုန်းမြို့နယ်ရှိ ပျူစောထီးရွာမှာ တပ်ဆွဲထားတဲ့ စစ်ကောင်စီတပ်ကို လက်နက်ကြီးတွေနဲ့ ပစ်ခတ်တိုက်ခိုက်ခဲ့ကြောင်း သတင်းရရှိပါတယ်။

မတ်လ၃၁ရက် ယမန်နေ့ ည၉နာရီ ၄၅မိနစ်အချိန်မှာ ဇီးကုန်းမြို့နယ်အရှေ့ဘက် ပဲခူးရိုးမထဲက ပျူစောထီးများ ကြီးစိုးနေသည့် ဘော်ဘင်ရွာ ဘုန်းကြီးကျောင်းရှိ စစ်တပ်စခန်းအား BTZM GBK-PDF (ပဲခူးရိုးမ)နှင့် သာယာဝတီခရိုင် တပ်ရင်း ၃၈၀၁ တပ်ခွဲ ၃ နတ်စစ်သည် တပ်ဖွဲ့မှ ရဲဘော်များ ပူးပေါင်း၍
၈၀မမနှင့် ၆၀မမများဖြင့် သွားရောက်တိုက်ခိုက်ခဲ့ကြောင်း BTZM GBK-PDF (ပဲခူးရိုးမ)ထံမှ သိရသည်။

"ပျူ၅၀ကျော်ရယ် စခ၂၀ကျော် ပူးပေါင်းတပ်ဆွဲထားတဲ့ ဘုန်းကြီးကျောင်းထဲက စခစခန်းကို မနေ့ည၁၀နာရီမတ်တင်းမှာ ၆၀မမ ၈၀မမတွေနဲ့ သွားပစ်တယ်၊ ရွာထဲကနေ စခတွေနဲ့ပျူတွေပြန်ပစ်လို့ အပြန်အလှန်ပစ်ခတ်မှု ၁၀မိနစ်လောက်ကြာပြီးတော့ ဒီကောင်တွေပြန်ဝပ်နေတယ်၊ မနက်၃နာရီလောက်မှာလည်း ၈၀မမနဲ့ စခစခန်းကို ထပ်ထုတော့ သူတို့(စစ်ကောင်စီတပ်)က ပြန်မပစ်ဘဲငြိမ်နေတယ်၊ တိုက်ပွဲ၂ကြိမ်ဖြစ်တာမှာ စခဘက်က ထိခိုက်သေဆုံးတော့မသိရသေးဘူး"ဟု BTZM GBK-PDF (ပဲခူးရိုးမ) တပ်ခွဲမှူး ရဲဘော်တေဇမင်းက Tharyarwaddy 8 City ကို ရှင်းပြပါ​သည်။

ပြီးခဲ့တဲ့ ဖေဖော်ဝါရီလ၂၉ရက်နေ့၊ ညပိုင်းကလည်း ဘော်ဘင်ဆည် တမံ(၁) အနီးရှိ ရွှေကုက္ကို‌ကျေးရွာနဲ့ ငွေတူးကြောကျေးရွာတို့မှာ တပ်ဆွဲထားတဲ့ စစ်ကောင်စီတပ်ကို BTZM GBK-PDFမှ သွားရောက်တိုက်ခိုက်ခဲ့ပါသေးတယ်။

ဓာတ်ပုံ - BTZM GBK-PDF (ပဲခူးရိုးမ) ရဲဘော်များ

သတင်း - ဇွန်ပန်း
စာတည်း - ကိုမိုက်
=============================
Tharyarwaddy 8 City မှ ရေးသားတင်ပြနေသည့် သတင်းများအား အောက်ပါပလက်ဖောင်းများတွင် ဖက်ရူနိုင်ပါသည်။

Facebook စာမျက်နှာ 👇👇👇
https://www.facebook.com/profile.php?id=100071042152240&mibextid=gik2fB

Telegram ချန်နယ် 👇👇👇
https://t.me/tharyarwaddy8city

YouTube ချန်နယ် 👇👇👇
https://youtube.com/

#ဇီးကုန်း

#နတ်စစ်သည်
#ဘော်ဘင်

02/04/2024

သတင်းထုတ်ပြန်ချက်
ကြေညာချက်အမှတ် -၄၃

စစ်ဆင်ရေး မှတ်တမ်းဓာတ်ပုံနှင့် ရုပ်သံဗီဒီယိုများအား https://t.me/phoenixdfnattalinpdf တယ်လီဂရမ် ချန်နယ်တွင် ကြည့်ရူနိုင်ပါသည်။

#တပ်ရင်း3801
#တပ်ခွဲ2