26/02/2022
#ဘိုးတော်ဟန် ၏ #တစ်ဆင့်ပညာ နှင့် #နတ်ဘီလူးသူယောင်
ရွှေရင်ကျော် ဣစ္ဆာသယ မဟိဒ္ဓိစေ ဂိုဏ်းတော်ကြီး၏ ပညာခံယူပြီးသော်လည်း ပညာယူခါစ ဆရာ/ဆရာမအသစ်များအနေဖြင့် ကာကွယ်ခြင်း ကုသခြင်း အတွက် အမိန့်အာဏာသုံးစကားလုံးများကို မပြောတတ်မဆိုတတ်သော အခက်ခဲများ တွေ့ကြုံရမြဲ ရှိတတ်ပါသည်။
ကျွန်ုပ်၏ တပည့်သစ်တချို့အား ပယောဂကို ဘာဖြစ်လို့ ကိုယ်တိုင်မကုတာလည်း မေးကြည့်ရာ
အဖြေက
ကိုယ့်ဆရာကို ကန်တော့ငွေ ရစေချင်လို့ ပြောပါတယ်။ဒါက ဟုတ်တော့ဟုတ်မယ် မမှန်သေးဘူး ထင်တယ်။⁉
ကိုယ်တိုင်အတွေ့ကြုံရအောင် ကိုယ်တိုင် ကုသပြီး ဆရာ့အတွက်ဆိုပြီး ကန်တော့ငွေ များများပိုတောင်းပြီး ဆရာထံ ပို့ပေးလည်းရတာပဲ😁။
အမှန်တကယ်က မိမိကုသရင် ဟုတ်မှ ဟုတ်ပါ့မလား၊ မှားမှာစိုးလို့ ၊ပယောဂကို မပြောရဲ မဆိုရဲတာ က အဓိကပါ။
ပယောဂဝေဒနာတွေကို ကုသထားပြီးမှာ နောက်တဖန် ထပ်မဝင်လာအောင် ပညာပေးခဲ့တဲ့ တပည့်တွေ ဆိုလည်း ပိုဆိုးတယ်။ စက်ဖြတ်ဘို့ သင်ပေးတာတောင် မလုပ်ဘူး၊ ဆရာပဲ အားကိုးနေချင်ကြတယ်။🗣
"ရွှေရင်ကျော် ဣစ္ဆာသယ မဟိဒ္ဓိစေ ဂိုဏ်းတော်ဝင် အပေါင်းတို့သည် ယုံရမည်/ရဲရမည်။ မည်မျှပင် ထက်မြက်သော မိစ္ဆာဖြစ်စေ ငါခေါ်သော် စင်္ကြာဝဠာအပြင် ရောက်နေစေကာမူ လာရမည်။ ငါအမိန့်ပေးယုံမျှနှင့် နာခံကြစေရမည်။" ဟု ဂိုဏ်းတော်၏ ဆောင်ပုဒ်များ၊အဆိုအမိန့် များမှာရှိပါတယ်။
ဆရာတစ်ယောက် ဖြစ်ရေးအတွက် အဓိက ပွဲဦးထွက်က အရေးကြီးပါတယ်။နောက်ပိုင်းကြတော့လည်း ဆရာတို့ အမိန့်ပေးတိုင်ရနေတာတွေ ၊နိပ်စက်ယူတိုင်းဖြစ်နေတာတွေ ကြုံရတော့ ရိုးသွားလိမ့်မယ်။ ဖြစ်ဖူးများစွာ ပဒေသာ ဆိုတဲ့အတိုင်း ရင်မခုန်တော့ဘူး။ ငါဟုတ်မှ ဟုတ်ပါ့မလား ဆိုတဲ့ သံသယ စိတ်တွေ ပျောက်သွားလိမ့်မယ်။ ကိုယ့်တပည့်တွေကတောင် ငါတို့ဆရာက ပယောဂ ကို အရေကြိုသောက် တဲ့ဆရာလို့ ပြောလာလိမ့်မယ်။ အဲခါကြတော့ ဟင်းချို ချက် စရာမလိုတော့ဘူးပေါ့😁။
ရွှေရင်ကျော် ဂိုဏ်းတော်ချုပ် အဘ ဘိုးတော်ဟန်သည် ပယောဂ ပွဲဦးထွက်ကုသ ပွဲကို အသက် ၄၀ ခန့်မှာ စခဲ့တာ ဖြစ်ပါတယ်။ အခုပယောဂ ကို အောင်မြင်စွာကုသနေတဲ့ဆရာတွေ အသက် ၂၀ နဲ့ ၃၀ ကထဲက ကုသနေတာ တွေ သိရတော့ အရမ်းလေးစားပါတယ်၊၊
မကုသဖူးသေးတဲ့ ဆရာ/ဆရာမ အသစ်တွေ အနေနဲ့လည်း အားမငယ်ကြပါနဲ့ ပယောကုသတာ အရမ်းမခက်ခဲပါဘူး။သူ့အလိုလို့ ဉာဏ်စဉ်ပေါ်တဲ့အတိုင်း လိုက်ကုသွားရင်ရပါတယ်။ပယောဂ တစ်ပွဲ နဲ့တစ်ပွဲက ပုံသေ မတူပါဘူး ၊ပုံသေမှတ်ထားလို့မရပါဘူး ၊ဒါကြောင့် တွေကြုံတဲ့အခါ ကြမှ အခြေအရ ကြည့်ပြီး စိတ်ထဲ ပေါ်လာသလို ပြောလိုက် လုပ်လိုက်ရင်ဖြစ်တာပါပဲ လို့ပြောချင်ပါတယ်။ ကုထုံး အခြေခံလေးတွေတော့ မှတ်သင့်တာ မှတ် ၊ကျက်သင့်တဲ့ စာကျက်ထားရပါလိမ့်မယ်။စာအုပ်ထဲက အတိုင်း ဤသည်မရွေ့ ပြောရမှာမဟုတ်ပါဘူး၊မိမိ ပြောတတ်သလို ပြောမယ် သူတပါး နာလည်သဘောပေါက်မယ်ဆိုရင်ရပါတယ်။ကုထုံးပညာ အစပိုင်းလေ့လာစရာများကို နောက်ပြောပါဦးမယ်။
#အဘဘိုးတော်ဟန် ၏ #ပွဲဦးထွက်ကုသပွဲ (သို့မဟုတ်)
#တစ်ဆင့်ပညာနှင့်နတ်ဘီလူးသူယောင်
ဆရာကြီး ဦးဘိုးဟန်သည် ဆရာဦးရွှေဂုံထံမှ တစ်ဆင့် ပညာကိုရရှိထားသော်လည်း ဆေးကုမှု သတ္တဝါ ကယ်ဆယ်မှုတို့ကို မပြုလုပ်သေးပဲ မော်လမြိုင်ကျွန်း ကတို့ဆိပ်နှင့် မနီးမဝေးသော နေရာတွင် ဆေးလိပ်ခုံ ထောင်မြဲတိုင်း ထောင်၍နေ၏ တနေ့သောအခါ ကြိမ်လုံးဂိုဏ်းမှ ဆရာ ၃ဦးဝင်ရောက်လာပြီး အဘဘိုးတော်ဟန်၏ ဆေးလိပ်ခုံတွင် ခေတ္တနားနေသည်။ (ကြိမ်လုံးဂိုဏ်းဆိုတာကတော့ ပယောဂကုရင် ကြိမ်လုံးနဲ့ ရိုက်ကုတဲ့ ဂိုဏ်းဖြစ်လို့ ခေါ်ပုံရပါတယ်၊အခုလည်း အဲဒီ ကြိမ်လုံးဂိုဏ်းဝင်တွေ ရှိသေးတယ် ၊တွေ့ဘူးတယ်)
ကြိမ်လုံးဂိုဏ်းဆရာကြီးများ ဝင်နားပြီးတော့ "ငါတို့ ပယောဂ သူယောင်စွဲ သွားကု မလို့ မင်းကြည့်ချင်ရင် လိုက်ခဲ့ပါလား "ဟုပြော၍ ခေါ်ပါသည်။ ကျွန်ုပ်တို အဘ ဆရာကြီး ဘိုတော်ဟန်ကလည်း " ဒီလို ဆိုရင် လိုက်ခဲ့မည် " ပြောပြီး လိုက်ပါသွားပါသည်။
သူယောင်စွဲကို ကြိမ်လုံးဂိုဏ်းဆရာကြီး သုံးဦးက ကုသနေသည် ဖြစ်၍ အဘဆရာကြီးက ပွဲကြည့်ပရိတ်သတ် အနေဖြင့် ဘေးက ထိုင်ကြည့်နေခြင်းဖြစ်ပါသည်။ ထိုကုသပွဲတွင် ကုသရသည်မှာ အောက်လမ်းဆရာသေပြီးနောက် အယူလွဲကာ နတ်ဘီလူးသူယောင်ကြီး ဖြစ်နေလေ၏။၎င်းသူယောင်သည် (၃၇)မင်းနှင့် စုန်းမှန်သမျှ လက်ဝဲ ကိုးသိန်း၊လက်ျာ ကိုးသိန်း၊မိစ္ဆာနတ်အပေါင်းမှစ၍ ဖုတ်ကြီး ၄၄၊ကဝေ ၉၉ တို့ကို လူဆရာဘဝက ပင်လျှင် နိုင်လာခဲ့ပြီး သေသောအခါ နတ်ဘီလူးသူယောင် ဖြစ်နေလေ၏။
နတ်ဘီလူးသူယောင်ကြီးသည် #ဗြုန်း #ဒိုင်း နဲ့ဝင်ရောက်ပူးကပ်စဉ် မည်သို့ လုပ်လိုက်သည် မသိ ၊ဆရာ ၃ဦး၏ ဆေးလွယ်အိပ် ကွမ်းအစ် စသည်တို့ လွင့်စင်သွားကာ သူယောင်ကြီးသည် ထကြွ သောင်းကြမ်းလေတော့သည်။
ဆရာ ၃ဦးကလည်း ဘာလုပ်ရမှန်းမသိ ဖြစ်နေစဉ် အဘဆရာကြီး ဘိုးတော်ဟန်က ပါးစပ်မှ ယောင်ရမ်းပြီး "ဟယ်...ချုပ်လိုက်ပါတော့လား "ဟု ပြောလိုက်မိလေသည်။ အဲဒီတော့မှ သူယောင်ကြီးမှာ ဂျွမ်းပြန်ကြသွားပြီး လက်ပြန်ကြိုး တုတ်ပြီးသားဖြစ်၍ ပုံလျှက်သား အခွေလိုက် ဖြစ်နေတော့သည်။
သို့သော်လည်းအဘဘိုးတော်ဟန်သည် မိမိယောင်ရမ်း ချုပ်ခိုင်းလို့ ချုပ်မိသည်သည်ဟု မထင်မှတ်ပဲ အိမ်သို့ ခေတ္တပြန်သွားခဲ့သည်။ထိုအခါ သူယောင်ကြီးက "ငါ့ကိုချုပ်ထားတာ ပြန်ဖြေပေး "ဟု ပြောသည်တွင် ကြိမ်လုံးဂိုဏ်းဆရာတို့က သူတို့အစွမ်းကြောင့် ထင်ပြီး " နင်သွားလိုရရင် သွားပါလား "ပြောကြရာ သူယောင်ကြီးက " မဟုတ်ဘူး မဟုတ်ဘူး ဒါဆရာတို့လုပ်ထားတာ မဟုတ်ဘူး ၊စောစောက ပြန်သွားတဲသူငယ်က ဆရာ ပါ၊ ငါ့ကိုချုပ်နှောင်ပြီး သူထားခဲ့တာ ၊အဲဒီ ဆရာကို ပြန်ခေါ်ပြီး အဖြေခိုင်ပေး" ဟု တောင်းပန်လေသည်။ အဲဒီအခါမှ ဆရာကြီး အဘ ဘိုးတော်ဟန်ကို ပင့်ဆောင် ကုသစေသည့်အတွက် အဘ ဘိုးတော်ဟန်လည်း ပထမဆုံး ပွဲဦးထွက်အနေဖြင့် ကုသ ကယ်ဆယ်လိုက်ရပေတော့သည်။
ဆရာကြီး ဦးဘိုးဟန် ခေါ် အဘ ဘိုတော်ဟန်သည် သူယောင်စွဲကနေ စတင်ပြီး ပွဲဦးထွက်ကုသ ပေးပြီးနောက် ဝေဒနာသည်များ မကြာခဏ ရောက်ရှိလာ၍ မနားမနေ ကုသ ကယ်တင် နေရပြီး အဘ ဆရာကြီးသည် မြစ်ဝ ကျွန်းပေါ် တလျှောက်လုံး နာမည် ဂုဏ်သတင်းမွှေး
ကြိုင်သင်း နေလေတော့ သတည်း ။ ။
crd..မင်းသစ္စာ
မူရင်းရေးသားသူအား လေးစားလျှက်ပါ
