19/09/2025
د باګرام هډه که د سرو زرو کلا..!!
ولې امریکا بېرته باګرام ته علاقه لري؟
ځکه چې دا اډه ستراتیژیک، نظامي، او استخباراتي اهمیت لري، نه یوازې د افغانستان لپاره، بلکې د ټولې سیمې (منځنۍ اسیا، جنوبي اسیا، او منځني ختیځ) لپاره. د سیمې د بدلېدونکو حالاتو له امله (د چین نفوذ، د روسیې تحرکات، د ترهګرۍ بیا راپورته کېدل)، امریکا غواړي یو باوري ستراتیژیک موقعیت ولري.- له دې ځایه په سیمه کې د څارنې، عملیاتو او استخباراتو اسانتیاوې برابریږي.
باګرام د امریکا لپاره یو مهم ستراتیژیک مرکز دی، او که امریکا بېرته ورته لېوالتیا لري، دا به د سیمهیزو سیاستونو، امنیت، او نړیوالو قدرتونو د رقابت له نظره وي.
- دا اډه چمتو، مجهزه او له مخکې فعاله ده؛ بېرته کارول یې اسانه دي.- له دې ځایه په سیمه کې د څارنې، عملیاتو او استخباراتو اسانتیاوې برابریږي.
د باګرام هډې ځانګړتیاوې:
جغرافیایي موقعیت: باګرام د کابل شمال ته نږدي موقعیت لري، چې له نظامي پلوه یو مهم موقعیت ګڼل کېږي. دا له ایران، چین، پاکستان، روسیې او منځنۍ اسیا سره نږدې دی.
ستر نظامي مرکز : دا اډه د امریکا تر ټولو لوی نظامي مرکز و په افغانستان کې. دلته د الوتکو لپاره دوه لوی رنوېز (runways)، نظامي اسانتیاوې، استخباراتي مرکزونه او توقیفخونې وې.
استخباراتي ارزښت: د باګرام اډه د CIA، NSA او نورو استخباراتي ادارو لپاره یو مهم عملیاتې مرکز و. له همدې ځایه د بېپیلوټه الوتکو (Drones) عملیات او څارنې ترسره کېدې.
لوژستیکي ارزښت: دا اډه د تجهیزاتو، وسلو، پوځیانو او وسایطو د انتقال لپاره مهمه نقطه وه.
فشار وسیله: د باګرام اډه امریکا ته دا توان ورکاوه چې پر ایران، چین، روسیې او پاکستان فشار راوړي او ستراتیژیک توازن وساتي.
کاپي
