16/11/2025
Je, umewahi kutumia VLC Media Player kuangalia filamu au kusikiliza muziki? Bila shaka umewahi – na k**a hujalipia chochote, unapaswa kumshukuru mtu mmoja: Jean-Baptiste Kempf.
Katika dunia ambapo kila kitu kinalipiwa, VLC imekuwa ya kipekee – bure kabisa, bila matangazo, bila ufuatiliaji wa watumiaji, na haina nia ya kupata faida. Lakini hilo halikutokea kwa bahati mbaya. Kuna simulizi ya kipekee nyuma ya mafanikio haya.
Jean-Baptiste alianza k**a kijana wa kawaida akiwa na miaka 18, akijiunga na timu ya wanafunzi waliokuwa wakitengeneza VLC k**a sehemu ya mradi wa chuo. Aliipenda VLC sana – kwa ubora wake, kwa uhuru wake, na kwa maana yake kwa jamii. Akiwa na umri wa miaka 21, alichukua hatamu za uongozi.
Lakini hapo ndipo alipokumbana na changamoto ya tamaa. Makampuni makubwa yalikuja na ahadi tamu: dola milioni 10 – sawa na shilingi bilioni 24.48 za Kitanzania! – ili wainunue VLC au kuingiza matangazo, au kukusanya taarifa za watumiaji.
Lakini Jean-Baptiste alisimama imara:
“Hapana. VLC itabaki huru milele.”
Badala ya kuuza, alianzisha kampuni yake mwenyewe – VideoLAN – ili kuhakikisha kuwa VLC inabaki kuwa mali ya watu, si ya wafanyabiashara. VideoLAN hadi leo haina matangazo, haikusanyi data za watu, na haijawahi kuuza VLC kwa yeyote.
Kwa zaidi ya miaka 16, Jean-Baptiste ameiongoza VLC k**a kiongozi wa kujitolea. Ametupa zawadi kubwa – programu bora kabisa ya media player, inayopatikana kwa kila mtu, bila gharama.
Kwa hiyo, kila unapotazama filamu kupitia VLC, kumbuka kuwa kuna mtu mmoja, makini na mwenye maono, aliyekataa bilioni 24 kwa ajili ya uhuru wetu.
