09/22/2026
2026 оны Form 1040-ийн форм буюу хувь хүний татварт дараах шинэ асуулт орсон байна:
“Та татварын тайлангаа илгээх үедээ АНУ-ын иргэн, U.S. national эсвэл АНУ-д хууль ёсоор ажиллах зөвшөөрөлтэй гадаадын иргэн мөн үү?” (Pending asylum статустай боловч хүчинтэй ажиллах зөвшөөрөлтэй буюу EAD-тай хүн АНУ-д хууль ёсоор ажиллах эрхтэй тул энэ асуултад “Yes” гэж хариулах боломжтой).
Үүнээс гадна, Treasury болон IRS дараах дөрвөн татварын хөнгөлөлтийн буцаан олгогдох хэсгийг “Federal Public Benefit” гэж үзэх шинэ журам санал болгожээ:
•Earned Income Tax Credit (EITC)
•Additional Child Tax Credit (ACTC)
•American Opportunity Tax Credit (AOTC)
•Refundable Adoption Credit
Санал болгосон журмаар эдгээр хөнгөлөлтийн татварын өрөөс давж буцаан олгогдох хэсгийг авахын тулд татвар төлөгч нь АНУ-ын иргэн, U.S. national эсвэл PRWORA-ийн дагуу “qualified alien” гэдгээ Schedule 3-A буюу IRS-ээс тогтоох маягтаар баталгаажуулах шаардлагатай болж магадгүй.
АНХААРАХ ЗҮЙЛ
“АНУ-д хууль ёсоор ажиллах зөвшөөрөлтэй” болон PRWORA-ийн дагуу “qualified alien” гэдэг нь хоёр өөр ойлголт.
Pending asylum статустай, хүчинтэй EAD-тай хүн Form 1040 дээрх ажиллах эрхийн асуултад “Yes” гэж хариулж болно. Гэхдээ энэ нь санал болгосон Schedule 3-A-ийн “qualified alien” шаардлагыг автоматаар хангасан гэсэн үг биш. Мөн pending asylum статустай, ажиллах зөвшөөрөлтэй хүн EITC авах боломжгүй гэж одоогоор шууд дүгнэж болохгүй. Шинэ журам, Schedule 3-A болон IRS-ийн дэлгэрэнгүй заавар эцэслэн батлагдаагүй байна.
Хамтарсан татварын тайлангийн хувьд эхнэр, нөхрийн аль нэг нь АНУ-ын иргэн, U.S. national эсвэл “qualified alien” байхад санал болгосон журмын дагуу буцаан олгогдох хэсгийг авах боломжтой. Одоогоор Form 1040 болон шинэ журам хоёулаа төслийн шатандаа байна. Эцсийн маягт, журам, заавар гарах хүртэл үйлчлүүлэгч бүрийн татвар болон цагаачлалын статусыг тусад нь шалгах шаардлагатай.
Албан ёсны эх сурвалж:
https://www.irs.gov/pub/irs-dft/f1040–dft.pdf
https://home.treasury.gov/news/press-releases/sb0608
WASHINGTON, D.C. —The Department of the Treasury and the Internal Revenue Service (IRS) issued proposed regulations to apply and clarify the federal law regarding the eligibility requirements for taxpayer-funded refundable individual income tax credits, delivering on President Trump’s commitment...
