Arti A.N.D

12/04/2026

Foto nga procesi i realizimit të termoizolimit me fasadë me strukturë

Punë e kryer me kujdes dhe saktësi në çdo detaj, duke siguruar izolim cilësor dhe përfundim estetik të qëndrueshëm

25/01/2026

Sonte në Fushë Kosovë, si pasojë e erërave të forta, është shkëputur dhe ka rënë një pjesë e fasadës termike me stiropor dhe llaç nga një objekt.

Nga aspekti teknik, shkëputja e këtij sistemi fasade vjen zakonisht si rezultat i disa mangësive të kombinuara. Ngjitja jo e plotë e stiroporit në murin mbajtës, aplikimi i ngjitësit vetëm me pika dhe jo me brez periferik dhe pika qendrore, si dhe mungesa ose vendosja jo e rregullt e ankerave mekanikë tiplla plastike, e dobësojnë ndjeshëm lidhjen e fasadës me murin. Një rol të rëndësishëm ka edhe përpunimi jo korrekt i shtresës mbajtëse, ku rrjeta nuk është e mbivendosur siç duhet ose nuk është e futur në zonën neutrale të llaçit.

Me kalimin e kohës, depërtimi i lagështisë pas izolimit, moszgjidhja e detajeve rreth dritareve, parapeteve dhe skajeve, si dhe mungesa e profileve përfundimtare, krijojnë kushte për degradim të ngjitjes. Ndryshimet e temperaturës shkaktojnë zgjerim dhe tkurrje të materialeve, duke krijuar tensione shtesë në sistem. Në kushte të erërave të forta, sidomos në zona të hapura urbane, vepron efekti i thithjes, i cili ushtron ngarkesa të mëdha në fasadë dhe çon në shkëputjen e saj nga muri mbajtës.

Ky rast tregon qartë se fasadat termike kërkojnë projektim të saktë, respektim strikt të detajeve teknike, përdorim të materialeve të certifikuara dhe kontroll profesional gjatë çdo faze të punimit. Vetëm në këtë mënyrë sigurohet qëndrueshmëria afatgjatë e fasadës dhe mbrojtja e sigurisë publike

24/08/2025

Jemi të lumtur të ndajmë me ju një tjetër hap të rëndësishëm për kompaninë tonë!

🤝 Kemi arritur një marrëveshje bashkëpunimi me Beni Construction për realizimin e punimeve të termoizolimit të objektit të tyre më të ri.
Ky bashkëpunim është dëshmi e besimit dhe profesionalizmit që kemi ndërtuar në tregun e suvatimeve dhe izolimeve.

💼 Fokusi ynë mbetet gjithmonë cilësia, efikasiteti dhe zgjidhjet afatgjata për klientët tanë.
Faleminderit Beni Constuction CD Shpk për besimin!

26/11/2024