Negester Klein-Kariba

15/11/2024

NEGESTER TAFELTENNIS deur Willie van Heerden (Sportkoördineerder)
Die tafeltennisgroep het ‘n hegte band begin vorm met ‘n toenemend entoesiastiese klomp spelers wat nie kan wag vir Dinsdag- en Donderdagmiddae om aan die spel deel te neem nie.

Die spelpeil van al die spelers het die afgelope maande drasties verbeter en daar is gereeld kompeterende geleenthede om speelpatrone af te wissel.

Met die Kansa geleentheid wat op 5 Oktober 2024 plaasgevind het, was die saal nie die Donderdagmiddag beskikbaar nie, en die speelgeleentheid is na die Vrydagmiddag verskuif. ‘n Totaal van elf lede het opgedaag en het die spel terdeë geniet.

Onder leiding van die groep se koördineerder, Piet van Zyl, vind daar gereeld “trekkings” plaas om verskillende persone teen mekaar te laat speel.

Tans is daar van ons lede wat deur siekte of beserings gekniehalter word en ons hou hulle in ons gebede. Wanneer almal herstel het sal ons maklik 16 plus spelers wees.
Nuwe intrekkers is welkom om by die groep aan te sluit en ons verwelkom ook spelers wat dalk nog nooit of lanklaas gespeel het nie.

Ons het almal begin as nuwelinge in die spel.

15/11/2024

15/11/2024

TENNISNUUS deur Theunis Lee
Woensdag, 2 Oktober tot Sondag, 6 Oktober, trek daar 147 tennisspelers ouer as sestig in die Wynlande bymekaar vir die jaarlikse interprovinsiale spankompetisie, en sewe van die nege provinsies word verteenwoordig.

Spanne, bestaande uit twee mans en twee dames, met die opsie van twee reserwes, neem deel in vier kategorieë nl. 60+ A en B, 60+ Shield, 70+ A en B, 75+ A en B.
Limpopo, bestaande uit myself (67) van Negester, Maks Verhage (70) en Rina Chisholm (70) van Kokanje (al drie van Nylstroom Tennisklub) en Llewelen Booth (65) van Potgietersrus klub, verteenwoordig Limpopo in die 60+ Shield afdeling teen vyf ander provinsies. Ons speel die eerste twee dae in stormsterk wind in die Strand.

Dit gaan baie goed met ons en in die semi-finaal, wen ons Mpumalanga met 3-2, maar val ongelukkig op die finale dag vas teen Westelike Provinsie, 2-3 en wen die silwer medalje.

Ons dank ons Hemelse Vader vir die gesondheid om nog so te kan deelneem aan ons sport en dat ons geen beserings tydens die toernooi opgedoen het nie.

Ons wil welkom sê aan die nuwe tennisspelers in Negester, Frikkie Labuschagne en Jan en Linda Visser. Ons beplan om binnekort een keer per week ‘n sosiale oggend te hou. Alle belangstellendes is welkom om my te kontak.

15/11/2024

Die Negester Omgewingskomitee hou gereeld voëllopies om inwoners meer te leer van voëls in die landgoed en die omgewing.

07/11/2022

19/03/2021

2 SHARES FOR SALE @ MARULANI GAME RESERVE - LIMPOPO.
Contact Lionel - 082 455 4593