22/03/2019
Betrekking beskikbaar:
GEBOU/TERREIN-OPSIGTER
- wat die volgende pligte behoorlik moet kan uitvoer en/of bestuur:
1. Instandhouding en verbeteringe aan geboue (en huurders), gronde(tuine, parkeerareas, ander buite-areas) en ander infrastruktuur (water en elektries);
2. Elektriese en waterlesings kan neem;
3. Omsien na bestaande huurders en hul persele en behoeftes - daaglikse inspeksies en besoeke aan alle persele;
3. Bemarking (advertering) van vakante persele;
4. Vir belangstellende huurders die beskikbare persele wys en opsies gee en bespreek;
5. Persele (geboue of oop ruimtes) kan opmeet en oppervlaktes bepaal;
6. Bestuur/ toesig hou oor tuinier/skoonmaker, kontrakteurs, sub-kontrakteurs en ander diensverskaffers;
8. Kwotasies verkry en dan behoorlik toesig oor werk/diens hou;
9. Beheer en toesig oor toerusting en materiale in voorraad (veiligheid, onderhoud, voorraadopname, ens.)
10. Sekuriteitsmaatreels in plek bring of hou - vir perseel, geboue en toerusting (toegang, sluit van hekke, heinings, slotte, ens.);
11. Deurlopende verslagdoening aan senior bestuur en opstel van weeklikse en maandelikse verslae (per e-pos en telefonies).
MOET AAN DIE VOLGENDE VEREISTES VOLDOEN:
- Bewese kennis en ondervinding van eiendomme, bestuur van geboue, algemene bestuurspligte en ander take hieronder beskryf en wat die posisie mag vereis;
- Praktiese kennis van instandhouding van geboue (bouwerk, verfwerk, houtwerke, loodgieter, elektries, ens.) en gronde (tuine, heinings, ens.);
- Minimum Matriek (Graad 12) sertifikaat;
- Toepaslike tersiêre opleiding sal ‘n voordeel wees;
- Absoluut eerlik, betroubaar en hardwerkend;
- Vermoë en bereidwilligheid om inisiarief te neem en oplossings te vind;
- Fluks en energiek (bereid om self sekere take te verrig);
- Fisies en verstandelik gesond;
- Goed tweetalig (Afrikaans en Engels lees, skryf, verstaan);
- Goeie menseverhoudinge - met balans tussen motivering en dissipline van mense;
- Oor eie betroubare vervoer(en bestuurslisensie), selfoon en permanente huisvesting beskik;
- Geen kriminele oortreding of swak kredietrekord (skriftelike bewyse moet gelewer word op versoek);
- Goeie praktiese kennis van rekenaars en -programme (E-pos, MS Word, MS Excel) is ‘n voorvereiste;
- Bereidwilligheid om na-ure en oor naweke te werk.
Werksure: 07h30 - 17h00
Salaris:
R9,000.00 per maand - onderhandelbaar na gelang van toepaslike opleiding en ervaring.
Verlof- en ander voordele soos deur Wet bepaal.
Stuur u CV plus afskrif van ID plus akademiese rekords na: [email protected].
Slegs aansoekers wat kortlys haal, sal gekontak word.
Die reg om die posisie nie te vul nie word uitdruklik voorbehou.
