Khit Thit Real Estate

Khit Thit Real Estate Contact information, map and directions, contact form, opening hours, services, ratings, photos, videos and announcements from Khit Thit Real Estate, Real Estate, ကလျာဏီ (၂) လမ်း၊ ကလျာဏီ ရပ်ကွက်၊ ပဲခူးမြို့။, Bago.

အိမ်ခြံမြေမှာ ယုံကြည်ရာ၊ ခေတ်သစ် ပါ။

👏 ရင်းနှီးမြှုပ်နှံမှုကိုခေတ်သစ်နဲ့ စတင်ပါ။

🟤 TikTok
https://www.tiktok.com/

🟤 Telegram
https://t.me/+tisSMauIzeVjOTZl

🟤 Hotline
09770965656

အိမ်ခြံမြေဝယ်ပြီး ရောင်းလိုက်လို့ ရွှေဈေးနဲ့ အိမ်ခြံမြေ ပြန်တွက်လို့ ကိုယ့်အတွက် မကိုက်ရင် မြေကို ဘယ်လို Cash Flow နဲ့ ဝ...
12/04/2026

အိမ်ခြံမြေဝယ်ပြီး ရောင်းလိုက်လို့
ရွှေဈေးနဲ့ အိမ်ခြံမြေ ပြန်တွက်လို့
ကိုယ့်အတွက် မကိုက်ရင်
မြေကို ဘယ်လို Cash Flow နဲ့
ဝယ်ရမယ် ဆိုတာနဲ့ အကျိုးအမြတ်ကို
ဘယ်လိုယူရမလဲ ဆိုတာ မသိသေးတဲ့ သူပဲ။

ရွှေနဲ့မြေ ယှဉ်လို့ ရ၊ မရ ဆိုတာကွဲပြားဖို့
အကျိုးအမြတ် ရပုံရနည်း၊
ဝယ်ပုံ ဝယ်နည်း မတူတာကို
လေ့လာနိုင်ရပါမယ်။

ဥပမာ -
ငွေဖြစ်လွယ်မှု Liquidity မှာ
ရွှေက ပိုကောင်းတယ်။ သို့သော်
ရွှေက ရောင်းဈေး၊ ဝယ်ဈေး
ကိုယ့်ကြိုက်ဈေးနဲ့ မဖွင့်နိုင်ဘူး စံ ဈေးနှုန်း
သတ်မှတ်ချက်နဲ့ ရောင်းရတယ်။
မြေဆိုတာက Limited ထုတ်ကုန်
ဒီလမ်းမှာ ဒီနေရာ လိုချင်ရင်
ကြိုက်ဈေး ပေးဝယ်ရလို့ ရောင်းတဲ့သူက
ကိုယ်လိုချင်တဲ့ ဈေးရတယ်။

အခုဥပမာ တွေက အခြေခံတွေပါပဲ။
ဒါကြောင့် ရွှေနဲ့ အိမ်ခြံမြေကို
ယှဉ်သင့်တဲ့နေရာမှာ ယှဉ်၊
မယှဉ်သင့်တဲ့နေရာမှာ သွားယှဉ်လို့မရဘူး။
အရှေ့မှာပြောသလို ကိုယ်ရဲ့ Cash Flow နဲ့ အသုံးချမှုပေါ် ရွေးချယ် ဝယ်ရတယ်။

အိမ်ခြံမြေမှာ -
နေရာကောင်းရမယ်ဆိုတာက
အကျိုးအမြတ် များရမယ်ဆိုတာ သိရမယ်။

#ပဲခူးအိမ်ခြံမြေ #ပဲခူးမြို့အိမ်ခြံမြေအရောင်းများအပ်နိုင်ပါပြီ #ပဲခူးမြို့ #အိမ်ခြံမြေ #ခေတ်သစ်အိမ်ခြံမြေ

11/04/2026

Micro, Macro သုံးသပ်ချက်

#ပဲခူးအိမ်ခြံမြေ #ပဲခူးမြို့အိမ်ခြံမြေအရောင်းများအပ်နိုင်ပါပြီ #ခေတ်သစ်အိမ်ခြံမြေ

10/04/2026

ဈေးကွက်ဘာကြောင့်အေးသလဲ
-
" ဈေးကွက်ဘာကြောင့်အေးသလဲ"

#ပဲခူးအိမ်ခြံမြေ #ပဲခူးမြို့ #အိမ်ခြံမြေ #ခေတ်သစ်အိမ်ခြံမြေ

မကြာခင်မှာ အိမ်ခြံမြေ ဈေးကွက် ဘာကြောင့် အေးနေသလဲ ဆိုတဲ့ Video တစ်ပုဒ် ခေတ်သစ်အိမ်ခြံမြေ ကနေ တင်ပေးပါတော့မယ် ခင်ဗျာ။"ရင်း...
10/04/2026

မကြာခင်မှာ အိမ်ခြံမြေ ဈေးကွက် ဘာကြောင့် အေးနေသလဲ ဆိုတဲ့ Video တစ်ပုဒ် ခေတ်သစ်အိမ်ခြံမြေ ကနေ တင်ပေးပါတော့မယ် ခင်ဗျာ။

"ရင်းနှီးမြှုပ်နှံမှုကိုခေတ်သစ်နဲ့ စတင်ပါ။"

#ပဲခူးအိမ်ခြံမြေ #ခေတ်သစ်အိမ်ခြံမြေ

10/04/2026

ခေတ်သစ် အိမ်ခြံမြေက တင်တဲ့ထဲမှာ သတိထားရမဲ့ အချက်များ

🚫 👉 မိမိတို့ရဲ့ ပိုင်ဆိုင်မှုတွေ ကာကွယ်ဖို့ ကြည့်ထားဖို့လိုပါလိမ့်မယ်။

🟤 ပဲခူးမှာ သိန်း ၁၅၀၀ လောက် အိမ်အသစ်တစ်လုံးနဲ့ ရနေတာကို ဘာလို့ သိန်း ၂၅၀၀ ပေးနေကြတာလဲ-ပေ ၂၀-၆၀ အိမ်ပါ လေးတွေကြည့်လိုက်ရင...
09/04/2026

🟤 ပဲခူးမှာ သိန်း ၁၅၀၀ လောက် အိမ်အသစ်တစ်လုံးနဲ့ ရနေတာကို ဘာလို့ သိန်း ၂၅၀၀ ပေးနေကြတာလဲ
-
ပေ ၂၀-၆၀ အိမ်ပါ လေးတွေကြည့်လိုက်ရင် သိန်း ၂၀၀၀ အထက်မှာတွေ့ရတယ်။

အိမ်အပါဆိုတဲ့ အဓိပ္ပာယ်က ဧည့်ခန်း(၁)ခန်း၊ အိပ်ခန်း (၂) ခန်း၊ မျက်နှကြက်(ရိုးရိုး) ပါရမယ်၊ ကြွေးပြားခင်၊ ရေချိုးခန်း၊ အိမ်သာ(ဘိုထိုင်)၊ အချောထည်ဖြစ်ရမယ်၊ အိမ်အကျယ် (၁၇ ပေ၊ ပေ ၃၀) ဝန်းကျင် လောက်ဆိုလိုတာပါ။ ပဲခူးက တချို့ အိမ်လေးတွေဟာ ခေတ်မှီတဲ့ပုံစံမတွေ့ရသလို သက်တမ်းကြာတဲ့ အိမ်တွေလဲ တွေ့ရပါတယ်။

အစက ပြောခဲ့သလို သိန်း ၁၅၀၀ ဝန်းကျင်လောက်နဲ့ အိမ်သစ်တစ်လုံးပိုင်ဆိုင်ဖို့အတွက် လက်ရှိ ပေ(၂၀-၆၀) မြေကွက် သိန်း ၆၀၀ နဲ့ သိန်း ၇၀၀ ကြားရှိတဲ့ မြေကွက်လေးတွေ ရှာမယ်။ သိန်း ၅၀၀ ဝန်းကျင်နဲ့ အပေါ်က အိမ်လေးတစ်လုံးဆောက်မယ်ဆိုလျင် သိန်း ၁၂၀၀ ဝန်းကျင်လောက်တော့ သွားလိမ့်မယ်။ ဒါက တကယ် အခြေခံလိုအပ်ချက် ရှိတဲ့သူတွေအတွက် ကိုက်စေပါတယ်။

ဒီနေရာမှာ သိန်း ၇၀၀ ဝန်းကျင်နဲ့ နေရာရဖို့လဲ ကြိုးစားရသလို သိန်း ၅၀၀ ဝန်းကျင်နဲ့ ဆောက်ဖို့အတွက် ကိုယ်လိုချင်တဲ့ ပုံစံနဲ့ရဖို့ ဆောက်လုပ်ရေး သမားတွေနဲ့လဲ တိုင်ပင်ရပါဦးမယ်။ စိတ်ကူးထဲမှာ နားလည်အောင် ပုံဖော်ထားပေမယ့် လက်တွေ့မှာ အကောင်အထည်ဖော်ဖို့ ပညာရှင်တွေနဲ့တိုင်ပင်ဖို့ လိုအပ်ပါဦးမယ်။

ရင်းနှီးမြှုပ်နှံသူတွေအနေနဲ့လဲ ပေ (၄၀-၆၀) တစ်ကွက်လောက်ဝယ်ပြီး ပေ (၂၀-၆၀) လေးတွေအပေါ်မှာ အိမ်လုံးချင်းလေးတွေ တစ်ကွက် သိန်း ၁၅၀၀-၁၆၀၀ ဝန်းကျင်ထိ Wholesale ပုံစံလုပ်ပေးနိုင်ရင် ငွေအများကြီး မသုံးချင်ဘူးဆိုတဲ့ သူတွေအတွက် အမြန်ရောင်းထွက်နိုင်ပါတယ်။ ဒါကလက်ရှိ Demand အရပြောနေခြင်းဖြစ်ပါတယ်။

မြေကွက်ကောင်းလေးတွေ လိုက်ရှာလိုက် ပြန်ရောင်းလိုက် လုပ်တာက အချိန်လဲ ကုန်သလို၊ ခဏခဏဆိုသလို စိတ်ပင်ပန်းပါတယ်။ အခုပြောတာလေးတွေက ပြန်မရောင်းရင်တောင် အငှားဈေးကွက်မှာ တစ်လ ၃ သိန်း ကနေ ၅ သိန်းကြား နေရာပေါ်မူတည်ပြီး ရရှိနိုင်ပါတယ်။ Rental Yield 3.2% မို့ အခြားအိမ်လုံးချင်းတွေနဲ့ယှဥ်ရင် ရာခိုင်နှုန်းပိုများပါတယ်။

ပဲခူးမြို့ မဟာမြိုင်လိုနေရာမျိုးမျာ တစ်လ (၅) သိန်း နဲ့ အငှားတင်မယ်၊ ဈေးကွက်ပေါက်ဈေး အိမ်အပါ သိန်း ၂၅၀၀ အထက်မှာရှိပါတယ်။ Rental Yield တွက်မယ်ဆို 2.4% ပဲရပါတယ်။ မှတ်ချက်- အကြမ်းဖျဥ်းလေးတွေမို့ ကွာဟမှုရှိနိုင်ပါတယ်။ အထူးသဖြင့် ငွေကြေားဖောင်းပွမှု၊ သယ်ယူစရိတ်၊ ဆောက်လုပ်ရေးစရိတ် စသဖြင့် အချိန်ကာလအပေါ်လိုက်ပြီး ကွာဟနိုင်ပါတယ်။

ဒီတော့ ကိုက်အောင် တွက်နိုင်ရင် မိတ်ဆွေအတွက် အခွင့်အလမ်းတွေပါပဲ။ တကယ်လို့ မိတ်ဆွေက ဒီလို ရင်းနှီးမြှုပ်နှံဖို့ စိတ်ဝင်းစားတယ် ဆိုရင်တော့ ခေတ်သစ်အိမ်ခြံမြေမှာ လာရောက်ဆွေးနွေးတိုင်ပင်နိုင်ပါတယ်။

❌ ဒါက Financial Advice မဟုတ်ပါဘူး။
အသိပညာ ပေးခြင်းသက်သက်ဖြစ်ပါတယ်။

#ပဲခူးအိမ်ခြံမြေ #အိမ်ခြံမြေ #ခေတ်သစ်အိမ်ခြံမြေ

🟤 နိုင်ငံစီးပွားရေး ကောင်းလာရင် အိမ်ခြံမြေဈေး ကျလာလိမ့်မယ်-တိုးတက်တဲ့နိုင်ငံတွေနဲ့ မြန်မာနိုင်ငံနဲ့ အိမ်ခြံမြေ ဈေးတက်နှု...
07/04/2026

🟤 နိုင်ငံစီးပွားရေး ကောင်းလာရင် အိမ်ခြံမြေဈေး ကျလာလိမ့်မယ်
-
တိုးတက်တဲ့နိုင်ငံတွေနဲ့ မြန်မာနိုင်ငံနဲ့
အိမ်ခြံမြေ ဈေးတက်နှုန်း နှိုင်းယှဥ်ပါက
အဆမတန် ကွာနေတာကို တွေ့ရပါတယ်။

နှစ်စဥ်တက်နှုန်း CAGR မြန်မာပြည်မှာ
20% to 40% ကြားလောက်
နေရာဒေသာပေါ်လိုက်ပြီး ကွာပါတယ်။

အရှေ့တောင်အာရှနိုင်ငံတွေမှာတော့
8% to 10% လောက်ပဲတွေ့ရပါတယ်။

ဒါက ကိန်းဂဏန်းအားဖြင့် မြန်မာပြည်က
တက်တယ်လို့ ဆိုနိုင်ပါတယ်။
သို့ပေမယ့်
ရွှေဈေး၊ ငွေကြေးဖောင်းပွမှုနဲ့ ယှဥ်မယ်ဆိုရင်
0% ကနေ Negative ပါဖြစ်နိုင်ပါတယ်။

အိမ်ခြံမြေ တက်တဲ့နှုန်းက 20% မှာရှိရင်
ငွေကြေးဖောင်းပွမှုကလဲ 20% မှာရှိနေတာကြောင့်
သုည လို့ပြောနိုင်ပြီး
တကယ်လို့ ကိုယ်ဝယ်လိုက်တဲ့နေရာက
အရင်က အရင်းတောင် မရလိုက်ရင်
Negative ဖြစ်သွားနိုင်ပါတယ်။

ဥပမာ သိန်း ၁၀၀၀ နဲ့ ဝယ်လိုက်တယ်
ပြန်ရောင်းလိုက်တယ် ၁၂၀၀ နဲ့ (+20% Profit)
ဒါပေမယ့် ငွေကြေးဖောင်းပွတာက ၂၀% နဲ့တွက်လျင်
အရင်းပါပဲ။
ဒီသိန်း ၁၀၀၀ တန် မြေကွက်ကို
သိန်း ၁၀၀၀ နဲ့ပဲ ပြန်ရောင်းရင်တောင်
သိန်း ၂၀၀ ရှုံးနေသေးတယ် ဒါကို Negative လို့ခေါ်တယ်။

ကိန်းဂဏန်းအရ တက်တာနဲ့
တကယ့် တန်ဖိုးအစစ်မှန်နဲ့ တက်တာ မတူပါဘူး။
-
ဘာလို့စီးပွားရေး ကောင်းလျင်
အိမ်ခြံမြေ ဈေးကျနိုင်သလဲ ဆိုတာက
စီးပွားရေး ကောင်းလာလျင်
ငွေကြေးဖောင်းပွမှုနည်းပြီး ကျပ်ငွေအပေါ်
ယုံကြည်မှုတိုးတက်နိုင်လို့ဖြစ်ပါတယ်။
-
ပုံမှန်အားဖြင့် M1,M2, GDP,CPI, အတိုးနှုန်း
စသဖြင့် Report တွေကို ကြည့်ဆုံးဖြတ်နိုင်ပြီးတော့
ဒီ Report တွေက ဒေတာအချက်အလက်မစုံတဲ့အခါ၊
ယုံကြည်လို့မရတဲ့အခါ Proxy Data တွေကို
စောင့်ကြည့်ဖို့တော့ လိုပါလိမ့်မယ်။

နိုင်ငံရေး အခြေအနေ စောင့်ကြည့်ရသလို
အလုပ်အကိုင်အခွင့်အလမ်းတွေ
ဘယ်လောက်ဖန်တီးနေသလဲ။
ကုန်ထုတ်လုပ်မှု သိဖို့
ကားလမ်းမပေါ်မှာ ကုန်စီစီးစင်းနေတဲ့ကားတွေ
ဘယ်လောက်ရှိနေသလဲ၊
လျပ်စစ်မီး အသုံးပြုနှုန်းတွေ၊
ကုန်ဈေးနှုန်း တွေအပေါ်မှာ တိုင်းတာလို့ရပါတယ်။

ဒီဒေတာတွေကို စောင့်ကြည့်ပြီးတော့
အိမ်ခြံမြေဈေးတွေကိုအတက်၊ အကျစောင့်ကြည့်နိုင်ပါတယ်။
-
တချို့ကပြောကြတယ်
“မြန်မာပြည်မှာ အိမ်ခြံမြေ၊ ရွှေကလွဲပြီး
ကျန်တာလုပ်စရာမရှိဘူး။ ဒါကြောင့် ဈေးကတက်မှာ”
ဒါကို ကြည့်ခြင်းအားဖြင့်
ငွေကြေးတန်ဖိုးကျမှာ၊ မဝယ်ထားရင် ပိုဆုံးရှုံးမှာ ဆိုတဲ့
ကြောက်လန့်မှုတော်တော်များများကြောင့်
ဝင်တိုးလာကြောင်းကို ကျွန်တော် အိမ်ခြံမြေ အေးဂျင့်
လုပ်နေတဲ့ ကာလတွေမှာ တွေ့ရပါတယ်။

အေးဂျင့်အဖြစ်လုပ်နေတဲ့ ကာလတွေမှာ
ဝယ်သူတွေ၊ ရောင်းသူတွေရဲ့ ပြောကြားချက်တွေဟာ
သူတို့ရဲ့ data အချက်အလက် တွေဖြစ်ပြီးတော့
ဒါတွေကို သေချာစုဆောင်းပြီးမှ ပြောကြားခြင်းဖြစ်ပါတယ်။

တကယ်လို့စီးပွားရေးကောင်းရင်
ငွေကြေးမာရင် သူတို့ ဒီလောက်ထိ
ရင်နှီးမြှုပ်နှံမှု လုပ်ကြမှာ မဟုတ်ပါဘူး။
-
အခုဆွေးနွေခဲ့တာက
ကိန်းဂဏန်းအားဖြင့် ဈေးနှုန်းမြင့်တက်ခြင်းမဟုတ်ဘဲ။
တန်ဖိုး အစစ်အမှန်အားဖြင့် အတက်၊ အကျ ကိုတိုင်းတာခြင်း
ဖြစ်ပါတယ်။

❌ ဒါက Financial Advice မဟုတ်ပါဘူး။
အသိပညာ ပေးခြင်းသက်သက်ဖြစ်ပါတယ်။ DYOR

#ပဲခူးအိမ်ခြံမြေ #ပဲခူးမြို့အိမ်ခြံမြေအရောင်းများအပ်နိုင်ပါပြီ #ပဲခူးမြို့ #အိမ်ခြံမြေ #ခေတ်သစ်အိမ်ခြံမြေ

အိမ်ခြံမြေနဲ့ ပက်သက်တဲ့ လူတွေဘာပြောနေသလဲ၊ ဘာတွေးနေသလဲဆိုတာ နီးနီးကပ်ကပ်ရှိဖို့လိုမယ်။-“ဈေးတွေခေါင်ခိုက်နေတာ ဘယ်သူမှ ဝယ်မ...
07/04/2026

အိမ်ခြံမြေနဲ့ ပက်သက်တဲ့ လူတွေဘာပြောနေသလဲ၊
ဘာတွေးနေသလဲဆိုတာ နီးနီးကပ်ကပ်ရှိဖို့လိုမယ်။
-

“ဈေးတွေခေါင်ခိုက်နေတာ ဘယ်သူမှ ဝယ်မှ မဟုတ်ပါဘူး”
ဆိုတာကို လျစ်လျူရှုပြီးတော့
ဝယ်နိုင်တဲ့သူ ဝယ်မှာပဲ ဆိုတဲ့ စိတ်ကို
ဖျောက်ဖို့လိုအပ်ပါတယ်။
-
၂၀၂၀-၂၀၂၁ ကနေ ၂၀၂၆ ထိဟာ
အိမ်ခြံမြေမှာ ဝင်တိုးသူတွေ
အများကြီးတွေ့ရတော့
ဈေးတွေက ထိုးတက်သွားတာတွေ့ရတယ်။

အကြောင်းအကျိုးဆက်စပ်မှုနဲ့
ဒါတွေကို တကယ့်တန်ဖိုးနဲ့ တက်တာလား
ကိန်းဂဏန်းအားဖြင့် တက်နေတာလား ဆိုတာ
နားလည်ဖို့တော့ လိုလိမ့်မယ်။
-
၁။ ပထမအချက်

နိုင်ငံရေး မတည်ငြိမ်မှု၊ ရောဂါကပ်ဘေးမှတဆင့်
ငွေကြေးဖောင်းမှု၊ မသေချာမှုတို့ကြောင့်
အလုံးအရင်းနဲ့ အိမ်ခြံမြေ၊ ရွှေ တို့ကို
အဓိကထားပြီး ဝင်တိုးလာတာကို
တွေ့ရပါတယ်။

ဒီမှ တဆင့် ဈေးမြင့်တက်လာမှု
အကျိုးဖြစ်ပေါ်လာတာကို တွေ့ရပါတယ်။

ဒါတွေဟာ ပိုင်ဆိုင်မှုကို အဓိက ကာကွယ်တာလဲ
ဖြစ်နိုင်သလို၊ စီးပွားရေးလုပ်ဖို့အတွက်
မသေချာတဲ့ အမြတ်ကို မမျှော်ကိုးတာလဲ
ဖြစ်နိုင်ပါတယ်။

ဒါပေမယ့် ဒါတွေက ကောင်းတဲ့ တိုးတက်မှု
လို့ ပြောရတာခက်ခဲပါတယ်။
ကောင်းမွန်တဲ့ တိုးတက်မှု ဆိုတာ
တန်ဖိုး တက်လာမှုနဲ့ ပိုဆိုင်ပါတယ်။

တန်ဖိုးဆိုတဲ့ ပေတံဟာ -
အလုပ်အကိုင်အခွင့်အလမ်း၊ ကျန်းမာရေး
ပညာရေး၊ အဆောက်အဦး တိုးတက်မှု
လူဦးရေ၊ ရင်းနှီးမြှုပ်နှံမှု၊ ခိုင်မာမှု၊ စိတ်ချမှု
ဒါတွေကို ကြည့်ပြီး အကြမ်းဖျဥ်း
တိုင်းတာနိုင်ပါတယ်။

တချို့နေရာတွေက
သိန်း ၁၀၀၀ ကနေ သိန်း ၃၀၀၀ ဖြစ်သွားတယ်။
လမ်း၊ အဆောက်အဦးက အရင်တိုင်းပဲဖြစ်နေတုန်း…
အလုပ်အကိုင်အခွင့်အလမ်းတွေက ရှားတုန်း
ဒါဆိုရင် အိမ်ခြံမြေ ဈေးတက်သွားပေမယ့်
ပိုကောင်းမွန်တဲ့ တိုးတက်မှု မဟုတ်ပါဘူး။
ပိုင်ဆိုင်မှု မလျော့ကျသွားဖို့
ကာကွယ်ရုံလောက်ပဲဖြစ်နေပါလိမ့်မယ်။

-
၂။ ဒုတိယအချက်

အိမ်ခြံမြေမှာ Cycle (၄) မျိုးတွေ့နိုင်ပါတယ်။
Recovery(Expansion), Peak(Top),
Recession(Contraction), Recovery(Trough)
ဆိုတာရှိပါတယ်။
(ဦးမော့လာတယ်၊ အမြင့်ဆုံးအခြေအနေ၊
ကျဆင်း/ကျုံ့သွားခြင်း၊ အနိမ့်ဆုံးအခြေအနေ
လို့ မှတ်နိုင်ပါတယ်။)

တစ်ခုနဲ့ တစ်ခု Q1 ကနေ Q2 လောက်
ကြာတတ်ပါတယ်။
ဒီထက်လဲ ပိုကြာနိုင်ပါတယ်။
-
နားလည်အောင်ပြောရရင်
လူ့ဘဝလိုဘဲ… အမြဲတမ်းပျော်စရာကြီးနဲ့
ပြည့်နေတာမဟုတ်ဘူး။
ဘဝရဲ့.. ဇာတ်ခုံမှာ
တက်လိုက်၊ မြင့်လိုက်နဲ့ သွားနေသလိုပါပဲ။

အမြဲတမ်းဈေးတက်နေမှာမဟုတ်သလို
ကျနေမှာလဲ မဟုတ်ဘူးဆိုတာ သိနေဖို့လိုအပ်ပါတယ်။
-
ပဲခူးမြို့မှာ လေယဥ်ကွင်းစီမံကိန်း ဖြစ်မယ်လို့
သတင်းကြားတဲ့အခါမှာ သူနဲ့ အနီးအနား
မြေကွက်တွေ ၂၀၁၅ လောက်မှာ
လျပ်တပြတ် တက်လာပါတယ်။

ဒီ့မတိုင်ခင် အခြေအနေကတော့
ငြိမ်နေတာကိုတွေ့နိုင်ပါတယ်။

စီမံကိန်း ရှိတယ်ဆိုတဲ့ သတင်းကြားတဲ့အခါ(Recovery)
ဈေးအမြင့်ဆုံး ဖြစ်သွားခဲ့ပါတယ်။ (Peak)

စီမံကိန်းက ရပ်နားသလိုဖြစ်တဲ့နောက်ပိုင်းမှာ
ပြန်လည်ဈေးကျသွားခဲ့ပါတယ်။(Recession to Bottom)

ဒါကတော့ Cycle ကို နားလည်ဖို့ဖြစ်ပါတယ်။
-
နောက်တစ်ခုကတော့
တချို့မြို့နယ်၊ ရပ်ကွက်တွေဟာ
လမ်းခင်းပြီး၊ မခင်းပြီး အခြေအနေမှာ
လမ်းမခင်းကနေ လမ်းခင်းလိုက်ရင် (Recovery)
တန်ဖိုးမြင့်တက်မှုကြောင့် ဈေးတက်သလို (Peak)
လမ်းခင်းပြီးသွားလဲ ပြန်ငြိမ်သွားပါတယ်။ (Recession to Bottom)

၃။ တတိယအချက်

လူတွေရဲ့ စိတ်နေစိတ်ထား၊ ယုံကြည်မှု
Psychology တွေဟာ…
ဝယ်လိုအား၊ ရောင်းလိုအားအပေါ်ကို
သက်ရှိမှုရှိပြီး ဈေးနှုန်းတွေ ဖန်တီးနိုင်ပါတယ်။

ဈေးတက်မယ်လို့ အားလုံးယုံနေရင်
ဈေးတက်လာနိုင်ဖို့ ရှိပါလိမ့်မယ်။
အကြောင်းမှာ ယုံကြည်မှုဘယ်ကလာသလဲနှင့်
ဝယ်သူ၊ ရောင်းသူကြား သဘောတူညီမှုကြောင့် ဖြစ်ပါတယ်။

ကံ လို့လဲ ခေါင်းစဥ်တက်ကြပါတယ်။

ဒီတော့ တက်မယ် ယုံကြည်နေတယ်ဆိုရင်တော့
ကျမယ်ဆိုတာကိုလဲ သတိထားဖို့လိုပါတယ်။

ဒါကြောင့် လူတွေ ပြောပြောနေတာတွေ
လျစ်လျူမရှုပါနဲ့ အကြောင်းတွေ ရှာဖို့လိုပါတယ်။

အိမ်ခြံမြေဆိုတာက နိုင်ငံ အခြေအနေနဲ့
သုံးသပ်ဖို့ ခဲယဥ်းပါတယ်။
မြို့နယ်တစ်ခု၊ ရပ်ကွပ်တစ်ခု၊ လမ်းတစ်ခုက
အဓိက ခရာကျပါတယ်။

National ထက် Local ကပိုအရေးကြီးပါတယ်.

၄။ စတုတ္ထအချက်

နိုင်ငံရေးအပြောင်းအလဲတွေက
မြန်မာပြည်မှာဆို နိုင်ငံအကြီးပိုင်းပြောင်းလဲမှု၊
နိုင်ငံတကာနဲ့ဆိုလျင်တော့
အီရန်-အမေရိကန် အခြေအနေ။

ပုံမှန် ယူကရိန်း-ရုရှား စစ်ဖြစ်နေတာ
နှစ်နဲ့ ချီတာ မြန်မာပြည်အတွက်
ထိခိုက်မှု အရေးတကြီးမတွေ့ရပေမယ်ံ
အခု အီရန်-အမေရိကန် ဟာ ရေနံကိစ္စ
အကြီးအကျယ် ပြဿနာကြီးပါ။

ဆီပြတ်ရင် လုပ်ငန်းလည်ပတ်မှု ပြတ်နိုင်တယ်။
လုပ်ငန်းပြတ်ရင်…
အလုပ်အကိုင် အခွင့်အလမ်း ပျောက်မယ်။
ဒီမှတဆင့် အခြေခံလူတန်းစားနဲ့ လူချမ်းသာကြား
ကွာဟမှုတွေ ပိုပိုပြီးတော့ များလာမယ်။

ဒါတွေကနေ စီးပွားရေးတွေ ကျလာမယ်
အိမ်ခြံမြေ ထုတ်ရောင်းတဲ့သူရှိလာနိုင်သလို
ငွေကြေးဖောင်းပွတာကြောက်လို့
ရွှေ၊ အိမ်ခြံမြေထဲလဲ ပိုရောက်လာနိုင်တယ်။

ဒါပေမယ့် အပေါ်က Cycle ကိုတော့
မမေ့ဖို့လိုတယ်။

နိဂုန်းချုပ် အနေနဲ့ကတော့
ဈေးအမြဲတက်မယ်ဆိုတာကို မယုံနဲ့
အချက်အလက်တွေကို စောင့်ကြည့်ဖို့လိုတယ်။

#ပဲခူးအိမ်ခြံမြေ #ခေတ်သစ်အိမ်ခြံမြေ #အိမ်ခြံမြေ

06/04/2026

အိမ်ခြံမြေကို ဘယ်လိုဝယ်ရမလဲ? အပိုင်း ၁
#ပဲခူးအိမ်ခြံမြေ #ပဲခူးမြို့အိမ်ခြံမြေအရောင်းများအပ်နိုင်ပါပြီ #ခေတ်သစ်အိမ်ခြံမြေ

🟤 သမိုင်းကြောင်းအရ တည်ရှိခဲ့သလို မေ့မေ့ပျောက်ပျောက် ဖြစ်နေတဲ့ လေဆိပ်ကြီးအကြောင်း-2001 ခုနှစ်ကတည်းက ဒီလေဆိပ်ကြီးကို အကောင...
05/04/2026

🟤 သမိုင်းကြောင်းအရ တည်ရှိခဲ့သလို မေ့မေ့ပျောက်ပျောက် ဖြစ်နေတဲ့ လေဆိပ်ကြီးအကြောင်း
-
2001 ခုနှစ်ကတည်းက ဒီလေဆိပ်ကြီးကို အကောင်အထည်ဖော်ဖို့ ကြိုးစားခဲ့ရာ ၂၀၁၄ မှစ၍ ဒီလေဆိပ်ကြီးကို ပြန်လည်အသက်သွင်းဖို့ လမ်းစတစ်ခုပေါ်လာခဲ့ဖူးပါတယ်။ ပြည်တွင်းလေကြောင်းလိုင်း တစ်ခုထဲသာမက နိုင်ငံတကာလေကြောင်းလိုင်းတစ်ခု ဖြစ်ဖို့ ရည်ရွယ်ခဲ့ပါတယ်။ အကြောင်းမှာ ရန်ကုန်အပြည်ပြည်ဆိုင်ရာ လေဆိပ်ဟာ ကျဥ်းမြောင်းသည့်အပြင် ဒီလေဆိပ်ကြီးဟာ ၅ ဆ ပိုကြီးပါတယ်။

တစ်နှစ်ကို ၁၂ သန်းလောက် ခရီးသွားတွေ မှန်းထားပြီး ၂၀၁၈ လောက်မှာအပြီးသတ်ဖို့ စီမံခဲ့ပေမယ့် တကယ်တော့ လက်ရှိ ၂၀၂၆ ထိ အေးတိအေးစက်နိုင်နေတုန်းပါပဲ။ ပဲခူးသား/သူတွေပဲ ကံမကောင်းသေးတာလား မသိပေမယ့် ဒီလေယဥ်ကွင်းကြီးသာ လက်တွေ့အကောင်အထည် ဖော်နိုင်မယ်ဆိုလျင် အလုပ်အကိုင် အခွင့်အလမ်းများသာမက စီးပွားရေး၊ ကျန်းမာရေး၊ လမ်းပန်းဆက်သွယ်ရေး စတာတွေ တိုးတက်စရာတွေရှိပါတယ်.

ဒီလေယဥ်ကွင်းကြီးဟာ ယခုမှ ရှိခဲ့တာ မဟုတ်ပေမယ့် ဒုတိယကမ္ဘာစစ်ကတည်းက Royal Air Force (RAF) လို့ခေါ်တဲ့ ဗြိတိသျှ တော်ဝင်လေတပ်က အသုံးပြုခဲ့တဲ့ စစ်သုံးလေယာဉ်ကွင်းဟောင်းတစ်ခု “Pegu AirField” ဖြစ်ခဲ့ပါတယ်။ ဂျပန်တော်လှန်ရေးနဲ့ မဟာမိတ်တပ်တွေရဲ့ စစ်ဆင်ရေးတွေမှာ အရေးပါတဲ့ ထောက်ပံ့ရေးစခန်းတစ်ခု ဖြစ်ခဲ့ပါတယ်။

ဒီလေဆိပ်ဟာ ဂျပန် (JICA)၊ ကိုရီးယား (Incheon Airport) နဲ့ စင်ကာပူနိုင်ငံက ကုမ္ပဏီတွေကြားထဲမှာ တင်ဒါတွေ လက်လွှဲခဲ့ရတဲ့ သမိုင်းကြောင်းရှိပါတယ်။ အထူးသဖြင့် ဂျပန်နိုင်ငံရဲ့ အကူအညီနဲ့ ခေတ်မီတဲ့ Eco-Airport (သဘာဝပတ်ဝန်းကျင်ကို မထိခိုက်တဲ့ လေဆိပ်) အဖြစ် တည်ဆောက်ဖို့ လျာထားခဲ့တာ ဖြစ်ပါတယ်။

မြို့ခံ တစ်ချို့ပြောကြားချက်အရ ဟံသာဝတီလေဆိပ်ကြီးဖြစ်လာဖို့ Budget အပြင် မြေပြင်မှာ မဇင်းဆည်နဲ့လဲ ချိန်ညှိဖို့လိုအပ်ဦးမယ်ဖြစ်ပါတယ်။ လေယဥ်ကြီးတွေ ဆင်းသက်ပါက ဆည်ရဲ့ နံရံတွေ ခံနိုင်ရည်အပိုင်းကို မေးခွန်းထုတ်စရာလဲ ဖြစ်ပါတယ်။

(ပဲခူးမြို့မှာ အိမ်ခြံမြေ နဲ့ ပက်သက်ပြီး ဆွေးနွေးတိုင်ပင်လိုပါ ခေတ်သစ်အိမ်ခြံမြေသို့ ဆက်သွယ်လိုက်ပါ။)

#ပဲခူးအိမ်ခြံမြေ #ပဲခူးမြို့အိမ်ခြံမြေအရောင်းများအပ်နိုင်ပါပြီ #ခေတ်သစ်အိမ်ခြံမြေ

ပေါက်ဈေး သတ်မှတ်မှု (Market Price)-ပေါက်ဈေးကိုသိဖို့ ဒေတာကို စုရတယ်။ ဒါ့အပြင် အရောင်းဒေတာတွေပဲ စုရတာမဟုတ်ဘဲ ဝယ်သူ၊ ရောင...
04/04/2026

ပေါက်ဈေး သတ်မှတ်မှု (Market Price)
-
ပေါက်ဈေးကိုသိဖို့ ဒေတာကို စုရတယ်။ ဒါ့အပြင် အရောင်းဒေတာတွေပဲ စုရတာမဟုတ်ဘဲ ဝယ်သူ၊ ရောင်းသူတွေရဲ့ စိတ်နေစိတ်ထား ဘယ်လိုတွေးသလဲ၊ ရှာနေကြသလဲ ဆိုတာကိုလဲ စုဆောင်းရတယ်။

ဥပမာ ဆိုကြပါစို့ ပေါက်ဈေးက သိန်း ၁၀၀၀ ပေါက်နေလဲ ဝယ်သူက သူပေးချင်တဲ့ ဈေး သူပေးပြီး ဝယ်တာ ရှိသလို၊ ရောင်းတဲ့သူကလဲ ရောင်းချင်တဲ့ ဈေးခေါ်နေတာတွေ တွေ့ရတယ်။ ဈေးတန်း အကြောင်းနားလည်ဖို့အတွက်က ပညာရပ်လိုအပ်တယ်။

အရောင်းဒေတာတွေကို လွန်ခဲ့တဲ့ ရက်ပေါင်း ၁၈၀ အတွင်း ဒေတာတွေကို အများဆုံးစုသင့်တယ်။ ပေအကျယ်အလိုက် တစ်ပေပတ်လည်ဈေး၊ အိမ်ကောင်း၊ မကောင်း၊ လမ်းဝင်လမ်းထွက် သာ၊ မသာ၊ လမ်းမတန်း လား၊ အတွင်းလမ်းလား၊ လမ်းမမေးတင်လား၊ လမ်းကျယ်လား၊ လမ်းကျဥ်းလား စုဆောင်းပါ။ ဒါ့အပြင် အလတ်အလတ်ဈေး (Median Price) ကိုယူရမယ်။ ပျမ်းမျှဈေး (Average Price) မဟုတ်ပါဘူး။ ပြီးတော့ အရောင်းအဝယ်ဖြစ်သွားတဲ့ အိမ်ခြံမြေ ဈေးအမှန်တွေကို လဲ စုဆောင်းဖို့ လိုမယ်။ ဒါလဲပဲ ရက်ပိုင်းအတွင်း ဖြစ်ဖို့လိုတယ်။

ဒါ့အပြင် ဝယ်လိုအား၊ ရောင်းလိုအား (Supply & Demand) အခြေအနေ၊ တစ်ခု ချင်းစီရဲ့ ဝင်ငွေရလမ်းကြောင်း၊ နှစ်စဥ်ဝင်ငွေ(Income Level)၊ ဘဏ်ချိတ်နဲ့ ဝယ်သူတွေ အတွက် အတိုးနှုန်း (Interest Rate)၊ ဖွံ့ဖြိုးတိုးတက်မှု အခြေအနေ၊ နှစ်စဥ် အငှားနှုန်း (Rental Yields) နဲ့ လူတွေရဲ့ စိတ်အခြေအနေ (Human Behavior & Psychology) နဲ့ ထိန်းချုပ်ထားတာတွေ့ ရတယ်။

ဘယ်ဈေးတန်း ပေါက်နေပြီဆိုတာ ထင်မြင်ယူဆချက်သာ ဖြစ်ပြီး တကယ်တန်း ဈေးတန်းတစ်ခုကို ပေါက်တယ် မပေါက်တယ်ဆိုတာက အရောင်းအဝယ် ပြီးမြောက်ခြင်း (Deals Closing) ပြီးဆုံးမှသာ ပေါက်တယ်လို့ ခေါ်နိုင်တယ်။ ရောင်းသူလိုချင်ဈေး (Ask Price ), ဝယ်သူလိုလျင်ဈေး (Bid Price) တို့နဲ့ ပေါက် ဈေးတန်း (Market Price) တို့ကြား Gap အများကြီး မခြားဘူးဆိုလျင်တော့ ဈေးကွက်က အရောင်းအဝယ် မြန်မယ် (Fast Market), Gap ကအတော်ခြားနေမယ်ဆိုရင်တော့ နှေးမယ် (Slow Market)။

အရပ်စကားအရဆိုလျင် “ဟိုဘက်လမ်းက ဒီလောက်ခေါ်လို့ ငါတို့ ဒီဈေးတန်း သတ်မှတ်လိုက်တာ” ဆိုတာ ရောင်းသူတွေ အပြောအများဆုံး စကားဖြစ်တယ်။ အရှေ့မှာ ပြောခဲ့သလို အရောင်းဒေတာပဲ စုပြီး ပြောတာဖြစ်တယ်။ တကယ်ရော ဒီဈေးတန်းဝယ်မဲ့သူရှိရဲ့လား ဝယ်သူတွေ ရော ပေးနိုင်လား ကြည့်ဖို့လိုမယ်။

နောက်ဆုံး “ကိုယ်ချင်းစာ တရား” ငါရော​ဒီဈေးတန်းနဲ့ ဝယ်ရရင် ဝယ်နိုင်လား၊ ဒီလိုဈေးတန်းနဲ့ ဒီထက်ကောင်းတဲ့ နေရာတွေများ ဘယ်မှာ ရှိသလဲ လိုက်ကြည့်ကြည့်ပါ။ မဟုတ်လျင် အမှန်မြင်ဖို့ မလွယ်ပါဘူး။

#ပဲခူးအိမ်ခြံမြေအကျိုးဆောင်လုပ်ငန်း #ပဲခူးမြို့_ဈေးကွက်သုံးသပ်ချက် #ပဲခူးစက်မှုဇုန် #ပဲခူး #ပဲခူးအိမ်ခြံမြေ #ခေတ်သစ်အိမ်ခြံမြေ

🟤 ပဲခူးမြို့အနာဂတ်အတွက် တိုးတက်မှု ဖြစ်လာနိုင်တဲ့ ရပ်ကွက်အကြောင်း -တိုးတက်လာနိုင်ချေရှိပြီးတော့ လက်ရှိမှာ ဈေးအသက်သာ ဆုံး...
03/04/2026

🟤 ပဲခူးမြို့အနာဂတ်အတွက် တိုးတက်မှု ဖြစ်လာနိုင်တဲ့ ရပ်ကွက်အကြောင်း
-
တိုးတက်လာနိုင်ချေရှိပြီးတော့ လက်ရှိမှာ ဈေးအသက်သာ ဆုံးဖြစ်နေတဲ့ ရပ်ကွက်တွေအကြောင်း ပြောတဲ့အခါ အားလုံးသိနေမဲ့ ရပ်ကွပ်တွေ မဟုတ်နေမှာတော့ သေချာပါတယ်။ လက်ရှိနေနေပြီးတော့ ရောင်းနေတဲ့သူတွေ ဝယ်ဖို့အတွက် စိတ်ဝင်တစားရှိနေတဲ့ သူတွေလောက်ဘဲ သိဖို့ များပါလိမ့်မယ်။

ဒီရပ်ကွက်ကတော့ ပဲခူးမြို့ ဥဿာမြို့သစ်၊ ရပ်ကွက်ကြီး ၅ ထဲမှာ ပါတဲ့ ၁၅ ရပ်ကွက်၊ ၁၇ ရပ်ကွက်ဖြစ်ကြပါတယ်။ နားလည်လွယ်အောင် မြေပုံကို ပုံထဲမှာ ထည့်ပေးထားပါတယ်။ ဒီရပ်ကွက်တွေဟာ ဆည်မြောင်းလမ်း၊ ကျိုက်ပွန်ဘုရား၊ အပြည်ပြည်ဆိုင်ရာ ဟံသာဝတီလေဆိပ်၊ ၁၇ ဘောလုံးကွင်း စသဖြင့် မှတ်နိုင်ပါတယ်။

ဒီရက်ကွပ်တွေရဲ့အိမ်ခြံမြေ ဈေးနှုန်းဟာ မြေကွက်သီးသန့် ပါမစ်၊ စလစ်၊ ဂရန် များမှာ (၄၀-၆၀) တစ်ကွက်လျင် သိန်း ၁၀၀၀ ဝန်းကျင် တွေ့နိုင်ပြီး လမ်းမတန်းတွေဖြစ်တဲ့ သစ်တောရိပ်သာ လမ်းမမျိုးတွင် သိန်း ၁၈၀၀ ဝန်းကျင်ခန့် ရှိနေတာကို တွေ့ရပါတယ်။

သိန်း ၁၀၀၀ မှ ၂၀၀၀ ကြား ရှိတဲ့ ဒီနေရာတွေဟာ အနာဂတ်မှာ ဖွံ့ဖြိုးတိုးတက်လာနိုင်တဲ့ ရပ်ကွက်ဖြစ်ရခြင်း အကြောင်းမှာ စာရွက်စာတမ်း ခိုင်မာမှုရှိခြင်း၊ လေယဥ်ကွင်းစီမံကိန်း၊ စက်မှုဇုန်တို့နှင့် မနီးမဝေး ဖြစ်နေခြင်း၊ ပဲခူးမြို့ ရဲ့ အသက်သွေးကြောလမ်းတစ်လမ်းဖြစ်တဲ့ ရန်ကုန်-မန္တလေး လမ်းမကြီးတို့နဲ့ နီးနေခြင်းကြောင့်ဖြစ်သည်။

အထူးသဖြင့် သမိန်ဗရမ်းလမ်း(ကညနလမ်း) မှတဆင့် ပင်စီမီးပွိုင့် ဈေးတွင် မိမိစိတ်ကြိုက် ဈေးဝယ်နိုင်ခြင်း၊ အဓိက ကားဂိတ်ဖြင့် နီးစပ်ခြင်း၊ မြို့ထဲသို့သွားမည်ဆိုလျင် မြို့ဦးကင်းတံတားမှ တဆင့် မဂ္ဂတစ်လမ်း၊ သနပ်ပင်လမ်း၊ အင်းဝင်လမ်းတို့မှ မြို့ထဲသို့ ချိတ်ဆက်မှုကောင်းခြင်းတို့ကြောင့် ဖြစ်ပါတယ်။

ကျောင်းအဖြစ် အထက (၅) ကျောင်းကြီးနှင့် နီးစပ်ခြင်း၊ EC ကိုယ်ပိုင် အထက်တန်းကျောင်းတို့ဖြင့် နီးခြင်းကြောင့် မိသားစုမှာ ရှိတဲ့ မိမိရဲ့ ရင်သွေးငယ်များအတွက် ပညာရေး မှာ စိုးရိမ်စရာမလိုတော့ပါဘူး။ ဒါ့အပြင် ဟံသာဝတီဆေးရုံ၊ ဆွယ်တော်ဆေးရုံတို့နှင့် (၇) မိနစ်ခန့် အကွာမှာ ရှိနေတာကြောင့် ကျန်းမာရေးအရလဲ စိုးရိမ်စရာမလိုတော့ပါဘူး။

ရေမကြီး ရေမဝင်တဲ့ ရပ်ကွက်ဖြစ်တဲ့ အပြင် စာရွက်စာတမ်းများမှာ ပါမစ်၊ ဂရန် များသာတွေ့ရခြင်းကြောင့် ခိုင်မာတဲ့ စာရွက်စာတမ်း အမျိုးအစားတွေ ဖြစ်ပြီးတော့ အနာဂတ်အတွက် နေဖို့ဖြစ်ဖြစ်၊ ရင်းနှီးမြှုပ်နှံဖို့ဖြစ်ဖြစ် ခိုင်မာသေချာတဲ့ နေရာကောင်းများဖြစ်ပါတယ်။

အားသာချက်တွေပဲ ရှိနေတာမဟုတ်ဘဲ အားနည်းချက်တွေလဲ ရှိနေပါတယ်။ အဓိက မိန်းလမ်းများမှာ ကွန်ကရစ်လမ်းများဖြစ်နေသော်လမ်း အချို့ အတွင်းလမ်းများမှာ လက်ရှိအချိန်ထိ မြေသားလမ်းသာ ဖြစ်နေတုန်းပါ။ ဒါ့အပြင် လူနေနည်းနေခြင်းကြောင့် နောက် ၁ နှစ် ၂ နှစ် အတွင်းနေလိုသူများအတွက် နောက်ပိုင်း ပိုမိုစီလာနိုင်ပါတယ်။ အချို့နေရာများမှာ မီးတိုင်မရှိသေးသည့် နေရာများပင်ရှိနေပါသေးတယ်။

လူစိတ်ဝင်စားမှု နည်းနေရခြင်း အကြောင်းမှာ သမိန်ဗရမ်းလမ်း(ကညနလမ်း) ဟာ (၁) နှစ်ကျော်ကြာ လမ်းခင်းနေခြင်းကြောင့် ပါသလို ပဲခူးရဲ့ လူဦးရေ တော်တော်များများမှာ ပဲခူးမြို့ မြို့တွင်းပိုင်းနှင့် မဟာမြိုင်၊ ဗထူး၊ ရပ်ကွက်ကြီး ၁၊ မဟာစေတီ၊စသဖြင့် နေရာအများစုမှာသာ နေထိုင်ခြင်းကြောင့် ဖြစ်သည်။

-
မိတ်ဆွေအနေနဲ့ ပဲခူးမြို့မှာ အိမ်ခြံမြေရောင်းဖို့၊ ရင်းနှီးမြှုပ်နှံဖို့ တိုင်ပင်လိုတယ်ဆိုရင်တော့ ခေတ်သစ်အိမ်ခြံမြေ ရုံး (သို့) Online Meeting ဖြင့် တိုင်ပင်နိုင်ပါတယ်။
#ပဲခူးအိမ်ခြံမြေ #ပဲခူးမြို့အိမ်ခြံမြေအရောင်းများအပ်နိုင်ပါပြီ #ခေတ်သစ်အိမ်ခြံမြေ

Address

ကလျာဏီ (၂) လမ်း၊ ကလျာဏီ ရပ်ကွက်၊ ပဲခူးမြို့။
Bago
08011

Opening Hours

Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00
Sunday 09:00 - 17:00

Telephone

+959444293358

Website

Alerts

Be the first to know and let us send you an email when Khit Thit Real Estate posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Khit Thit Real Estate:

Shortcuts

Share

Category